Ésaïe 26

¹ בַּיֹּ֣ום הַה֔וּא יוּשַׁ֥ר הַשִּׁיר־הַזֶּ֖ה בְּאֶ֣רֶץ יְהוּדָ֑ה עִ֣יר עָז־לָ֔נוּ יְשׁוּעָ֥ה יָשִׁ֖ית חֹומֹ֥ות וָחֵֽל׃ bayowm hahuʾ yushar hashiyr־hazeh beʾerets yehudah ʿiyr ʿaz־lanu yeshuʿah yashiyt ḥowmowt waḥel׃

² פִּתְח֖וּ שְׁעָרִ֑ים וְיָבֹ֥א גֹוי־צַדִּ֖יק שֹׁמֵ֥ר אֱמֻנִֽים׃ piteḥu sheʿariym weyavoʾ gowy־tsadiyq shomer ʾemuniym׃

³ יֵ֣צֶר סָמ֔וּךְ תִּצֹּ֖ר שָׁלֹ֣ום ׀ שָׁלֹ֑ום כִּ֥י בְךָ֖ בָּטֽוּחַ׃ yetser samukhe titsor shalowm ׀ shalowm kiy vekha baṭuaḥ׃

⁴ בִּטְח֥וּ בַֽיהוָ֖ה עֲדֵי־עַ֑ד כִּ֚י בְּיָ֣הּ יְהוָ֔ה צ֖וּר עֹולָמִֽים׃ biṭeḥu vayhwah ʿadey־ʿad kiy beyah yehwah tsur ʿowlamiym׃

⁵ כִּ֤י הֵשַׁח֙ יֹשְׁבֵ֣י מָרֹ֔ום קִרְיָ֖ה נִשְׂגָּבָ֑ה יַשְׁפִּילֶ֤נָּה יַשְׁפִּילָהּ֙ עַד־אֶ֔רֶץ יַגִּיעֶ֖נָּה עַד־עָפָֽר׃ kiy heshaḥ yoshevey marowm qireyah nisegavah yashepiylenah yashepiylah ʿad־ʾerets yagiyʿenah ʿad־ʿafar׃

⁶ תִּרְמְסֶ֖נָּה רָ֑גֶל רַגְלֵ֥י עָנִ֖י פַּעֲמֵ֥י דַלִּֽים׃ tiremesenah ragel rageley ʿaniy paʿamey daliym׃

⁷ אֹ֥רַח לַצַּדִּ֖יק מֵֽישָׁרִ֑ים יָשָׁ֕ר מַעְגַּ֥ל צַדִּ֖יק תְּפַלֵּֽס׃ ʾoraḥ latsadiyq meyshariym yashar maʿegal tsadiyq tefales׃

⁸ אַ֣ף אֹ֧רַח מִשְׁפָּטֶ֛יךָ יְהוָ֖ה קִוִּינ֑וּךָ לְשִׁמְךָ֥ וּֽלְזִכְרְךָ֖ תַּאֲוַת־נָֽפֶשׁ׃ ʾaf ʾoraḥ mishepaṭeykha yehwah qiuiynukha leshimekha ulezikherekha taʾawat־nafesh׃

⁹ נַפְשִׁ֤י אִוִּיתִ֙יךָ֙ בַּלַּ֔יְלָה אַף־רוּחִ֥י בְקִרְבִּ֖י אֲשַֽׁחֲרֶ֑ךָּ כִּ֞י כַּאֲשֶׁ֤ר מִשְׁפָּטֶ֙יךָ֙ לָאָ֔רֶץ צֶ֥דֶק לָמְד֖וּ יֹשְׁבֵ֥י תֵבֵֽל׃ nafeshiy ʾiuiytiykha balayelah ʾaf־ruḥiy veqirebiy ʾashaḥareka kiy kaʾasher mishepaṭeykha laʾarets tsedeq lamedu yoshevey tevel׃

¹⁰ יֻחַ֤ן רָשָׁע֙ בַּל־לָמַ֣ד צֶ֔דֶק בְּאֶ֥רֶץ נְכֹחֹ֖ות יְעַוֵּ֑ל וּבַל־יִרְאֶ֖ה גֵּא֥וּת יְהוָֽה׃ ס yuḥan rashaʿ bal־lamad tsedeq beʾerets nekhoḥowt yeʿauel uval־yireʾeh geʾut yehwah׃ s

¹¹ יְהוָ֛ה רָ֥מָה יָדְךָ֖ בַּל־יֶחֱזָי֑וּן יֶחֱז֤וּ וְיֵבֹ֙שׁוּ֙ קִנְאַת־עָ֔ם אַף־אֵ֖שׁ צָרֶ֥יךָ תֹאכְלֵֽם׃ ס yehwah ramah yadekha bal־yeḥezayun yeḥezu weyevoshu qineʾat־ʿam ʾaf־ʾesh tsareykha toʾkhelem׃ s

