Ézéchiel 28

¹ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

² בֶּן־אָדָ֡ם אֱמֹר֩ לִנְגִ֨יד צֹ֜ר כֹּֽה־אָמַ֣ר ׀ אֲדֹנָ֣י יְהֹוִ֗ה יַ֣עַן גָּבַ֤הּ לִבְּךָ֙ וַתֹּ֙אמֶר֙ אֵ֣ל אָ֔נִי מֹושַׁ֧ב אֱלֹהִ֛ים יָשַׁ֖בְתִּי בְּלֵ֣ב יַמִּ֑ים וְאַתָּ֤ה אָדָם֙ וְֽלֹא־אֵ֔ל וַתִּתֵּ֥ן לִבְּךָ֖ כְּלֵ֥ב אֱלֹהִֽים׃ ben־ʾadam ʾemor linegiyd tsor koh־ʾamar ׀ ʾadonay yehowih yaʿan gavah libekha watoʾmer ʾel ʾaniy mowshav ʾelohiym yashavetiy belev yamiym weʾatah ʾadam weloʾ־ʾel watiten libekha kelev ʾelohiym׃

³ הִנֵּ֥ה חָכָ֛ם אַתָּ֖ה [מִדָּנִאֵל כ] (מִדָּֽנִיאֵ֑ל ק) כָּל־סָת֖וּם לֹ֥א עֲמָמֽוּךָ׃ hineh ḥakham ʾatah [midaniʾel kh] (midaniyʾel q) kal־satum loʾ ʿamamukha׃

⁴ בְּחָכְמָֽתְךָ֙ וּבִתְבוּנָ֣תְךָ֔ עָשִׂ֥יתָ לְּךָ֖ חָ֑יִל וַתַּ֛עַשׂ זָהָ֥ב וָכֶ֖סֶף בְּאֹוצְרֹותֶֽיךָ׃ beḥakhematekha uvitevunatekha ʿasiyta lekha ḥayil wataʿas zahav wakhesef beʾowtserowteykha׃

⁵ בְּרֹ֧ב חָכְמָתְךָ֛ בִּרְכֻלָּתְךָ֖ הִרְבִּ֣יתָ חֵילֶ֑ךָ וַיִּגְבַּ֥הּ לְבָבְךָ֖ בְּחֵילֶֽךָ׃ ס berov ḥakhematekha birekhulatekha hirebiyta ḥeylekha wayigebah levavekha beḥeylekha׃ s

⁶ לָכֵ֕ן כֹּ֥ה אָמַ֖ר אֲדֹנָ֣י יְהוִ֑ה יַ֛עַן תִּתְּךָ֥ אֶת־לְבָבְךָ֖ כְּלֵ֥ב אֱלֹהִֽים׃ lakhen koh ʾamar ʾadonay yehwih yaʿan titekha ʾet־levavekha kelev ʾelohiym׃

⁷ לָכֵ֗ן הִנְנִ֨י מֵבִ֤יא עָלֶ֙יךָ֙ זָרִ֔ים עָרִיצֵ֖י גֹּויִ֑ם וְהֵרִ֤יקוּ חַרְבֹותָם֙ עַל־יְפִ֣י חָכְמָתֶ֔ךָ וְחִלְּל֖וּ יִפְעָתֶֽךָ׃ lakhen hineniy meviyʾ ʿaleykha zariym ʿariytsey gowyim weheriyqu ḥarevowtam ʿal־yefiy ḥakhematekha weḥilelu yifeʿatekha׃

⁸ לַשַּׁ֖חַת יֹֽורִד֑וּךָ וָמַ֛תָּה מְמֹותֵ֥י חָלָ֖ל בְּלֵ֥ב יַמִּֽים׃ lashaḥat yowridukha wamatah memowtey ḥalal belev yamiym׃

⁹ הֶאָמֹ֤ר תֹּאמַר֙ אֱלֹהִ֣ים אָ֔נִי לִפְנֵ֖י הֹֽרְגֶ֑ךָ וְאַתָּ֥ה אָדָ֛ם וְלֹא־אֵ֖ל בְּיַ֥ד מְחַלְלֶֽיךָ׃ heʾamor toʾmar ʾelohiym ʾaniy lifeney horegekha weʾatah ʾadam weloʾ־ʾel beyad meḥaleleykha׃

¹⁰ מֹותֵ֧י עֲרֵלִ֛ים תָּמ֖וּת בְּיַד־זָרִ֑ים כִּ֚י אֲנִ֣י דִבַּ֔רְתִּי נְאֻ֖ם אֲדֹנָ֥י יְהוִֽה׃ ס mowtey ʿareliym tamut beyad־zariym kiy ʾaniy dibaretiy neʾum ʾadonay yehwih׃ s

