1 אֵ֜לֶּה מַסְעֵ֣י בְנֵֽי־יִשְׂרָאֵ֗ל אֲשֶׁ֥ר יָצְא֛וּ מֵאֶ֥רֶץ מִצְרַ֖יִם לְצִבְאֹתָ֑ם בְּיַד־מֹשֶׁ֖ה וְאַהֲרֹֽן׃ ʾeleh maseʿey veney־yiseraʾel ʾasher yatseʾu meʾerets mitserayim letsiveʾotam beyad־mosheh weʾaharon׃
2 וַיִּכְתֹּ֨ב מֹשֶׁ֜ה אֶת־מֹוצָאֵיהֶ֛ם לְמַסְעֵיהֶ֖ם עַל־פִּ֣י יְהוָ֑ה וְאֵ֥לֶּה מַסְעֵיהֶ֖ם לְמֹוצָאֵיהֶֽם׃ wayikhetov mosheh ʾet־mowtsaʾeyhem lemaseʿeyhem ʿal־piy yehwah weʾeleh maseʿeyhem lemowtsaʾeyhem׃
3 וַיִּסְע֤וּ מֵֽרַעְמְסֵס֙ בַּחֹ֣דֶשׁ הָרִאשֹׁ֔ון בַּחֲמִשָּׁ֥ה עָשָׂ֛ר יֹ֖ום לַחֹ֣דֶשׁ הָרִאשֹׁ֑ון מִֽמָּחֳרַ֣ת הַפֶּ֗סַח יָצְא֤וּ בְנֵֽי־יִשְׂרָאֵל֙ בְּיָ֣ד רָמָ֔ה לְעֵינֵ֖י כָּל־מִצְרָֽיִם׃ wayiseʿu meraʿemeses baḥodesh hariʾshown baḥamishah ʿasar yowm laḥodesh hariʾshown mimaḥorat hapesaḥ yatseʾu veney־yiseraʾel beyad ramah leʿeyney kal־mitserayim׃
4 וּמִצְרַ֣יִם מְקַבְּרִ֗ים אֵת֩ אֲשֶׁ֨ר הִכָּ֧ה יְהוָ֛ה בָּהֶ֖ם כָּל־בְּכֹ֑ור וּבֵאלֹ֣הֵיהֶ֔ם עָשָׂ֥ה יְהוָ֖ה שְׁפָטִֽים׃ umitserayim meqaberiym ʾet ʾasher hikah yehwah bahem kal־bekhowr uveʾloheyhem ʿasah yehwah shefaṭiym׃
5 וַיִּסְע֥וּ בְנֵֽי־יִשְׂרָאֵ֖ל מֵרַעְמְסֵ֑ס וַֽיַּחֲנ֖וּ בְּסֻכֹּֽת׃ wayiseʿu veney־yiseraʾel meraʿemeses wayaḥanu besukot׃
6 וַיִּסְע֖וּ מִסֻּכֹּ֑ת וַיַּחֲנ֣וּ בְאֵתָ֔ם אֲשֶׁ֖ר בִּקְצֵ֥ה הַמִּדְבָּֽר׃ wayiseʿu misukot wayaḥanu veʾetam ʾasher biqetseh hamidebar׃
7 וַיִּסְעוּ֙ מֵֽאֵתָ֔ם וַיָּ֙שָׁב֙ עַל־פִּ֣י הַחִירֹ֔ת אֲשֶׁ֥ר עַל־פְּנֵ֖י בַּ֣עַל צְפֹ֑ון וַֽיַּחֲנ֖וּ לִפְנֵ֥י מִגְדֹּֽל׃ wayiseʿu meʾetam wayashav ʿal־piy haḥiyrot ʾasher ʿal־peney baʿal tsefown wayaḥanu lifeney migedol׃
8 וַיִּסְעוּ֙ מִפְּנֵ֣י הַֽחִירֹ֔ת וַיַּֽעַבְר֥וּ בְתֹוךְ־הַיָּ֖ם הַמִּדְבָּ֑רָה וַיֵּ֨לְכ֜וּ דֶּ֣רֶךְ שְׁלֹ֤שֶׁת יָמִים֙ בְּמִדְבַּ֣ר אֵתָ֔ם וַֽיַּחֲנ֖וּ בְּמָרָֽה׃ wayiseʿu mipeney haḥiyrot wayaʿaveru vetowkhe־hayam hamidebarah wayelekhu derekhe sheloshet yamiym bemidebar ʾetam wayaḥanu bemarah׃
