Genèse 41

¹ וַיְהִ֕י מִקֵּ֖ץ שְׁנָתַ֣יִם יָמִ֑ים וּפַרְעֹ֣ה חֹלֵ֔ם וְהִנֵּ֖ה עֹמֵ֥ד עַל־הַיְאֹֽר׃ wayehiy miqets shenatayim yamiym ufareʿoh ḥolem wehineh ʿomed ʿal־hayeʾor׃

² וְהִנֵּ֣ה מִן־הַיְאֹ֗ר עֹלֹת֙ שֶׁ֣בַע פָּרֹ֔ות יְפֹ֥ות מַרְאֶ֖ה וּבְרִיאֹ֣ת בָּשָׂ֑ר וַתִּרְעֶ֖ינָה בָּאָֽחוּ׃ wehineh min־hayeʾor ʿolot shevaʿ parowt yefowt mareʾeh uveriyʾot basar watireʿeynah baʾaḥu׃

³ וְהִנֵּ֞ה שֶׁ֧בַע פָּרֹ֣ות אֲחֵרֹ֗ות עֹלֹ֤ות אַחֲרֵיהֶן֙ מִן־הַיְאֹ֔ר רָעֹ֥ות מַרְאֶ֖ה וְדַקֹּ֣ות בָּשָׂ֑ר וַֽתַּעֲמֹ֛דְנָה אֵ֥צֶל הַפָּרֹ֖ות עַל־שְׂפַ֥ת הַיְאֹֽר׃ wehineh shevaʿ parowt ʾaḥerowt ʿolowt ʾaḥareyhen min־hayeʾor raʿowt mareʾeh wedaqowt basar wataʿamodenah ʾetsel haparowt ʿal־sefat hayeʾor׃

⁴ וַתֹּאכַ֣לְנָה הַפָּרֹ֗ות רָעֹ֤ות הַמַּרְאֶה֙ וְדַקֹּ֣ת הַבָּשָׂ֔ר אֵ֚ת שֶׁ֣בַע הַפָּרֹ֔ות יְפֹ֥ת הַמַּרְאֶ֖ה וְהַבְּרִיאֹ֑ת וַיִּיקַ֖ץ פַּרְעֹֽה׃ watoʾkhalenah haparowt raʿowt hamareʾeh wedaqot habasar ʾet shevaʿ haparowt yefot hamareʾeh wehaberiyʾot wayiyqats pareʿoh׃

⁵ וַיִּישָׁ֕ן וַֽיַּחֲלֹ֖ם שֵׁנִ֑ית וְהִנֵּ֣ה ׀ שֶׁ֣בַע שִׁבֳּלִ֗ים עֹלֹ֛ות בְּקָנֶ֥ה אֶחָ֖ד בְּרִיאֹ֥ות וְטֹבֹֽות׃ wayiyshan wayaḥalom sheniyt wehineh ׀ shevaʿ shiboliym ʿolowt beqaneh ʾeḥad beriyʾowt weṭovowt׃

⁶ וְהִנֵּה֙ שֶׁ֣בַע שִׁבֳּלִ֔ים דַּקֹּ֖ות וּשְׁדוּפֹ֣ת קָדִ֑ים צֹמְחֹ֖ות אַחֲרֵיהֶֽן׃ wehineh shevaʿ shiboliym daqowt ushedufot qadiym tsomeḥowt ʾaḥareyhen׃

⁷ וַתִּבְלַ֙עְנָה֙ הַשִּׁבֳּלִ֣ים הַדַּקֹּ֔ות אֵ֚ת שֶׁ֣בַע הַֽשִּׁבֳּלִ֔ים הַבְּרִיאֹ֖ות וְהַמְּלֵאֹ֑ות וַיִּיקַ֥ץ פַּרְעֹ֖ה וְהִנֵּ֥ה חֲלֹֽום׃ wativelaʿenah hashiboliym hadaqowt ʾet shevaʿ hashiboliym haberiyʾowt wehameleʾowt wayiyqats pareʿoh wehineh ḥalowm׃