¹¹ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

¹² בֶּן־אָדָ֕ם שָׂ֥א קִינָ֖ה עַל־מֶ֣לֶךְ צֹ֑ור וְאָמַ֣רְתָּ לֹּ֗ו כֹּ֤ה אָמַר֙ אֲדֹנָ֣י יְהוִ֔ה אַתָּה֙ חֹותֵ֣ם תָּכְנִ֔ית מָלֵ֥א חָכְמָ֖ה וּכְלִ֥יל יֹֽפִי׃ ben־ʾadam saʾ qiynah ʿal־melekhe tsowr weʾamareta low koh ʾamar ʾadonay yehwih ʾatah ḥowtem takheniyt maleʾ ḥakhemah ukheliyl yofiy׃

¹³ בְּעֵ֨דֶן גַּן־אֱלֹהִ֜ים הָיִ֗יתָ כָּל־אֶ֨בֶן יְקָרָ֤ה מְסֻכָתֶ֙ךָ֙ אֹ֣דֶם פִּטְדָ֞ה וְיָהֲלֹ֗ם תַּרְשִׁ֥ישׁ שֹׁ֙הַם֙ וְיָ֣שְׁפֵ֔ה סַפִּ֣יר נֹ֔פֶךְ וּבָרְקַ֖ת וְזָהָ֑ב מְלֶ֨אכֶת תֻּפֶּ֤יךָ וּנְקָבֶ֙יךָ֙ בָּ֔ךְ בְּיֹ֥ום הִבָּרַאֲךָ֖ כֹּונָֽנוּ׃ beʿeden gan־ʾelohiym hayiyta kal־ʾeven yeqarah mesukhatekha ʾodem piṭedah weyahalom tareshiysh shoham weyashefeh sapiyr nofekhe uvareqat wezahav meleʾkhet tupeykha uneqaveykha bakhe beyowm hibaraʾakha kownanu׃

¹⁴ אַ֨תְּ־כְּר֔וּב מִמְשַׁ֖ח הַסֹּוכֵ֑ךְ וּנְתַתִּ֗יךָ בְּהַ֨ר קֹ֤דֶשׁ אֱלֹהִים֙ הָיִ֔יתָ בְּתֹ֥וךְ אַבְנֵי־אֵ֖שׁ הִתְהַלָּֽכְתָּ׃ ʾate־keruv mimeshaḥ hasowkhekhe unetatiykha behar qodesh ʾelohiym hayiyta betowkhe ʾaveney־ʾesh hitehalakheta׃

¹⁵ תָּמִ֤ים אַתָּה֙ בִּדְרָכֶ֔יךָ מִיֹּ֖ום הִבָּֽרְאָ֑ךְ עַד־נִמְצָ֥א עַוְלָ֖תָה בָּֽךְ׃ tamiym ʾatah biderakheykha miyowm hibareʾakhe ʿad־nimetsaʾ ʿawelatah bakhe׃

¹⁶ בְּרֹ֣ב רְכֻלָּתְךָ֗ מָל֧וּ תֹוכְךָ֛ חָמָ֖ס וַֽתֶּחֱטָ֑א וָאֶחַלֶּלְךָ֩ מֵהַ֨ר אֱלֹהִ֤ים וָֽאַבֶּדְךָ֙ כְּר֣וּב הַסֹּכֵ֔ךְ מִתֹּ֖וךְ אַבְנֵי־אֵֽשׁ׃ berov rekhulatekha malu towkhekha ḥamas wateḥeṭaʾ waʾeḥalelekha mehar ʾelohiym waʾabedekha keruv hasokhekhe mitowkhe ʾaveney־ʾesh׃

¹⁷ גָּבַ֤הּ לִבְּךָ֙ בְּיָפְיֶ֔ךָ שִׁחַ֥תָּ חָכְמָתְךָ֖ עַל־יִפְעָתֶ֑ךָ עַל־אֶ֣רֶץ הִשְׁלַכְתִּ֗יךָ לִפְנֵ֧י מְלָכִ֛ים נְתַתִּ֖יךָ לְרַ֥אֲוָה בָֽךְ׃ gavah libekha beyafeyekha shiḥata ḥakhematekha ʿal־yifeʿatekha ʿal־ʾerets hishelakhetiykha lifeney melakhiym netatiykha leraʾawah vakhe׃

¹⁸ מֵרֹ֣ב עֲוֹנֶ֗יךָ בְּעֶ֙וֶל֙ רְכֻלָּ֣תְךָ֔ חִלַּ֖לְתָּ מִקְדָּשֶׁ֑יךָ וָֽאֹוצִא־אֵ֤שׁ מִתֹּֽוכְךָ֙ הִ֣יא אֲכָלַ֔תְךָ וָאֶתֶּנְךָ֤ לְאֵ֙פֶר֙ עַל־הָאָ֔רֶץ לְעֵינֵ֖י כָּל־רֹאֶֽיךָ׃ merov ʿaoneykha beʿewel rekhulatekha ḥilaleta miqedasheykha waʾowtsiʾ־ʾesh mitowkhekha hiyʾ ʾakhalatekha waʾetenekha leʾefer ʿal־haʾarets leʿeyney kal־roʾeykha׃

