Ézéchiel 39

¹ וְאַתָּ֤ה בֶן־אָדָם֙ הִנָּבֵ֣א עַל־גֹּ֔וג וְאָ֣מַרְתָּ֔ כֹּ֥ה אָמַ֖ר אֲדֹנָ֣י יְהוִ֑ה הִנְנִ֤י אֵלֶ֙יךָ֙ גֹּ֔וג נְשִׂ֕יא רֹ֖אשׁ מֶ֥שֶׁךְ וְתֻבָֽל׃ weʾatah ven־ʾadam hinaveʾ ʿal־gowg weʾamareta koh ʾamar ʾadonay yehwih hineniy ʾeleykha gowg nesiyʾ roʾsh meshekhe wetuval׃

² וְשֹׁבַבְתִּ֙יךָ֙ וְשִׁשֵּׁאתִ֔יךָ וְהַעֲלִיתִ֖יךָ מִיַּרְכְּתֵ֣י צָפֹ֑ון וַהֲבִאֹותִ֖ךָ עַל־הָרֵ֥י יִשְׂרָאֵֽל׃ weshovavetiykha weshisheʾtiykha wehaʿaliytiykha miyareketey tsafown wahaviʾowtikha ʿal־harey yiseraʾel׃

³ וְהִכֵּיתִ֥י קַשְׁתְּךָ֖ מִיַּ֣ד שְׂמֹאולֶ֑ךָ וְחִצֶּ֕יךָ מִיַּ֥ד יְמִינְךָ֖ אַפִּֽיל׃ wehikeytiy qashetekha miyad semoʾwlekha weḥitseykha miyad yemiynekha ʾapiyl׃

⁴ עַל־הָרֵ֨י יִשְׂרָאֵ֜ל תִּפֹּ֗ול אַתָּה֙ וְכָל־אֲגַפֶּ֔יךָ וְעַמִּ֖ים אֲשֶׁ֣ר אִתָּ֑ךְ לְעֵ֨יט צִפֹּ֧ור כָּל־כָּנָ֛ף וְחַיַּ֥ת הַשָּׂדֶ֖ה נְתַתִּ֥יךָ לְאָכְלָֽה׃ ʿal־harey yiseraʾel tipowl ʾatah wekhal־ʾagapeykha weʿamiym ʾasher ʾitakhe leʿeyṭ tsipowr kal־kanaf weḥayat hasadeh netatiykha leʾakhelah׃

⁵ עַל־פְּנֵ֥י הַשָּׂדֶ֖ה תִּפֹּ֑ול כִּ֚י אֲנִ֣י דִבַּ֔רְתִּי נְאֻ֖ם אֲדֹנָ֥י יְהוִֽה׃ ʿal־peney hasadeh tipowl kiy ʾaniy dibaretiy neʾum ʾadonay yehwih׃

⁶ וְשִׁלַּחְתִּי־אֵ֣שׁ בְּמָגֹ֔וג וּבְיֹשְׁבֵ֥י הָאִיִּ֖ים לָבֶ֑טַח וְיָדְע֖וּ כִּי־אֲנִ֥י יְהוָֽה׃ weshilaḥetiy־ʾesh bemagowg uveyoshevey haʾiyiym laveṭaḥ weyadeʿu kiy־ʾaniy yehwah׃

⁷ וְאֶת־שֵׁ֨ם קָדְשִׁ֜י אֹודִ֗יעַ בְּתֹוךְ֙ עַמִּ֣י יִשְׂרָאֵ֔ל וְלֹֽא־אַחֵ֥ל אֶת־שֵׁם־קָדְשִׁ֖י עֹ֑וד וְיָדְע֤וּ הַגֹּויִם֙ כִּי־אֲנִ֣י יְהוָ֔ה קָדֹ֖ושׁ בְּיִשְׂרָאֵֽל׃ weʾet־shem qadeshiy ʾowdiyʿa betowkhe ʿamiy yiseraʾel weloʾ־ʾaḥel ʾet־shem־qadeshiy ʿowd weyadeʿu hagowyim kiy־ʾaniy yehwah qadowsh beyiseraʾel׃

⁸ הִנֵּ֤ה בָאָה֙ וְנִֽהְיָ֔תָה נְאֻ֖ם אֲדֹנָ֣י יְהוִ֑ה ה֥וּא הַיֹּ֖ום אֲשֶׁ֥ר דִּבַּֽרְתִּי׃ hineh vaʾah weniheyatah neʾum ʾadonay yehwih huʾ hayowm ʾasher dibaretiy׃