⁸ וַיְהִ֤י בַבֹּ֙קֶר֙ וַתִּפָּ֣עֶם רוּחֹ֔ו וַיִּשְׁלַ֗ח וַיִּקְרָ֛א אֶת־כָּל־חַרְטֻמֵּ֥י מִצְרַ֖יִם וְאֶת־כָּל־חֲכָמֶ֑יהָ וַיְסַפֵּ֨ר פַּרְעֹ֤ה לָהֶם֙ אֶת־חֲלֹמֹ֔ו וְאֵין־פֹּותֵ֥ר אֹותָ֖ם לְפַרְעֹֽה׃ wayehiy vaboqer watipaʿem ruḥow wayishelaḥ wayiqeraʾ ʾet־kal־ḥareṭumey mitserayim weʾet־kal־ḥakhameyha wayesaper pareʿoh lahem ʾet־ḥalomow weʾeyn־powter ʾowtam lefareʿoh׃

⁹ וַיְדַבֵּר֙ שַׂ֣ר הַמַּשְׁקִ֔ים אֶת־פַּרְעֹ֖ה לֵאמֹ֑ר אֶת־חֲטָאַ֕י אֲנִ֖י מַזְכִּ֥יר הַיֹּֽום׃ wayedaber sar hamasheqiym ʾet־pareʿoh leʾmor ʾet־ḥaṭaʾay ʾaniy mazekiyr hayowm׃

¹⁰ פַּרְעֹ֖ה קָצַ֣ף עַל־עֲבָדָ֑יו וַיִּתֵּ֨ן אֹתִ֜י בְּמִשְׁמַ֗ר בֵּ֚ית שַׂ֣ר הַטַּבָּחִ֔ים אֹתִ֕י וְאֵ֖ת שַׂ֥ר הָאֹפִֽים׃ pareʿoh qatsaf ʿal־ʿavadayw wayiten ʾotiy bemishemar beyt sar haṭabaḥiym ʾotiy weʾet sar haʾofiym׃

¹¹ וַנַּֽחַלְמָ֥ה חֲלֹ֛ום בְּלַ֥יְלָה אֶחָ֖ד אֲנִ֣י וָה֑וּא אִ֛ישׁ כְּפִתְרֹ֥ון חֲלֹמֹ֖ו חָלָֽמְנוּ׃ wanaḥalemah ḥalowm belayelah ʾeḥad ʾaniy wahuʾ ʾiysh kefiterown ḥalomow ḥalamenu׃

¹² וְשָׁ֨ם אִתָּ֜נוּ נַ֣עַר עִבְרִ֗י עֶ֚בֶד לְשַׂ֣ר הַטַּבָּחִ֔ים וַנְּ֨סַפֶּר־לֹ֔ו וַיִּפְתָּר־לָ֖נוּ אֶת־חֲלֹמֹתֵ֑ינוּ אִ֥ישׁ כַּחֲלֹמֹ֖ו פָּתָֽר׃ wesham ʾitanu naʿar ʿiveriy ʿeved lesar haṭabaḥiym wanesaper־low wayifetar־lanu ʾet־ḥalomoteynu ʾiysh kaḥalomow patar׃

¹³ וַיְהִ֛י כַּאֲשֶׁ֥ר פָּֽתַר־לָ֖נוּ כֵּ֣ן הָיָ֑ה אֹתִ֛י הֵשִׁ֥יב עַל־כַּנִּ֖י וְאֹתֹ֥ו תָלָֽה׃ wayehiy kaʾasher patar־lanu ken hayah ʾotiy heshiyv ʿal־kaniy weʾotow talah׃

¹⁴ וַיִּשְׁלַ֤ח פַּרְעֹה֙ וַיִּקְרָ֣א אֶת־יֹוסֵ֔ף וַיְרִיצֻ֖הוּ מִן־הַבֹּ֑ור וַיְגַלַּח֙ וַיְחַלֵּ֣ף שִׂמְלֹתָ֔יו וַיָּבֹ֖א אֶל־פַּרְעֹֽה׃ wayishelaḥ pareʿoh wayiqeraʾ ʾet־yowsef wayeriytsuhu min־habowr wayegalaḥ wayeḥalef simelotayw wayavoʾ ʾel־pareʿoh׃

