1 וַיְהִ֣י ׀ בְּחֹ֣דֶשׁ נִיסָ֗ן שְׁנַ֥ת עֶשְׂרִ֛ים לְאַרְתַּחְשַׁ֥סְתְּא הַמֶּ֖לֶךְ יַ֣יִן לְפָנָ֑יו וָאֶשָּׂ֤א אֶת־הַיַּ֙יִן֙ וָאֶתְּנָ֣ה לַמֶּ֔לֶךְ וְלֹא־הָיִ֥יתִי רַ֖ע לְפָנָֽיו׃ wayehiy ׀ beḥodesh niysan shenat ʿeseriym leʾaretaḥeshaseteʾ hamelekhe yayin lefanayw waʾesaʾ ʾet־hayayin waʾetenah lamelekhe weloʾ־hayiytiy raʿ lefanayw׃
2 וַיֹּאמֶר֩ לִ֨י הַמֶּ֜לֶךְ מַדּ֣וּעַ ׀ פָּנֶ֣יךָ רָעִ֗ים וְאַתָּה֙ אֵֽינְךָ֣ חֹולֶ֔ה אֵ֣ין זֶ֔ה כִּי־אִ֖ם רֹ֣עַֽ לֵ֑ב וָאִירָ֖א הַרְבֵּ֥ה מְאֹֽד׃ wayoʾmer liy hamelekhe maduaʿ ׀ paneykha raʿiym weʾatah ʾeynekha ḥowleh ʾeyn zeh kiy־ʾim roaʿ lev waʾiyraʾ harebeh meʾod׃
3 וָאֹמַ֣ר לַמֶּ֔לֶךְ הַמֶּ֖לֶךְ לְעֹולָ֣ם יִחְיֶ֑ה מַדּ֜וּעַ לֹא־יֵרְע֣וּ פָנַ֗י אֲשֶׁ֨ר הָעִ֜יר בֵּית־קִבְרֹ֤ות אֲבֹתַי֙ חֲרֵבָ֔ה וּשְׁעָרֶ֖יהָ אֻכְּל֥וּ בָאֵֽשׁ׃ ס waʾomar lamelekhe hamelekhe leʿowlam yiḥeyeh maduaʿ loʾ־yereʿu fanay ʾasher haʿiyr beyt־qiverowt ʾavotay ḥarevah usheʿareyha ʾukelu vaʾesh׃ s
4 וַיֹּ֤אמֶר לִי֙ הַמֶּ֔לֶךְ עַל־מַה־זֶּ֖ה אַתָּ֣ה מְבַקֵּ֑שׁ וָֽאֶתְפַּלֵּ֔ל אֶל־אֱלֹהֵ֖י הַשָּׁמָֽיִם׃ wayoʾmer liy hamelekhe ʿal־mah־zeh ʾatah mevaqesh waʾetepalel ʾel־ʾelohey hashamayim׃
5 וָאֹמַ֣ר לַמֶּ֔לֶךְ אִם־עַל־הַמֶּ֣לֶךְ טֹ֔וב וְאִם־יִיטַ֥ב עַבְדְּךָ֖ לְפָנֶ֑יךָ אֲשֶׁ֧ר תִּשְׁלָחֵ֣נִי אֶל־יְהוּדָ֗ה אֶל־עִ֛יר קִבְרֹ֥ות אֲבֹתַ֖י וְאֶבְנֶֽנָּה׃ waʾomar lamelekhe ʾim־ʿal־hamelekhe ṭowv weʾim־yiyṭav ʿavedekha lefaneykha ʾasher tishelaḥeniy ʾel־yehudah ʾel־ʿiyr qiverowt ʾavotay weʾevenenah׃
6 וַיֹּאמֶר֩ לִ֨י הַמֶּ֜לֶךְ וְהַשֵּׁגַ֣ל ׀ יֹושֶׁ֣בֶת אֶצְלֹ֗ו עַד־מָתַ֛י יִהְיֶ֥ה מַֽהֲלָכֲךָ֖ וּמָתַ֣י תָּשׁ֑וּב וַיִּיטַ֤ב לִפְנֵֽי־הַמֶּ֙לֶךְ֙ וַיִּשְׁלָחֵ֔נִי וָֽאֶתְּנָ֥ה לֹ֖ו זְמָֽן׃ wayoʾmer liy hamelekhe wehashegal ׀ yowshevet ʾetselow ʿad־matay yiheyeh mahalakhakha umatay tashuv wayiyṭav lifeney־hamelekhe wayishelaḥeniy waʾetenah low zeman׃