9 וַיִּסְעוּ֙ מִמָּרָ֔ה וַיָּבֹ֖אוּ אֵילִ֑מָה וּ֠בְאֵילִם שְׁתֵּ֣ים עֶשְׂרֵ֞ה עֵינֹ֥ת מַ֛יִם וְשִׁבְעִ֥ים תְּמָרִ֖ים וַיַּחֲנוּ־שָֽׁם׃ wayiseʿu mimarah wayavoʾu ʾeylimah uveʾeylim sheteym ʿesereh ʿeynot mayim weshiveʿiym temariym wayaḥanu־sham׃
10 וַיִּסְע֖וּ מֵאֵילִ֑ם וַֽיַּחֲנ֖וּ עַל־יַם־סֽוּף׃ wayiseʿu meʾeylim wayaḥanu ʿal־yam־suf׃
11 וַיִּסְע֖וּ מִיַּם־ס֑וּף וַֽיַּחֲנ֖וּ בְּמִדְבַּר־סִֽין׃ wayiseʿu miyam־suf wayaḥanu bemidebar־siyn׃
12 וַיִּסְע֖וּ מִמִּדְבַּר־סִ֑ין וַֽיַּחֲנ֖וּ בְּדָפְקָֽה׃ wayiseʿu mimidebar־siyn wayaḥanu bedafeqah׃
13 וַיִּסְע֖וּ מִדָּפְקָ֑ה וַֽיַּחֲנ֖וּ בְּאָלֽוּשׁ׃ wayiseʿu midafeqah wayaḥanu beʾalush׃
14 וַיִּסְע֖וּ מֵאָל֑וּשׁ וַֽיַּחֲנוּ֙ בִּרְפִידִ֔ם וְלֹא־הָ֨יָה שָׁ֥ם מַ֛יִם לָעָ֖ם לִשְׁתֹּֽות׃ wayiseʿu meʾalush wayaḥanu birefiydim weloʾ־hayah sham mayim laʿam lishetowt׃
15 וַיִּסְע֖וּ מֵרְפִידִ֑ם וַֽיַּחֲנ֖וּ בְּמִדְבַּ֥ר סִינָֽי׃ wayiseʿu merefiydim wayaḥanu bemidebar siynay׃
16 וַיִּסְע֖וּ מִמִּדְבַּ֣ר סִינָ֑י וַֽיַּחֲנ֖וּ בְּקִבְרֹ֥ת הַֽתַּאֲוָֽה׃ wayiseʿu mimidebar siynay wayaḥanu beqiverot hataʾawah׃
17 וַיִּסְע֖וּ מִקִּבְרֹ֣ת הַֽתַּאֲוָ֑ה וַֽיַּחֲנ֖וּ בַּחֲצֵרֹֽת׃ wayiseʿu miqiverot hataʾawah wayaḥanu baḥatserot׃
18 וַיִּסְע֖וּ מֵחֲצֵרֹ֑ת וַֽיַּחֲנ֖וּ בְּרִתְמָֽה׃ wayiseʿu meḥatserot wayaḥanu beritemah׃
19 וַיִּסְע֖וּ מֵרִתְמָ֑ה וַֽיַּחֲנ֖וּ בְּרִמֹּ֥ן פָּֽרֶץ׃ wayiseʿu meritemah wayaḥanu berimon parets׃
20 וַיִּסְע֖וּ מֵרִמֹּ֣ן פָּ֑רֶץ וַֽיַּחֲנ֖וּ בְּלִבְנָֽה׃ wayiseʿu merimon parets wayaḥanu belivenah׃
21 וַיִּסְע֖וּ מִלִּבְנָ֑ה וַֽיַּחֲנ֖וּ בְּרִסָּֽה׃ wayiseʿu milivenah wayaḥanu berisah׃
22 וַיִּסְע֖וּ מֵרִסָּ֑ה וַֽיַּחֲנ֖וּ בִּקְהֵלָֽתָה׃ wayiseʿu merisah wayaḥanu biqehelatah׃
23 וַיִּסְע֖וּ מִקְּהֵלָ֑תָה וַֽיַּחֲנ֖וּ בְּהַר־שָֽׁפֶר׃ wayiseʿu miqehelatah wayaḥanu behar־shafer׃