¹⁵ וַיֹּ֤אמֶר פַּרְעֹה֙ אֶל־יֹוסֵ֔ף חֲלֹ֣ום חָלַ֔מְתִּי וּפֹתֵ֖ר אֵ֣ין אֹתֹ֑ו וַאֲנִ֗י שָׁמַ֤עְתִּי עָלֶ֙יךָ֙ לֵאמֹ֔ר תִּשְׁמַ֥ע חֲלֹ֖ום לִפְתֹּ֥ר אֹתֹֽו׃ wayoʾmer pareʿoh ʾel־yowsef ḥalowm ḥalametiy ufoter ʾeyn ʾotow waʾaniy shamaʿetiy ʿaleykha leʾmor tishemaʿ ḥalowm lifetor ʾotow׃

¹⁶ וַיַּ֨עַן יֹוסֵ֧ף אֶת־פַּרְעֹ֛ה לֵאמֹ֖ר בִּלְעָדָ֑י אֱלֹהִ֕ים יַעֲנֶ֖ה אֶת־שְׁלֹ֥ום פַּרְעֹֽה׃ wayaʿan yowsef ʾet־pareʿoh leʾmor bileʿaday ʾelohiym yaʿaneh ʾet־shelowm pareʿoh׃

¹⁷ וַיְדַבֵּ֥ר פַּרְעֹ֖ה אֶל־יֹוסֵ֑ף בַּחֲלֹמִ֕י הִנְנִ֥י עֹמֵ֖ד עַל־שְׂפַ֥ת הַיְאֹֽר׃ wayedaber pareʿoh ʾel־yowsef baḥalomiy hineniy ʿomed ʿal־sefat hayeʾor׃

¹⁸ וְהִנֵּ֣ה מִן־הַיְאֹ֗ר עֹלֹת֙ שֶׁ֣בַע פָּרֹ֔ות בְּרִיאֹ֥ות בָּשָׂ֖ר וִיפֹ֣ת תֹּ֑אַר וַתִּרְעֶ֖ינָה בָּאָֽחוּ׃ wehineh min־hayeʾor ʿolot shevaʿ parowt beriyʾowt basar wiyfot toʾar watireʿeynah baʾaḥu׃

¹⁹ וְהִנֵּ֞ה שֶֽׁבַע־פָּרֹ֤ות אֲחֵרֹות֙ עֹלֹ֣ות אַחֲרֵיהֶ֔ן דַּלֹּ֨ות וְרָעֹ֥ות תֹּ֛אַר מְאֹ֖ד וְרַקֹּ֣ות בָּשָׂ֑ר לֹֽא־רָאִ֧יתִי כָהֵ֛נָּה בְּכָל־אֶ֥רֶץ מִצְרַ֖יִם לָרֹֽעַ׃ wehineh shevaʿ־parowt ʾaḥerowt ʿolowt ʾaḥareyhen dalowt weraʿowt toʾar meʾod weraqowt basar loʾ־raʾiytiy khahenah bekhal־ʾerets mitserayim laroaʿ׃

²⁰ וַתֹּאכַ֙לְנָה֙ הַפָּרֹ֔ות הָרַקֹּ֖ות וְהָרָעֹ֑ות אֵ֣ת שֶׁ֧בַע הַפָּרֹ֛ות הָרִאשֹׁנֹ֖ות הַבְּרִיאֹֽת׃ watoʾkhalenah haparowt haraqowt weharaʿowt ʾet shevaʿ haparowt hariʾshonowt haberiyʾot׃

²¹ וַתָּבֹ֣אנָה אֶל־קִרְבֶּ֗נָה וְלֹ֤א נֹודַע֙ כִּי־בָ֣אוּ אֶל־קִרְבֶּ֔נָה וּמַרְאֵיהֶ֣ן רַ֔ע כַּאֲשֶׁ֖ר בַּתְּחִלָּ֑ה וָאִיקָֽץ׃ watavoʾnah ʾel־qirebenah weloʾ nowdaʿ kiy־vaʾu ʾel־qirebenah umareʾeyhen raʿ kaʾasher bateḥilah waʾiyqats׃

²² וָאֵ֖רֶא בַּחֲלֹמִ֑י וְהִנֵּ֣ה ׀ שֶׁ֣בַע שִׁבֳּלִ֗ים עֹלֹ֛ת בְּקָנֶ֥ה אֶחָ֖ד מְלֵאֹ֥ת וְטֹבֹֽות׃ waʾereʾ baḥalomiy wehineh ׀ shevaʿ shiboliym ʿolot beqaneh ʾeḥad meleʾot weṭovowt׃