7 וָאֹומַר֮ לַמֶּלֶךְ֒ אִם־עַל־הַמֶּ֣לֶךְ טֹ֔וב אִגְּרֹות֙ יִתְּנוּ־לִ֔י עַֽל־פַּחֲוֹ֖ות עֵ֣בֶר הַנָּהָ֑ר אֲשֶׁר֙ יַעֲבִיר֔וּנִי עַ֥ד אֲשֶׁר־אָבֹ֖וא אֶל־יְהוּדָֽה׃ waʾowmar lamelekhe ʾim־ʿal־hamelekhe ṭowv ʾigerowt yitenu־liy ʿal־paḥaowt ʿever hanahar ʾasher yaʿaviyruniy ʿad ʾasher־ʾavowʾ ʾel־yehudah׃
8 וְאִגֶּ֡רֶת אֶל־אָסָף֩ שֹׁמֵ֨ר הַפַּרְדֵּ֜ס אֲשֶׁ֣ר לַמֶּ֗לֶךְ אֲשֶׁ֣ר יִתֶּן־לִ֣י עֵצִ֡ים לְ֠קָרֹות אֶת־שַׁעֲרֵ֨י הַבִּירָ֤ה אֲשֶׁר־לַבַּ֙יִת֙ וּלְחֹומַ֣ת הָעִ֔יר וְלַבַּ֖יִת אֲשֶׁר־אָבֹ֣וא אֵלָ֑יו וַיִּתֶּן־לִ֣י הַמֶּ֔לֶךְ כְּיַד־אֱלֹהַ֖י הַטֹּובָ֥ה עָלָֽי׃ weʾigeret ʾel־ʾasaf shomer haparedes ʾasher lamelekhe ʾasher yiten־liy ʿetsiym leqarowt ʾet־shaʿarey habiyrah ʾasher־labayit uleḥowmat haʿiyr welabayit ʾasher־ʾavowʾ ʾelayw wayiten־liy hamelekhe keyad־ʾelohay haṭowvah ʿalay׃
9 וָֽאָבֹ֗וא אֶֽל־פַּֽחֲוֹות֙ עֵ֣בֶר הַנָּהָ֔ר וָאֶתְּנָ֣ה לָהֶ֔ם אֵ֖ת אִגְּרֹ֣ות הַמֶּ֑לֶךְ וַיִּשְׁלַ֤ח עִמִּי֙ הַמֶּ֔לֶךְ שָׂ֥רֵי חַ֖יִל וּפָרָשִֽׁים׃ פ waʾavowʾ ʾel־paḥaowt ʿever hanahar waʾetenah lahem ʾet ʾigerowt hamelekhe wayishelaḥ ʿimiy hamelekhe sarey ḥayil ufarashiym׃ f
10 וַיִּשְׁמַ֞ע סַנְבַלַּ֣ט הַחֹרֹנִ֗י וְטֹֽובִיָּה֙ הָעֶ֣בֶד הָֽעַמֹּנִ֔י וַיֵּ֥רַע לָהֶ֖ם רָעָ֣ה גְדֹלָ֑ה אֲשֶׁר־בָּ֥א אָדָ֔ם לְבַקֵּ֥שׁ טֹובָ֖ה לִבְנֵ֥י יִשְׂרָאֵֽל׃ wayishemaʿ sanevalaṭ haḥoroniy weṭowviyah haʿeved haʿamoniy wayeraʿ lahem raʿah gedolah ʾasher־baʾ ʾadam levaqesh ṭowvah liveney yiseraʾel׃
