Jérémie 8

¹ בָּעֵ֣ת הַהִ֣יא נְאֻם־יְהוָ֡ה [וְיֹצִיאוּ כ] (יֹוצִ֣יאוּ ק) אֶת־עַצְמֹ֣ות מַלְכֵֽי־יְהוּדָ֣ה וְאֶת־עַצְמֹות־שָׂרָיו֩ וְאֶת־עַצְמֹ֨ות הַכֹּהֲנִ֜ים וְאֵ֣ת ׀ עַצְמֹ֣ות הַנְּבִיאִ֗ים וְאֵ֛ת עַצְמֹ֥ות יֹושְׁבֵֽי־יְרוּשָׁלִָ֖ם מִקִּבְרֵיהֶֽם׃ baʿet hahiyʾ neʾum־yehwah [weyotsiyʾu kh] (yowtsiyʾu q) ʾet־ʿatsemowt malekhey־yehudah weʾet־ʿatsemowt־sarayw weʾet־ʿatsemowt hakohaniym weʾet ׀ ʿatsemowt haneviyʾiym weʾet ʿatsemowt yowshevey־yerushalim miqivereyhem׃

² וּשְׁטָחוּם֩ לַשֶּׁ֨מֶשׁ וְלַיָּרֵ֜חַ וּלְכֹ֣ל ׀ צְבָ֣א הַשָּׁמַ֗יִם אֲשֶׁ֨ר אֲהֵב֜וּם וַאֲשֶׁ֤ר עֲבָדוּם֙ וַֽאֲשֶׁר֙ הָלְכ֣וּ אַֽחֲרֵיהֶ֔ם וַאֲשֶׁ֣ר דְּרָשׁ֔וּם וַאֲשֶׁ֥ר הִֽשְׁתַּחֲו֖וּ לָהֶ֑ם לֹ֤א יֵאָֽסְפוּ֙ וְלֹ֣א יִקָּבֵ֔רוּ לְדֹ֛מֶן עַל־פְּנֵ֥י הָאֲדָמָ֖ה יִֽהְיֽוּ׃ usheṭaḥum lashemesh welayareaḥ ulekhol ׀ tsevaʾ hashamayim ʾasher ʾahevum waʾasher ʿavadum waʾasher halekhu ʾaḥareyhem waʾasher derashum waʾasher hishetaḥawu lahem loʾ yeʾasefu weloʾ yiqaveru ledomen ʿal־peney haʾadamah yiheyu׃

³ וְנִבְחַ֥ר מָ֙וֶת֙ מֵֽחַיִּי֔ם לְכֹ֗ל הַשְּׁאֵרִית֙ הַנִּשְׁאָרִ֔ים מִן־הַמִּשְׁפָּחָ֥ה הָֽרָעָ֖ה הַזֹּ֑את בְּכָל־הַמְּקֹמֹ֤ות הַנִּשְׁאָרִים֙ אֲשֶׁ֣ר הִדַּחְתִּ֣ים שָׁ֔ם נְאֻ֖ם יְהוָ֥ה צְבָאֹֽות׃ ס weniveḥar mawet meḥayiym lekhol hasheʾeriyt hanisheʾariym min־hamishepaḥah haraʿah hazoʾt bekhal־hameqomowt hanisheʾariym ʾasher hidaḥetiym sham neʾum yehwah tsevaʾowt׃ s

⁴ וְאָמַרְתָּ֣ אֲלֵיהֶ֗ם כֹּ֚ה אָמַ֣ר יְהוָ֔ה הֲיִפְּל֖וּ וְלֹ֣א יָק֑וּמוּ אִם־יָשׁ֖וּב וְלֹ֥א יָשֽׁוּב׃ weʾamareta ʾaleyhem koh ʾamar yehwah hayipelu weloʾ yaqumu ʾim־yashuv weloʾ yashuv׃

⁵ מַדּ֨וּעַ שֹׁובְבָ֜ה הָעָ֥ם הַזֶּ֛ה יְרוּשָׁלִַ֖ם מְשֻׁבָ֣ה נִצַּ֑חַת הֶחֱזִ֙יקוּ֙ בַּתַּרְמִ֔ית מֵאֲנ֖וּ לָשֽׁוּב׃ maduaʿ showvevah haʿam hazeh yerushalim meshuvah nitsaḥat heḥeziyqu bataremiyt meʾanu lashuv׃

⁶ הִקְשַׁ֤בְתִּי וָֽאֶשְׁמָע֙ לֹוא־כֵ֣ן יְדַבֵּ֔רוּ אֵ֣ין אִ֗ישׁ נִחָם֙ עַל־רָ֣עָתֹ֔ו לֵאמֹ֖ר מֶ֣ה עָשִׂ֑יתִי כֻּלֹּ֗ה ב [בִּמְרֻצֹותָם כ] (בִּמְר֣וּצָתָ֔ם ק) כְּס֥וּס שֹׁוטֵ֖ף בַּמִּלְחָמָֽה׃ hiqeshavetiy waʾeshemaʿ lowʾ־khen yedaberu ʾeyn ʾiysh niḥam ʿal־raʿatow leʾmor meh ʿasiytiy kuloh v [bimerutsowtam kh] (bimerutsatam q) kesus showṭef bamileḥamah׃