24 וַיִּסְע֖וּ מֵֽהַר־שָׁ֑פֶר וַֽיַּחֲנ֖וּ בַּחֲרָדָֽה׃ wayiseʿu mehar־shafer wayaḥanu baḥaradah׃
25 וַיִּסְע֖וּ מֵחֲרָדָ֑ה וַֽיַּחֲנ֖וּ בְּמַקְהֵלֹֽת׃ wayiseʿu meḥaradah wayaḥanu bemaqehelot׃
26 וַיִּסְע֖וּ מִמַּקְהֵלֹ֑ת וַֽיַּחֲנ֖וּ בְּתָֽחַת׃ wayiseʿu mimaqehelot wayaḥanu betaḥat׃
27 וַיִּסְע֖וּ מִתָּ֑חַת וַֽיַּחֲנ֖וּ בְּתָֽרַח׃ wayiseʿu mitaḥat wayaḥanu betaraḥ׃
28 וַיִּסְע֖וּ מִתָּ֑רַח וַֽיַּחֲנ֖וּ בְּמִתְקָֽה׃ wayiseʿu mitaraḥ wayaḥanu bemiteqah׃
29 וַיִּסְע֖וּ מִמִּתְקָ֑ה וַֽיַּחֲנ֖וּ בְּחַשְׁמֹנָֽה׃ wayiseʿu mimiteqah wayaḥanu beḥashemonah׃
30 וַיִּסְע֖וּ מֵֽחַשְׁמֹנָ֑ה וַֽיַּחֲנ֖וּ בְּמֹסֵרֹֽות׃ wayiseʿu meḥashemonah wayaḥanu bemoserowt׃
31 וַיִּסְע֖וּ מִמֹּסֵרֹ֑ות וַֽיַּחֲנ֖וּ בִּבְנֵ֥י יַעֲקָֽן׃ wayiseʿu mimoserowt wayaḥanu biveney yaʿaqan׃
32 וַיִּסְע֖וּ מִבְּנֵ֣י יַעֲקָ֑ן וַֽיַּחֲנ֖וּ בְּחֹ֥ר הַגִּדְגָּֽד׃ wayiseʿu mibeney yaʿaqan wayaḥanu beḥor hagidegad׃
33 וַיִּסְע֖וּ מֵחֹ֣ר הַגִּדְגָּ֑ד וַֽיַּחֲנ֖וּ בְּיָטְבָֽתָה׃ wayiseʿu meḥor hagidegad wayaḥanu beyaṭevatah׃
34 וַיִּסְע֖וּ מִיָּטְבָ֑תָה וַֽיַּחֲנ֖וּ בְּעַבְרֹנָֽה׃ wayiseʿu miyaṭevatah wayaḥanu beʿaveronah׃
35 וַיִּסְע֖וּ מֵֽעַבְרֹנָ֑ה וַֽיַּחֲנ֖וּ בְּעֶצְיֹ֥ון גָּֽבֶר׃ wayiseʿu meʿaveronah wayaḥanu beʿetseyown gaver׃
36 וַיִּסְע֖וּ מֵעֶצְיֹ֣ון גָּ֑בֶר וַיַּחֲנ֥וּ בְמִדְבַּר־צִ֖ן הִ֥וא קָדֵֽשׁ׃ wayiseʿu meʿetseyown gaver wayaḥanu vemidebar־tsin hiwʾ qadesh׃
37 וַיִּסְע֖וּ מִקָּדֵ֑שׁ וַֽיַּחֲנוּ֙ בְּהֹ֣ר הָהָ֔ר בִּקְצֵ֖ה אֶ֥רֶץ אֱדֹֽום׃ wayiseʿu miqadesh wayaḥanu behor hahar biqetseh ʾerets ʾedowm׃
38 וַיַּעַל֩ אַהֲרֹ֨ן הַכֹּהֵ֜ן אֶל־הֹ֥ר הָהָ֛ר עַל־פִּ֥י יְהוָ֖ה וַיָּ֣מָת שָׁ֑ם בִּשְׁנַ֣ת הָֽאַרְבָּעִ֗ים לְצֵ֤את בְּנֵֽי־יִשְׂרָאֵל֙ מֵאֶ֣רֶץ מִצְרַ֔יִם בַּחֹ֥דֶשׁ הַחֲמִישִׁ֖י בְּאֶחָ֥ד לַחֹֽדֶשׁ׃ wayaʿal ʾaharon hakohen ʾel־hor hahar ʿal־piy yehwah wayamat sham bishenat haʾarebaʿiym letseʾt beney־yiseraʾel meʾerets mitserayim baḥodesh haḥamiyshiy beʾeḥad laḥodesh׃
