1 הַדָּבָ֞ר אֲשֶׁר־הָיָ֤ה עַֽל־יִרְמְיָ֙הוּ֙ עַל־כָּל־עַ֣ם יְהוּדָ֔ה בַּשָּׁנָה֙ הָֽרְבִעִ֔ית לִיהֹויָקִ֥ים בֶּן־יֹאשִׁיָּ֖הוּ מֶ֣לֶךְ יְהוּדָ֑ה הִ֗יא הַשָּׁנָה֙ הָרִ֣אשֹׁנִ֔ית לִנְבֽוּכַדְרֶאצַּ֖ר מֶ֥לֶךְ בָּבֶֽל׃ hadavar ʾasher־hayah ʿal־yiremeyahu ʿal־kal־ʿam yehudah bashanah hareviʿiyt liyhowyaqiym ben־yoʾshiyahu melekhe yehudah hiyʾ hashanah hariʾshoniyt linevukhadereʾtsar melekhe bavel׃
2 אֲשֶׁ֨ר דִּבֶּ֜ר יִרְמְיָ֤הוּ הַנָּבִיא֙ עַל־כָּל־עַ֣ם יְהוּדָ֔ה וְאֶ֛ל כָּל־יֹשְׁבֵ֥י יְרוּשָׁלִַ֖ם לֵאמֹֽר׃ ʾasher diber yiremeyahu hanaviyʾ ʿal־kal־ʿam yehudah weʾel kal־yoshevey yerushalim leʾmor׃
3 מִן־שְׁלֹ֣שׁ עֶשְׂרֵ֣ה שָׁנָ֡ה לְיֹאשִׁיָּ֣הוּ בֶן־אָמֹון֩ מֶ֨לֶךְ יְהוּדָ֜ה וְעַ֣ד ׀ הַיֹּ֣ום הַזֶּ֗ה זֶ֚ה שָׁלֹ֤שׁ וְעֶשְׂרִים֙ שָׁנָ֔ה הָיָ֥ה דְבַר־יְהוָ֖ה אֵלָ֑י וָאֲדַבֵּ֧ר אֲלֵיכֶ֛ם אַשְׁכֵּ֥ים וְדַבֵּ֖ר וְלֹ֥א שְׁמַעְתֶּֽם׃ min־shelosh ʿesereh shanah leyoʾshiyahu ven־ʾamown melekhe yehudah weʿad ׀ hayowm hazeh zeh shalosh weʿeseriym shanah hayah devar־yehwah ʾelay waʾadaber ʾaleykhem ʾashekeym wedaber weloʾ shemaʿetem׃
4 וְשָׁלַח֩ יְהוָ֨ה אֲלֵיכֶ֜ם אֶֽת־כָּל־עֲבָדָ֧יו הַנְּבִאִ֛ים הַשְׁכֵּ֥ם וְשָׁלֹ֖חַ וְלֹ֣א שְׁמַעְתֶּ֑ם וְלֹֽא־הִטִּיתֶ֥ם אֶֽת־אָזְנְכֶ֖ם לִשְׁמֹֽעַ׃ weshalaḥ yehwah ʾaleykhem ʾet־kal־ʿavadayw haneviʾiym hashekem weshaloaḥ weloʾ shemaʿetem weloʾ־hiṭiytem ʾet־ʾazenekhem lishemoaʿ׃
5 לֵאמֹ֗ר שֽׁוּבוּ־נָ֞א אִ֣ישׁ מִדַּרְכֹּ֤ו הָֽרָעָה֙ וּמֵרֹ֣עַ מַעַלְלֵיכֶ֔ם וּשְׁבוּ֙ עַל־הָ֣אֲדָמָ֔ה אֲשֶׁ֨ר נָתַ֧ן יְהוָ֛ה לָכֶ֖ם וְלַאֲבֹֽותֵיכֶ֑ם לְמִן־עֹולָ֖ם וְעַד־עֹולָֽם׃ leʾmor shuvu־naʾ ʾiysh midarekow haraʿah umeroaʿ maʿaleleykhem ushevu ʿal־haʾadamah ʾasher natan yehwah lakhem welaʾavowteykhem lemin־ʿowlam weʿad־ʿowlam׃
