1 וַיְהִ֣י ׀ בַּשָּׁנָ֣ה הַשְּׁבִיעִ֗ית בַּֽחֲמִשִׁי֙ בֶּעָשֹׂ֣ור לַחֹ֔דֶשׁ בָּ֧אוּ אֲנָשִׁ֛ים מִזִּקְנֵ֥י יִשְׂרָאֵ֖ל לִדְרֹ֣שׁ אֶת־יְהוָ֑ה וַיֵּשְׁב֖וּ לְפָנָֽי׃ ס wayehiy ׀ bashanah hasheviyʿiyt baḥamishiy beʿasowr laḥodesh baʾu ʾanashiym miziqeney yiseraʾel liderosh ʾet־yehwah wayeshevu lefanay׃ s
2 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃
3 בֶּן־אָדָ֗ם דַּבֵּ֞ר אֶת־זִקְנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם כֹּ֤ה אָמַר֙ אֲדֹנָ֣י יְהוִ֔ה הֲלִדְרֹ֥שׁ אֹתִ֖י אַתֶּ֣ם בָּאִ֑ים חַי־אָ֙נִי֙ אִם־אִדָּרֵ֣שׁ לָכֶ֔ם נְאֻ֖ם אֲדֹנָ֥י יְהוִֽה׃ ben־ʾadam daber ʾet־ziqeney yiseraʾel weʾamareta ʾalehem koh ʾamar ʾadonay yehwih haliderosh ʾotiy ʾatem baʾiym ḥay־ʾaniy ʾim־ʾidaresh lakhem neʾum ʾadonay yehwih׃
4 הֲתִשְׁפֹּ֣ט אֹתָ֔ם הֲתִשְׁפֹּ֖וט בֶּן־אָדָ֑ם אֶת־תֹּועֲבֹ֥ת אֲבֹותָ֖ם הֹודִיעֵֽם׃ hatishepoṭ ʾotam hatishepowṭ ben־ʾadam ʾet־towʿavot ʾavowtam howdiyʿem׃
5 וְאָמַרְתָּ֣ אֲלֵיהֶ֗ם כֹּֽה־אָמַר֮ אֲדֹנָ֣י יְהוִה֒ בְּיֹום֙ בָּחֳרִ֣י בְיִשְׂרָאֵ֔ל וָאֶשָּׂ֣א יָדִ֗י לְזֶ֙רַע֙ בֵּ֣ית יַֽעֲקֹ֔ב וָאִוָּדַ֥ע לָהֶ֖ם בְּאֶ֣רֶץ מִצְרָ֑יִם וָאֶשָּׂ֨א יָדִ֤י לָהֶם֙ לֵאמֹ֔ר אֲנִ֖י יְהוָ֥ה אֱלֹהֵיכֶֽם׃ weʾamareta ʾaleyhem koh־ʾamar ʾadonay yehwih beyowm baḥoriy veyiseraʾel waʾesaʾ yadiy lezeraʿ beyt yaʿaqov waʾiuadaʿ lahem beʾerets mitserayim waʾesaʾ yadiy lahem leʾmor ʾaniy yehwah ʾeloheykhem׃
6 בַּיֹּ֣ום הַה֗וּא נָשָׂ֤אתִי יָדִי֙ לָהֶ֔ם לְהֹֽוצִיאָ֖ם מֵאֶ֣רֶץ מִצְרָ֑יִם אֶל־אֶ֜רֶץ אֲשֶׁר־תַּ֣רְתִּי לָהֶ֗ם זָבַ֤ת חָלָב֙ וּדְבַ֔שׁ צְבִ֥י הִ֖יא לְכָל־הָאֲרָצֹֽות׃ bayowm hahuʾ nasaʾtiy yadiy lahem lehowtsiyʾam meʾerets mitserayim ʾel־ʾerets ʾasher־taretiy lahem zavat ḥalav udevash tseviy hiyʾ lekhal־haʾaratsowt׃