²³ וְהִנֵּה֙ שֶׁ֣בַע שִׁבֳּלִ֔ים צְנֻמֹ֥ות דַּקֹּ֖ות שְׁדֻפֹ֣ות קָדִ֑ים צֹמְחֹ֖ות אַחֲרֵיהֶֽם׃ wehineh shevaʿ shiboliym tsenumowt daqowt shedufowt qadiym tsomeḥowt ʾaḥareyhem׃

²⁴ וַתִּבְלַ֙עְןָ֙ הָשִׁבֳּלִ֣ים הַדַּקֹּ֔ת אֵ֛ת שֶׁ֥בַע הַֽשִׁבֳּלִ֖ים הַטֹּבֹ֑ות וָֽאֹמַר֙ אֶל־הַֽחַרְטֻמִּ֔ים וְאֵ֥ין מַגִּ֖יד לִֽי׃ wativelaʿena hashiboliym hadaqot ʾet shevaʿ hashiboliym haṭovowt waʾomar ʾel־haḥareṭumiym weʾeyn magiyd liy׃

²⁵ וַיֹּ֤אמֶר יֹוסֵף֙ אֶל־פַּרְעֹ֔ה חֲלֹ֥ום פַּרְעֹ֖ה אֶחָ֣ד ה֑וּא אֵ֣ת אֲשֶׁ֧ר הָאֱלֹהִ֛ים עֹשֶׂ֖ה הִגִּ֥יד לְפַרְעֹֽה׃ wayoʾmer yowsef ʾel־pareʿoh ḥalowm pareʿoh ʾeḥad huʾ ʾet ʾasher haʾelohiym ʿoseh higiyd lefareʿoh׃

²⁶ שֶׁ֧בַע פָּרֹ֣ת הַטֹּבֹ֗ת שֶׁ֤בַע שָׁנִים֙ הֵ֔נָּה וְשֶׁ֤בַע הַֽשִּׁבֳּלִים֙ הַטֹּבֹ֔ת שֶׁ֥בַע שָׁנִ֖ים הֵ֑נָּה חֲלֹ֖ום אֶחָ֥ד הֽוּא׃ shevaʿ parot haṭovot shevaʿ shaniym henah weshevaʿ hashiboliym haṭovot shevaʿ shaniym henah ḥalowm ʾeḥad huʾ׃

²⁷ וְשֶׁ֣בַע הַ֠פָּרֹות הָֽרַקֹּ֨ות וְהָרָעֹ֜ת הָעֹלֹ֣ת אַחֲרֵיהֶ֗ן שֶׁ֤בַע שָׁנִים֙ הֵ֔נָּה וְשֶׁ֤בַע הַֽשִׁבֳּלִים֙ הָרֵקֹ֔ות שְׁדֻפֹ֖ות הַקָּדִ֑ים יִהְי֕וּ שֶׁ֖בַע שְׁנֵ֥י רָעָֽב׃ weshevaʿ haparowt haraqowt weharaʿot haʿolot ʾaḥareyhen shevaʿ shaniym henah weshevaʿ hashiboliym hareqowt shedufowt haqadiym yiheyu shevaʿ sheney raʿav׃

²⁸ ה֣וּא הַדָּבָ֔ר אֲשֶׁ֥ר דִּבַּ֖רְתִּי אֶל־פַּרְעֹ֑ה אֲשֶׁ֧ר הָאֱלֹהִ֛ים עֹשֶׂ֖ה הֶרְאָ֥ה אֶת־פַּרְעֹֽה׃ huʾ hadavar ʾasher dibaretiy ʾel־pareʿoh ʾasher haʾelohiym ʿoseh hereʾah ʾet־pareʿoh׃

²⁹ הִנֵּ֛ה שֶׁ֥בַע שָׁנִ֖ים בָּאֹ֑ות שָׂבָ֥ע גָּדֹ֖ול בְּכָל־אֶ֥רֶץ מִצְרָֽיִם׃ hineh shevaʿ shaniym baʾowt savaʿ gadowl bekhal־ʾerets mitserayim׃

