Jérémie 49

¹ לִבְנֵ֣י עַמֹּ֗ון כֹּ֚ה אָמַ֣ר יְהוָ֔ה הֲבָנִ֥ים אֵין֙ לְיִשְׂרָאֵ֔ל אִם־יֹורֵ֖שׁ אֵ֣ין לֹ֑ו מַדּ֗וּעַ יָרַ֤שׁ מַלְכָּם֙ אֶת־גָּ֔ד וְעַמֹּ֖ו בְּעָרָ֥יו יָשָֽׁב׃ liveney ʿamown koh ʾamar yehwah havaniym ʾeyn leyiseraʾel ʾim־yowresh ʾeyn low maduaʿ yarash malekam ʾet־gad weʿamow beʿarayw yashav׃

² לָכֵ֡ן הִנֵּה֩ יָמִ֨ים בָּאִ֜ים נְאֻם־יְהוָ֗ה וְ֠הִשְׁמַעְתִּי אֶל־רַבַּ֨ת בְּנֵי־עַמֹּ֜ון תְּרוּעַ֣ת מִלְחָמָ֗ה וְהָֽיְתָה֙ לְתֵ֣ל שְׁמָמָ֔ה וּבְנֹתֶ֖יהָ בָּאֵ֣שׁ תִּצַּ֑תְנָה וְיָרַ֧שׁ יִשְׂרָאֵ֛ל אֶת־יֹרְשָׁ֖יו אָמַ֥ר יְהוָֽה׃ lakhen hineh yamiym baʾiym neʾum־yehwah wehishemaʿetiy ʾel־rabat beney־ʿamown teruʿat mileḥamah wehayetah letel shemamah uvenoteyha baʾesh titsatenah weyarash yiseraʾel ʾet־yoreshayw ʾamar yehwah׃

³ הֵילִ֨ילִי חֶשְׁבֹּ֜ון כִּ֣י שֻׁדְּדָה־עַ֗י צְעַקְנָה֮ בְּנֹ֣ות רַבָּה֒ חֲגֹ֣רְנָה שַׂקִּ֔ים סְפֹ֕דְנָה וְהִתְשֹׁוטַ֖טְנָה בַּגְּדֵרֹ֑ות כִּ֤י מַלְכָּם֙ בַּגֹּולָ֣ה יֵלֵ֔ךְ כֹּהֲנָ֥יו וְשָׂרָ֖יו יַחְדָּֽיו׃ heyliyliy ḥeshebown kiy shudedah־ʿay tseʿaqenah benowt rabah ḥagorenah saqiym sefodenah wehiteshowṭaṭenah bagederowt kiy malekam bagowlah yelekhe kohanayw wesarayw yaḥedayw׃

⁴ מַה־תִּתְהַֽלְלִי֙ בָּֽעֲמָקִ֔ים זָ֣ב עִמְקֵ֔ךְ הַבַּ֖ת הַשֹּֽׁובֵבָ֑ה הַבֹּֽטְחָה֙ בְּאֹ֣צְרֹתֶ֔יהָ מִ֖י יָבֹ֥וא אֵלָֽי׃ mah־titehaleliy baʿamaqiym zav ʿimeqekhe habat hashowvevah haboṭeḥah beʾotseroteyha miy yavowʾ ʾelay׃

⁵ הִנְנִי֩ מֵבִ֨יא עָלַ֜יִךְ פַּ֗חַד נְאֻם־אֲדֹנָ֧י יְהוִ֛ה צְבָאֹ֖ות מִכָּל־סְבִיבָ֑יִךְ וְנִדַּחְתֶּם֙ אִ֣ישׁ לְפָנָ֔יו וְאֵ֥ין מְקַבֵּ֖ץ לַנֹּדֵֽד׃ hineniy meviyʾ ʿalayikhe paḥad neʾum־ʾadonay yehwih tsevaʾowt mikal־seviyvayikhe wenidaḥetem ʾiysh lefanayw weʾeyn meqabets lanoded׃

⁶ וְאַחֲרֵי־כֵ֗ן אָשִׁ֛יב אֶת־שְׁב֥וּת בְּנֵֽי־עַמֹּ֖ון נְאֻם־יְהוָֽה׃ ס weʾaḥarey־khen ʾashiyv ʾet־shevut beney־ʿamown neʾum־yehwah׃ s