7 וָאֹמַ֣ר אֲלֵהֶ֗ם אִ֣ישׁ שִׁקּוּצֵ֤י עֵינָיו֙ הַשְׁלִ֔יכוּ וּבְגִלּוּלֵ֥י מִצְרַ֖יִם אַל־תִּטַּמָּ֑אוּ אֲנִ֖י יְהוָ֥ה אֱלֹהֵיכֶֽם׃ waʾomar ʾalehem ʾiysh shiqutsey ʿeynayw hasheliykhu uvegiluley mitserayim ʾal־tiṭamaʾu ʾaniy yehwah ʾeloheykhem׃
8 וַיַּמְרוּ־בִ֗י וְלֹ֤א אָבוּ֙ לִּשְׁמֹ֣עַ אֵלַ֔י אִ֣ישׁ אֶת־שִׁקּוּצֵ֤י עֵֽינֵיהֶם֙ לֹ֣א הִשְׁלִ֔יכוּ וְאֶת־גִּלּוּלֵ֥י מִצְרַ֖יִם לֹ֣א עָזָ֑בוּ וָאֹמַ֞ר לִשְׁפֹּ֧ךְ חֲמָתִ֣י עֲלֵיהֶ֗ם לְכַלֹּ֤ות אַפִּי֙ בָּהֶ֔ם בְּתֹ֖וךְ אֶ֥רֶץ מִצְרָֽיִם׃ wayameru־viy weloʾ ʾavu lishemoaʿ ʾelay ʾiysh ʾet־shiqutsey ʿeyneyhem loʾ hisheliykhu weʾet־giluley mitserayim loʾ ʿazavu waʾomar lishepokhe ḥamatiy ʿaleyhem lekhalowt ʾapiy bahem betowkhe ʾerets mitserayim׃
9 וָאַ֙עַשׂ֙ לְמַ֣עַן שְׁמִ֔י לְבִלְתִּ֥י הֵחֵ֛ל לְעֵינֵ֥י הַגֹּויִ֖ם אֲשֶׁר־הֵ֣מָּה בְתֹוכָ֑ם אֲשֶׁ֨ר נֹודַ֤עְתִּי אֲלֵיהֶם֙ לְעֵ֣ינֵיהֶ֔ם לְהֹוצִיאָ֖ם מֵאֶ֥רֶץ מִצְרָֽיִם׃ waʾaʿas lemaʿan shemiy leviletiy heḥel leʿeyney hagowyim ʾasher־hemah vetowkham ʾasher nowdaʿetiy ʾaleyhem leʿeyneyhem lehowtsiyʾam meʾerets mitserayim׃
10 וָאֹֽוצִיאֵ֖ם מֵאֶ֣רֶץ מִצְרָ֑יִם וָאֲבִאֵ֖ם אֶל־הַמִּדְבָּֽר׃ waʾowtsiyʾem meʾerets mitserayim waʾaviʾem ʾel־hamidebar׃
11 וָאֶתֵּ֤ן לָהֶם֙ אֶת־חֻקֹּותַ֔י וְאֶת־מִשְׁפָּטַ֖י הֹודַ֣עְתִּי אֹותָ֑ם אֲשֶׁ֨ר יַעֲשֶׂ֥ה אֹותָ֛ם הָאָדָ֖ם וָחַ֥י בָּהֶֽם׃ waʾeten lahem ʾet־ḥuqowtay weʾet־mishepaṭay howdaʿetiy ʾowtam ʾasher yaʿaseh ʾowtam haʾadam waḥay bahem׃
12 וְגַ֤ם אֶת־שַׁבְּתֹותַי֙ נָתַ֣תִּי לָהֶ֔ם לִהְיֹ֣ות לְאֹ֔ות בֵּינִ֖י וּבֵֽינֵיהֶ֑ם לָדַ֕עַת כִּ֛י אֲנִ֥י יְהוָ֖ה מְקַדְּשָֽׁם׃ wegam ʾet־shabetowtay natatiy lahem liheyowt leʾowt beyniy uveyneyhem ladaʿat kiy ʾaniy yehwah meqadesham׃