39 וְאַהֲרֹ֔ן בֶּן־שָׁלֹ֧שׁ וְעֶשְׂרִ֛ים וּמְאַ֖ת שָׁנָ֑ה בְּמֹתֹ֖ו בְּהֹ֥ר הָהָֽר׃ ס weʾaharon ben־shalosh weʿeseriym umeʾat shanah bemotow behor hahar׃ s
40 וַיִּשְׁמַ֗ע הַֽכְּנַעֲנִי֙ מֶ֣לֶךְ עֲרָ֔ד וְהֽוּא־יֹשֵׁ֥ב בַּנֶּ֖גֶב בְּאֶ֣רֶץ כְּנָ֑עַן בְּבֹ֖א בְּנֵ֥י יִשְׂרָאֵֽל׃ wayishemaʿ hakenaʿaniy melekhe ʿarad wehuʾ־yoshev banegev beʾerets kenaʿan bevoʾ beney yiseraʾel׃
41 וַיִּסְע֖וּ מֵהֹ֣ר הָהָ֑ר וַֽיַּחֲנ֖וּ בְּצַלְמֹנָֽה׃ wayiseʿu mehor hahar wayaḥanu betsalemonah׃
42 וַיִּסְע֖וּ מִצַּלְמֹנָ֑ה וַֽיַּחֲנ֖וּ בְּפוּנֹֽן׃ wayiseʿu mitsalemonah wayaḥanu befunon׃
43 וַיִּסְע֖וּ מִפּוּנֹ֑ן וַֽיַּחֲנ֖וּ בְּאֹבֹֽת׃ wayiseʿu mipunon wayaḥanu beʾovot׃
44 וַיִּסְע֖וּ מֵאֹבֹ֑ת וַֽיַּחֲנ֛וּ בְּעִיֵּ֥י הָעֲבָרִ֖ים בִּגְב֥וּל מֹואָֽב׃ wayiseʿu meʾovot wayaḥanu beʿiyey haʿavariym bigevul mowʾav׃
45 וַיִּסְע֖וּ מֵעִיִּ֑ים וַֽיַּחֲנ֖וּ בְּדִיבֹ֥ן גָּֽד׃ wayiseʿu meʿiyiym wayaḥanu bediyvon gad׃
46 וַיִּסְע֖וּ מִדִּיבֹ֣ן גָּ֑ד וַֽיַּחֲנ֖וּ בְּעַלְמֹ֥ן דִּבְלָתָֽיְמָה׃ wayiseʿu midiyvon gad wayaḥanu beʿalemon divelatayemah׃
47 וַיִּסְע֖וּ מֵעַלְמֹ֣ן דִּבְלָתָ֑יְמָה וַֽיַּחֲנ֛וּ בְּהָרֵ֥י הָעֲבָרִ֖ים לִפְנֵ֥י נְבֹֽו׃ wayiseʿu meʿalemon divelatayemah wayaḥanu beharey haʿavariym lifeney nevow׃
48 וַיִּסְע֖וּ מֵהָרֵ֣י הָעֲבָרִ֑ים וַֽיַּחֲנוּ֙ בְּעַֽרְבֹ֣ת מֹואָ֔ב עַ֖ל יַרְדֵּ֥ן יְרֵחֹֽו׃ wayiseʿu meharey haʿavariym wayaḥanu beʿarevot mowʾav ʿal yareden yereḥow׃
49 וַיַּחֲנ֤וּ עַל־הַיַּרְדֵּן֙ מִבֵּ֣ית הַיְשִׁמֹ֔ת עַ֖ד אָבֵ֣ל הַשִּׁטִּ֑ים בְּעַֽרְבֹ֖ת מֹואָֽב׃ ס wayaḥanu ʿal־hayareden mibeyt hayeshimot ʿad ʾavel hashiṭiym beʿarevot mowʾav׃ s
50 וַיְדַבֵּ֧ר יְהוָ֛ה אֶל־מֹשֶׁ֖ה בְּעַֽרְבֹ֣ת מֹואָ֑ב עַל־יַרְדֵּ֥ן יְרֵחֹ֖ו לֵאמֹֽר׃ wayedaber yehwah ʾel־mosheh beʿarevot mowʾav ʿal־yareden yereḥow leʾmor׃