⁷ לֶאֱדֹ֗ום כֹּ֤ה אָמַר֙ יְהוָ֣ה צְבָאֹ֔ות הַאֵ֥ין עֹ֛וד חָכְמָ֖ה בְּתֵימָ֑ן אָבְדָ֤ה עֵצָה֙ מִבָּנִ֔ים נִסְרְחָ֖ה חָכְמָתָֽם׃ leʾedowm koh ʾamar yehwah tsevaʾowt haʾeyn ʿowd ḥakhemah beteyman ʾavedah ʿetsah mibaniym nisereḥah ḥakhematam׃

⁸ נֻ֤סוּ הָפְנוּ֙ הֶעְמִ֣יקוּ לָשֶׁ֔בֶת יֹשְׁבֵ֖י דְּדָ֑ן כִּ֣י אֵ֥יד עֵשָׂ֛ו הֵבֵ֥אתִי עָלָ֖יו עֵ֥ת פְּקַדְתִּֽיו׃ nusu hafenu heʿemiyqu lashevet yoshevey dedan kiy ʾeyd ʿesaw heveʾtiy ʿalayw ʿet peqadetiyw׃

⁹ אִם־בֹּֽצְרִים֙ בָּ֣אוּ לָ֔ךְ לֹ֥א יַשְׁאִ֖רוּ עֹֽולֵלֹ֑ות אִם־גַּנָּבִ֥ים בַּלַּ֖יְלָה הִשְׁחִ֥יתוּ דַיָּֽם׃ ʾim־botseriym baʾu lakhe loʾ yasheʾiru ʿowlelowt ʾim־ganaviym balayelah hisheḥiytu dayam׃

¹⁰ כִּֽי־אֲנִ֞י חָשַׂ֣פְתִּי אֶת־עֵשָׂ֗ו גִּלֵּ֙יתִי֙ אֶת־מִסְתָּרָ֔יו וְנֶחְבָּ֖ה לֹ֣א יוּכָ֑ל שֻׁדַּ֥ד זַרְעֹ֛ו וְאֶחָ֥יו וּשְׁכֵנָ֖יו וְאֵינֶֽנּוּ׃ kiy־ʾaniy ḥasafetiy ʾet־ʿesaw gileytiy ʾet־misetarayw weneḥebah loʾ yukhal shudad zareʿow weʾeḥayw ushekhenayw weʾeynenu׃

¹¹ עָזְבָ֥ה יְתֹמֶ֖יךָ אֲנִ֣י אֲחַיֶּ֑ה וְאַלְמְנֹתֶ֖יךָ עָלַ֥י תִּבְטָֽחוּ׃ ס ʿazevah yetomeykha ʾaniy ʾaḥayeh weʾalemenoteykha ʿalay tiveṭaḥu׃ s

¹² כִּי־כֹ֣ה ׀ אָמַ֣ר יְהוָ֗ה הִ֠נֵּה אֲשֶׁר־אֵ֨ין מִשְׁפָּטָ֜ם לִשְׁתֹּ֤ות הַכֹּוס֙ שָׁתֹ֣ו יִשְׁתּ֔וּ וְאַתָּ֣ה ה֔וּא נָקֹ֖ה תִּנָּקֶ֑ה לֹ֣א תִנָּקֶ֔ה כִּ֥י שָׁתֹ֖ה תִּשְׁתֶּֽה׃ kiy־khoh ׀ ʾamar yehwah hineh ʾasher־ʾeyn mishepaṭam lishetowt hakows shatow yishetu weʾatah huʾ naqoh tinaqeh loʾ tinaqeh kiy shatoh tisheteh׃

¹³ כִּ֣י בִ֤י נִשְׁבַּ֙עְתִּי֙ נְאֻם־יְהוָ֔ה כִּֽי־לְשַׁמָּ֧ה לְחֶרְפָּ֛ה לְחֹ֥רֶב וְלִקְלָלָ֖ה תִּֽהְיֶ֣ה בָצְרָ֑ה וְכָל־עָרֶ֥יהָ תִהְיֶ֖ינָה לְחָרְבֹ֥ות עֹולָֽם׃ kiy viy nishebaʿetiy neʾum־yehwah kiy־leshamah leḥerepah leḥorev weliqelalah tiheyeh vatserah wekhal־ʿareyha tiheyeynah leḥarevowt ʿowlam׃