13 וַיַּמְרוּ־בִ֨י בֵֽית־יִשְׂרָאֵ֜ל בַּמִּדְבָּ֗ר בְּחֻקֹּותַ֨י לֹא־הָלָ֜כוּ וְאֶת־מִשְׁפָּטַ֣י מָאָ֗סוּ אֲשֶׁר֩ יַעֲשֶׂ֨ה אֹתָ֤ם הָֽאָדָם֙ וָחַ֣י בָּהֶ֔ם וְאֶת־שַׁבְּתֹתַ֖י חִלְּל֣וּ מְאֹ֑ד וָאֹמַ֞ר לִשְׁפֹּ֨ךְ חֲמָתִ֧י עֲלֵיהֶ֛ם בַּמִּדְבָּ֖ר לְכַלֹּותָֽם׃ wayameru־viy veyt־yiseraʾel bamidebar beḥuqowtay loʾ־halakhu weʾet־mishepaṭay maʾasu ʾasher yaʿaseh ʾotam haʾadam waḥay bahem weʾet־shabetotay ḥilelu meʾod waʾomar lishepokhe ḥamatiy ʿaleyhem bamidebar lekhalowtam׃
14 וָאֶעֱשֶׂ֖ה לְמַ֣עַן שְׁמִ֑י לְבִלְתִּ֤י הֵחֵל֙ לְעֵינֵ֣י הַגֹּויִ֔ם אֲשֶׁ֥ר הֹוצֵאתִ֖ים לְעֵינֵיהֶֽם׃ waʾeʿeseh lemaʿan shemiy leviletiy heḥel leʿeyney hagowyim ʾasher howtseʾtiym leʿeyneyhem׃
15 וְגַם־אֲנִ֗י נָשָׂ֧אתִי יָדִ֛י לָהֶ֖ם בַּמִּדְבָּ֑ר לְבִלְתִּי֩ הָבִ֨יא אֹותָ֜ם אֶל־הָאָ֣רֶץ אֲשֶׁר־נָתַ֗תִּי זָבַ֤ת חָלָב֙ וּדְבַ֔שׁ צְבִ֥י הִ֖יא לְכָל־הָאֲרָצֹֽות׃ wegam־ʾaniy nasaʾtiy yadiy lahem bamidebar leviletiy haviyʾ ʾowtam ʾel־haʾarets ʾasher־natatiy zavat ḥalav udevash tseviy hiyʾ lekhal־haʾaratsowt׃
16 יַ֜עַן בְּמִשְׁפָּטַ֣י מָאָ֗סוּ וְאֶת־חֻקֹּותַי֙ לֹא־הָלְכ֣וּ בָהֶ֔ם וְאֶת־שַׁבְּתֹותַ֖י חִלֵּ֑לוּ כִּ֛י אַחֲרֵ֥י גִלּוּלֵיהֶ֖ם לִבָּ֥ם הֹלֵֽךְ׃ yaʿan bemishepaṭay maʾasu weʾet־ḥuqowtay loʾ־halekhu vahem weʾet־shabetowtay ḥilelu kiy ʾaḥarey giluleyhem libam holekhe׃
17 וַתָּ֧חָס עֵינִ֛י עֲלֵיהֶ֖ם מִֽשַּׁחֲתָ֑ם וְלֹֽא־עָשִׂ֧יתִי אֹותָ֛ם כָּלָ֖ה בַּמִּדְבָּֽר׃ wataḥas ʿeyniy ʿaleyhem mishaḥatam weloʾ־ʿasiytiy ʾowtam kalah bamidebar׃
