Jérémie 4

¹ אִם־תָּשׁ֨וּב יִשְׂרָאֵ֧ל ׀ נְאֻם־יְהוָ֛ה אֵלַ֖י תָּשׁ֑וּב וְאִם־תָּסִ֧יר שִׁקּוּצֶ֛יךָ מִפָּנַ֖י וְלֹ֥א תָנֽוּד׃ ʾim־tashuv yiseraʾel ׀ neʾum־yehwah ʾelay tashuv weʾim־tasiyr shiqutseykha mipanay weloʾ tanud׃

² וְנִשְׁבַּ֙עְתָּ֙ חַי־יְהוָ֔ה בֶּאֱמֶ֖ת בְּמִשְׁפָּ֣ט וּבִצְדָקָ֑ה וְהִתְבָּ֥רְכוּ בֹ֛ו גֹּויִ֖ם וּבֹ֥ו יִתְהַלָּֽלוּ׃ ס wenishebaʿeta ḥay־yehwah beʾemet bemishepaṭ uvitsedaqah wehitebarekhu vow gowyim uvow yitehalalu׃ s

³ כִּי־כֹ֣ה ׀ אָמַ֣ר יְהֹוָ֗ה לְאִ֤ישׁ יְהוּדָה֙ וְלִיר֣וּשָׁלִַ֔ם נִ֥ירוּ לָכֶ֖ם נִ֑יר וְאַֽל־תִּזְרְע֖וּ אֶל־קֹוצִֽים׃ kiy־khoh ׀ ʾamar yehowah leʾiysh yehudah weliyrushalim niyru lakhem niyr weʾal־tizereʿu ʾel־qowtsiym׃

⁴ הִמֹּ֣לוּ לַיהֹוָ֗ה וְהָסִ֙רוּ֙ עָרְלֹ֣ות לְבַבְכֶ֔ם אִ֥ישׁ יְהוּדָ֖ה וְיֹשְׁבֵ֣י יְרוּשָׁלִָ֑ם פֶּן־תֵּצֵ֨א כָאֵ֜שׁ חֲמָתִ֗י וּבָעֲרָה֙ וְאֵ֣ין מְכַבֶּ֔ה מִפְּנֵ֖י רֹ֥עַ מַעַלְלֵיכֶֽם׃ himolu layhowah wehasiru ʿarelowt levavekhem ʾiysh yehudah weyoshevey yerushalim pen־tetseʾ khaʾesh ḥamatiy uvaʿarah weʾeyn mekhabeh mipeney roaʿ maʿaleleykhem׃

⁵ הַגִּ֣ידוּ בִֽיהוּדָ֗ה וּבִירוּשָׁלִַ֙ם֙ הַשְׁמִ֔יעוּ וְאִמְר֕וּ [ותִּקְעוּ כ] (תִּקְע֥וּ ק) שֹׁופָ֖ר בָּאָ֑רֶץ קִרְא֤וּ מַלְאוּ֙ וְאִמְר֔וּ הֵאָסְפ֥וּ וְנָבֹ֖ואָה אֶל־עָרֵ֥י הַמִּבְצָֽר׃ hagiydu viyhudah uviyrushalim hashemiyʿu weʾimeru [wtiqeʿu kh] (tiqeʿu q) showfar baʾarets qireʾu maleʾu weʾimeru heʾasefu wenavowʾah ʾel־ʿarey hamivetsar׃

⁶ שְׂאוּ־נֵ֣ס צִיֹּ֔ונָה הָעִ֖יזוּ אַֽל־תַּעֲמֹ֑דוּ כִּ֣י רָעָ֗ה אָנֹכִ֛י מֵבִ֥יא מִצָּפֹ֖ון וְשֶׁ֥בֶר גָּדֹֽול׃ seʾu־nes tsiyownah haʿiyzu ʾal־taʿamodu kiy raʿah ʾanokhiy meviyʾ mitsafown weshever gadowl׃

⁷ עָלָ֤ה אַרְיֵה֙ מִֽסֻּבְּכֹ֔ו וּמַשְׁחִ֣ית גֹּויִ֔ם נָסַ֖ע יָצָ֣א מִמְּקֹמֹ֑ו לָשׂ֤וּם אַרְצֵךְ֙ לְשַׁמָּ֔ה עָרַ֥יִךְ תִּצֶּ֖ינָה מֵאֵ֥ין יֹושֵֽׁב׃ ʿalah ʾareyeh misubekhow umasheḥiyt gowyim nasaʿ yatsaʾ mimeqomow lasum ʾaretsekhe leshamah ʿarayikhe titseynah meʾeyn yowshev׃