¹⁴ שְׁמוּעָ֤ה שָׁמַ֙עְתִּי֙ מֵאֵ֣ת יְהוָ֔ה וְצִ֖יר בַּגֹּויִ֣ם שָׁל֑וּחַ הִֽתְקַבְּצוּ֙ וּבֹ֣אוּ עָלֶ֔יהָ וְק֖וּמוּ לַמִּלְחָמָֽה׃ shemuʿah shamaʿetiy meʾet yehwah wetsiyr bagowyim shaluaḥ hiteqabetsu uvoʾu ʿaleyha wequmu lamileḥamah׃

¹⁵ כִּֽי־הִנֵּ֥ה קָטֹ֛ן נְתַתִּ֖יךָ בַּגֹּויִ֑ם בָּז֖וּי בָּאָדָֽם׃ kiy־hineh qaṭon netatiykha bagowyim bazuy baʾadam׃

¹⁶ תִּֽפְלַצְתְּךָ֞ הִשִּׁ֤יא אֹתָךְ֙ זְדֹ֣ון לִבֶּ֔ךָ שֹֽׁכְנִי֙ בְּחַגְוֵ֣י הַסֶּ֔לַע תֹּפְשִׂ֖י מְרֹ֣ום גִּבְעָ֑ה כִּֽי־תַגְבִּ֤יהַ כַּנֶּ֙שֶׁר֙ קִנֶּ֔ךָ מִשָּׁ֥ם אֹֽורִידְךָ֖ נְאֻם־יְהוָֽה׃ tifelatsetekha hishiyʾ ʾotakhe zedown libekha shokheniy beḥagewey haselaʿ tofesiy merowm giveʿah kiy־tagebiyha kanesher qinekha misham ʾowriydekha neʾum־yehwah׃

¹⁷ וְהָיְתָ֥ה אֱדֹ֖ום לְשַׁמָּ֑ה כֹּ֚ל עֹבֵ֣ר עָלֶ֔יהָ יִשֹּׁ֥ם וְיִשְׁרֹ֖ק עַל־כָּל־מַכֹּותֶֽהָ׃ wehayetah ʾedowm leshamah kol ʿover ʿaleyha yishom weyisheroq ʿal־kal־makowteah׃

¹⁸ כְּֽמַהְפֵּכַ֞ת סְדֹ֧ם וַעֲמֹרָ֛ה וּשְׁכֵנֶ֖יהָ אָמַ֣ר יְהוָ֑ה לֹֽא־יֵשֵׁ֥ב שָׁם֙ אִ֔ישׁ וְלֹֽא־יָג֥וּר בָּ֖הּ בֶּן־אָדָֽם׃ kemahepekhat sedom waʿamorah ushekheneyha ʾamar yehwah loʾ־yeshev sham ʾiysh weloʾ־yagur bah ben־ʾadam׃

¹⁹ הִ֠נֵּה כְּאַרְיֵ֞ה יַעֲלֶ֨ה מִגְּאֹ֣ון הַיַּרְדֵּן֮ אֶל־נְוֵ֣ה אֵיתָן֒ כִּֽי־אַרְגִּ֤יעָה אֲרִיצֶ֨נּוּ מֵֽעָלֶ֔יהָ וּמִ֥י בָח֖וּר אֵלֶ֣יהָ אֶפְקֹ֑ד כִּ֣י מִ֤י כָמֹ֙ונִי֙ וּמִ֣י יֹעִידֶ֔נִּי וּמִי־זֶ֣ה רֹעֶ֔ה אֲשֶׁ֥ר יַעֲמֹ֖ד לְפָנָֽי׃ ס hineh keʾareyeh yaʿaleh migeʾown hayareden ʾel־neweh ʾeytan kiy־ʾaregiyʿah ʾariytsenu meʿaleyha umiy vaḥur ʾeleyha ʾefeqod kiy miy khamowniy umiy yoʿiydeniy umiy־zeh roʿeh ʾasher yaʿamod lefanay׃ s