6 וְאַל־תֵּלְכ֗וּ אַֽחֲרֵי֙ אֱלֹהִ֣ים אֲחֵרִ֔ים לְעָבְדָ֖ם וּלְהִשְׁתַּחֲוֹ֣ת לָהֶ֑ם וְלֹֽא־תַכְעִ֤יסוּ אֹותִי֙ בְּמַעֲשֵׂ֣ה יְדֵיכֶ֔ם וְלֹ֥א אָרַ֖ע לָכֶֽם׃ weʾal־telekhu ʾaḥarey ʾelohiym ʾaḥeriym leʿavedam ulehishetaḥaot lahem weloʾ־takheʿiysu ʾowtiy bemaʿaseh yedeykhem weloʾ ʾaraʿ lakhem׃
7 וְלֹֽא־שְׁמַעְתֶּ֥ם אֵלַ֖י נְאֻם־יְהוָ֑ה לְמַ֧עַן [הִכְעִסוּנִי כ] (הַכְעִיסֵ֛נִי ק) בְּמַעֲשֵׂ֥ה יְדֵיכֶ֖ם לְרַ֥ע לָכֶֽם׃ ס weloʾ־shemaʿetem ʾelay neʾum־yehwah lemaʿan [hikheʿisuniy kh] (hakheʿiyseniy q) bemaʿaseh yedeykhem leraʿ lakhem׃ s
8 לָכֵ֕ן כֹּ֥ה אָמַ֖ר יְהוָ֣ה צְבָאֹ֑ות יַ֕עַן אֲשֶׁ֥ר לֹֽא־שְׁמַעְתֶּ֖ם אֶת־דְּבָרָֽי׃ lakhen koh ʾamar yehwah tsevaʾowt yaʿan ʾasher loʾ־shemaʿetem ʾet־devaray׃
9 הִנְנִ֣י שֹׁלֵ֡חַ וְלָקַחְתִּי֩ אֶת־כָּל־מִשְׁפְּחֹ֨ות צָפֹ֜ון נְאֻם־יְהוָ֗ה וְאֶל־נְבֽוּכַדְרֶאצַּ֣ר מֶֽלֶךְ־בָּבֶל֮ עַבְדִּי֒ וַהֲבִ֨אֹתִ֜ים עַל־הָאָ֤רֶץ הַזֹּאת֙ וְעַל־יֹ֣שְׁבֶ֔יהָ וְעַ֛ל כָּל־הַגֹּויִ֥ם הָאֵ֖לֶּה סָבִ֑יב וְהַ֣חֲרַמְתִּ֔ים וְשַׂמְתִּים֙ לְשַׁמָּ֣ה וְלִשְׁרֵקָ֔ה וּלְחָרְבֹ֖ות עֹולָֽם׃ hineniy sholeaḥ welaqaḥetiy ʾet־kal־mishepeḥowt tsafown neʾum־yehwah weʾel־nevukhadereʾtsar melekhe־bavel ʿavediy wahaviʾotiym ʿal־haʾarets hazoʾt weʿal־yosheveyha weʿal kal־hagowyim haʾeleh saviyv wehaḥarametiym wesametiym leshamah welishereqah uleḥarevowt ʿowlam׃
10 וְהַאֲבַדְתִּ֣י מֵהֶ֗ם קֹ֤ול שָׂשֹׂון֙ וְקֹ֣ול שִׂמְחָ֔ה קֹ֥ול חָתָ֖ן וְקֹ֣ול כַּלָּ֑ה קֹ֥ול רֵחַ֖יִם וְאֹ֥ור נֵֽר׃ wehaʾavadetiy mehem qowl sasown weqowl simeḥah qowl ḥatan weqowl kalah qowl reḥayim weʾowr ner׃
11 וְהָֽיְתָה֙ כָּל־הָאָ֣רֶץ הַזֹּ֔את לְחָרְבָּ֖ה לְשַׁמָּ֑ה וְעָ֨בְד֜וּ הַגֹּויִ֥ם הָאֵ֛לֶּה אֶת־מֶ֥לֶךְ בָּבֶ֖ל שִׁבְעִ֥ים שָׁנָֽה׃ wehayetah kal־haʾarets hazoʾt leḥarebah leshamah weʿavedu hagowyim haʾeleh ʾet־melekhe bavel shiveʿiym shanah׃