⁷ גַּם־חֲסִידָ֣ה בַשָּׁמַ֗יִם יָֽדְעָה֙ מֹֽועֲדֶ֔יהָ וְתֹ֤ר [וְסוּס כ] (וְסִיס֙ ק) וְעָג֗וּר שָׁמְר֖וּ אֶת־עֵ֣ת בֹּאָ֑נָה וְעַמִּ֕י לֹ֣א יָֽדְע֔וּ אֵ֖ת מִשְׁפַּ֥ט יְהוָֽה׃ gam־ḥasiydah vashamayim yadeʿah mowʿadeyha wetor [wesus kh] (wesiys q) weʿagur shameru ʾet־ʿet boʾanah weʿamiy loʾ yadeʿu ʾet mishepaṭ yehwah׃

⁸ אֵיכָ֤ה תֹֽאמְרוּ֙ חֲכָמִ֣ים אֲנַ֔חְנוּ וְתֹורַ֥ת יְהוָ֖ה אִתָּ֑נוּ אָכֵן֙ הִנֵּ֣ה לַשֶּׁ֣קֶר עָשָׂ֔ה עֵ֖ט שֶׁ֥קֶר סֹפְרִֽים׃ ʾeykhah toʾmeru ḥakhamiym ʾanaḥenu wetowrat yehwah ʾitanu ʾakhen hineh lasheqer ʿasah ʿeṭ sheqer soferiym׃

⁹ הֹבִ֣ישׁוּ חֲכָמִ֔ים חַ֖תּוּ וַיִּלָּכֵ֑דוּ הִנֵּ֤ה בִדְבַר־יְהוָה֙ מָאָ֔סוּ וְחָכְמַֽת־מֶ֖ה לָהֶֽם׃ ס hoviyshu ḥakhamiym ḥatu wayilakhedu hineh videvar־yehwah maʾasu weḥakhemat־meh lahem׃ s

¹⁰ לָכֵן֩ אֶתֵּ֨ן אֶת־נְשֵׁיהֶ֜ם לַאֲחֵרִ֗ים שְׂדֹֽותֵיהֶם֙ לְיֹ֣ורְשִׁ֔ים כִּ֤י מִקָּטֹן֙ וְעַד־גָּדֹ֔ול כֻּלֹּ֖ה בֹּצֵ֣עַ בָּ֑צַע מִנָּבִיא֙ וְעַד־כֹּהֵ֔ן כֻּלֹּ֖ה עֹ֥שֶׂה שָּֽׁקֶר׃ lakhen ʾeten ʾet־nesheyhem laʾaḥeriym sedowteyhem leyowreshiym kiy miqaṭon weʿad־gadowl kuloh botseaʿ batsaʿ minaviyʾ weʿad־kohen kuloh ʿoseh shaqer׃

¹¹ וַיְרַפּ֞וּ אֶת־שֶׁ֤בֶר בַּת־עַמִּי֙ עַל־נְקַלָּ֔ה לֵאמֹ֖ר שָׁלֹ֣ום ׀ שָׁלֹ֑ום וְאֵ֖ין שָׁלֹֽום׃ wayerapu ʾet־shever bat־ʿamiy ʿal־neqalah leʾmor shalowm ׀ shalowm weʾeyn shalowm׃

¹² הֹבִ֕שׁוּ כִּ֥י תֹועֵבָ֖ה עָשׂ֑וּ גַּם־בֹּ֣ושׁ לֹֽא־יֵבֹ֗שׁוּ וְהִכָּלֵם֙ לֹ֣א יָדָ֔עוּ לָכֵ֞ן יִפְּל֣וּ בַנֹּפְלִ֗ים בְּעֵ֧ת פְּקֻדָּתָ֛ם יִכָּשְׁל֖וּ אָמַ֥ר יְהוָֽה׃ ס hovishu kiy towʿevah ʿasu gam־bowsh loʾ־yevoshu wehikalem loʾ yadaʿu lakhen yipelu vanofeliym beʿet pequdatam yikashelu ʾamar yehwah׃ s

¹³ אָסֹ֥ף אֲסִיפֵ֖ם נְאֻם־יְהֹוָ֑ה אֵין֩ עֲנָבִ֨ים בַּגֶּ֜פֶן וְאֵ֧ין תְּאֵנִ֣ים בַּתְּאֵנָ֗ה וְהֶֽעָלֶה֙ נָבֵ֔ל וָאֶתֵּ֥ן לָהֶ֖ם יַעַבְרֽוּם׃ ʾasof ʾasiyfem neʾum־yehowah ʾeyn ʿanaviym bagefen weʾeyn teʾeniym bateʾenah weheʿaleh navel waʾeten lahem yaʿaverum׃