²⁰ לָכֵ֞ן שִׁמְע֣וּ עֲצַת־יְהוָ֗ה אֲשֶׁ֤ר יָעַץ֙ אֶל־אֱדֹ֔ום וּמַ֨חְשְׁבֹותָ֔יו אֲשֶׁ֥ר חָשַׁ֖ב אֶל־יֹשְׁבֵ֣י תֵימָ֑ן אִם־לֹ֤א יִסְחָבוּם֙ צְעִירֵ֣י הַצֹּ֔אן אִם־לֹ֥א יַשִּׁ֛ים עֲלֵיהֶ֖ם נְוֵהֶֽם׃ lakhen shimeʿu ʿatsat־yehwah ʾasher yaʿats ʾel־ʾedowm umaḥeshevowtayw ʾasher ḥashav ʾel־yoshevey teyman ʾim־loʾ yiseḥavum tseʿiyrey hatsoʾn ʾim־loʾ yashiym ʿaleyhem newehem׃

²¹ מִקֹּ֣ול נִפְלָ֔ם רָעֲשָׁ֖ה הָאָ֑רֶץ צְעָקָ֕ה בְּיַם־ס֖וּף נִשְׁמַ֥ע קֹולָֽהּ׃ miqowl nifelam raʿashah haʾarets tseʿaqah beyam־suf nishemaʿ qowlah׃

²² הִנֵּ֤ה כַנֶּ֙שֶׁר֙ יַעֲלֶ֣ה וְיִדְאֶ֔ה וְיִפְרֹ֥שׂ כְּנָפָ֖יו עַל־בָּצְרָ֑ה וְֽ֠הָיָה לֵ֞ב גִּבֹּורֵ֤י אֱדֹום֙ בַּיֹּ֣ום הַה֔וּא כְּלֵ֖ב אִשָּׁ֥ה מְצֵרָֽה׃ ס hineh khanesher yaʿaleh weyideʾeh weyiferos kenafayw ʿal־batserah wehayah lev gibowrey ʾedowm bayowm hahuʾ kelev ʾishah metserah׃ s

²³ לְדַמֶּ֗שֶׂק בֹּ֤ושָֽׁה חֲמָת֙ וְאַרְפָּ֔ד כִּי־שְׁמֻעָ֥ה רָעָ֛ה שָׁמְע֖וּ נָמֹ֑גוּ בַּיָּ֣ם דְּאָגָ֔ה הַשְׁקֵ֖ט לֹ֥א יוּכָֽל׃ ledameseq bowshah ḥamat weʾarepad kiy־shemuʿah raʿah shameʿu namogu bayam deʾagah hasheqeṭ loʾ yukhal׃

²⁴ רָפְתָ֥ה דַמֶּ֛שֶׂק הִפְנְתָ֥ה לָנ֖וּס וְרֶ֣טֶט ׀ הֶחֱזִ֑יקָה צָרָ֧ה וַחֲבָלִ֛ים אֲחָזַ֖תָּה כַּיֹּולֵדָֽה׃ rafetah dameseq hifenetah lanus wereṭeṭ ׀ heḥeziyqah tsarah waḥavaliym ʾaḥazatah kayowledah׃

²⁵ אֵ֥יךְ לֹֽא־עֻזְּבָ֖ה עִ֣יר [תְּהִלָּה כ] (תְּהִלָּ֑ת ק) קִרְיַ֖ת מְשֹׂושִֽׂי׃ ʾeykhe loʾ־ʿuzevah ʿiyr [tehilah kh] (tehilat q) qireyat mesowsiy׃

²⁶ לָכֵ֛ן יִפְּל֥וּ בַחוּרֶ֖יהָ בִּרְחֹבֹתֶ֑יהָ וְכָל־אַנְשֵׁ֨י הַמִּלְחָמָ֤ה יִדַּ֙מּוּ֙ בַּיֹּ֣ום הַה֔וּא נְאֻ֖ם יְהוָ֥ה צְבָאֹֽות׃ lakhen yipelu vaḥureyha bireḥovoteyha wekhal־ʾaneshey hamileḥamah yidamu bayowm hahuʾ neʾum yehwah tsevaʾowt׃

²⁷ וְהִצַּ֥תִּי אֵ֖שׁ בְּחֹומַ֣ת דַּמָּ֑שֶׂק וְאָכְלָ֖ה אַרְמְנֹ֥ות בֶּן־הֲדָֽד׃ ס wehitsatiy ʾesh beḥowmat damaseq weʾakhelah ʾaremenowt ben־hadad׃ s

