1 בָּנִ֣ים אַתֶּ֔ם לַֽיהוָ֖ה אֱלֹהֵיכֶ֑ם לֹ֣א תִתְגֹּֽדְד֗וּ וְלֹֽא־תָשִׂ֧ימוּ קָרְחָ֛ה בֵּ֥ין עֵינֵיכֶ֖ם לָמֵֽת׃ baniym ʾatem layhwah ʾeloheykhem loʾ titegodedu weloʾ־tasiymu qareḥah beyn ʿeyneykhem lamet׃
2 כִּ֣י עַ֤ם קָדֹושׁ֙ אַתָּ֔ה לַיהוָ֖ה אֱלֹהֶ֑יךָ וּבְךָ֞ בָּחַ֣ר יְהוָ֗ה לִֽהְיֹ֥ות לֹו֙ לְעַ֣ם סְגֻלָּ֔ה מִכֹּל֙ הָֽעַמִּ֔ים אֲשֶׁ֖ר עַל־פְּנֵ֥י הָאֲדָמָֽה׃ ס kiy ʿam qadowsh ʾatah layhwah ʾeloheykha uvekha baḥar yehwah liheyowt low leʿam segulah mikol haʿamiym ʾasher ʿal־peney haʾadamah׃ s
3 לֹ֥א תֹאכַ֖ל כָּל־תֹּועֵבָֽה׃ loʾ toʾkhal kal־towʿevah׃
4 זֹ֥את הַבְּהֵמָ֖ה אֲשֶׁ֣ר תֹּאכֵ֑לוּ שֹׁ֕ור שֵׂ֥ה כְשָׂבִ֖ים וְשֵׂ֥ה עִזִּֽים׃ zoʾt habehemah ʾasher toʾkhelu showr seh khesaviym weseh ʿiziym׃
5 אַיָּ֥ל וּצְבִ֖י וְיַחְמ֑וּר וְאַקֹּ֥ו וְדִישֹׁ֖ן וּתְאֹ֥ו וָזָֽמֶר׃ ʾayal utseviy weyaḥemur weʾaqow wediyshon uteʾow wazamer׃
6 וְכָל־בְּהֵמָ֞ה מַפְרֶ֣סֶת פַּרְסָ֗ה וְשֹׁסַ֤עַת שֶׁ֙סַע֙ שְׁתֵּ֣י פְרָסֹ֔ות מַעֲלַ֥ת גֵּרָ֖ה בַּבְּהֵמָ֑ה אֹתָ֖הּ תֹּאכֵֽלוּ׃ wekhal־behemah mafereset paresah weshosaʿat shesaʿ shetey ferasowt maʿalat gerah babehemah ʾotah toʾkhelu׃
7 אַ֣ךְ אֶת־זֶ֞ה לֹ֤א תֹֽאכְלוּ֙ מִמַּֽעֲלֵ֣י הַגֵּרָ֔ה וּמִמַּפְרִיסֵ֥י הַפַּרְסָ֖ה הַשְּׁסוּעָ֑ה אֶֽת־הַ֠גָּמָל וְאֶת־הָאַרְנֶ֨בֶת וְאֶת־הַשָּׁפָ֜ן כִּֽי־מַעֲלֵ֧ה גֵרָ֣ה הֵ֗מָּה וּפַרְסָה֙ לֹ֣א הִפְרִ֔יסוּ טְמֵאִ֥ים הֵ֖ם לָכֶֽם׃ ʾakhe ʾet־zeh loʾ toʾkhelu mimaʿaley hagerah umimaferiysey haparesah hashesuʿah ʾet־hagamal weʾet־haʾarenevet weʾet־hashafan kiy־maʿaleh gerah hemah ufaresah loʾ hiferiysu ṭemeʾiym hem lakhem׃
8 וְאֶת־הַ֠חֲזִיר כִּֽי־מַפְרִ֨יס פַּרְסָ֥ה הוּא֙ וְלֹ֣א גֵרָ֔ה טָמֵ֥א ה֖וּא לָכֶ֑ם מִבְּשָׂרָם֙ לֹ֣א תֹאכֵ֔לוּ וּבְנִבְלָתָ֖ם לֹ֥א תִגָּֽעוּ׃ ס weʾet־haḥaziyr kiy־maferiys paresah huʾ weloʾ gerah ṭameʾ huʾ lakhem mibesaram loʾ toʾkhelu uvenivelatam loʾ tigaʿu׃ s
9 אֶת־זֶה֙ תֹּֽאכְל֔וּ מִכֹּ֖ל אֲשֶׁ֣ר בַּמָּ֑יִם כֹּ֧ל אֲשֶׁר־לֹ֛ו סְנַפִּ֥יר וְקַשְׂקֶ֖שֶׂת תֹּאכֵֽלוּ׃ ʾet־zeh toʾkhelu mikol ʾasher bamayim kol ʾasher־low senapiyr weqaseqeset toʾkhelu׃