18 וָאֹמַ֤ר אֶל־בְּנֵיהֶם֙ בַּמִּדְבָּ֔ר בְּחוּקֵּ֤י אֲבֹֽותֵיכֶם֙ אַל־תֵּלֵ֔כוּ וְאֶת־מִשְׁפְּטֵיהֶ֖ם אַל־תִּשְׁמֹ֑רוּ וּבְגִלּוּלֵיהֶ֖ם אַל־תִּטַּמָּֽאוּ׃ waʾomar ʾel־beneyhem bamidebar beḥuqey ʾavowteykhem ʾal־telekhu weʾet־mishepeṭeyhem ʾal־tishemoru uvegiluleyhem ʾal־tiṭamaʾu׃
19 אֲנִי֙ יְהוָ֣ה אֱלֹהֵיכֶ֔ם בְּחֻקֹּותַ֖י לֵ֑כוּ וְאֶת־מִשְׁפָּטַ֥י שִׁמְר֖וּ וַעֲשׂ֥וּ אֹותָֽם׃ ʾaniy yehwah ʾeloheykhem beḥuqowtay lekhu weʾet־mishepaṭay shimeru waʿasu ʾowtam׃
20 וְאֶת־שַׁבְּתֹותַ֖י קַדֵּ֑שׁוּ וְהָי֤וּ לְאֹות֙ בֵּינִ֣י וּבֵֽינֵיכֶ֔ם לָדַ֕עַת כִּ֛י אֲנִ֥י יְהוָ֖ה אֱלֹהֵיכֶֽם׃ weʾet־shabetowtay qadeshu wehayu leʾowt beyniy uveyneykhem ladaʿat kiy ʾaniy yehwah ʾeloheykhem׃
21 וַיַּמְרוּ־בִ֣י הַבָּנִ֗ים בְּחֻקֹּותַ֣י לֹֽא־הָ֠לָכוּ וְאֶת־מִשְׁפָּטַ֨י לֹא־שָׁמְר֜וּ לַעֲשֹׂ֣ות אֹותָ֗ם אֲשֶׁר֩ יַעֲשֶׂ֨ה אֹותָ֤ם הָֽאָדָם֙ וָחַ֣י בָּהֶ֔ם אֶת־שַׁבְּתֹותַ֖י חִלֵּ֑לוּ וָאֹמַ֞ר לִשְׁפֹּ֧ךְ חֲמָתִ֣י עֲלֵיהֶ֗ם לְכַלֹּ֥ות אַפִּ֛י בָּ֖ם בַּמִּדְבָּֽר׃ wayameru־viy habaniym beḥuqowtay loʾ־halakhu weʾet־mishepaṭay loʾ־shameru laʿasowt ʾowtam ʾasher yaʿaseh ʾowtam haʾadam waḥay bahem ʾet־shabetowtay ḥilelu waʾomar lishepokhe ḥamatiy ʿaleyhem lekhalowt ʾapiy bam bamidebar׃
22 וַהֲשִׁבֹ֙תִי֙ אֶת־יָדִ֔י וָאַ֖עַשׂ לְמַ֣עַן שְׁמִ֑י לְבִלְתִּ֤י הֵחֵל֙ לְעֵינֵ֣י הַגֹּויִ֔ם אֲשֶׁר־הֹוצֵ֥אתִי אֹותָ֖ם לְעֵינֵיהֶֽם׃ wahashivotiy ʾet־yadiy waʾaʿas lemaʿan shemiy leviletiy heḥel leʿeyney hagowyim ʾasher־howtseʾtiy ʾowtam leʿeyneyhem׃
23 גַּם־אֲנִ֗י נָשָׂ֧אתִי אֶת־יָדִ֛י לָהֶ֖ם בַּמִּדְבָּ֑ר לְהָפִ֤יץ אֹתָם֙ בַּגֹּויִ֔ם וּלְזָרֹ֥ות אֹותָ֖ם בָּאֲרָצֹֽות׃ gam־ʾaniy nasaʾtiy ʾet־yadiy lahem bamidebar lehafiyts ʾotam bagowyim ulezarowt ʾowtam baʾaratsowt׃