²⁸ לְקֵדָ֣ר ׀ וּֽלְמַמְלְכֹ֣ות חָצֹ֗ור אֲשֶׁ֤ר הִכָּה֙ [נְבוּכַדְרֶאצֹּור כ] (נְבֽוּכַדְרֶאצַּ֣ר ק) מֶֽלֶךְ־בָּבֶ֔ל כֹּ֖ה אָמַ֣ר יְהוָ֑ה ק֚וּמוּ עֲל֣וּ אֶל־קֵדָ֔ר וְשָׁדְד֖וּ אֶת־בְּנֵי־קֶֽדֶם׃ leqedar ׀ ulemamelekhowt ḥatsowr ʾasher hikah [nevukhadereʾtsowr kh] (nevukhadereʾtsar q) melekhe־bavel koh ʾamar yehwah qumu ʿalu ʾel־qedar weshadedu ʾet־beney־qedem׃

²⁹ אָהֳלֵיהֶ֤ם וְצֹאנָם֙ יִקָּ֔חוּ יְרִיעֹותֵיהֶ֧ם וְכָל־כְּלֵיהֶ֛ם וּגְמַלֵּיהֶ֖ם יִשְׂא֣וּ לָהֶ֑ם וְקָרְא֧וּ עֲלֵיהֶ֛ם מָגֹ֖ור מִסָּבִֽיב׃ ʾaholeyhem wetsoʾnam yiqaḥu yeriyʿowteyhem wekhal־keleyhem ugemaleyhem yiseʾu lahem weqareʾu ʿaleyhem magowr misaviyv׃

³⁰ נֻסוּ֩ נֻּ֨דוּ מְאֹ֜ד הֶעְמִ֧יקוּ לָשֶׁ֛בֶת יֹשְׁבֵ֥י חָצֹ֖ור נְאֻם־יְהוָ֑ה כִּֽי־יָעַ֨ץ עֲלֵיכֶ֜ם נְבוּכַדְרֶאצַּ֤ר מֶֽלֶךְ־בָּבֶל֙ עֵצָ֔ה וְחָשַׁ֥ב [עֲלֵיהֶם כ] (עֲלֵיכֶ֖ם ק) מַחֲשָׁבָֽה׃ nusu nudu meʾod heʿemiyqu lashevet yoshevey ḥatsowr neʾum־yehwah kiy־yaʿats ʿaleykhem nevukhadereʾtsar melekhe־bavel ʿetsah weḥashav [ʿaleyhem kh] (ʿaleykhem q) maḥashavah׃

³¹ ק֣וּמוּ עֲל֗וּ אֶל־גֹּ֥וי שְׁלֵ֛יו יֹושֵׁ֥ב לָבֶ֖טַח נְאֻם־יְהוָ֑ה לֹא־דְלָתַ֧יִם וְלֹֽא־בְרִ֛יחַ לֹ֖ו בָּדָ֥ד יִשְׁכֹּֽנוּ׃ qumu ʿalu ʾel־gowy sheleyw yowshev laveṭaḥ neʾum־yehwah loʾ־delatayim weloʾ־veriyḥa low badad yishekonu׃

³² וְהָי֨וּ גְמַלֵּיהֶ֜ם לָבַ֗ז וַהֲמֹ֤ון מִקְנֵיהֶם֙ לְשָׁלָ֔ל וְזֵרִתִ֥ים לְכָל־ר֖וּחַ קְצוּצֵ֣י פֵאָ֑ה וּמִכָּל־עֲבָרָ֛יו אָבִ֥יא אֶת־אֵידָ֖ם נְאֻם־יְהוָֽה׃ wehayu gemaleyhem lavaz wahamown miqeneyhem leshalal wezeritiym lekhal־ruaḥ qetsutsey feʾah umikal־ʿavarayw ʾaviyʾ ʾet־ʾeydam neʾum־yehwah׃

³³ וְהָיְתָ֨ה חָצֹ֜ור לִמְעֹ֥ון תַּנִּ֛ים שְׁמָמָ֖ה עַד־עֹולָ֑ם לֹֽא־יֵשֵׁ֥ב שָׁם֙ אִ֔ישׁ וְלֹֽא־יָג֥וּר בָּ֖הּ בֶּן־אָדָֽם׃ ס wehayetah ḥatsowr limeʿown taniym shemamah ʿad־ʿowlam loʾ־yeshev sham ʾiysh weloʾ־yagur bah ben־ʾadam׃ s