⁹ וְֽיָצְא֞וּ יֹשְׁבֵ֣י ׀ עָרֵ֣י יִשְׂרָאֵ֗ל וּבִעֲר֡וּ וְ֠הִשִּׂיקוּ בְּנֶ֨שֶׁק וּמָגֵ֤ן וְצִנָּה֙ בְּקֶ֣שֶׁת וּבְחִצִּ֔ים וּבְמַקֵּ֥ל יָ֖ד וּבְרֹ֑מַח וּבִעֲר֥וּ בָהֶ֛ם אֵ֖שׁ שֶׁ֥בַע שָׁנִֽים׃ weyatseʾu yoshevey ׀ ʿarey yiseraʾel uviʿaru wehisiyqu benesheq umagen wetsinah beqeshet uveḥitsiym uvemaqel yad uveromaḥ uviʿaru vahem ʾesh shevaʿ shaniym׃

¹⁰ וְלֹֽא־יִשְׂא֨וּ עֵצִ֜ים מִן־הַשָּׂדֶ֗ה וְלֹ֤א יַחְטְבוּ֙ מִן־הַיְּעָרִ֔ים כִּ֥י בַנֶּ֖שֶׁק יְבַֽעֲרוּ־אֵ֑שׁ וְשָׁלְל֣וּ אֶת־שֹׁלְלֵיהֶ֗ם וּבָֽזְזוּ֙ אֶת־בֹּ֣זְזֵיהֶ֔ם נְאֻ֖ם אֲדֹנָ֥י יְהוִֽה׃ ס weloʾ־yiseʾu ʿetsiym min־hasadeh weloʾ yaḥeṭevu min־hayeʿariym kiy vanesheq yevaʿaru־ʾesh weshalelu ʾet־sholeleyhem uvazezu ʾet־bozezeyhem neʾum ʾadonay yehwih׃ s

¹¹ וְהָיָ֣ה בַיֹּ֣ום הַה֡וּא אֶתֵּ֣ן לְגֹוג֩ ׀ מְקֹֽום־שָׁ֨ם קֶ֜בֶר בְּיִשְׂרָאֵ֗ל גֵּ֤י הָעֹֽבְרִים֙ קִדְמַ֣ת הַיָּ֔ם וְחֹסֶ֥מֶת הִ֖יא אֶת־הָעֹֽבְרִ֑ים וְקָ֣בְרוּ שָׁ֗ם אֶת־גֹּוג֙ וְאֶת־כָּל־הֲמֹונֹ֔ה וְקָ֣רְא֔וּ גֵּ֖יא הֲמֹ֥ון גֹּֽוג׃ wehayah vayowm hahuʾ ʾeten legowg ׀ meqowm־sham qever beyiseraʾel gey haʿoveriym qidemat hayam weḥosemet hiyʾ ʾet־haʿoveriym weqaveru sham ʾet־gowg weʾet־kal־hamownoh weqareʾu geyʾ hamown gowg׃

¹² וּקְבָרוּם֙ בֵּ֣ית יִשְׂרָאֵ֔ל לְמַ֖עַן טַהֵ֣ר אֶת־הָאָ֑רֶץ שִׁבְעָ֖ה חֳדָשִֽׁים׃ uqevarum beyt yiseraʾel lemaʿan ṭaher ʾet־haʾarets shiveʿah ḥodashiym׃

¹³ וְקָֽבְרוּ֙ כָּל־עַ֣ם הָאָ֔רֶץ וְהָיָ֥ה לָהֶ֖ם לְשֵׁ֑ם יֹ֚ום הִכָּ֣בְדִ֔י נְאֻ֖ם אֲדֹנָ֥י יְהוִֽה׃ weqaveru kal־ʿam haʾarets wehayah lahem leshem yowm hikavediy neʾum ʾadonay yehwih׃

¹⁴ וְאַנְשֵׁ֨י תָמִ֤יד יַבְדִּ֙ילוּ֙ עֹבְרִ֣ים בָּאָ֔רֶץ מְקַבְּרִ֣ים אֶת־הָעֹבְרִ֗ים אֶת־הַנֹּותָרִ֛ים עַל־פְּנֵ֥י הָאָ֖רֶץ לְטַֽהֲרָ֑הּ מִקְצֵ֥ה שִׁבְעָֽה־חֳדָשִׁ֖ים יַחְקֹֽרוּ׃ weʾaneshey tamiyd yavediylu ʿoveriym baʾarets meqaberiym ʾet־haʿoveriym ʾet־hanowtariym ʿal־peney haʾarets leṭaharah miqetseh shiveʿah־ḥodashiym yaḥeqoru׃