³⁰ וְ֠קָמוּ שֶׁ֨בַע שְׁנֵ֤י רָעָב֙ אַחֲרֵיהֶ֔ן וְנִשְׁכַּ֥ח כָּל־הַשָּׂבָ֖ע בְּאֶ֣רֶץ מִצְרָ֑יִם וְכִלָּ֥ה הָרָעָ֖ב אֶת־הָאָֽרֶץ׃ weqamu shevaʿ sheney raʿav ʾaḥareyhen wenishekaḥ kal־hasavaʿ beʾerets mitserayim wekhilah haraʿav ʾet־haʾarets׃

³¹ וְלֹֽא־יִוָּדַ֤ע הַשָּׂבָע֙ בָּאָ֔רֶץ מִפְּנֵ֛י הָרָעָ֥ב הַה֖וּא אַחֲרֵי־כֵ֑ן כִּֽי־כָבֵ֥ד ה֖וּא מְאֹֽד׃ weloʾ־yiuadaʿ hasavaʿ baʾarets mipeney haraʿav hahuʾ ʾaḥarey־khen kiy־khaved huʾ meʾod׃

³² וְעַ֨ל הִשָּׁנֹ֧ות הַחֲלֹ֛ום אֶל־פַּרְעֹ֖ה פַּעֲמָ֑יִם כִּֽי־נָכֹ֤ון הַדָּבָר֙ מֵעִ֣ם הָאֱלֹהִ֔ים וּמְמַהֵ֥ר הָאֱלֹהִ֖ים לַעֲשֹׂתֹֽו׃ weʿal hishanowt haḥalowm ʾel־pareʿoh paʿamayim kiy־nakhown hadavar meʿim haʾelohiym umemaher haʾelohiym laʿasotow׃

³³ וְעַתָּה֙ יֵרֶ֣א פַרְעֹ֔ה אִ֖ישׁ נָבֹ֣ון וְחָכָ֑ם וִישִׁיתֵ֖הוּ עַל־אֶ֥רֶץ מִצְרָֽיִם׃ weʿatah yereʾ fareʿoh ʾiysh navown weḥakham wiyshiytehu ʿal־ʾerets mitserayim׃

³⁴ יַעֲשֶׂ֣ה פַרְעֹ֔ה וְיַפְקֵ֥ד פְּקִדִ֖ים עַל־הָאָ֑רֶץ וְחִמֵּשׁ֙ אֶת־אֶ֣רֶץ מִצְרַ֔יִם בְּשֶׁ֖בַע שְׁנֵ֥י הַשָּׂבָֽע׃ yaʿaseh fareʿoh weyafeqed peqidiym ʿal־haʾarets weḥimesh ʾet־ʾerets mitserayim beshevaʿ sheney hasavaʿ׃

³⁵ וְיִקְבְּצ֗וּ אֶת־כָּל־אֹ֙כֶל֙ הַשָּׁנִ֣ים הַטֹּבֹ֔ת הַבָּאֹ֖ת הָאֵ֑לֶּה וְיִצְבְּרוּ־בָ֞ר תַּ֧חַת יַד־פַּרְעֹ֛ה אֹ֥כֶל בֶּעָרִ֖ים וְשָׁמָֽרוּ׃ weyiqebetsu ʾet־kal־ʾokhel hashaniym haṭovot habaʾot haʾeleh weyitseberu־var taḥat yad־pareʿoh ʾokhel beʿariym weshamaru׃

³⁶ וְהָיָ֨ה הָאֹ֤כֶל לְפִקָּדֹון֙ לָאָ֔רֶץ לְשֶׁ֙בַע֙ שְׁנֵ֣י הָרָעָ֔ב אֲשֶׁ֥ר תִּהְיֶ֖יןָ בְּאֶ֣רֶץ מִצְרָ֑יִם וְלֹֽא־תִכָּרֵ֥ת הָאָ֖רֶץ בָּרָעָֽב׃ wehayah haʾokhel lefiqadown laʾarets leshevaʿ sheney haraʿav ʾasher tiheyeyna beʾerets mitserayim weloʾ־tikaret haʾarets baraʿav׃