¹⁴ עַל־מָה֙ אֲנַ֣חְנוּ יֹֽשְׁבִ֔ים הֵֽאָסְפ֗וּ וְנָבֹ֛וא אֶל־עָרֵ֥י הַמִּבְצָ֖ר וְנִדְּמָה־שָּׁ֑ם כִּי֩ יְהוָ֨ה אֱלֹהֵ֤ינוּ הֲדִמָּ֙נוּ֙ וַיַּשְׁקֵ֣נוּ מֵי־רֹ֔אשׁ כִּ֥י חָטָ֖אנוּ לַיהוָֽה׃ ʿal־mah ʾanaḥenu yosheviym heʾasefu wenavowʾ ʾel־ʿarey hamivetsar wenidemah־sham kiy yehwah ʾeloheynu hadimanu wayasheqenu mey־roʾsh kiy ḥaṭaʾnu layhwah׃

¹⁵ קַוֵּ֥ה לְשָׁלֹ֖ום וְאֵ֣ין טֹ֑וב לְעֵ֥ת מַרְפֵּ֖ה וְהִנֵּ֥ה בְעָתָֽה׃ qaueh leshalowm weʾeyn ṭowv leʿet marepeh wehineh veʿatah׃

¹⁶ מִדָּ֤ן נִשְׁמַע֙ נַחְרַ֣ת סוּסָ֗יו מִקֹּול֙ מִצְהֲלֹ֣ות אַבִּירָ֔יו רָעֲשָׁ֖ה כָּל־הָאָ֑רֶץ וַיָּבֹ֗ואוּ וַיֹּֽאכְלוּ֙ אֶ֣רֶץ וּמְלֹואָ֔הּ עִ֖יר וְיֹ֥שְׁבֵי בָֽהּ׃ ס midan nishemaʿ naḥerat susayw miqowl mitsehalowt ʾabiyrayw raʿashah kal־haʾarets wayavowʾu wayoʾkhelu ʾerets umelowʾah ʿiyr weyoshevey vah׃ s

¹⁷ כִּי֩ הִנְנִ֨י מְשַׁלֵּ֜חַ בָּכֶ֗ם נְחָשִׁים֙ צִפְעֹנִ֔ים אֲשֶׁ֥ר אֵין־לָהֶ֖ם לָ֑חַשׁ וְנִשְּׁכ֥וּ אֶתְכֶ֖ם נְאֻם־יְהוָֽה׃ ס kiy hineniy meshaleaḥ bakhem neḥashiym tsifeʿoniym ʾasher ʾeyn־lahem laḥash wenishekhu ʾetekhem neʾum־yehwah׃ s

¹⁸ מַבְלִ֥יגִיתִ֖י עֲלֵ֣י יָגֹ֑ון עָלַ֖י לִבִּ֥י דַוָּֽי׃ maveliygiytiy ʿaley yagown ʿalay libiy dauay׃

¹⁹ הִנֵּה־קֹ֞ול שַֽׁוְעַ֣ת בַּת־עַמִּ֗י מֵאֶ֙רֶץ֙ מַרְחַקִּ֔ים הַֽיהוָה֙ אֵ֣ין בְּצִיֹּ֔ון אִם־מַלְכָּ֖הּ אֵ֣ין בָּ֑הּ מַדּ֗וּעַ הִכְעִס֛וּנִי בִּפְסִלֵיהֶ֖ם בְּהַבְלֵ֥י נֵכָֽר׃ hineh־qowl shaweʿat bat־ʿamiy meʾerets mareḥaqiym hayhwah ʾeyn betsiyown ʾim־malekah ʾeyn bah maduaʿ hikheʿisuniy bifesileyhem behaveley nekhar׃

²⁰ עָבַ֥ר קָצִ֖יר כָּ֣לָה קָ֑יִץ וַאֲנַ֖חְנוּ לֹ֥וא נֹושָֽׁעְנוּ׃ ʿavar qatsiyr kalah qayits waʾanaḥenu lowʾ nowshaʿenu׃

²¹ עַל־שֶׁ֥בֶר בַּת־עַמִּ֖י הָשְׁבָּ֑רְתִּי קָדַ֕רְתִּי שַׁמָּ֖ה הֶחֱזִקָֽתְנִי׃ ʿal־shever bat־ʿamiy hashebaretiy qadaretiy shamah heḥeziqateniy׃

²² הַצֳרִי֙ אֵ֣ין בְּגִלְעָ֔ד אִם־רֹפֵ֖א אֵ֣ין שָׁ֑ם כִּ֗י מַדּ֙וּעַ֙ לֹ֣א עָֽלְתָ֔ה אֲרֻכַ֖ת בַּת־עַמִּֽי׃ hatsoriy ʾeyn begileʿad ʾim־rofeʾ ʾeyn sham kiy maduaʿ loʾ ʿaletah ʾarukhat bat־ʿamiy׃

²³ מִֽי־יִתֵּ֤ן רֹאשִׁי֙ מַ֔יִם וְעֵינִ֖י מְקֹ֣ור דִּמְעָ֑ה וְאֶבְכֶּה֙ יֹומָ֣ם וָלַ֔יְלָה אֵ֖ת חַֽלְלֵ֥י בַת־עַמִּֽי׃ miy־yiten roʾshiy mayim weʿeyniy meqowr dimeʿah weʾevekeh yowmam walayelah ʾet ḥaleley vat־ʿamiy׃