12 וְהָיָ֣ה כִמְלֹ֣אות שִׁבְעִ֣ים שָׁנָ֡ה אֶפְקֹ֣ד עַל־מֶֽלֶךְ־בָּבֶל֩ וְעַל־הַגֹּ֨וי הַה֧וּא נְאֻם־יְהוָ֛ה אֶת־עֲוֹנָ֖ם וְעַל־אֶ֣רֶץ כַּשְׂדִּ֑ים וְשַׂמְתִּ֥י אֹתֹ֖ו לְשִֽׁמְמֹ֥ות עֹולָֽם׃ wehayah khimeloʾwt shiveʿiym shanah ʾefeqod ʿal־melekhe־bavel weʿal־hagowy hahuʾ neʾum־yehwah ʾet־ʿaonam weʿal־ʾerets kasediym wesametiy ʾotow leshimemowt ʿowlam׃
13 [וְהֵבֵאיתִי כ] (וְהֵֽבֵאתִי֙ ק) עַל־הָאָ֣רֶץ הַהִ֔יא אֶת־כָּל־דְּבָרַ֖י אֲשֶׁר־דִּבַּ֣רְתִּי עָלֶ֑יהָ אֵ֤ת כָּל־הַכָּתוּב֙ בַּסֵּ֣פֶר הַזֶּ֔ה אֲשֶׁר־נִבָּ֥א יִרְמְיָ֖הוּ עַל־כָּל־הַגֹּויִֽם׃ [weheveʾytiy kh] (weheveʾtiy q) ʿal־haʾarets hahiyʾ ʾet־kal־devaray ʾasher־dibaretiy ʿaleyha ʾet kal־hakatuv basefer hazeh ʾasher־nibaʾ yiremeyahu ʿal־kal־hagowyim׃
14 כִּ֣י עָֽבְדוּ־בָ֤ם גַּם־הֵ֙מָּה֙ גֹּויִ֣ם רַבִּ֔ים וּמְלָכִ֖ים גְּדֹולִ֑ים וְשִׁלַּמְתִּ֥י לָהֶ֛ם כְּפָעֳלָ֖ם וּכְמַעֲשֵׂ֥ה יְדֵיהֶֽם׃ ס kiy ʿavedu־vam gam־hemah gowyim rabiym umelakhiym gedowliym weshilametiy lahem kefaʿolam ukhemaʿaseh yedeyhem׃ s
15 כִּ֣י כֹה֩ אָמַ֨ר יְהוָ֜ה אֱלֹהֵ֤י יִשְׂרָאֵל֙ אֵלַ֔י קַ֠ח אֶת־כֹּ֨וס הַיַּ֧יִן הַחֵמָ֛ה הַזֹּ֖את מִיָּדִ֑י וְהִשְׁקִיתָ֤ה אֹתֹו֙ אֶת־כָּל־הַגֹּויִ֔ם אֲשֶׁ֧ר אָנֹכִ֛י שֹׁלֵ֥חַ אֹותְךָ֖ אֲלֵיהֶֽם׃ kiy khoh ʾamar yehwah ʾelohey yiseraʾel ʾelay qaḥ ʾet־kows hayayin haḥemah hazoʾt miyadiy wehisheqiytah ʾotow ʾet־kal־hagowyim ʾasher ʾanokhiy sholeaḥ ʾowtekha ʾaleyhem׃
16 וְשָׁת֕וּ וְהִֽתְגֹּֽעֲשׁ֖וּ וְהִתְהֹלָ֑לוּ מִפְּנֵ֣י הַחֶ֔רֶב אֲשֶׁ֛ר אָנֹכִ֥י שֹׁלֵ֖חַ בֵּינֹתָֽם׃ weshatu wehitegoʿashu wehiteholalu mipeney haḥerev ʾasher ʾanokhiy sholeaḥ beynotam׃
17 וָאֶקַּ֥ח אֶת־הַכֹּ֖וס מִיַּ֣ד יְהוָ֑ה וָֽאַשְׁקֶה֙ אֶת־כָּל־הַגֹּויִ֔ם אֲשֶׁר־שְׁלָחַ֥נִי יְהוָ֖ה אֲלֵיהֶֽם׃ waʾeqaḥ ʾet־hakows miyad yehwah waʾasheqeh ʾet־kal־hagowyim ʾasher־shelaḥaniy yehwah ʾaleyhem׃
