Osée 11

¹ כִּ֛י נַ֥עַר יִשְׂרָאֵ֖ל וָאֹהֲבֵ֑הוּ וּמִמִּצְרַ֖יִם קָרָ֥אתִי לִבְנִֽי׃ kiy naʿar yiseraʾel waʾohavehu umimitserayim qaraʾtiy liveniy׃

² קָרְא֖וּ לָהֶ֑ם כֵּ֚ן הָלְכ֣וּ מִפְּנֵיהֶ֔ם לַבְּעָלִ֣ים יְזַבֵּ֔חוּ וְלַפְּסִלִ֖ים יְקַטֵּרֽוּן׃ qareʾu lahem ken halekhu mipeneyhem labeʿaliym yezabeḥu welapesiliym yeqaṭerun׃

³ וְאָנֹכִ֤י תִרְגַּ֙לְתִּי֙ לְאֶפְרַ֔יִם קָחָ֖ם עַל־זְרֹֽועֹתָ֑יו וְלֹ֥א יָדְע֖וּ כִּ֥י רְפָאתִֽים׃ weʾanokhiy tiregaletiy leʾeferayim qaḥam ʿal־zerowʿotayw weloʾ yadeʿu kiy refaʾtiym׃

⁴ בְּחַבְלֵ֨י אָדָ֤ם אֶמְשְׁכֵם֙ בַּעֲבֹתֹ֣ות אַהֲבָ֔ה וָאֶהְיֶ֥ה לָהֶ֛ם כִּמְרִ֥ימֵי עֹ֖ל עַ֣ל לְחֵיהֶ֑ם וְאַ֥ט אֵלָ֖יו אֹוכִֽיל׃ beḥaveley ʾadam ʾemeshekhem baʿavotowt ʾahavah waʾeheyeh lahem kimeriymey ʿol ʿal leḥeyhem weʾaṭ ʾelayw ʾowkhiyl׃

⁵ לֹ֤א יָשׁוּב֙ אֶל־אֶ֣רֶץ מִצְרַ֔יִם וְאַשּׁ֖וּר ה֣וּא מַלְכֹּ֑ו כִּ֥י מֵאֲנ֖וּ לָשֽׁוּב׃ loʾ yashuv ʾel־ʾerets mitserayim weʾashur huʾ malekow kiy meʾanu lashuv׃

⁶ וְחָלָ֥ה חֶ֙רֶב֙ בְּעָרָ֔יו וְכִלְּתָ֥ה בַדָּ֖יו וְאָכָ֑לָה מִֽמֹּעֲצֹ֖ותֵיהֶֽם׃ weḥalah ḥerev beʿarayw wekhiletah vadayw weʾakhalah mimoʿatsowteyhem׃

⁷ וְעַמִּ֥י תְלוּאִ֖ים לִמְשֽׁוּבָתִ֑י וְאֶל־עַל֙ יִקְרָאֻ֔הוּ יַ֖חַד לֹ֥א יְרֹומֵם ׃ weʿamiy teluʾiym limeshuvatiy weʾel־ʿal yiqeraʾuhu yaḥad loʾ yerowmem ׃

⁸ אֵ֞יךְ אֶתֶּנְךָ֣ אֶפְרַ֗יִם אֲמַגֶּנְךָ֙ יִשְׂרָאֵ֔ל אֵ֚יךְ אֶתֶּנְךָ֣ כְאַדְמָ֔ה אֲשִֽׂימְךָ֖ כִּצְבֹאיִ֑ם נֶהְפַּ֤ךְ עָלַי֙ לִבִּ֔י יַ֖חַד נִכְמְר֥וּ נִחוּמָֽי׃ ʾeykhe ʾetenekha ʾeferayim ʾamagenekha yiseraʾel ʾeykhe ʾetenekha kheʾademah ʾasiymekha kitsevoʾyim nehepakhe ʿalay libiy yaḥad nikhemeru niḥumay׃

⁹ לֹ֤א אֶֽעֱשֶׂה֙ חֲרֹ֣ון אַפִּ֔י לֹ֥א אָשׁ֖וּב לְשַׁחֵ֣ת אֶפְרָ֑יִם כִּ֣י אֵ֤ל אָֽנֹכִי֙ וְלֹא־אִ֔ישׁ בְּקִרְבְּךָ֣ קָדֹ֔ושׁ וְלֹ֥א אָבֹ֖וא בְּעִֽיר׃ loʾ ʾeʿeseh ḥarown ʾapiy loʾ ʾashuv leshaḥet ʾeferayim kiy ʾel ʾanokhiy weloʾ־ʾiysh beqirebekha qadowsh weloʾ ʾavowʾ beʿiyr׃

¹⁰ אַחֲרֵ֧י יְהוָ֛ה יֵלְכ֖וּ כְּאַרְיֵ֣ה יִשְׁאָ֑ג כִּֽי־ה֣וּא יִשְׁאַ֔ג וְיֶחֶרְד֥וּ בָנִ֖ים מִיָּֽם׃ ʾaḥarey yehwah yelekhu keʾareyeh yisheʾag kiy־huʾ yisheʾag weyeḥeredu vaniym miyam׃

¹¹ יֶחֶרְד֤וּ כְצִפֹּור֙ מִמִּצְרַ֔יִם וּכְיֹונָ֖ה מֵאֶ֣רֶץ אַשּׁ֑וּר וְהֹושַׁבְתִּ֥ים עַל־בָּתֵּיהֶ֖ם נְאֻם־יְהוָֽה׃ ס yeḥeredu khetsipowr mimitserayim ukheyownah meʾerets ʾashur wehowshavetiym ʿal־bateyhem neʾum־yehwah׃ s