¹⁵ וְעָבְר֤וּ הָעֹֽבְרִים֙ בָּאָ֔רֶץ וְרָאָה֙ עֶ֣צֶם אָדָ֔ם וּבָנָ֥ה אֶצְלֹ֖ו צִיּ֑וּן עַ֣ד קָבְר֤וּ אֹתֹו֙ הַֽמְקַבְּרִ֔ים אֶל־גֵּ֖יא הֲמֹ֥ון גֹּֽוג׃ weʿaveru haʿoveriym baʾarets weraʾah ʿetsem ʾadam uvanah ʾetselow tsiyun ʿad qaveru ʾotow hameqaberiym ʾel־geyʾ hamown gowg׃

¹⁶ וְגַ֥ם שֶׁם־עִ֛יר הֲמֹונָ֖ה וְטִהֲר֥וּ הָאָֽרֶץ׃ ס wegam shem־ʿiyr hamownah weṭiharu haʾarets׃ s

¹⁷ וְאַתָּ֨ה בֶן־אָדָ֜ם כֹּֽה־אָמַ֣ר ׀ אֲדֹנָ֣י יְהֹוִ֗ה אֱמֹר֩ לְצִפֹּ֨ור כָּל־כָּנָ֜ף וּלְכֹ֣ל ׀ חַיַּ֣ת הַשָּׂדֶ֗ה הִקָּבְצ֤וּ וָבֹ֙אוּ֙ הֵאָסְפ֣וּ מִסָּבִ֔יב עַל־זִבְחִ֗י אֲשֶׁ֨ר אֲנִ֜י זֹבֵ֤חַ לָכֶם֙ זֶ֣בַח גָּדֹ֔ול עַ֖ל הָרֵ֣י יִשְׂרָאֵ֑ל וַאֲכַלְתֶּ֥ם בָּשָׂ֖ר וּשְׁתִ֥יתֶם דָּֽם׃ weʾatah ven־ʾadam koh־ʾamar ׀ ʾadonay yehowih ʾemor letsipowr kal־kanaf ulekhol ׀ ḥayat hasadeh hiqavetsu wavoʾu heʾasefu misaviyv ʿal־ziveḥiy ʾasher ʾaniy zoveaḥ lakhem zevaḥ gadowl ʿal harey yiseraʾel waʾakhaletem basar ushetiytem dam׃

¹⁸ בְּשַׂ֤ר גִּבֹּורִים֙ תֹּאכֵ֔לוּ וְדַם־נְשִׂיאֵ֥י הָאָ֖רֶץ תִּשְׁתּ֑וּ אֵילִ֨ים כָּרִ֤ים וְעַתּוּדִים֙ פָּרִ֔ים מְרִיאֵ֥י בָשָׁ֖ן כֻּלָּֽם׃ besar gibowriym toʾkhelu wedam־nesiyʾey haʾarets tishetu ʾeyliym kariym weʿatudiym pariym meriyʾey vashan kulam׃

¹⁹ וַאֲכַלְתֶּם־חֵ֣לֶב לְשָׂבְעָ֔ה וּשְׁתִ֥יתֶם דָּ֖ם לְשִׁכָּרֹ֑ון מִזִּבְחִ֖י אֲשֶׁר־זָבַ֥חְתִּי לָכֶֽם׃ waʾakhaletem־ḥelev lesaveʿah ushetiytem dam leshikarown miziveḥiy ʾasher־zavaḥetiy lakhem׃

²⁰ וּשְׂבַעְתֶּ֤ם עַל־שֻׁלְחָנִי֙ ס֣וּס וָרֶ֔כֶב גִּבֹּ֖ור וְכָל־אִ֣ישׁ מִלְחָמָ֑ה נְאֻ֖ם אֲדֹנָ֥י יְהוִֽה׃ usevaʿetem ʿal־shuleḥaniy sus warekhev gibowr wekhal־ʾiysh mileḥamah neʾum ʾadonay yehwih׃

²¹ וְנָתַתִּ֥י אֶת־כְּבֹודִ֖י בַּגֹּויִ֑ם וְרָא֣וּ כָל־הַגֹּויִ֗ם אֶת־מִשְׁפָּטִי֙ אֲשֶׁ֣ר עָשִׂ֔יתִי וְאֶת־יָדִ֖י אֲשֶׁר־שַׂ֥מְתִּי בָהֶֽם׃ wenatatiy ʾet־kevowdiy bagowyim weraʾu khal־hagowyim ʾet־mishepaṭiy ʾasher ʿasiytiy weʾet־yadiy ʾasher־sametiy vahem׃

²² וְיָֽדְעוּ֙ בֵּ֣ית יִשְׂרָאֵ֔ל כִּ֛י אֲנִ֥י יְהוָ֖ה אֱלֹֽהֵיהֶ֑ם מִן־הַיֹּ֥ום הַה֖וּא וָהָֽלְאָה׃ weyadeʿu beyt yiseraʾel kiy ʾaniy yehwah ʾeloheyhem min־hayowm hahuʾ wahaleʾah׃