18 אֶת־יְרוּשָׁלִַ֙ם֙ וְאֶת־עָרֵ֣י יְהוּדָ֔ה וְאֶת־מְלָכֶ֖יהָ אֶת־שָׂרֶ֑יהָ לָתֵ֨ת אֹתָ֜ם לְחָרְבָּ֧ה לְשַׁמָּ֛ה לִשְׁרֵקָ֥ה וְלִקְלָלָ֖ה כַּיֹּ֥ום הַזֶּֽה׃ ʾet־yerushalim weʾet־ʿarey yehudah weʾet־melakheyha ʾet־sareyha latet ʾotam leḥarebah leshamah lishereqah weliqelalah kayowm hazeh׃
19 אֶת־פַּרְעֹ֧ה מֶֽלֶךְ־מִצְרַ֛יִם וְאֶת־עֲבָדָ֥יו וְאֶת־שָׂרָ֖יו וְאֶת־כָּל־עַמֹּֽו׃ ʾet־pareʿoh melekhe־mitserayim weʾet־ʿavadayw weʾet־sarayw weʾet־kal־ʿamow׃
20 וְאֵת֙ כָּל־הָעֶ֔רֶב וְאֵ֕ת כָּל־מַלְכֵ֖י אֶ֣רֶץ הָע֑וּץ וְאֵ֗ת כָּל־מַלְכֵי֙ אֶ֣רֶץ פְּלִשְׁתִּ֔ים וְאֶת־אַשְׁקְלֹ֤ון וְאֶת־עַזָּה֙ וְאֶת־עֶקְרֹ֔ון וְאֵ֖ת שְׁאֵרִ֥ית אַשְׁדֹּֽוד׃ weʾet kal־haʿerev weʾet kal־malekhey ʾerets haʿuts weʾet kal־malekhey ʾerets pelishetiym weʾet־ʾasheqelown weʾet־ʿazah weʾet־ʿeqerown weʾet sheʾeriyt ʾashedowd׃
21 אֶת־אֱדֹ֥ום וְאֶת־מֹואָ֖ב וְאֶת־בְּנֵ֥י עַמֹּֽון׃ ʾet־ʾedowm weʾet־mowʾav weʾet־beney ʿamown׃
22 וְאֵת֙ כָּל־מַלְכֵי־צֹ֔ר וְאֵ֖ת כָּל־מַלְכֵ֣י צִידֹ֑ון וְאֵת֙ מַלְכֵ֣י הָאִ֔י אֲשֶׁ֖ר בְּעֵ֥בֶר הַיָּֽם׃ weʾet kal־malekhey־tsor weʾet kal־malekhey tsiydown weʾet malekhey haʾiy ʾasher beʿever hayam׃
23 וְאֶת־דְּדָ֤ן וְאֶת־תֵּימָא֙ וְאֶת־בּ֔וּז וְאֵ֖ת כָּל־קְצוּצֵ֥י פֵאָֽה׃ weʾet־dedan weʾet־teymaʾ weʾet־buz weʾet kal־qetsutsey feʾah׃
24 וְאֵ֖ת כָּל־מַלְכֵ֣י עֲרָ֑ב וְאֵת֙ כָּל־מַלְכֵ֣י הָעֶ֔רֶב הַשֹּׁכְנִ֖ים בַּמִּדְבָּֽר׃ weʾet kal־malekhey ʿarav weʾet kal־malekhey haʿerev hashokheniym bamidebar׃
25 וְאֵ֣ת ׀ כָּל־מַלְכֵ֣י זִמְרִ֗י וְאֵת֙ כָּל־מַלְכֵ֣י עֵילָ֔ם וְאֵ֖ת כָּל־מַלְכֵ֥י מָדָֽי׃ weʾet ׀ kal־malekhey zimeriy weʾet kal־malekhey ʿeylam weʾet kal־malekhey maday׃
26 וְאֵ֣ת ׀ כָּל־מַלְכֵ֣י הַצָּפֹ֗ון הַקְּרֹבִ֤ים וְהָֽרְחֹקִים֙ אִ֣ישׁ אֶל־אָחִ֔יו וְאֵת֙ כָּל־הַמַּמְלְכֹ֣ות הָאָ֔רֶץ אֲשֶׁ֖ר עַל־פְּנֵ֣י הָאֲדָמָ֑ה וּמֶ֥לֶךְ שֵׁשַׁ֖ךְ יִשְׁתֶּ֥ה אַחֲרֵיהֶֽם׃ weʾet ׀ kal־malekhey hatsafown haqeroviym wehareḥoqiym ʾiysh ʾel־ʾaḥiyw weʾet kal־hamamelekhowt haʾarets ʾasher ʿal־peney haʾadamah umelekhe sheshakhe yisheteh ʾaḥareyhem׃