⁸ עַל־זֹ֛את חִגְר֥וּ שַׂקִּ֖ים סִפְד֣וּ וְהֵילִ֑ילוּ כִּ֥י לֹא־שָׁ֛ב חֲרֹ֥ון אַף־יְהֹוָ֖ה מִמֶּֽנּוּ׃ פ ʿal־zoʾt ḥigeru saqiym sifedu weheyliylu kiy loʾ־shav ḥarown ʾaf־yehowah mimenu׃ f

⁹ וְהָיָ֤ה בַיֹּום־הַהוּא֙ נְאֻם־יְהוָ֔ה יֹאבַ֥ד לֵב־הַמֶּ֖לֶךְ וְלֵ֣ב הַשָּׂרִ֑ים וְנָשַׁ֙מּוּ֙ הַכֹּ֣הֲנִ֔ים וְהַנְּבִיאִ֖ים יִתְמָֽהוּ׃ wehayah vayowm־hahuʾ neʾum־yehwah yoʾvad lev־hamelekhe welev hasariym wenashamu hakohaniym wehaneviyʾiym yitemahu׃

¹⁰ וָאֹמַ֞ר אֲהָ֣הּ ׀ אֲדֹנָ֣י יְהוִ֗ה אָכֵן֩ הַשֵּׁ֨א הִשֵּׁ֜אתָ לָעָ֤ם הַזֶּה֙ וְלִירוּשָׁלִַ֣ם לֵאמֹ֔ר שָׁלֹ֖ום יִהְיֶ֣ה לָכֶ֑ם וְנָגְעָ֥ה חֶ֖רֶב עַד־הַנָּֽפֶשׁ׃ waʾomar ʾahah ׀ ʾadonay yehwih ʾakhen hasheʾ hisheʾta laʿam hazeh weliyrushalim leʾmor shalowm yiheyeh lakhem wenageʿah ḥerev ʿad־hanafesh׃

¹¹ בָּעֵ֣ת הַהִ֗יא יֵאָמֵ֤ר לָֽעָם־הַזֶּה֙ וְלִיר֣וּשָׁלִַ֔ם ר֣וּחַ צַ֤ח שְׁפָיִים֙ בַּמִּדְבָּ֔ר דֶּ֖רֶךְ בַּת־עַמִּ֑י לֹ֥וא לִזְרֹ֖ות וְלֹ֥וא לְהָבַֽר׃ baʿet hahiyʾ yeʾamer laʿam־hazeh weliyrushalim ruaḥ tsaḥ shefayiym bamidebar derekhe bat־ʿamiy lowʾ lizerowt welowʾ lehavar׃

¹² ר֧וּחַ מָלֵ֛א מֵאֵ֖לֶּה יָ֣בֹוא לִ֑י עַתָּ֕ה גַּם־אֲנִ֛י אֲדַבֵּ֥ר מִשְׁפָּטִ֖ים אֹותָֽם׃ ruaḥ maleʾ meʾeleh yavowʾ liy ʿatah gam־ʾaniy ʾadaber mishepaṭiym ʾowtam׃

¹³ הִנֵּ֣ה ׀ כַּעֲנָנִ֣ים יַעֲלֶ֗ה וְכַסּוּפָה֙ מַרְכְּבֹותָ֔יו קַלּ֥וּ מִנְּשָׁרִ֖ים סוּסָ֑יו אֹ֥וי לָ֖נוּ כִּ֥י שֻׁדָּֽדְנוּ׃ hineh ׀ kaʿananiym yaʿaleh wekhasufah marekevowtayw qalu mineshariym susayw ʾowy lanu kiy shudadenu׃

¹⁴ כַּבְּסִ֨י מֵרָעָ֤ה לִבֵּךְ֙ יְר֣וּשָׁלִַ֔ם לְמַ֖עַן תִּוָּשֵׁ֑עִי עַד־מָתַ֛י תָּלִ֥ין בְּקִרְבֵּ֖ךְ מַחְשְׁבֹ֥ות אֹונֵֽךְ׃ kabesiy meraʿah libekhe yerushalim lemaʿan tiuasheʿiy ʿad־matay taliyn beqirebekhe maḥeshevowt ʾownekhe׃

¹⁵ כִּ֛י קֹ֥ול מַגִּ֖יד מִדָּ֑ן וּמַשְׁמִ֥יעַ אָ֖וֶן מֵהַ֥ר אֶפְרָֽיִם׃ kiy qowl magiyd midan umashemiyʿa ʾawen mehar ʾeferayim׃

