Nombres 2

¹ וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃ wayedaber yehwah ʾel־mosheh weʾel־ʾaharon leʾmor׃

² אִ֣ישׁ עַל־דִּגְלֹ֤ו בְאֹתֹת֙ לְבֵ֣ית אֲבֹתָ֔ם יַחֲנ֖וּ בְּנֵ֣י יִשְׂרָאֵ֑ל מִנֶּ֕גֶד סָבִ֥יב לְאֹֽהֶל־מֹועֵ֖ד יַחֲנֽוּ׃ ʾiysh ʿal־digelow veʾotot leveyt ʾavotam yaḥanu beney yiseraʾel mineged saviyv leʾohel־mowʿed yaḥanu׃

³ וְהַחֹנִים֙ קֵ֣דְמָה מִזְרָ֔חָה דֶּ֛גֶל מַחֲנֵ֥ה יְהוּדָ֖ה לְצִבְאֹתָ֑ם וְנָשִׂיא֙ לִבְנֵ֣י יְהוּדָ֔ה נַחְשֹׁ֖ון בֶּן־עַמִּינָדָֽב׃ wehaḥoniym qedemah mizeraḥah degel maḥaneh yehudah letsiveʾotam wenasiyʾ liveney yehudah naḥeshown ben־ʿamiynadav׃

⁴ וּצְבָאֹ֖ו וּפְקֻדֵיהֶ֑ם אַרְבָּעָ֧ה וְשִׁבְעִ֛ים אֶ֖לֶף וְשֵׁ֥שׁ מֵאֹֽות׃ utsevaʾow ufequdeyhem ʾarebaʿah weshiveʿiym ʾelef weshesh meʾowt׃

⁵ וְהַחֹנִ֥ים עָלָ֖יו מַטֵּ֣ה יִשָּׂשכָ֑ר וְנָשִׂיא֙ לִבְנֵ֣י יִשָּׂשכָ֔ר נְתַנְאֵ֖ל בֶּן־צוּעָֽר׃ wehaḥoniym ʿalayw maṭeh yisashkhar wenasiyʾ liveney yisashkhar netaneʾel ben־tsuʿar׃

⁶ וּצְבָאֹ֖ו וּפְקֻדָ֑יו אַרְבָּעָ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֹֽות׃ ס utsevaʾow ufequdayw ʾarebaʿah waḥamishiym ʾelef weʾarebaʿ meʾowt׃ s

⁷ מַטֵּ֖ה זְבוּלֻ֑ן וְנָשִׂיא֙ לִבְנֵ֣י זְבוּלֻ֔ן אֱלִיאָ֖ב בֶּן־חֵלֹֽן׃ maṭeh zevulun wenasiyʾ liveney zevulun ʾeliyʾav ben־ḥelon׃

⁸ וּצְבָאֹ֖ו וּפְקֻדָ֑יו שִׁבְעָ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֹֽות׃ utsevaʾow ufequdayw shiveʿah waḥamishiym ʾelef weʾarebaʿ meʾowt׃

⁹ כָּֽל־הַפְּקֻדִ֞ים לְמַחֲנֵ֣ה יְהוּדָ֗ה מְאַ֨ת אֶ֜לֶף וּשְׁמֹנִ֥ים אֶ֛לֶף וְשֵֽׁשֶׁת־אֲלָפִ֥ים וְאַרְבַּע־מֵאֹ֖ות לְצִבְאֹתָ֑ם רִאשֹׁנָ֖ה יִסָּֽעוּ׃ ס kal־hapequdiym lemaḥaneh yehudah meʾat ʾelef ushemoniym ʾelef wesheshet־ʾalafiym weʾarebaʿ־meʾowt letsiveʾotam riʾshonah yisaʿu׃ s