¹² יְהוָ֕ה תִּשְׁפֹּ֥ת שָׁלֹ֖ום לָ֑נוּ כִּ֛י גַּ֥ם כָּֽל־מַעֲשֵׂ֖ינוּ פָּעַ֥לְתָּ לָּֽנוּ׃ yehwah tishepot shalowm lanu kiy gam kal־maʿaseynu paʿaleta lanu׃

¹³ יְהוָ֣ה אֱלֹהֵ֔ינוּ בְּעָל֥וּנוּ אֲדֹנִ֖ים זֽוּלָתֶ֑ךָ לְבַד־בְּךָ֖ נַזְכִּ֥יר שְׁמֶֽךָ׃ yehwah ʾeloheynu beʿalunu ʾadoniym zulatekha levad־bekha nazekiyr shemekha׃

¹⁴ מֵתִים֙ בַּל־יִחְי֔וּ רְפָאִ֖ים בַּל־יָקֻ֑מוּ לָכֵ֤ן פָּקַ֙דְתָּ֙ וַתַּשְׁמִידֵ֔ם וַתְּאַבֵּ֥ד כָּל־זֵ֖כֶר לָֽמֹו׃ metiym bal־yiḥeyu refaʾiym bal־yaqumu lakhen paqadeta watashemiydem wateʾabed kal־zekher lamow׃

¹⁵ יָסַ֤פְתָּ לַגֹּוי֙ יְהוָ֔ה יָסַ֥פְתָּ לַגֹּ֖וי נִכְבָּ֑דְתָּ רִחַ֖קְתָּ כָּל־קַצְוֵי־אָֽרֶץ׃ yasafeta lagowy yehwah yasafeta lagowy nikhebadeta riḥaqeta kal־qatsewey־ʾarets׃

¹⁶ יְהוָ֖ה בַּצַּ֣ר פְּקָד֑וּךָ צָק֣וּן לַ֔חַשׁ מוּסָרְךָ֖ לָֽמֹו׃ yehwah batsar peqadukha tsaqun laḥash musarekha lamow׃

¹⁷ כְּמֹ֤ו הָרָה֙ תַּקְרִ֣יב לָלֶ֔דֶת תָּחִ֥יל תִּזְעַ֖ק בַּחֲבָלֶ֑יהָ כֵּ֛ן הָיִ֥ינוּ מִפָּנֶ֖יךָ יְהוָֽה׃ kemow harah taqeriyv laledet taḥiyl tizeʿaq baḥavaleyha ken hayiynu mipaneykha yehwah׃

¹⁸ הָרִ֣ינוּ חַ֔לְנוּ כְּמֹ֖ו יָלַ֣דְנוּ ר֑וּחַ יְשׁוּעֹת֙ בַּל־נַ֣עֲשֶׂה אֶ֔רֶץ וּבַֽל־יִפְּל֖וּ יֹשְׁבֵ֥י תֵבֵֽל׃ hariynu ḥalenu kemow yaladenu ruaḥ yeshuʿot bal־naʿaseh ʾerets uval־yipelu yoshevey tevel׃

¹⁹ יִֽחְי֣וּ מֵתֶ֔יךָ נְבֵלָתִ֖י יְקוּמ֑וּן הָקִ֨יצוּ וְרַנְּנ֜וּ שֹׁכְנֵ֣י עָפָ֗ר כִּ֣י טַ֤ל אֹורֹת֙ טַלֶּ֔ךָ וָאָ֖רֶץ רְפָאִ֥ים תַּפִּֽיל׃ ס yiḥeyu meteykha nevelatiy yequmun haqiytsu weranenu shokheney ʿafar kiy ṭal ʾowrot ṭalekha waʾarets refaʾiym tapiyl׃ s

²⁰ לֵ֤ךְ עַמִּי֙ בֹּ֣א בַחֲדָרֶ֔יךָ וּֽסְגֹ֥ר [דְּלָתֶיךָ כ] (דְּלָתְךָ֖ ק) בַּעֲדֶ֑ךָ חֲבִ֥י כִמְעַט־רֶ֖גַע עַד־ [יַעֲבֹור כ] (יַעֲבָר־זָֽעַם׃ ק) lekhe ʿamiy boʾ vaḥadareykha usegor [delateykha kh] (delatekha q) baʿadekha ḥaviy khimeʿaṭ־regaʿ ʿad־ [yaʿavowr kh] (yaʿavar־zaʿam׃ q)

²¹ כִּֽי־הִנֵּ֤ה יְהוָה֙ יֹצֵ֣א מִמְּקֹומֹ֔ו לִפְקֹ֛ד עֲוֹ֥ן יֹֽשֵׁב־הָאָ֖רֶץ עָלָ֑יו וְגִלְּתָ֤ה הָאָ֙רֶץ֙ אֶת־דָּמֶ֔יהָ וְלֹֽא־תְכַסֶּ֥ה עֹ֖וד עַל־הֲרוּגֶֽיהָ׃ ס kiy־hineh yehwah yotseʾ mimeqowmow lifeqod ʿaon yoshev־haʾarets ʿalayw wegiletah haʾarets ʾet־dameyha weloʾ־tekhaseh ʿowd ʿal־harugeyha׃ s