24 יַ֜עַן מִשְׁפָּטַ֤י לֹֽא־עָשׂוּ֙ וְחֻקֹּותַ֣י מָאָ֔סוּ וְאֶת־שַׁבְּתֹותַ֖י חִלֵּ֑לוּ וְאַחֲרֵי֙ גִּלּוּלֵ֣י אֲבֹותָ֔ם הָי֖וּ עֵינֵיהֶֽם׃ yaʿan mishepaṭay loʾ־ʿasu weḥuqowtay maʾasu weʾet־shabetowtay ḥilelu weʾaḥarey giluley ʾavowtam hayu ʿeyneyhem׃
25 וְגַם־אֲנִי֙ נָתַ֣תִּי לָהֶ֔ם חֻקִּ֖ים לֹ֣א טֹובִ֑ים וּמִ֨שְׁפָּטִ֔ים לֹ֥א יִֽחְי֖וּ בָּהֶֽם׃ wegam־ʾaniy natatiy lahem ḥuqiym loʾ ṭowviym umishepaṭiym loʾ yiḥeyu bahem׃
26 וָאֲטַמֵּ֤א אֹותָם֙ בְּמַתְּנֹותָ֔ם בְּהַעֲבִ֖יר כָּל־פֶּ֣טֶר רָ֑חַם לְמַ֣עַן אֲשִׁמֵּ֔ם לְמַ֙עַן֙ אֲשֶׁ֣ר יֵֽדְע֔וּ אֲשֶׁ֖ר אֲנִ֥י יְהוָֽה׃ ס waʾaṭameʾ ʾowtam bematenowtam behaʿaviyr kal־peṭer raḥam lemaʿan ʾashimem lemaʿan ʾasher yedeʿu ʾasher ʾaniy yehwah׃ s
27 לָכֵ֞ן דַּבֵּ֨ר אֶל־בֵּ֤ית יִשְׂרָאֵל֙ בֶּן־אָדָ֔ם וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהוִ֑ה עֹ֗וד זֹ֚את גִּדְּפ֤וּ אֹותִי֙ אֲבֹ֣ותֵיכֶ֔ם בְּמַעֲלָ֥ם בִּ֖י מָֽעַל׃ lakhen daber ʾel־beyt yiseraʾel ben־ʾadam weʾamareta ʾaleyhem koh ʾamar ʾadonay yehwih ʿowd zoʾt gidefu ʾowtiy ʾavowteykhem bemaʿalam biy maʿal׃
28 וָאֲבִיאֵם֙ אֶל־הָאָ֔רֶץ אֲשֶׁ֤ר נָשָׂ֙אתִי֙ אֶת־יָדִ֔י לָתֵ֥ת אֹותָ֖הּ לָהֶ֑ם וַיִּרְאוּ֩ כָל־גִּבְעָ֨ה רָמָ֜ה וְכָל־עֵ֣ץ עָבֹ֗ת וַיִּזְבְּחוּ־שָׁ֤ם אֶת־זִבְחֵיהֶם֙ וַיִּתְּנוּ־שָׁם֙ כַּ֣עַס קָרְבָּנָ֔ם וַיָּשִׂ֣ימוּ שָׁ֗ם רֵ֚יחַ נִיחֹ֣וחֵיהֶ֔ם וַיַּסִּ֥יכוּ שָׁ֖ם אֶת־נִסְכֵּיהֶֽם׃ waʾaviyʾem ʾel־haʾarets ʾasher nasaʾtiy ʾet־yadiy latet ʾowtah lahem wayireʾu khal־giveʿah ramah wekhal־ʿets ʿavot wayizebeḥu־sham ʾet־ziveḥeyhem wayitenu־sham kaʿas qarebanam wayasiymu sham reyḥa niyḥowḥeyhem wayasiykhu sham ʾet־nisekeyhem׃
29 וָאֹמַ֣ר אֲלֵהֶ֔ם מָ֣ה הַבָּמָ֔ה אֲשֶׁר־אַתֶּ֥ם הַבָּאִ֖ים שָׁ֑ם וַיִּקָּרֵ֤א שְׁמָהּ֙ בָּמָ֔ה עַ֖ד הַיֹּ֥ום הַזֶּֽה׃ waʾomar ʾalehem mah habamah ʾasher־ʾatem habaʾiym sham wayiqareʾ shemah bamah ʿad hayowm hazeh׃