²³ וְיָדְע֣וּ הַ֠גֹּויִם כִּ֣י בַעֲוֹנָ֞ם גָּל֣וּ בֵֽית־יִשְׂרָאֵ֗ל עַ֚ל אֲשֶׁ֣ר מָֽעֲלוּ־בִ֔י וָאַסְתִּ֥ר פָּנַ֖י מֵהֶ֑ם וָֽאֶתְּנֵם֙ בְּיַ֣ד צָרֵיהֶ֔ם וַיִּפְּל֥וּ בַחֶ֖רֶב כֻּלָּֽם׃ weyadeʿu hagowyim kiy vaʿaonam galu veyt־yiseraʾel ʿal ʾasher maʿalu־viy waʾasetir panay mehem waʾetenem beyad tsareyhem wayipelu vaḥerev kulam׃

²⁴ כְּטֻמְאָתָ֥ם וּכְפִשְׁעֵיהֶ֖ם עָשִׂ֣יתִי אֹתָ֑ם וָאַסְתִּ֥ר פָּנַ֖י מֵהֶֽם׃ ס keṭumeʾatam ukhefisheʿeyhem ʿasiytiy ʾotam waʾasetir panay mehem׃ s

²⁵ לָכֵ֗ן כֹּ֤ה אָמַר֙ אֲדֹנָ֣י יְהוִ֔ה עַתָּ֗ה אָשִׁיב֙ אֶת־ [שְׁבִית כ] (שְׁב֣וּת ק) יַֽעֲקֹ֔ב וְרִֽחַמְתִּ֖י כָּל־בֵּ֣ית יִשְׂרָאֵ֑ל וְקִנֵּאתִ֖י לְשֵׁ֥ם קָדְשִֽׁי׃ lakhen koh ʾamar ʾadonay yehwih ʿatah ʾashiyv ʾet־ [sheviyt kh] (shevut q) yaʿaqov weriḥametiy kal־beyt yiseraʾel weqineʾtiy leshem qadeshiy׃

²⁶ וְנָשׂוּ֙ אֶת־כְּלִמָּתָ֔ם וְאֶת־כָּל־מַעֲלָ֖ם אֲשֶׁ֣ר מָעֲלוּ־בִ֑י בְּשִׁבְתָּ֧ם עַל־אַדְמָתָ֛ם לָבֶ֖טַח וְאֵ֥ין מַחֲרִֽיד׃ wenasu ʾet־kelimatam weʾet־kal־maʿalam ʾasher maʿalu־viy beshivetam ʿal־ʾadematam laveṭaḥ weʾeyn maḥariyd׃

²⁷ בְּשֹׁובְבִ֤י אֹותָם֙ מִן־הָ֣עַמִּ֔ים וְקִבַּצְתִּ֣י אֹתָ֔ם מֵֽאַרְצֹ֖ות אֹֽיְבֵיהֶ֑ם וְנִקְדַּ֣שְׁתִּי בָ֔ם לְעֵינֵ֖י הַגֹּויִ֥ם רַבִּֽים׃ beshowveviy ʾowtam min־haʿamiym weqibatsetiy ʾotam meʾaretsowt ʾoyeveyhem weniqedashetiy vam leʿeyney hagowyim rabiym׃

²⁸ וְיָדְע֗וּ כִּ֣י אֲנִ֤י יְהוָה֙ אֱלֹ֣הֵיהֶ֔ם בְּהַגְלֹותִ֤י אֹתָם֙ אֶל־הַגֹּויִ֔ם וְכִנַּסְתִּ֖ים עַל־אַדְמָתָ֑ם וְלֹֽא־אֹותִ֥יר עֹ֛וד מֵהֶ֖ם שָֽׁם׃ weyadeʿu kiy ʾaniy yehwah ʾeloheyhem behagelowtiy ʾotam ʾel־hagowyim wekhinasetiym ʿal־ʾadematam weloʾ־ʾowtiyr ʿowd mehem sham׃

²⁹ וְלֹֽא־אַסְתִּ֥יר עֹ֛וד פָּנַ֖י מֵהֶ֑ם אֲשֶׁ֨ר שָׁפַ֤כְתִּי אֶת־רוּחִי֙ עַל־בֵּ֣ית יִשְׂרָאֵ֔ל נְאֻ֖ם אֲדֹנָ֥י יְהוִֽה׃ פ weloʾ־ʾasetiyr ʿowd panay mehem ʾasher shafakhetiy ʾet־ruḥiy ʿal־beyt yiseraʾel neʾum ʾadonay yehwih׃ f