³⁴ אֲשֶׁ֨ר הָיָ֧ה דְבַר־יְהוָ֛ה אֶל־יִרְמְיָ֥הוּ הַנָּבִ֖יא אֶל־עֵילָ֑ם בְּרֵאשִׁ֗ית מַלְכ֛וּת צִדְקִיָּ֥ה מֶֽלֶךְ־יְהוּדָ֖ה לֵאמֹֽר׃ ʾasher hayah devar־yehwah ʾel־yiremeyahu hanaviyʾ ʾel־ʿeylam bereʾshiyt malekhut tsideqiyah melekhe־yehudah leʾmor׃

³⁵ כֹּ֤ה אָמַר֙ יְהוָ֣ה צְבָאֹ֔ות הִנְנִ֥י שֹׁבֵ֖ר אֶת־קֶ֣שֶׁת עֵילָ֑ם רֵאשִׁ֖ית גְּבוּרָתָֽם׃ koh ʾamar yehwah tsevaʾowt hineniy shover ʾet־qeshet ʿeylam reʾshiyt gevuratam׃

³⁶ וְהֵבֵאתִ֨י אֶל־עֵילָ֜ם אַרְבַּ֣ע רוּחֹ֗ות מֵֽאַרְבַּע֙ קְצֹ֣ות הַשָּׁמַ֔יִם וְזֵ֣רִתִ֔ים לְכֹ֖ל הָרֻחֹ֣ות הָאֵ֑לֶּה וְלֹֽא־יִהְיֶ֣ה הַגֹּ֔וי אֲשֶׁ֛ר לֹֽא־יָבֹ֥וא שָׁ֖ם נִדְּחֵ֥י [עֹולָם כ] (עֵילָֽם׃ ק) weheveʾtiy ʾel־ʿeylam ʾarebaʿ ruḥowt meʾarebaʿ qetsowt hashamayim wezeritiym lekhol haruḥowt haʾeleh weloʾ־yiheyeh hagowy ʾasher loʾ־yavowʾ sham nideḥey [ʿowlam kh] (ʿeylam׃ q)

³⁷ וְהַחְתַּתִּ֣י אֶת־עֵ֠ילָם לִפְנֵ֨י אֹיְבֵיהֶ֜ם וְלִפְנֵ֣י ׀ מְבַקְשֵׁ֣י נַפְשָׁ֗ם וְהֵבֵאתִ֨י עֲלֵיהֶ֧ם ׀ רָעָ֛ה אֶת־חֲרֹ֥ון אַפִּ֖י נְאֻם־יְהוָ֑ה וְשִׁלַּחְתִּ֤י אַֽחֲרֵיהֶם֙ אֶת־הַחֶ֔רֶב עַ֥ד כַּלֹּותִ֖י אֹותָֽם׃ wehaḥetatiy ʾet־ʿeylam lifeney ʾoyeveyhem welifeney ׀ mevaqeshey nafesham weheveʾtiy ʿaleyhem ׀ raʿah ʾet־ḥarown ʾapiy neʾum־yehwah weshilaḥetiy ʾaḥareyhem ʾet־haḥerev ʿad kalowtiy ʾowtam׃

³⁸ וְשַׂמְתִּ֥י כִסְאִ֖י בְּעֵילָ֑ם וְהַאֲבַדְתִּ֥י מִשָּׁ֛ם מֶ֥לֶךְ וְשָׂרִ֖ים נְאֻם־יְהוָֽה׃ wesametiy khiseʾiy beʿeylam wehaʾavadetiy misham melekhe wesariym neʾum־yehwah׃

³⁹ וְהָיָ֣ה ׀ בְּאַחֲרִ֣ית הַיָּמִ֗ים [אָשׁוּב כ] (אָשִׁ֛יב ק) אֶת־ [שְׁבִית כ] (שְׁב֥וּת ק) עֵילָ֖ם נְאֻם־יְהוָֽה׃ ס wehayah ׀ beʾaḥariyt hayamiym [ʾashuv kh] (ʾashiyv q) ʾet־ [sheviyt kh] (shevut q) ʿeylam neʾum־yehwah׃ s