10 וְכֹ֨ל אֲשֶׁ֧ר אֵֽין־לֹ֛ו סְנַפִּ֥יר וְקַשְׂקֶ֖שֶׂת לֹ֣א תֹאכֵ֑לוּ טָמֵ֥א ה֖וּא לָכֶֽם׃ ס wekhol ʾasher ʾeyn־low senapiyr weqaseqeset loʾ toʾkhelu ṭameʾ huʾ lakhem׃ s
11 כָּל־צִפֹּ֥ור טְהֹרָ֖ה תֹּאכֵֽלוּ׃ kal־tsipowr ṭehorah toʾkhelu׃
12 וְזֶ֕ה אֲשֶׁ֥ר לֹֽא־תֹאכְל֖וּ מֵהֶ֑ם הַנֶּ֥שֶׁר וְהַפֶּ֖רֶס וְהָֽעָזְנִיָּֽה׃ wezeh ʾasher loʾ־toʾkhelu mehem hanesher wehaperes wehaʿazeniyah׃
13 וְהָרָאָה֙ וְאֶת־הָ֣אַיָּ֔ה וְהַדַּיָּ֖ה לְמִינָֽהּ׃ weharaʾah weʾet־haʾayah wehadayah lemiynah׃
14 וְאֵ֥ת כָּל־עֹרֵ֖ב לְמִינֹֽו׃ weʾet kal־ʿorev lemiynow׃
15 וְאֵת֙ בַּ֣ת הַֽיַּעֲנָ֔ה וְאֶת־הַתַּחְמָ֖ס וְאֶת־הַשָּׁ֑חַף וְאֶת־הַנֵּ֖ץ לְמִינֵֽהוּ׃ weʾet bat hayaʿanah weʾet־hataḥemas weʾet־hashaḥaf weʾet־hanets lemiynehu׃
16 אֶת־הַכֹּ֥וס וְאֶת־הַיַּנְשׁ֖וּף וְהַתִּנְשָֽׁמֶת׃ ʾet־hakows weʾet־hayaneshuf wehatineshamet׃
17 וְהַקָּאָ֥ת וְאֶֽת־הָרָחָ֖מָה וְאֶת־הַשָּׁלָֽךְ׃ wehaqaʾat weʾet־haraḥamah weʾet־hashalakhe׃
18 וְהַ֣חֲסִידָ֔ה וְהָאֲנָפָ֖ה לְמִינָ֑הּ וְהַדּוּכִיפַ֖ת וְהָעֲטַלֵּֽף׃ wehaḥasiydah wehaʾanafah lemiynah wehadukhiyfat wehaʿaṭalef׃
19 וְכֹל֙ שֶׁ֣רֶץ הָעֹ֔וף טָמֵ֥א ה֖וּא לָכֶ֑ם לֹ֖א יֵאָכֵֽלוּ׃ wekhol sherets haʿowf ṭameʾ huʾ lakhem loʾ yeʾakhelu׃
20 כָּל־עֹ֥וף טָהֹ֖ור תֹּאכֵֽלוּ׃ kal־ʿowf ṭahowr toʾkhelu׃
21 לֹ֣א תֹאכְל֣וּ כָל־נְ֠בֵלָה לַגֵּ֨ר אֲשֶׁר־בִּשְׁעָרֶ֜יךָ תִּתְּנֶ֣נָּה וַאֲכָלָ֗הּ אֹ֤ו מָכֹר֙ לְנָכְרִ֔י כִּ֣י עַ֤ם קָדֹושׁ֙ אַתָּ֔ה לַיהוָ֖ה אֱלֹהֶ֑יךָ לֹֽא־תְבַשֵּׁ֥ל גְּדִ֖י בַּחֲלֵ֥ב אִמֹּֽו׃ פ loʾ toʾkhelu khal־nevelah lager ʾasher־bisheʿareykha titenenah waʾakhalah ʾow makhor lenakheriy kiy ʿam qadowsh ʾatah layhwah ʾeloheykha loʾ־tevashel gediy baḥalev ʾimow׃ f
22 עַשֵּׂ֣ר תְּעַשֵּׂ֔ר אֵ֖ת כָּל־תְּבוּאַ֣ת זַרְעֶ֑ךָ הַיֹּצֵ֥א הַשָּׂדֶ֖ה שָׁנָ֥ה שָׁנָֽה׃ ʿaser teʿaser ʾet kal־tevuʾat zareʿekha hayotseʾ hasadeh shanah shanah׃
23 וְאָכַלְתָּ֞ לִפְנֵ֣י ׀ יְהוָ֣ה אֱלֹהֶ֗יךָ בַּמָּקֹ֣ום אֲשֶׁר־יִבְחַר֮ לְשַׁכֵּ֣ן שְׁמֹ֣ו שָׁם֒ מַעְשַׂ֤ר דְּגָֽנְךָ֙ תִּֽירֹשְׁךָ֣ וְיִצְהָרֶ֔ךָ וּבְכֹרֹ֥ת בְּקָרְךָ֖ וְצֹאנֶ֑ךָ לְמַ֣עַן תִּלְמַ֗ד לְיִרְאָ֛ה אֶת־יְהוָ֥ה אֱלֹהֶ֖יךָ כָּל־הַיָּמִֽים׃ weʾakhaleta lifeney ׀ yehwah ʾeloheykha bamaqowm ʾasher־yiveḥar leshaken shemow sham maʿesar deganekha tiyroshekha weyitseharekha uvekhorot beqarekha wetsoʾnekha lemaʿan tilemad leyireʾah ʾet־yehwah ʾeloheykha kal־hayamiym׃