27 וְאָמַרְתָּ֣ אֲלֵיהֶ֡ם ס כֹּֽה־אָמַר֩ יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל שְׁת֤וּ וְשִׁכְרוּ֙ וּקְי֔וּ וְנִפְל֖וּ וְלֹ֣א תָק֑וּמוּ מִפְּנֵ֣י הַחֶ֔רֶב אֲשֶׁ֛ר אָנֹכִ֥י שֹׁלֵ֖חַ בֵּינֵיכֶֽם׃ weʾamareta ʾaleyhem s koh־ʾamar yehwah tsevaʾowt ʾelohey yiseraʾel shetu weshikheru uqeyu wenifelu weloʾ taqumu mipeney haḥerev ʾasher ʾanokhiy sholeaḥ beyneykhem׃
28 וְהָיָ֗ה כִּ֧י יְמָאֲנ֛וּ לָקַֽחַת־הַכֹּ֥וס מִיָּדְךָ֖ לִשְׁתֹּ֑ות וְאָמַרְתָּ֣ אֲלֵיהֶ֗ם כֹּ֥ה אָמַ֛ר יְהוָ֥ה צְבָאֹ֖ות שָׁתֹ֥ו תִשְׁתּֽוּ׃ wehayah kiy yemaʾanu laqaḥat־hakows miyadekha lishetowt weʾamareta ʾaleyhem koh ʾamar yehwah tsevaʾowt shatow tishetu׃
29 כִּי֩ הִנֵּ֨ה בָעִ֜יר אֲשֶׁ֧ר נִֽקְרָא־שְׁמִ֣י עָלֶ֗יהָ אָֽנֹכִי֙ מֵחֵ֣ל לְהָרַ֔ע וְאַתֶּ֖ם הִנָּקֵ֣ה תִנָּק֑וּ לֹ֣א תִנָּק֔וּ כִּ֣י חֶ֗רֶב אֲנִ֤י קֹרֵא֙ עַל־כָּל־יֹשְׁבֵ֣י הָאָ֔רֶץ נְאֻ֖ם יְהוָ֥ה צְבָאֹֽות׃ kiy hineh vaʿiyr ʾasher niqeraʾ־shemiy ʿaleyha ʾanokhiy meḥel leharaʿ weʾatem hinaqeh tinaqu loʾ tinaqu kiy ḥerev ʾaniy qoreʾ ʿal־kal־yoshevey haʾarets neʾum yehwah tsevaʾowt׃
30 וְאַתָּה֙ תִּנָּבֵ֣א אֲלֵיהֶ֔ם אֵ֥ת כָּל־הַדְּבָרִ֖ים הָאֵ֑לֶּה וְאָמַרְתָּ֣ אֲלֵיהֶ֗ם יְהוָ֞ה מִמָּרֹ֤ום יִשְׁאָג֙ וּמִמְּעֹ֤ון קָדְשֹׁו֙ יִתֵּ֣ן קֹולֹ֔ו שָׁאֹ֤ג יִשְׁאַג֙ עַל־נָוֵ֔הוּ הֵידָד֙ כְּדֹרְכִ֣ים יַֽעֲנֶ֔ה אֶ֥ל כָּל־יֹשְׁבֵ֖י הָאָֽרֶץ׃ weʾatah tinaveʾ ʾaleyhem ʾet kal־hadevariym haʾeleh weʾamareta ʾaleyhem yehwah mimarowm yisheʾag umimeʿown qadeshow yiten qowlow shaʾog yisheʾag ʿal־nawehu heydad kedorekhiym yaʿaneh ʾel kal־yoshevey haʾarets׃