51 דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם כִּ֥י אַתֶּ֛ם עֹבְרִ֥ים אֶת־הַיַּרְדֵּ֖ן אֶל־אֶ֥רֶץ כְּנָֽעַן׃ daber ʾel־beney yiseraʾel weʾamareta ʾalehem kiy ʾatem ʿoveriym ʾet־hayareden ʾel־ʾerets kenaʿan׃
52 וְהֹ֨ורַשְׁתֶּ֜ם אֶת־כָּל־יֹשְׁבֵ֤י הָאָ֙רֶץ֙ מִפְּנֵיכֶ֔ם וְאִ֨בַּדְתֶּ֔ם אֵ֖ת כָּל־מַשְׂכִּיֹּתָ֑ם וְאֵ֨ת כָּל־צַלְמֵ֤י מַסֵּֽכֹתָם֙ תְּאַבֵּ֔דוּ וְאֵ֥ת כָּל־בָּמֹתָ֖ם תַּשְׁמִֽידוּ׃ wehowrashetem ʾet־kal־yoshevey haʾarets mipeneykhem weʾibadetem ʾet kal־masekiyotam weʾet kal־tsalemey masekhotam teʾabedu weʾet kal־bamotam tashemiydu׃
53 וְהֹורַשְׁתֶּ֥ם אֶת־הָאָ֖רֶץ וִֽישַׁבְתֶּם־בָּ֑הּ כִּ֥י לָכֶ֛ם נָתַ֥תִּי אֶת־הָאָ֖רֶץ לָרֶ֥שֶׁת אֹתָֽהּ׃ wehowrashetem ʾet־haʾarets wiyshavetem־bah kiy lakhem natatiy ʾet־haʾarets lareshet ʾotah׃
54 וְהִתְנַחַלְתֶּם֩ אֶת־הָאָ֨רֶץ בְּגֹורָ֜ל לְמִשְׁפְּחֹֽתֵיכֶ֗ם לָרַ֞ב תַּרְבּ֤וּ אֶת־נַחֲלָתֹו֙ וְלַמְעַט֙ תַּמְעִ֣יט אֶת־נַחֲלָתֹ֔ו אֶל֩ אֲשֶׁר־יֵ֨צֵא לֹ֥ו שָׁ֛מָּה הַגֹּורָ֖ל לֹ֣ו יִהְיֶ֑ה לְמַטֹּ֥ות אֲבֹתֵיכֶ֖ם תִּתְנֶחָֽלוּ׃ wehitenaḥaletem ʾet־haʾarets begowral lemishepeḥoteykhem larav tarebu ʾet־naḥalatow welameʿaṭ tameʿiyṭ ʾet־naḥalatow ʾel ʾasher־yetseʾ low shamah hagowral low yiheyeh lemaṭowt ʾavoteykhem titeneḥalu׃
55 וְאִם־לֹ֨א תֹורִ֜ישׁוּ אֶת־יֹשְׁבֵ֣י הָאָרֶץ֮ מִפְּנֵיכֶם֒ וְהָיָה֙ אֲשֶׁ֣ר תֹּותִ֣ירוּ מֵהֶ֔ם לְשִׂכִּים֙ בְּעֵ֣ינֵיכֶ֔ם וְלִצְנִינִ֖ם בְּצִדֵּיכֶ֑ם וְצָרֲר֣וּ אֶתְכֶ֔ם עַל־הָאָ֕רֶץ אֲשֶׁ֥ר אַתֶּ֖ם יֹשְׁבִ֥ים בָּֽהּ׃ weʾim־loʾ towriyshu ʾet־yoshevey haʾarets mipeneykhem wehayah ʾasher towtiyru mehem lesikiym beʿeyneykhem welitseniynim betsideykhem wetsararu ʾetekhem ʿal־haʾarets ʾasher ʾatem yosheviym bah׃
56 וְהָיָ֗ה כַּאֲשֶׁ֥ר דִּמִּ֛יתִי לַעֲשֹׂ֥ות לָהֶ֖ם אֶֽעֱשֶׂ֥ה לָכֶֽם׃ פ wehayah kaʾasher dimiytiy laʿasowt lahem ʾeʿeseh lakhem׃ f