³⁷ וַיִּיטַ֥ב הַדָּבָ֖ר בְּעֵינֵ֣י פַרְעֹ֑ה וּבְעֵינֵ֖י כָּל־עֲבָדָֽיו׃ wayiyṭav hadavar beʿeyney fareʿoh uveʿeyney kal־ʿavadayw׃

³⁸ וַיֹּ֥אמֶר פַּרְעֹ֖ה אֶל־עֲבָדָ֑יו הֲנִמְצָ֣א כָזֶ֔ה אִ֕ישׁ אֲשֶׁ֛ר ר֥וּחַ אֱלֹהִ֖ים בֹּֽו׃ wayoʾmer pareʿoh ʾel־ʿavadayw hanimetsaʾ khazeh ʾiysh ʾasher ruaḥ ʾelohiym bow׃

³⁹ וַיֹּ֤אמֶר פַּרְעֹה֙ אֶל־יֹוסֵ֔ף אַחֲרֵ֨י הֹודִ֧יעַ אֱלֹהִ֛ים אֹותְךָ֖ אֶת־כָּל־זֹ֑את אֵין־נָבֹ֥ון וְחָכָ֖ם כָּמֹֽוךָ׃ wayoʾmer pareʿoh ʾel־yowsef ʾaḥarey howdiyʿa ʾelohiym ʾowtekha ʾet־kal־zoʾt ʾeyn־navown weḥakham kamowkha׃

⁴⁰ אַתָּה֙ תִּהְיֶ֣ה עַל־בֵּיתִ֔י וְעַל־פִּ֖יךָ יִשַּׁ֣ק כָּל־עַמִּ֑י רַ֥ק הַכִּסֵּ֖א אֶגְדַּ֥ל מִמֶּֽךָּ׃ ʾatah tiheyeh ʿal־beytiy weʿal־piykha yishaq kal־ʿamiy raq hakiseʾ ʾegedal mimeka׃

⁴¹ וַיֹּ֥אמֶר פַּרְעֹ֖ה אֶל־יֹוסֵ֑ף רְאֵה֙ נָתַ֣תִּי אֹֽתְךָ֔ עַ֖ל כָּל־אֶ֥רֶץ מִצְרָֽיִם׃ wayoʾmer pareʿoh ʾel־yowsef reʾeh natatiy ʾotekha ʿal kal־ʾerets mitserayim׃

⁴² וַיָּ֨סַר פַּרְעֹ֤ה אֶת־טַבַּעְתֹּו֙ מֵעַ֣ל יָדֹ֔ו וַיִּתֵּ֥ן אֹתָ֖הּ עַל־יַ֣ד יֹוסֵ֑ף וַיַּלְבֵּ֤שׁ אֹתֹו֙ בִּגְדֵי־שֵׁ֔שׁ וַיָּ֛שֶׂם רְבִ֥ד הַזָּהָ֖ב עַל־צַוָּארֹֽו׃ wayasar pareʿoh ʾet־ṭabaʿetow meʿal yadow wayiten ʾotah ʿal־yad yowsef wayalebesh ʾotow bigedey־shesh wayasem revid hazahav ʿal־tsauaʾrow׃

⁴³ וַיַּרְכֵּ֣ב אֹתֹ֗ו בְּמִרְכֶּ֤בֶת הַמִּשְׁנֶה֙ אֲשֶׁר־לֹ֔ו וַיִּקְרְא֥וּ לְפָנָ֖יו אַבְרֵ֑ךְ וְנָתֹ֣ון אֹתֹ֔ו עַ֖ל כָּל־אֶ֥רֶץ מִצְרָֽיִם׃ wayarekev ʾotow bemirekevet hamisheneh ʾasher־low wayiqereʾu lefanayw ʾaverekhe wenatown ʾotow ʿal kal־ʾerets mitserayim׃

⁴⁴ וַיֹּ֧אמֶר פַּרְעֹ֛ה אֶל־יֹוסֵ֖ף אֲנִ֣י פַרְעֹ֑ה וּבִלְעָדֶ֗יךָ לֹֽא־יָרִ֨ים אִ֧ישׁ אֶת־יָדֹ֛ו וְאֶת־רַגְלֹ֖ו בְּכָל־אֶ֥רֶץ מִצְרָֽיִם׃ wayoʾmer pareʿoh ʾel־yowsef ʾaniy fareʿoh uvileʿadeykha loʾ־yariym ʾiysh ʾet־yadow weʾet־ragelow bekhal־ʾerets mitserayim׃