¹⁰ דֶּ֣גֶל מַחֲנֵ֧ה רְאוּבֵ֛ן תֵּימָ֖נָה לְצִבְאֹתָ֑ם וְנָשִׂיא֙ לִבְנֵ֣י רְאוּבֵ֔ן אֱלִיצ֖וּר בֶּן־שְׁדֵיאֽוּר׃ degel maḥaneh reʾuven teymanah letsiveʾotam wenasiyʾ liveney reʾuven ʾeliytsur ben־shedeyʾur׃

¹¹ וּצְבָאֹ֖ו וּפְקֻדָ֑יו שִׁשָּׁ֧ה וְאַרְבָּעִ֛ים אֶ֖לֶף וַחֲמֵ֥שׁ מֵאֹֽות׃ utsevaʾow ufequdayw shishah weʾarebaʿiym ʾelef waḥamesh meʾowt׃

¹² וְהַחֹונִ֥ם עָלָ֖יו מַטֵּ֣ה שִׁמְעֹ֑ון וְנָשִׂיא֙ לִבְנֵ֣י שִׁמְעֹ֔ון שְׁלֻמִיאֵ֖ל בֶּן־צוּרִֽי־שַׁדָּֽי ׃ wehaḥownim ʿalayw maṭeh shimeʿown wenasiyʾ liveney shimeʿown shelumiyʾel ben־tsuriy־shaday ׃

¹³ וּצְבָאֹ֖ו וּפְקֻדֵיהֶ֑ם תִּשְׁעָ֧ה וַחֲמִשִּׁ֛ים אֶ֖לֶף וּשְׁלֹ֥שׁ מֵאֹֽות׃ utsevaʾow ufequdeyhem tisheʿah waḥamishiym ʾelef ushelosh meʾowt׃

¹⁴ וְמַטֵּ֖ה גָּ֑ד וְנָשִׂיא֙ לִבְנֵ֣י גָ֔ד אֶלְיָסָ֖ף בֶּן־רְעוּאֵֽל׃ wemaṭeh gad wenasiyʾ liveney gad ʾeleyasaf ben־reʿuʾel׃

¹⁵ וּצְבָאֹ֖ו וּפְקֻדֵיהֶ֑ם חֲמִשָּׁ֤ה וְאַרְבָּעִים֙ אֶ֔לֶף וְשֵׁ֥שׁ מֵאֹ֖ות וַחֲמִשִּֽׁים׃ utsevaʾow ufequdeyhem ḥamishah weʾarebaʿiym ʾelef weshesh meʾowt waḥamishiym׃

¹⁶ כָּֽל־הַפְּקֻדִ֞ים לְמַחֲנֵ֣ה רְאוּבֵ֗ן מְאַ֨ת אֶ֜לֶף וְאֶחָ֨ד וַחֲמִשִּׁ֥ים אֶ֛לֶף וְאַרְבַּע־מֵאֹ֥ות וַחֲמִשִּׁ֖ים לְצִבְאֹתָ֑ם וּשְׁנִיִּ֖ם יִסָּֽעוּ׃ ס kal־hapequdiym lemaḥaneh reʾuven meʾat ʾelef weʾeḥad waḥamishiym ʾelef weʾarebaʿ־meʾowt waḥamishiym letsiveʾotam usheniyim yisaʿu׃ s

¹⁷ וְנָסַ֧ע אֹֽהֶל־מֹועֵ֛ד מַחֲנֵ֥ה הַלְוִיִּ֖ם בְּתֹ֣וךְ הַֽמַּחֲנֹ֑ת כַּאֲשֶׁ֤ר יַחֲנוּ֙ כֵּ֣ן יִסָּ֔עוּ אִ֥ישׁ עַל־יָדֹ֖ו לְדִגְלֵיהֶֽם׃ ס wenasaʿ ʾohel־mowʿed maḥaneh halewiyim betowkhe hamaḥanot kaʾasher yaḥanu ken yisaʿu ʾiysh ʿal־yadow ledigeleyhem׃ s