¹⁶ הַזְכִּ֣ירוּ לַגֹּויִ֗ם הִנֵּה֙ הַשְׁמִ֣יעוּ עַל־יְרוּשָׁלִַ֔ם נֹצְרִ֥ים בָּאִ֖ים מֵאֶ֣רֶץ הַמֶּרְחָ֑ק וַֽיִּתְּנ֛וּ עַל־עָרֵ֥י יְהוּדָ֖ה קֹולָֽם׃ hazekiyru lagowyim hineh hashemiyʿu ʿal־yerushalim notseriym baʾiym meʾerets hamereḥaq wayitenu ʿal־ʿarey yehudah qowlam׃

¹⁷ כְּשֹׁמְרֵ֣י שָׂדַ֔י הָי֥וּ עָלֶ֖יהָ מִסָּבִ֑יב כִּי־אֹתִ֥י מָרָ֖תָה נְאֻם־יְהוָֽה׃ keshomerey saday hayu ʿaleyha misaviyv kiy־ʾotiy maratah neʾum־yehwah׃

¹⁸ דַּרְכֵּךְ֙ וּמַ֣עֲלָלַ֔יִךְ עָשֹׂ֥ו אֵ֖לֶּה לָ֑ךְ זֹ֤את רָעָתֵךְ֙ כִּ֣י מָ֔ר כִּ֥י נָגַ֖ע עַד־לִבֵּֽךְ׃ ס darekekhe umaʿalalayikhe ʿasow ʾeleh lakhe zoʾt raʿatekhe kiy mar kiy nagaʿ ʿad־libekhe׃ s

¹⁹ מֵעַ֣י ׀ מֵעַ֨י ׀ [אָחוּלָה כ] (אֹוחִ֜ילָה ק) קִירֹ֥ות לִבִּ֛י הֹֽמֶה־לִּ֥י לִבִּ֖י לֹ֣א אַחֲרִ֑ישׁ כִּ֣י קֹ֤ול שֹׁופָר֙ [שָׁמַעְתִּי כ] (שָׁמַ֣עַתְּ ק) נַפְשִׁ֔י תְּרוּעַ֖ת מִלְחָמָֽה׃ meʿay ׀ meʿay ׀ [ʾaḥulah kh] (ʾowḥiylah q) qiyrowt libiy homeh־liy libiy loʾ ʾaḥariysh kiy qowl showfar [shamaʿetiy kh] (shamaʿate q) nafeshiy teruʿat mileḥamah׃

²⁰ שֶׁ֤בֶר עַל־שֶׁ֙בֶר֙ נִקְרָ֔א כִּ֥י שֻׁדְּדָ֖ה כָּל־הָאָ֑רֶץ פִּתְאֹם֙ שֻׁדְּד֣וּ אֹהָלַ֔י רֶ֖גַע יְרִיעֹתָֽי׃ shever ʿal־shever niqeraʾ kiy shudedah kal־haʾarets piteʾom shudedu ʾohalay regaʿ yeriyʿotay׃

²¹ עַד־מָתַ֖י אֶרְאֶה־נֵּ֑ס אֶשְׁמְעָ֖ה קֹ֥ול שֹׁופָֽר׃ ס ʿad־matay ʾereʾeh־nes ʾeshemeʿah qowl showfar׃ s

²² כִּ֣י ׀ אֱוִ֣יל עַמִּ֗י אֹותִי֙ לֹ֣א יָדָ֔עוּ בָּנִ֤ים סְכָלִים֙ הֵ֔מָּה וְלֹ֥א נְבֹונִ֖ים הֵ֑מָּה חֲכָמִ֥ים הֵ֙מָּה֙ לְהָרַ֔ע וּלְהֵיטִ֖יב לֹ֥א יָדָֽעוּ׃ kiy ׀ ʾewiyl ʿamiy ʾowtiy loʾ yadaʿu baniym sekhaliym hemah weloʾ nevowniym hemah ḥakhamiym hemah leharaʿ uleheyṭiyv loʾ yadaʿu׃

²³ רָאִ֙יתִי֙ אֶת־הָאָ֔רֶץ וְהִנֵּה־תֹ֖הוּ וָבֹ֑הוּ וְאֶל־הַשָּׁמַ֖יִם וְאֵ֥ין אֹורָֽם׃ raʾiytiy ʾet־haʾarets wehineh־tohu wavohu weʾel־hashamayim weʾeyn ʾowram׃

²⁴ רָאִ֙יתִי֙ הֶֽהָרִ֔ים וְהִנֵּ֖ה רֹעֲשִׁ֑ים וְכָל־הַגְּבָעֹ֖ות הִתְקַלְקָֽלוּ׃ raʾiytiy hehariym wehineh roʿashiym wekhal־hagevaʿowt hiteqaleqalu׃