11 וָאָבֹ֖וא אֶל־יְרוּשָׁלִָ֑ם וָאֱהִי־שָׁ֖ם יָמִ֥ים שְׁלֹשָֽׁה׃ waʾavowʾ ʾel־yerushalim waʾehiy־sham yamiym sheloshah׃
12 וָאָק֣וּם ׀ לַ֗יְלָה אֲנִי֮ וַאֲנָשִׁ֣ים ׀ מְעַט֮ עִמִּי֒ וְלֹא־הִגַּ֣דְתִּי לְאָדָ֔ם מָ֗ה אֱלֹהַי֙ נֹתֵ֣ן אֶל־לִבִּ֔י לַעֲשֹׂ֖ות לִירוּשָׁלִָ֑ם וּבְהֵמָה֙ אֵ֣ין עִמִּ֔י כִּ֚י אִם־הַבְּהֵמָ֔ה אֲשֶׁ֥ר אֲנִ֖י רֹכֵ֥ב בָּֽהּ׃ waʾaqum ׀ layelah ʾaniy waʾanashiym ׀ meʿaṭ ʿimiy weloʾ־higadetiy leʾadam mah ʾelohay noten ʾel־libiy laʿasowt liyrushalim uvehemah ʾeyn ʿimiy kiy ʾim־habehemah ʾasher ʾaniy rokhev bah׃
13 וָאֵצְאָ֨ה בְשַֽׁעַר־הַגַּ֜יא לַ֗יְלָה וְאֶל־פְּנֵי֙ עֵ֣ין הַתַּנִּ֔ין וְאֶל־שַׁ֖עַר הָאַשְׁפֹּ֑ת וָאֱהִ֨י שֹׂבֵ֜ר בְּחֹומֹ֤ת יְרוּשָׁלִַ֙ם֙ אֲשֶׁר־ [הַמְפֹרוָצִים כ] (הֵ֣ם ׀ ק) (פְּרוּצִ֔ים ק) וּשְׁעָרֶ֖יהָ אֻכְּל֥וּ בָאֵֽשׁ׃ waʾetseʾah veshaʿar־hagayʾ layelah weʾel־peney ʿeyn hataniyn weʾel־shaʿar haʾashepot waʾehiy sover beḥowmot yerushalim ʾasher־ [hameforwatsiym kh] (hem ׀ q) (perutsiym q) usheʿareyha ʾukelu vaʾesh׃
14 וָאֶֽעֱבֹר֙ אֶל־שַׁ֣עַר הָעַ֔יִן וְאֶל־בְּרֵכַ֖ת הַמֶּ֑לֶךְ וְאֵין־מָקֹ֥ום לַבְּהֵמָ֖ה לַעֲבֹ֥ר תַּחְתָּֽי׃ waʾeʿevor ʾel־shaʿar haʿayin weʾel־berekhat hamelekhe weʾeyn־maqowm labehemah laʿavor taḥetay׃
15 וָאֱהִ֨י עֹלֶ֤ה בַנַּ֙חַל֙ לַ֔יְלָה וָאֱהִ֥י שֹׂבֵ֖ר בַּחֹומָ֑ה וָאָשׁ֗וּב וָאָבֹ֛וא בְּשַׁ֥עַר הַגַּ֖יְא וָאָשֽׁוּב׃ waʾehiy ʿoleh vanaḥal layelah waʾehiy sover baḥowmah waʾashuv waʾavowʾ beshaʿar hagayeʾ waʾashuv׃
16 וְהַסְּגָנִ֗ים לֹ֤א יָדְעוּ֙ אָ֣נָה הָלַ֔כְתִּי וּמָ֖ה אֲנִ֣י עֹשֶׂ֑ה וְלַיְּהוּדִ֨ים וְלַכֹּהֲנִ֜ים וְלַחֹרִ֣ים וְלַסְּגָנִ֗ים וּלְיֶ֙תֶר֙ עֹשֵׂ֣ה הַמְּלָאכָ֔ה עַד־כֵּ֖ן לֹ֥א הִגַּֽדְתִּי׃ wehaseganiym loʾ yadeʿu ʾanah halakhetiy umah ʾaniy ʿoseh welayehudiym welakohaniym welaḥoriym welaseganiym uleyeter ʿoseh hamelaʾkhah ʿad־ken loʾ higadetiy׃