30 לָכֵ֞ן אֱמֹ֣ר ׀ אֶל־בֵּ֣ית יִשְׂרָאֵ֗ל כֹּ֤ה אָמַר֙ אֲדֹנָ֣י יְהוִ֔ה הַבְּדֶ֥רֶךְ אֲבֹֽותֵיכֶ֖ם אַתֶּ֣ם נִטְמְאִ֑ים וְאַחֲרֵ֥י שִׁקּוּצֵיהֶ֖ם אַתֶּ֥ם זֹנִֽים׃ lakhen ʾemor ׀ ʾel־beyt yiseraʾel koh ʾamar ʾadonay yehwih habederekhe ʾavowteykhem ʾatem niṭemeʾiym weʾaḥarey shiqutseyhem ʾatem zoniym׃
31 וּבִשְׂאֵ֣ת מַתְּנֹֽתֵיכֶ֡ם בְּֽהַעֲבִיר֩ בְּנֵיכֶ֨ם בָּאֵ֜שׁ אַתֶּם֩ נִטְמְאִ֤֨ים לְכָל־גִּלּֽוּלֵיכֶם֙ עַד־הַיֹּ֔ום וַאֲנִ֛י אִדָּרֵ֥שׁ לָכֶ֖ם בֵּ֣ית יִשְׂרָאֵ֑ל חַי־אָ֗נִי נְאֻם֙ אֲדֹנָ֣י יְהוִ֔ה אִם־אִדָּרֵ֖שׁ לָכֶֽם׃ uviseʾet matenoteykhem behaʿaviyr beneykhem baʾesh ʾatem niṭemeʾiym lekhal־giluleykhem ʿad־hayowm waʾaniy ʾidaresh lakhem beyt yiseraʾel ḥay־ʾaniy neʾum ʾadonay yehwih ʾim־ʾidaresh lakhem׃
32 וְהָֽעֹלָה֙ עַל־ר֣וּחֲכֶ֔ם הָיֹ֖ו לֹ֣א תִֽהְיֶ֑ה אֲשֶׁ֣ר ׀ אַתֶּ֣ם אֹמְרִ֗ים נִֽהְיֶ֤ה כַגֹּויִם֙ כְּמִשְׁפְּחֹ֣ות הָאֲרָצֹ֔ות לְשָׁרֵ֖ת עֵ֥ץ וָאָֽבֶן׃ wehaʿolah ʿal־ruḥakhem hayow loʾ tiheyeh ʾasher ׀ ʾatem ʾomeriym niheyeh khagowyim kemishepeḥowt haʾaratsowt lesharet ʿets waʾaven׃
33 חַי־אָ֕נִי נְאֻ֖ם אֲדֹנָ֣י יְהוִ֑ה אִם־לֹ֠א בְּיָ֨ד חֲזָקָ֜ה וּבִזְרֹ֧ועַ נְטוּיָ֛ה וּבְחֵמָ֥ה שְׁפוּכָ֖ה אֶמְלֹ֥וךְ עֲלֵיכֶֽם׃ ḥay־ʾaniy neʾum ʾadonay yehwih ʾim־loʾ beyad ḥazaqah uvizerowʿa neṭuyah uveḥemah shefukhah ʾemelowkhe ʿaleykhem׃
34 וְהֹוצֵאתִ֤י אֶתְכֶם֙ מִן־הָ֣עַמִּ֔ים וְקִבַּצְתִּ֣י אֶתְכֶ֔ם מִן־הָ֣אֲרָצֹ֔ות אֲשֶׁ֥ר נְפֹוצֹתֶ֖ם בָּ֑ם בְּיָ֤ד חֲזָקָה֙ וּבִזְרֹ֣ועַ נְטוּיָ֔ה וּבְחֵמָ֖ה שְׁפוּכָֽה׃ wehowtseʾtiy ʾetekhem min־haʿamiym weqibatsetiy ʾetekhem min־haʾaratsowt ʾasher nefowtsotem bam beyad ḥazaqah uvizerowʿa neṭuyah uveḥemah shefukhah׃