¹⁸ דֶּ֣גֶל מַחֲנֵ֥ה אֶפְרַ֛יִם לְצִבְאֹתָ֖ם יָ֑מָּה וְנָשִׂיא֙ לִבְנֵ֣י אֶפְרַ֔יִם אֱלִישָׁמָ֖ע בֶּן־עַמִּיהֽוּד׃ degel maḥaneh ʾeferayim letsiveʾotam yamah wenasiyʾ liveney ʾeferayim ʾeliyshamaʿ ben־ʿamiyhud׃

¹⁹ וּצְבָאֹ֖ו וּפְקֻדֵיהֶ֑ם אַרְבָּעִ֥ים אֶ֖לֶף וַחֲמֵ֥שׁ מֵאֹֽות׃ utsevaʾow ufequdeyhem ʾarebaʿiym ʾelef waḥamesh meʾowt׃

²⁰ וְעָלָ֖יו מַטֵּ֣ה מְנַשֶּׁ֑ה וְנָשִׂיא֙ לִבְנֵ֣י מְנַשֶּׁ֔ה גַּמְלִיאֵ֖ל בֶּן־פְּדָהצֽוּר׃ weʿalayw maṭeh menasheh wenasiyʾ liveney menasheh gameliyʾel ben־pedahtsur׃

²¹ וּצְבָאֹ֖ו וּפְקֻדֵיהֶ֑ם שְׁנַ֧יִם וּשְׁלֹשִׁ֛ים אֶ֖לֶף וּמָאתָֽיִם׃ utsevaʾow ufequdeyhem shenayim usheloshiym ʾelef umaʾtayim׃

²² וּמַטֵּ֖ה בִּנְיָמִ֑ן וְנָשִׂיא֙ לִבְנֵ֣י בִנְיָמִ֔ן אֲבִידָ֖ן בֶּן־גִּדְעֹנִֽי׃ umaṭeh bineyamin wenasiyʾ liveney vineyamin ʾaviydan ben־gideʿoniy׃

²³ וּצְבָאֹ֖ו וּפְקֻדֵיהֶ֑ם חֲמִשָּׁ֧ה וּשְׁלֹשִׁ֛ים אֶ֖לֶף וְאַרְבַּ֥ע מֵאֹֽות׃ utsevaʾow ufequdeyhem ḥamishah usheloshiym ʾelef weʾarebaʿ meʾowt׃

²⁴ כָּֽל־הַפְּקֻדִ֞ים לְמַחֲנֵ֣ה אֶפְרַ֗יִם מְאַ֥ת אֶ֛לֶף וּשְׁמֹֽנַת־אֲלָפִ֥ים וּמֵאָ֖ה לְצִבְאֹתָ֑ם וּשְׁלִשִׁ֖ים יִסָּֽעוּ׃ ס kal־hapequdiym lemaḥaneh ʾeferayim meʾat ʾelef ushemonat־ʾalafiym umeʾah letsiveʾotam ushelishiym yisaʿu׃ s

²⁵ דֶּ֣גֶל מַחֲנֵ֥ה דָ֛ן צָפֹ֖נָה לְצִבְאֹתָ֑ם וְנָשִׂיא֙ לִבְנֵ֣י דָ֔ן אֲחִיעֶ֖זֶר בֶּן־עַמִּֽישַׁדָּֽי׃ degel maḥaneh dan tsafonah letsiveʾotam wenasiyʾ liveney dan ʾaḥiyʿezer ben־ʿamiyshaday׃

²⁶ וּצְבָאֹ֖ו וּפְקֻדֵיהֶ֑ם שְׁנַ֧יִם וְשִׁשִּׁ֛ים אֶ֖לֶף וּשְׁבַ֥ע מֵאֹֽות׃ utsevaʾow ufequdeyhem shenayim weshishiym ʾelef ushevaʿ meʾowt׃

²⁷ וְהַחֹנִ֥ים עָלָ֖יו מַטֵּ֣ה אָשֵׁ֑ר וְנָשִׂיא֙ לִבְנֵ֣י אָשֵׁ֔ר פַּגְעִיאֵ֖ל בֶּן־עָכְרָֽן׃ wehaḥoniym ʿalayw maṭeh ʾasher wenasiyʾ liveney ʾasher pageʿiyʾel ben־ʿakheran׃