⁴⁵ וַיִּקְרָ֨א פַרְעֹ֣ה שֵׁם־יֹוסֵף֮ צָֽפְנַ֣ת פַּעְנֵחַ֒ וַיִּתֶּן־לֹ֣ו אֶת־אָֽסְנַ֗ת בַּת־פֹּ֥וטִי פֶ֛רַע כֹּהֵ֥ן אֹ֖ן לְאִשָּׁ֑ה וַיֵּצֵ֥א יֹוסֵ֖ף עַל־אֶ֥רֶץ מִצְרָֽיִם׃ wayiqeraʾ fareʿoh shem־yowsef tsafenat paʿeneaḥ wayiten־low ʾet־ʾasenat bat־powṭiy feraʿ kohen ʾon leʾishah wayetseʾ yowsef ʿal־ʾerets mitserayim׃

⁴⁶ וְיֹוסֵף֙ בֶּן־שְׁלֹשִׁ֣ים שָׁנָ֔ה בְּעָמְדֹ֕ו לִפְנֵ֖י פַּרְעֹ֣ה מֶֽלֶךְ־מִצְרָ֑יִם וַיֵּצֵ֤א יֹוסֵף֙ מִלִּפְנֵ֣י פַרְעֹ֔ה וַֽיַּעְבֹ֖ר בְּכָל־אֶ֥רֶץ מִצְרָֽיִם׃ weyowsef ben־sheloshiym shanah beʿamedow lifeney pareʿoh melekhe־mitserayim wayetseʾ yowsef milifeney fareʿoh wayaʿevor bekhal־ʾerets mitserayim׃

⁴⁷ וַתַּ֣עַשׂ הָאָ֔רֶץ בְּשֶׁ֖בַע שְׁנֵ֣י הַשָּׂבָ֑ע לִקְמָצִֽים׃ wataʿas haʾarets beshevaʿ sheney hasavaʿ liqematsiym׃

⁴⁸ וַיִּקְבֹּ֞ץ אֶת־כָּל־אֹ֣כֶל ׀ שֶׁ֣בַע שָׁנִ֗ים אֲשֶׁ֤ר הָיוּ֙ בְּאֶ֣רֶץ מִצְרַ֔יִם וַיִּתֶּן־אֹ֖כֶל בֶּעָרִ֑ים אֹ֧כֶל שְׂדֵה־הָעִ֛יר אֲשֶׁ֥ר סְבִיבֹתֶ֖יהָ נָתַ֥ן בְּתֹוכָֽהּ׃ wayiqebots ʾet־kal־ʾokhel ׀ shevaʿ shaniym ʾasher hayu beʾerets mitserayim wayiten־ʾokhel beʿariym ʾokhel sedeh־haʿiyr ʾasher seviyvoteyha natan betowkhah׃

⁴⁹ וַיִּצְבֹּ֨ר יֹוסֵ֥ף בָּ֛ר כְּחֹ֥ול הַיָּ֖ם הַרְבֵּ֣ה מְאֹ֑ד עַ֛ד כִּי־חָדַ֥ל לִסְפֹּ֖ר כִּי־אֵ֥ין מִסְפָּֽר׃ wayitsebor yowsef bar keḥowl hayam harebeh meʾod ʿad kiy־ḥadal lisepor kiy־ʾeyn misepar׃

⁵⁰ וּלְיֹוסֵ֤ף יֻלַּד֙ שְׁנֵ֣י בָנִ֔ים בְּטֶ֥רֶם תָּבֹ֖וא שְׁנַ֣ת הָרָעָ֑ב אֲשֶׁ֤ר יָֽלְדָה־לֹּו֙ אָֽסְנַ֔ת בַּת־פֹּ֥וטִי פֶ֖רַע כֹּהֵ֥ן אֹֽון׃ uleyowsef yulad sheney vaniym beṭerem tavowʾ shenat haraʿav ʾasher yaledah־low ʾasenat bat־powṭiy feraʿ kohen ʾown׃