35 וְהֵבֵאתִ֣י אֶתְכֶ֔ם אֶל־מִדְבַּ֖ר הָֽעַמִּ֑ים וְנִשְׁפַּטְתִּ֤י אִתְּכֶם֙ שָׁ֔ם פָּנִ֖ים אֶל־פָּנִֽים׃ weheveʾtiy ʾetekhem ʾel־midebar haʿamiym wenishepaṭetiy ʾitekhem sham paniym ʾel־paniym׃
36 כַּאֲשֶׁ֤ר נִשְׁפַּ֙טְתִּי֙ אֶת־אֲבֹ֣ותֵיכֶ֔ם בְּמִדְבַּ֖ר אֶ֣רֶץ מִצְרָ֑יִם כֵּ֚ן אִשָּׁפֵ֣ט אִתְּכֶ֔ם נְאֻ֖ם אֲדֹנָ֥י יְהוִֽה׃ kaʾasher nishepaṭetiy ʾet־ʾavowteykhem bemidebar ʾerets mitserayim ken ʾishafeṭ ʾitekhem neʾum ʾadonay yehwih׃
37 וְהַעֲבַרְתִּ֥י אֶתְכֶ֖ם תַּ֣חַת הַשָּׁ֑בֶט וְהֵבֵאתִ֥י אֶתְכֶ֖ם בְּמָסֹ֥רֶת הַבְּרִֽית׃ wehaʿavaretiy ʾetekhem taḥat hashaveṭ weheveʾtiy ʾetekhem bemasoret haberiyt׃
38 וּבָרֹותִ֣י מִכֶּ֗ם הַמֹּרְדִ֤ים וְהַפֹּֽושְׁעִים֙ בִּ֔י מֵאֶ֤רֶץ מְגֽוּרֵיהֶם֙ אֹוצִ֣יא אֹותָ֔ם וְאֶל־אַדְמַ֥ת יִשְׂרָאֵ֖ל לֹ֣א יָבֹ֑וא וִֽידַעְתֶּ֖ם כִּי־אֲנִ֥י יְהוָֽה׃ uvarowtiy mikem hamorediym wehapowsheʿiym biy meʾerets megureyhem ʾowtsiyʾ ʾowtam weʾel־ʾademat yiseraʾel loʾ yavowʾ wiydaʿetem kiy־ʾaniy yehwah׃
39 וְאַתֶּ֨ם בֵּֽית־יִשְׂרָאֵ֜ל כֹּֽה־אָמַ֣ר ׀ אֲדֹנָ֣י יְהֹוִ֗ה אִ֤ישׁ גִּלּוּלָיו֙ לְכ֣וּ עֲבֹ֔דוּ וְאַחַ֕ר אִם־אֵינְכֶ֖ם שֹׁמְעִ֣ים אֵלָ֑י וְאֶת־שֵׁ֤ם קָדְשִׁי֙ לֹ֣א תְחַלְּלוּ־עֹ֔וד בְּמַתְּנֹֽותֵיכֶ֖ם וּבְגִלּוּלֵיכֶֽם׃ weʾatem beyt־yiseraʾel koh־ʾamar ׀ ʾadonay yehowih ʾiysh gilulayw lekhu ʿavodu weʾaḥar ʾim־ʾeynekhem shomeʿiym ʾelay weʾet־shem qadeshiy loʾ teḥalelu־ʿowd bematenowteykhem uvegiluleykhem׃
