1 מַשָּׂ֤א דְבַר־יְהוָה֙ בְּאֶ֣רֶץ חַדְרָ֔ךְ וְדַמֶּ֖שֶׂק מְנֻחָתֹ֑ו כִּ֤י לַֽיהוָה֙ עֵ֣ין אָדָ֔ם וְכֹ֖ל שִׁבְטֵ֥י יִשְׂרָאֵֽל׃ masaʾ devar־yehwah beʾerets ḥaderakhe wedameseq menuḥatow kiy layhwah ʿeyn ʾadam wekhol shiveṭey yiseraʾel׃
2 וְגַם־חֲמָ֖ת תִּגְבָּל־בָּ֑הּ צֹ֣ר וְצִידֹ֔ון כִּ֥י חָֽכְמָ֖ה מְאֹֽד׃ wegam־ḥamat tigebal־bah tsor wetsiydown kiy ḥakhemah meʾod׃
3 וַתִּ֥בֶן צֹ֛ר מָצֹ֖ור לָ֑הּ וַתִּצְבָּר־כֶּ֙סֶף֙ כֶּֽעָפָ֔ר וְחָר֖וּץ כְּטִ֥יט חוּצֹֽות׃ wativen tsor matsowr lah watitsebar־kesef keʿafar weḥaruts keṭiyṭ ḥutsowt׃
4 הִנֵּ֤ה אֲדֹנָי֙ יֹֽורִשֶׁ֔נָּה וְהִכָּ֥ה בַיָּ֖ם חֵילָ֑הּ וְהִ֖יא בָּאֵ֥שׁ תֵּאָכֵֽל׃ hineh ʾadonay yowrishenah wehikah vayam ḥeylah wehiyʾ baʾesh teʾakhel׃
5 תֵּרֶ֨א אַשְׁקְלֹ֜ון וְתִירָ֗א וְעַזָּה֙ וְתָחִ֣יל מְאֹ֔ד וְעֶקְרֹ֖ון כִּֽי־הֹבִ֣ישׁ מֶבָּטָ֑הּ וְאָ֤בַד מֶ֙לֶךְ֙ מֵֽעַזָּ֔ה וְאַשְׁקְלֹ֖ון לֹ֥א תֵשֵֽׁב׃ tereʾ ʾasheqelown wetiyraʾ weʿazah wetaḥiyl meʾod weʿeqerown kiy־hoviysh mebaṭah weʾavad melekhe meʿazah weʾasheqelown loʾ teshev׃
6 וְיָשַׁ֥ב מַמְזֵ֖ר בְּאַשְׁדֹּ֑וד וְהִכְרַתִּ֖י גְּאֹ֥ון פְּלִשְׁתִּֽים׃ weyashav mamezer beʾashedowd wehikheratiy geʾown pelishetiym׃
7 וַהֲסִרֹתִ֨י דָמָ֜יו מִפִּ֗יו וְשִׁקֻּצָיו֙ מִבֵּ֣ין שִׁנָּ֔יו וְנִשְׁאַ֥ר גַּם־ה֖וּא לֵֽאלֹהֵ֑ינוּ וְהָיָה֙ כְּאַלֻּ֣ף בִּֽיהוּדָ֔ה וְעֶקְרֹ֖ון כִּיבוּסִֽי׃ wahasirotiy damayw mipiyw weshiqutsayw mibeyn shinayw wenisheʾar gam־huʾ leʾloheynu wehayah keʾaluf biyhudah weʿeqerown kiyvusiy׃
8 וְחָנִ֨יתִי לְבֵיתִ֤י מִצָּבָה֙ מֵעֹבֵ֣ר וּמִשָּׁ֔ב וְלֹֽא־יַעֲבֹ֧ר עֲלֵיהֶ֛ם עֹ֖וד נֹגֵ֑שׂ כִּ֥י עַתָּ֖ה רָאִ֥יתִי בְעֵינָֽי׃ ס weḥaniytiy leveytiy mitsavah meʿover umishav weloʾ־yaʿavor ʿaleyhem ʿowd noges kiy ʿatah raʾiytiy veʿeynay׃ s
9 גִּילִ֨י מְאֹ֜ד בַּת־צִיֹּ֗ון הָרִ֙יעִי֙ בַּ֣ת יְרוּשָׁלִַ֔ם הִנֵּ֤ה מַלְכֵּךְ֙ יָ֣בֹוא לָ֔ךְ צַדִּ֥יק וְנֹושָׁ֖ע ה֑וּא עָנִי֙ וְרֹכֵ֣ב עַל־חֲמֹ֔ור וְעַל־עַ֖יִר בֶּן־אֲתֹנֹֽות׃ giyliy meʾod bat־tsiyown hariyʿiy bat yerushalim hineh malekekhe yavowʾ lakhe tsadiyq wenowshaʿ huʾ ʿaniy werokhev ʿal־ḥamowr weʿal־ʿayir ben־ʾatonowt׃