31 בָּ֤א שָׁאֹון֙ עַד־קְצֵ֣ה הָאָ֔רֶץ כִּ֣י רִ֤יב לַֽיהוָה֙ בַּגֹּויִ֔ם נִשְׁפָּ֥ט ה֖וּא לְכָל־בָּשָׂ֑ר הָרְשָׁעִ֛ים נְתָנָ֥ם לַחֶ֖רֶב נְאֻם־יְהוָֽה׃ ס baʾ shaʾown ʿad־qetseh haʾarets kiy riyv layhwah bagowyim nishepaṭ huʾ lekhal־basar hareshaʿiym netanam laḥerev neʾum־yehwah׃ s
32 כֹּ֤ה אָמַר֙ יְהוָ֣ה צְבָאֹ֔ות הִנֵּ֥ה רָעָ֛ה יֹצֵ֖את מִגֹּ֣וי אֶל־גֹּ֑וי וְסַ֣עַר גָּדֹ֔ול יֵעֹ֖ור מִיַּרְכְּתֵי־אָֽרֶץ׃ koh ʾamar yehwah tsevaʾowt hineh raʿah yotseʾt migowy ʾel־gowy wesaʿar gadowl yeʿowr miyareketey־ʾarets׃
33 וְהָי֞וּ חַֽלְלֵ֤י יְהוָה֙ בַּיֹּ֣ום הַה֔וּא מִקְצֵ֥ה הָאָ֖רֶץ וְעַד־קְצֵ֣ה הָאָ֑רֶץ לֹ֣א יִסָּפְד֗וּ וְלֹ֤א יֵאָֽסְפוּ֙ וְלֹ֣א יִקָּבֵ֔רוּ לְדֹ֛מֶן עַל־פְּנֵ֥י הָאֲדָמָ֖ה יִֽהְיֽוּ׃ wehayu ḥaleley yehwah bayowm hahuʾ miqetseh haʾarets weʿad־qetseh haʾarets loʾ yisafedu weloʾ yeʾasefu weloʾ yiqaveru ledomen ʿal־peney haʾadamah yiheyu׃
34 הֵילִ֨ילוּ הָרֹעִ֜ים וְזַעֲק֗וּ וְהִֽתְפַּלְּשׁוּ֙ אַדִּירֵ֣י הַצֹּ֔אן כִּֽי־מָלְא֥וּ יְמֵיכֶ֖ם לִטְבֹ֑וחַ וּתְפֹוצֹ֣ותִיכֶ֔ם וּנְפַלְתֶּ֖ם כִּכְלִ֥י חֶמְדָּֽה׃ heyliylu haroʿiym wezaʿaqu wehitepaleshu ʾadiyrey hatsoʾn kiy־maleʾu yemeykhem liṭevowḥa utefowtsowtiykhem unefaletem kikheliy ḥemedah׃
35 וְאָבַ֥ד מָנֹ֖וס מִן־הָֽרֹעִ֑ים וּפְלֵיטָ֖ה מֵאַדִּירֵ֥י הַצֹּֽאן׃ weʾavad manows min־haroʿiym ufeleyṭah meʾadiyrey hatsoʾn׃
36 קֹ֚ול צַעֲקַ֣ת הָֽרֹעִ֔ים וִֽילְלַ֖ת אַדִּירֵ֣י הַצֹּ֑אן כִּֽי־שֹׁדֵ֥ד יְהוָ֖ה אֶת־מַרְעִיתָֽם׃ qowl tsaʿaqat haroʿiym wiylelat ʾadiyrey hatsoʾn kiy־shoded yehwah ʾet־mareʿiytam׃
37 וְנָדַ֖מּוּ נְאֹ֣ות הַשָּׁלֹ֑ום מִפְּנֵ֖י חֲרֹ֥ון אַף־יְהוָֽה׃ wenadamu neʾowt hashalowm mipeney ḥarown ʾaf־yehwah׃
38 עָזַ֥ב כַּכְּפִ֖יר סֻכֹּ֑ו כִּֽי־הָיְתָ֤ה אַרְצָם֙ לְשַׁמָּ֔ה מִפְּנֵי֙ חֲרֹ֣ון הַיֹּונָ֔ה וּמִפְּנֵ֖י חֲרֹ֥ון אַפֹּֽו׃ פ ʿazav kakefiyr sukow kiy־hayetah ʾaretsam leshamah mipeney ḥarown hayownah umipeney ḥarown ʾapow׃ f