17 וָאֹומַ֣ר אֲלֵהֶ֗ם אַתֶּ֤ם רֹאִים֙ הָרָעָה֙ אֲשֶׁ֣ר אֲנַ֣חְנוּ בָ֔הּ אֲשֶׁ֤ר יְרוּשָׁלִַ֙ם֙ חֲרֵבָ֔ה וּשְׁעָרֶ֖יהָ נִצְּת֣וּ בָאֵ֑שׁ לְכ֗וּ וְנִבְנֶה֙ אֶת־חֹומַ֣ת יְרוּשָׁלִַ֔ם וְלֹא־נִהְיֶ֥ה עֹ֖וד חֶרְפָּֽה׃ waʾowmar ʾalehem ʾatem roʾiym haraʿah ʾasher ʾanaḥenu vah ʾasher yerushalim ḥarevah usheʿareyha nitsetu vaʾesh lekhu weniveneh ʾet־ḥowmat yerushalim weloʾ־niheyeh ʿowd ḥerepah׃
18 וָאַגִּ֨יד לָהֶ֜ם אֶת־יַ֣ד אֱלֹהַ֗י אֲשֶׁר־הִיא֙ טֹובָ֣ה עָלַ֔י וְאַף־דִּבְרֵ֥י הַמֶּ֖לֶךְ אֲשֶׁ֣ר אָֽמַר־לִ֑י וַיֹּֽאמְרוּ֙ נָק֣וּם וּבָנִ֔ינוּ וַיְחַזְּק֥וּ יְדֵיהֶ֖ם לַטֹּובָֽה׃ פ waʾagiyd lahem ʾet־yad ʾelohay ʾasher־hiyʾ ṭowvah ʿalay weʾaf־diverey hamelekhe ʾasher ʾamar־liy wayoʾmeru naqum uvaniynu wayeḥazequ yedeyhem laṭowvah׃ f
19 וַיִּשְׁמַע֩ סַנְבַלַּ֨ט הַחֹרֹנִ֜י וְטֹבִיָּ֣ה ׀ הָעֶ֣בֶד הָֽעַמֹּונִ֗י וְגֶ֙שֶׁם֙ הָֽעַרְבִ֔י וַיַּלְעִ֣גוּ לָ֔נוּ וַיִּבְז֖וּ עָלֵ֑ינוּ וַיֹּאמְר֗וּ מָֽה־הַדָּבָ֤ר הַזֶּה֙ אֲשֶׁ֣ר אַתֶּ֣ם עֹשִׂ֔ים הַעַ֥ל הַמֶּ֖לֶךְ אַתֶּ֥ם מֹרְדִֽים׃ wayishemaʿ sanevalaṭ haḥoroniy weṭoviyah ׀ haʿeved haʿamowniy wegeshem haʿareviy wayaleʿigu lanu wayivezu ʿaleynu wayoʾmeru mah־hadavar hazeh ʾasher ʾatem ʿosiym haʿal hamelekhe ʾatem morediym׃
20 וָאָשִׁ֨יב אֹותָ֜ם דָּבָ֗ר וָאֹומַ֤ר לָהֶם֙ אֱלֹהֵ֣י הַשָּׁמַ֔יִם ה֚וּא יַצְלִ֣יחַֽ לָ֔נוּ וַאֲנַ֥חְנוּ עֲבָדָ֖יו נָק֣וּם וּבָנִ֑ינוּ וְלָכֶ֗ם אֵֽין־חֵ֧לֶק וּצְדָקָ֛ה וְזִכָּרֹ֖ון בִּירוּשָׁלִָֽם׃ waʾashiyv ʾowtam davar waʾowmar lahem ʾelohey hashamayim huʾ yatseliyḥa lanu waʾanaḥenu ʿavadayw naqum uvaniynu welakhem ʾeyn־ḥeleq utsedaqah wezikarown biyrushalim׃