²⁸ וּצְבָאֹ֖ו וּפְקֻדֵיהֶ֑ם אֶחָ֧ד וְאַרְבָּעִ֛ים אֶ֖לֶף וַחֲמֵ֥שׁ מֵאֹֽות׃ utsevaʾow ufequdeyhem ʾeḥad weʾarebaʿiym ʾelef waḥamesh meʾowt׃

²⁹ וּמַטֵּ֖ה נַפְתָּלִ֑י וְנָשִׂיא֙ לִבְנֵ֣י נַפְתָּלִ֔י אֲחִירַ֖ע בֶּן־עֵינָֽן׃ umaṭeh nafetaliy wenasiyʾ liveney nafetaliy ʾaḥiyraʿ ben־ʿeynan׃

³⁰ וּצְבָאֹ֖ו וּפְקֻדֵיהֶ֑ם שְׁלֹשָׁ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֹֽות׃ utsevaʾow ufequdeyhem sheloshah waḥamishiym ʾelef weʾarebaʿ meʾowt׃

³¹ כָּל־הַפְּקֻדִים֙ לְמַ֣חֲנֵה דָ֔ן מְאַ֣ת אֶ֗לֶף וְשִׁבְעָ֧ה וַחֲמִשִּׁ֛ים אֶ֖לֶף וְשֵׁ֣שׁ מֵאֹ֑ות לָאַחֲרֹנָ֥ה יִסְע֖וּ לְדִגְלֵיהֶֽם׃ פ kal־hapequdiym lemaḥaneh dan meʾat ʾelef weshiveʿah waḥamishiym ʾelef weshesh meʾowt laʾaḥaronah yiseʿu ledigeleyhem׃ f

³² אֵ֛לֶּה פְּקוּדֵ֥י בְנֵֽי־יִשְׂרָאֵ֖ל לְבֵ֣ית אֲבֹתָ֑ם כָּל־פְּקוּדֵ֤י הַֽמַּחֲנֹת֙ לְצִבְאֹתָ֔ם שֵׁשׁ־מֵאֹ֥ות אֶ֙לֶף֙ וּשְׁלֹ֣שֶׁת אֲלָפִ֔ים וַחֲמֵ֥שׁ מֵאֹ֖ות וַחֲמִשִּֽׁים׃ ʾeleh pequdey veney־yiseraʾel leveyt ʾavotam kal־pequdey hamaḥanot letsiveʾotam shesh־meʾowt ʾelef usheloshet ʾalafiym waḥamesh meʾowt waḥamishiym׃

³³ וְהַ֨לְוִיִּ֔ם לֹ֣א הָתְפָּקְד֔וּ בְּתֹ֖וךְ בְּנֵ֣י יִשְׂרָאֵ֑ל כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ wehalewiyim loʾ hatepaqedu betowkhe beney yiseraʾel kaʾasher tsiuah yehwah ʾet־mosheh׃

³⁴ וַֽיַּעֲשׂ֖וּ בְּנֵ֣י יִשְׂרָאֵ֑ל כְּ֠כֹל אֲשֶׁר־צִוָּ֨ה יְהוָ֜ה אֶת־מֹשֶׁ֗ה כֵּֽן־חָנ֤וּ לְדִגְלֵיהֶם֙ וְכֵ֣ן נָסָ֔עוּ אִ֥ישׁ לְמִשְׁפְּחֹתָ֖יו עַל־בֵּ֥ית אֲבֹתָֽיו׃ wayaʿasu beney yiseraʾel kekhol ʾasher־tsiuah yehwah ʾet־mosheh ken־ḥanu ledigeleyhem wekhen nasaʿu ʾiysh lemishepeḥotayw ʿal־beyt ʾavotayw׃