¹⁹ כָּל־יֹודְעֶ֙יךָ֙ בָּֽעַמִּ֔ים שָׁמְמ֖וּ עָלֶ֑יךָ בַּלָּהֹ֣ות הָיִ֔יתָ וְאֵינְךָ֖ עַד־עֹולָֽם׃ פ kal־yowdeʿeykha baʿamiym shamemu ʿaleykha balahowt hayiyta weʾeynekha ʿad־ʿowlam׃ f

²⁰ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

²¹ בֶּן־אָדָ֕ם שִׂ֥ים פָּנֶ֖יךָ אֶל־צִידֹ֑ון וְהִנָּבֵ֖א עָלֶֽיהָ׃ ben־ʾadam siym paneykha ʾel־tsiydown wehinaveʾ ʿaleyha׃

²² וְאָמַרְתָּ֗ כֹּ֤ה אָמַר֙ אֲדֹנָ֣י יְהוִ֔ה הִנְנִ֤י עָלַ֙יִךְ֙ צִידֹ֔ון וְנִכְבַּדְתִּ֖י בְּתֹוכֵ֑ךְ וְֽיָדְע֞וּ כִּֽי־אֲנִ֣י יְהוָ֗ה בַּעֲשֹׂ֥ותִי בָ֛הּ שְׁפָטִ֖ים וְנִקְדַּ֥שְׁתִּי בָֽהּ׃ weʾamareta koh ʾamar ʾadonay yehwih hineniy ʿalayikhe tsiydown wenikhebadetiy betowkhekhe weyadeʿu kiy־ʾaniy yehwah baʿasowtiy vah shefaṭiym weniqedashetiy vah׃

²³ וְשִׁלַּחְתִּי־בָ֞הּ דֶּ֤בֶר וָדָם֙ בְּח֣וּצֹותֶ֔יהָ וְנִפְלַ֤ל חָלָל֙ בְּתֹוכָ֔הּ בְּחֶ֥רֶב עָלֶ֖יהָ מִסָּבִ֑יב וְיָדְע֖וּ כִּֽי־אֲנִ֥י יְהוָֽה׃ weshilaḥetiy־vah dever wadam beḥutsowteyha wenifelal ḥalal betowkhah beḥerev ʿaleyha misaviyv weyadeʿu kiy־ʾaniy yehwah׃

²⁴ וְלֹֽא־יִהְיֶ֨ה עֹ֜וד לְבֵ֣ית יִשְׂרָאֵ֗ל סִלֹּ֤ון מַמְאִיר֙ וְקֹ֣וץ מַכְאִ֔ב מִכֹּל֙ סְבִ֣יבֹתָ֔ם הַשָּׁאטִ֖ים אֹותָ֑ם וְיָ֣דְע֔וּ כִּ֥י אֲנִ֖י אֲדֹנָ֥י יְהוִֽה׃ ס weloʾ־yiheyeh ʿowd leveyt yiseraʾel silown mameʾiyr weqowts makheʾiv mikol seviyvotam hashaʾṭiym ʾowtam weyadeʿu kiy ʾaniy ʾadonay yehwih׃ s

²⁵ כֹּֽה־אָמַר֮ אֲדֹנָ֣י יְהוִה֒ בְּקַבְּצִ֣י ׀ אֶת־בֵּ֣ית יִשְׂרָאֵ֗ל מִן־הָֽעַמִּים֙ אֲשֶׁ֣ר נָפֹ֣צוּ בָ֔ם וְנִקְדַּ֥שְׁתִּי בָ֖ם לְעֵינֵ֣י הַגֹּויִ֑ם וְיָֽשְׁבוּ֙ עַל־אַדְמָתָ֔ם אֲשֶׁ֥ר נָתַ֖תִּי לְעַבְדִּ֥י לְיַעֲקֹֽב׃ koh־ʾamar ʾadonay yehwih beqabetsiy ׀ ʾet־beyt yiseraʾel min־haʿamiym ʾasher nafotsu vam weniqedashetiy vam leʿeyney hagowyim weyashevu ʿal־ʾadematam ʾasher natatiy leʿavediy leyaʿaqov׃

²⁶ וְיָשְׁב֣וּ עָלֶיהָ֮ לָבֶטַח֒ וּבָנ֤וּ בָתִּים֙ וְנָטְע֣וּ כְרָמִ֔ים וְיָשְׁב֖וּ לָבֶ֑טַח בַּעֲשֹׂותִ֣י שְׁפָטִ֗ים בְּכֹ֨ל הַשָּׁאטִ֤ים אֹתָם֙ מִסְּבִ֣יבֹותָ֔ם וְיָ֣דְע֔וּ כִּ֛י אֲנִ֥י יְהוָ֖ה אֱלֹהֵיהֶֽם׃ ס weyashevu ʿaleyha laveṭaḥ uvanu vatiym wenaṭeʿu kheramiym weyashevu laveṭaḥ baʿasowtiy shefaṭiym bekhol hashaʾṭiym ʾotam miseviyvowtam weyadeʿu kiy ʾaniy yehwah ʾeloheyhem׃ s