⁵¹ וַיִּקְרָ֥א יֹוסֵ֛ף אֶת־שֵׁ֥ם הַבְּכֹ֖ור מְנַשֶּׁ֑ה כִּֽי־נַשַּׁ֤נִי אֱלֹהִים֙ אֶת־כָּל־עֲמָלִ֔י וְאֵ֖ת כָּל־בֵּ֥ית אָבִֽי׃ wayiqeraʾ yowsef ʾet־shem habekhowr menasheh kiy־nashaniy ʾelohiym ʾet־kal־ʿamaliy weʾet kal־beyt ʾaviy׃

⁵² וְאֵ֛ת שֵׁ֥ם הַשֵּׁנִ֖י קָרָ֣א אֶפְרָ֑יִם כִּֽי־הִפְרַ֥נִי אֱלֹהִ֖ים בְּאֶ֥רֶץ עָנְיִֽי׃ weʾet shem hasheniy qaraʾ ʾeferayim kiy־hiferaniy ʾelohiym beʾerets ʿaneyiy׃

⁵³ וַתִּכְלֶ֕ינָה שֶׁ֖בַע שְׁנֵ֣י הַשָּׂבָ֑ע אֲשֶׁ֥ר הָיָ֖ה בְּאֶ֥רֶץ מִצְרָֽיִם׃ watikheleynah shevaʿ sheney hasavaʿ ʾasher hayah beʾerets mitserayim׃

⁵⁴ וַתְּחִלֶּ֜ינָה שֶׁ֣בַע שְׁנֵ֤י הָרָעָב֙ לָבֹ֔וא כַּאֲשֶׁ֖ר אָמַ֣ר יֹוסֵ֑ף וַיְהִ֤י רָעָב֙ בְּכָל־הָ֣אֲרָצֹ֔ות וּבְכָל־אֶ֥רֶץ מִצְרַ֖יִם הָ֥יָה לָֽחֶם׃ wateḥileynah shevaʿ sheney haraʿav lavowʾ kaʾasher ʾamar yowsef wayehiy raʿav bekhal־haʾaratsowt uvekhal־ʾerets mitserayim hayah laḥem׃

⁵⁵ וַתִּרְעַב֙ כָּל־אֶ֣רֶץ מִצְרַ֔יִם וַיִּצְעַ֥ק הָעָ֛ם אֶל־פַּרְעֹ֖ה לַלָּ֑חֶם וַיֹּ֨אמֶר פַּרְעֹ֤ה לְכָל־מִצְרַ֙יִם֙ לְכ֣וּ אֶל־יֹוסֵ֔ף אֲשֶׁר־יֹאמַ֥ר לָכֶ֖ם תַּעֲשֽׂוּ׃ watireʿav kal־ʾerets mitserayim wayitseʿaq haʿam ʾel־pareʿoh lalaḥem wayoʾmer pareʿoh lekhal־mitserayim lekhu ʾel־yowsef ʾasher־yoʾmar lakhem taʿasu׃

⁵⁶ וְהָרָעָ֣ב הָיָ֔ה עַ֖ל כָּל־פְּנֵ֣י הָאָ֑רֶץ וַיִּפְתַּ֨ח יֹוסֵ֜ף אֶֽת־כָּל־אֲשֶׁ֤ר בָּהֶם֙ וַיִּשְׁבֹּ֣ר לְמִצְרַ֔יִם וַיֶּחֱזַ֥ק הָֽרָעָ֖ב בְּאֶ֥רֶץ מִצְרָֽיִם׃ weharaʿav hayah ʿal kal־peney haʾarets wayifetaḥ yowsef ʾet־kal־ʾasher bahem wayishebor lemitserayim wayeḥezaq haraʿav beʾerets mitserayim׃

⁵⁷ וְכָל־הָאָ֙רֶץ֙ בָּ֣אוּ מִצְרַ֔יְמָה לִשְׁבֹּ֖ר אֶל־יֹוסֵ֑ף כִּֽי־חָזַ֥ק הָרָעָ֖ב בְּכָל־הָאָֽרֶץ׃ wekhal־haʾarets baʾu mitserayemah lishebor ʾel־yowsef kiy־ḥazaq haraʿav bekhal־haʾarets׃