10 וְהִכְרַתִּי־רֶ֣כֶב מֵאֶפְרַ֗יִם וְסוּס֙ מִיר֣וּשָׁלִַ֔ם וְנִכְרְתָה֙ קֶ֣שֶׁת מִלְחָמָ֔ה וְדִבֶּ֥ר שָׁלֹ֖ום לַגֹּויִ֑ם וּמָשְׁלֹו֙ מִיָּ֣ם עַד־יָ֔ם וּמִנָּהָ֖ר עַד־אַפְסֵי־אָֽרֶץ׃ wehikheratiy־rekhev meʾeferayim wesus miyrushalim wenikheretah qeshet mileḥamah wediber shalowm lagowyim umashelow miyam ʿad־yam uminahar ʿad־ʾafesey־ʾarets׃
11 גַּם־אַ֣תְּ בְּדַם־בְּרִיתֵ֗ךְ שִׁלַּ֤חְתִּי אֲסִירַ֙יִךְ֙ מִבֹּ֔ור אֵ֥ין מַ֖יִם בֹּֽו׃ gam־ʾate bedam־beriytekhe shilaḥetiy ʾasiyrayikhe mibowr ʾeyn mayim bow׃
12 וּבוּ לְבִצָּרֹ֔ון אֲסִירֵ֖י הַתִּקְוָ֑ה גַּם־הַיֹּ֕ום מַגִּ֥יד מִשְׁנֶ֖ה אָשִׁ֥יב לָֽךְ׃ uvu levitsarown ʾasiyrey hatiqewah gam־hayowm magiyd misheneh ʾashiyv lakhe׃
13 כִּֽי־דָרַ֨כְתִּי לִ֜י יְהוּדָ֗ה קֶ֚שֶׁת מִלֵּ֣אתִי אֶפְרַ֔יִם וְעֹורַרְתִּ֤י בָנַ֙יִךְ֙ צִיֹּ֔ון עַל־בָּנַ֖יִךְ יָוָ֑ן וְשַׂמְתִּ֖יךְ כְּחֶ֥רֶב גִּבֹּֽור׃ kiy־darakhetiy liy yehudah qeshet mileʾtiy ʾeferayim weʿowraretiy vanayikhe tsiyown ʿal־banayikhe yawan wesametiykhe keḥerev gibowr׃
14 וַֽיהוָה֙ עֲלֵיהֶ֣ם יֵֽרָאֶ֔ה וְיָצָ֥א כַבָּרָ֖ק חִצֹּ֑ו וַֽאדֹנָ֤י יְהֹוִה֙ בַּשֹּׁופָ֣ר יִתְקָ֔ע וְהָלַ֖ךְ בְּסַעֲרֹ֥ות תֵּימָֽן׃ wayhwah ʿaleyhem yeraʾeh weyatsaʾ khabaraq ḥitsow waʾdonay yehowih bashowfar yiteqaʿ wehalakhe besaʿarowt teyman׃
15 יְהוָ֣ה צְבָאֹות֮ יָגֵ֣ן עֲלֵיהֶם֒ וְאָכְל֗וּ וְכָֽבְשׁוּ֙ אַבְנֵי־קֶ֔לַע וְשָׁת֥וּ הָמ֖וּ כְּמֹו־יָ֑יִן וּמָֽלְאוּ֙ כַּמִּזְרָ֔ק כְּזָוִיֹּ֖ות מִזְבֵּֽחַ׃ yehwah tsevaʾowt yagen ʿaleyhem weʾakhelu wekhaveshu ʾaveney־qelaʿ weshatu hamu kemow־yayin umaleʾu kamizeraq kezawiyowt mizebeaḥ׃
16 וְֽהֹושִׁיעָ֞ם יְהוָ֧ה אֱלֹהֵיהֶ֛ם בַּיֹּ֥ום הַה֖וּא כְּצֹ֣אן עַמֹּ֑ו כִּ֚י אַבְנֵי־נֵ֔זֶר מִֽתְנֹוסְסֹ֖ות עַל־אַדְמָתֹֽו׃ wehowshiyʿam yehwah ʾeloheyhem bayowm hahuʾ ketsoʾn ʿamow kiy ʾaveney־nezer mitenowsesowt ʿal־ʾadematow׃
17 כִּ֥י מַה־טּוּבֹ֖ו וּמַה־יָפְיֹ֑ו דָּגָן֙ בַּֽחוּרִ֔ים וְתִירֹ֖ושׁ יְנֹובֵ֥ב בְּתֻלֹֽות׃ kiy mah־ṭuvow umah־yafeyow dagan baḥuriym wetiyrowsh yenowvev betulowt׃