²⁵ רָאִ֕יתִי וְהִנֵּ֖ה אֵ֣ין הָאָדָ֑ם וְכָל־עֹ֥וף הַשָּׁמַ֖יִם נָדָֽדוּ׃ raʾiytiy wehineh ʾeyn haʾadam wekhal־ʿowf hashamayim nadadu׃

²⁶ רָאִ֕יתִי וְהִנֵּ֥ה הַכַּרְמֶ֖ל הַמִּדְבָּ֑ר וְכָל־עָרָ֗יו נִתְּצוּ֙ מִפְּנֵ֣י יְהוָ֔ה מִפְּנֵ֖י חֲרֹ֥ון אַפֹּֽו׃ ס raʾiytiy wehineh hakaremel hamidebar wekhal־ʿarayw nitetsu mipeney yehwah mipeney ḥarown ʾapow׃ s

²⁷ כִּי־כֹה֙ אָמַ֣ר יְהוָ֔ה שְׁמָמָ֥ה תִהְיֶ֖ה כָּל־הָאָ֑רֶץ וְכָלָ֖ה לֹ֥א אֶעֱשֶֽׂה׃ kiy־khoh ʾamar yehwah shemamah tiheyeh kal־haʾarets wekhalah loʾ ʾeʿeseh׃

²⁸ עַל־זֹאת֙ תֶּאֱבַ֣ל הָאָ֔רֶץ וְקָדְר֥וּ הַשָּׁמַ֖יִם מִמָּ֑עַל עַ֤ל כִּי־דִבַּ֙רְתִּי֙ זַמֹּ֔תִי וְלֹ֥א נִחַ֖מְתִּי וְלֹא־אָשׁ֥וּב מִמֶּֽנָּה׃ ʿal־zoʾt teʾeval haʾarets weqaderu hashamayim mimaʿal ʿal kiy־dibaretiy zamotiy weloʾ niḥametiy weloʾ־ʾashuv mimenah׃

²⁹ מִקֹּ֨ול פָּרָ֜שׁ וְרֹ֣מֵה קֶ֗שֶׁת בֹּרַ֙חַת֙ כָּל־הָעִ֔יר בָּ֚אוּ בֶּעָבִ֔ים וּבַכֵּפִ֖ים עָל֑וּ כָּל־הָעִ֣יר עֲזוּבָ֔ה וְאֵין־יֹושֵׁ֥ב בָּהֵ֖ן אִֽישׁ׃ miqowl parash weromeh qeshet boraḥat kal־haʿiyr baʾu beʿaviym uvakefiym ʿalu kal־haʿiyr ʿazuvah weʾeyn־yowshev bahen ʾiysh׃

³⁰ [וְאַתִּי כ] (וְאַ֨תְּ ק) שָׁד֜וּד מַֽה־תַּעֲשִׂ֗י כִּֽי־תִלְבְּשִׁ֨י שָׁנִ֜י כִּי־תַעְדִּ֣י עֲדִי־זָהָ֗ב כִּֽי־תִקְרְעִ֤י בַפּוּךְ֙ עֵינַ֔יִךְ לַשָּׁ֖וְא תִּתְיַפִּ֑י מָאֲסוּ־בָ֥ךְ עֹגְבִ֖ים נַפְשֵׁ֥ךְ יְבַקֵּֽשׁוּ׃ [weʾatiy kh] (weʾate q) shadud mah־taʿasiy kiy־tilebeshiy shaniy kiy־taʿediy ʿadiy־zahav kiy־tiqereʿiy vapukhe ʿeynayikhe lashaweʾ titeyapiy maʾasu־vakhe ʿogeviym nafeshekhe yevaqeshu׃

³¹ כִּי֩ קֹ֨ול כְּחֹולָ֜ה שָׁמַ֗עְתִּי צָרָה֙ כְּמַבְכִּירָ֔ה קֹ֧ול בַּת־צִיֹּ֛ון תִּתְיַפֵּ֖חַ תְּפָרֵ֣שׂ כַּפֶּ֑יהָ אֹֽוי־נָ֣א לִ֔י כִּֽי־עָיְפָ֥ה נַפְשִׁ֖י לְהֹרְגִֽים׃ פ kiy qowl keḥowlah shamaʿetiy tsarah kemavekiyrah qowl bat־tsiyown titeyapeaḥ tefares kapeyha ʾowy־naʾ liy kiy־ʿayefah nafeshiy lehoregiym׃ f