24 וְכִֽי־יִרְבֶּ֨ה מִמְּךָ֜ הַדֶּ֗רֶךְ כִּ֣י לֹ֣א תוּכַל֮ שְׂאֵתֹו֒ כִּֽי־יִרְחַ֤ק מִמְּךָ֙ הַמָּקֹ֔ום אֲשֶׁ֤ר יִבְחַר֙ יְהוָ֣ה אֱלֹהֶ֔יךָ לָשׂ֥וּם שְׁמֹ֖ו שָׁ֑ם כִּ֥י יְבָרֶכְךָ֖ יְהוָ֥ה אֱלֹהֶֽיךָ׃ wekhiy־yirebeh mimekha haderekhe kiy loʾ tukhal seʾetow kiy־yireḥaq mimekha hamaqowm ʾasher yiveḥar yehwah ʾeloheykha lasum shemow sham kiy yevarekhekha yehwah ʾeloheykha׃
25 וְנָתַתָּ֖ה בַּכָּ֑סֶף וְצַרְתָּ֤ הַכֶּ֙סֶף֙ בְּיָ֣דְךָ֔ וְהָֽלַכְתָּ֙ אֶל־הַמָּקֹ֔ום אֲשֶׁ֥ר יִבְחַ֛ר יְהוָ֥ה אֱלֹהֶ֖יךָ בֹּֽו׃ wenatatah bakasef wetsareta hakesef beyadekha wehalakheta ʾel־hamaqowm ʾasher yiveḥar yehwah ʾeloheykha bow׃
26 וְנָתַתָּ֣ה הַכֶּ֡סֶף בְּכֹל֩ אֲשֶׁר־תְּאַוֶּ֨ה נַפְשְׁךָ֜ בַּבָּקָ֣ר וּבַצֹּ֗אן וּבַיַּ֙יִן֙ וּבַשֵּׁכָ֔ר וּבְכֹ֛ל אֲשֶׁ֥ר תִּֽשְׁאָלְךָ֖ נַפְשֶׁ֑ךָ וְאָכַ֣לְתָּ שָּׁ֗ם לִפְנֵי֙ יְהוָ֣ה אֱלֹהֶ֔יךָ וְשָׂמַחְתָּ֖ אַתָּ֥ה וּבֵיתֶֽךָ׃ wenatatah hakesef bekhol ʾasher־teʾaueh nafeshekha babaqar uvatsoʾn uvayayin uvashekhar uvekhol ʾasher tisheʾalekha nafeshekha weʾakhaleta sham lifeney yehwah ʾeloheykha wesamaḥeta ʾatah uveytekha׃
27 וְהַלֵּוִ֥י אֲשֶׁר־בִּשְׁעָרֶ֖יךָ לֹ֣א תַֽעַזְבֶ֑נּוּ כִּ֣י אֵ֥ין לֹ֛ו חֵ֥לֶק וְנַחֲלָ֖ה עִמָּֽךְ׃ ס wehalewiy ʾasher־bisheʿareykha loʾ taʿazevenu kiy ʾeyn low ḥeleq wenaḥalah ʿimakhe׃ s
28 מִקְצֵ֣ה ׀ שָׁלֹ֣שׁ שָׁנִ֗ים תֹּוצִיא֙ אֶת־כָּל־מַעְשַׂר֙ תְּבוּאָ֣תְךָ֔ בַּשָּׁנָ֖ה הַהִ֑וא וְהִנַּחְתָּ֖ בִּשְׁעָרֶֽיךָ׃ miqetseh ׀ shalosh shaniym towtsiyʾ ʾet־kal־maʿesar tevuʾatekha bashanah hahiwʾ wehinaḥeta bisheʿareykha׃
29 וּבָ֣א הַלֵּוִ֡י כִּ֣י אֵֽין־לֹו֩ חֵ֨לֶק וְנַחֲלָ֜ה עִמָּ֗ךְ וְ֠הַגֵּר וְהַיָּתֹ֤ום וְהָֽאַלְמָנָה֙ אֲשֶׁ֣ר בִּשְׁעָרֶ֔יךָ וְאָכְל֖וּ וְשָׂבֵ֑עוּ לְמַ֤עַן יְבָרֶכְךָ֙ יְהוָ֣ה אֱלֹהֶ֔יךָ בְּכָל־מַעֲשֵׂ֥ה יָדְךָ֖ אֲשֶׁ֥ר תַּעֲשֶֽׂה׃ ס uvaʾ halewiy kiy ʾeyn־low ḥeleq wenaḥalah ʿimakhe wehager wehayatowm wehaʾalemanah ʾasher bisheʿareykha weʾakhelu wesaveʿu lemaʿan yevarekhekha yehwah ʾeloheykha bekhal־maʿaseh yadekha ʾasher taʿaseh׃ s