40 כִּ֣י בְהַר־קָדְשִׁ֞י בְּהַ֣ר ׀ מְרֹ֣ום יִשְׂרָאֵ֗ל נְאֻם֙ אֲדֹנָ֣י יְהוִ֔ה שָׁ֣ם יַעַבְדֻ֜נִי כָּל־בֵּ֧ית יִשְׂרָאֵ֛ל כֻּלֹּ֖ה בָּאָ֑רֶץ שָׁ֣ם אֶרְצֵ֔ם וְשָׁ֞ם אֶדְרֹ֣ושׁ אֶת־תְּרוּמֹֽתֵיכֶ֗ם וְאֶת־רֵאשִׁ֛ית מַשְׂאֹותֵיכֶ֖ם בְּכָל־קָדְשֵׁיכֶֽם׃ kiy vehar־qadeshiy behar ׀ merowm yiseraʾel neʾum ʾadonay yehwih sham yaʿaveduniy kal־beyt yiseraʾel kuloh baʾarets sham ʾeretsem wesham ʾederowsh ʾet־terumoteykhem weʾet־reʾshiyt maseʾowteykhem bekhal־qadesheykhem׃
41 בְּרֵ֣יחַ נִיחֹחַ֮ אֶרְצֶ֣ה אֶתְכֶם֒ בְּהֹוצִיאִ֤י אֶתְכֶם֙ מִן־הָ֣עַמִּ֔ים וְקִבַּצְתִּ֣י אֶתְכֶ֔ם מִן־הָ֣אֲרָצֹ֔ות אֲשֶׁ֥ר נְפֹצֹתֶ֖ם בָּ֑ם וְנִקְדַּשְׁתִּ֥י בָכֶ֖ם לְעֵינֵ֥י הַגֹּויִֽם׃ bereyḥa niyḥoaḥ ʾeretseh ʾetekhem behowtsiyʾiy ʾetekhem min־haʿamiym weqibatsetiy ʾetekhem min־haʾaratsowt ʾasher nefotsotem bam weniqedashetiy vakhem leʿeyney hagowyim׃
42 וִֽידַעְתֶּם֙ כִּֽי־אֲנִ֣י יְהוָ֔ה בַּהֲבִיאִ֥י אֶתְכֶ֖ם אֶל־אַדְמַ֣ת יִשְׂרָאֵ֑ל אֶל־הָאָ֗רֶץ אֲשֶׁ֤ר נָשָׂ֙אתִי֙ אֶת־יָדִ֔י לָתֵ֥ת אֹותָ֖הּ לַאֲבֹֽותֵיכֶֽם׃ wiydaʿetem kiy־ʾaniy yehwah bahaviyʾiy ʾetekhem ʾel־ʾademat yiseraʾel ʾel־haʾarets ʾasher nasaʾtiy ʾet־yadiy latet ʾowtah laʾavowteykhem׃
43 וּזְכַרְתֶּם־שָׁ֗ם אֶת־דַּרְכֵיכֶם֙ וְאֵת֙ כָּל־עֲלִילֹ֣ותֵיכֶ֔ם אֲשֶׁ֥ר נִטְמֵאתֶ֖ם בָּ֑ם וּנְקֹֽטֹתֶם֙ בִּפְנֵיכֶ֔ם בְּכָל־רָעֹותֵיכֶ֖ם אֲשֶׁ֥ר עֲשִׂיתֶֽם׃ uzekharetem־sham ʾet־darekheykhem weʾet kal־ʿaliylowteykhem ʾasher niṭemeʾtem bam uneqoṭotem bifeneykhem bekhal־raʿowteykhem ʾasher ʿasiytem׃
44 וִֽידַעְתֶּם֙ כִּֽי־אֲנִ֣י יְהוָ֔ה בַּעֲשֹׂותִ֥י אִתְּכֶ֖ם לְמַ֣עַן שְׁמִ֑י לֹא֩ כְדַרְכֵיכֶ֨ם הָרָעִ֜ים וְכַעֲלִילֹֽותֵיכֶ֤ם הַנִּשְׁחָתֹות֙ בֵּ֣ית יִשְׂרָאֵ֔ל נְאֻ֖ם אֲדֹנָ֥י יְהוִֽה׃ פ wiydaʿetem kiy־ʾaniy yehwah baʿasowtiy ʾitekhem lemaʿan shemiy loʾ khedarekheykhem haraʿiym wekhaʿaliylowteykhem hanisheḥatowt beyt yiseraʾel neʾum ʾadonay yehwih׃ f