1 לְמַחְלְקֹ֖ות לְשֹׁעֲרִ֑ים לַקָּרְחִ֕ים מְשֶֽׁלֶמְיָ֥הוּ בֶן־קֹרֵ֖א מִן־בְּנֵ֥י אָסָֽף׃ lemaḥeleqowt leshoʿariym laqareḥiym meshelemeyahu ven־qoreʾ min־beney ʾasaf׃
2 וְלִמְשֶֽׁלֶמְיָ֖הוּ בָּנִ֑ים זְכַרְיָ֤הוּ הַבְּכֹור֙ יְדִֽיעֲאֵ֣ל הַשֵּׁנִ֔י זְבַדְיָ֙הוּ֙ הַשְּׁלִישִׁ֔י יַתְנִיאֵ֖ל הָרְבִיעִֽי׃ welimeshelemeyahu baniym zekhareyahu habekhowr yediyʿaʾel hasheniy zevadeyahu hasheliyshiy yateniyʾel hareviyʿiy׃
3 עֵילָ֤ם הַחֲמִישִׁי֙ יְהֹוחָנָ֣ן הַשִּׁשִּׁ֔י אֶלְיְהֹועֵינַ֖י הַשְּׁבִיעִֽי׃ ʿeylam haḥamiyshiy yehowḥanan hashishiy ʾeleyehowʿeynay hasheviyʿiy׃
4 וּלְעֹבֵ֥ד אֱדֹ֖ם בָּנִ֑ים שְׁמַֽעְיָ֤ה הַבְּכֹור֙ יְהֹוזָבָ֣ד הַשֵּׁנִ֔י יֹואָ֤ח הַשְּׁלִשִׁי֙ וְשָׂכָ֣ר הָרְבִיעִ֔י וּנְתַנְאֵ֖ל הַחֲמִישִֽׁי׃ uleʿoved ʾedom baniym shemaʿeyah habekhowr yehowzavad hasheniy yowʾaḥ hashelishiy wesakhar hareviyʿiy unetaneʾel haḥamiyshiy׃
5 עַמִּיאֵ֤ל הַשִּׁשִּׁי֙ יִשָׂשכָ֣ר הַשְּׁבִיעִ֔י פְּעֻלְּתַ֖י הַשְּׁמִינִ֑י כִּ֥י בֵרֲכֹ֖ו אֱלֹהִֽים׃ פ ʿamiyʾel hashishiy yisashkhar hasheviyʿiy peʿuletay hashemiyniy kiy verakhow ʾelohiym׃ f
6 וְלִֽשְׁמַֽעְיָ֤ה בְנֹו֙ נֹולַ֣ד בָּנִ֔ים הַמִּמְשָׁלִ֖ים לְבֵ֣ית אֲבִיהֶ֑ם כִּֽי־גִבֹּ֥ורֵי חַ֖יִל הֵֽמָּה׃ welishemaʿeyah venow nowlad baniym hamimeshaliym leveyt ʾaviyhem kiy־gibowrey ḥayil hemah׃
7 בְּנֵ֣י שְׁמַֽעְיָ֗ה עָ֠תְנִי וּרְפָאֵ֨ל וְעֹובֵ֧ד אֶלְזָבָ֛ד אֶחָ֖יו בְּנֵי־חָ֑יִל אֱלִיה֖וּ וּסְמַכְיָֽהוּ׃ beney shemaʿeyah ʿateniy urefaʾel weʿowved ʾelezavad ʾeḥayw beney־ḥayil ʾeliyhu usemakheyahu׃
8 כָּל־אֵ֜לֶּה מִבְּנֵ֣י ׀ עֹבֵ֣ד אֱדֹ֗ם הֵ֤מָּה וּבְנֵיהֶם֙ וַאֲחֵיהֶ֔ם אִֽישׁ־חַ֥יִל בַּכֹּ֖חַ לַעֲבֹדָ֑ה שִׁשִּׁ֥ים וּשְׁנַ֖יִם לְעֹבֵ֥ד אֱדֹֽם׃ kal־ʾeleh mibeney ׀ ʿoved ʾedom hemah uveneyhem waʾaḥeyhem ʾiysh־ḥayil bakoaḥ laʿavodah shishiym ushenayim leʿoved ʾedom׃
9 וְלִמְשֶֽׁלֶמְיָ֗הוּ בָּנִ֧ים וְאַחִ֛ים בְּנֵי־חָ֖יִל שְׁמֹונָ֥ה עָשָֽׂר׃ ס welimeshelemeyahu baniym weʾaḥiym beney־ḥayil shemownah ʿasar׃ s
10 וּלְחֹסָ֥ה מִן־בְּנֵי־מְרָרִ֖י בָּנִ֑ים שִׁמְרִ֤י הָרֹאשׁ֙ כִּ֣י לֹא־הָיָ֣ה בְכֹ֔ור וַיְשִׂימֵ֥הוּ אָבִ֖יהוּ לְרֹֽאשׁ׃ uleḥosah min־beney־merariy baniym shimeriy haroʾsh kiy loʾ־hayah vekhowr wayesiymehu ʾaviyhu leroʾsh׃
11 חִלְקִיָּ֤הוּ הַשֵּׁנִי֙ טְבַלְיָ֣הוּ הַשְּׁלִשִׁ֔י זְכַרְיָ֖הוּ הָרְבִעִ֑י כָּל־בָּנִ֧ים וְאַחִ֛ים לְחֹסָ֖ה שְׁלֹשָׁ֥ה עָשָֽׂר׃ ḥileqiyahu hasheniy ṭevaleyahu hashelishiy zekhareyahu hareviʿiy kal־baniym weʾaḥiym leḥosah sheloshah ʿasar׃
12 לְ֠אֵלֶּה מַחְלְקֹ֨ות הַשֹּֽׁעֲרִ֜ים לְרָאשֵׁ֧י הַגְּבָרִ֛ים מִשְׁמָרֹ֖ות לְעֻמַּ֣ת אֲחֵיהֶ֑ם לְשָׁרֵ֖ת בְּבֵ֥ית יְהוָֽה׃ leʾeleh maḥeleqowt hashoʿariym leraʾshey hagevariym mishemarowt leʿumat ʾaḥeyhem lesharet beveyt yehwah׃
13 וַיַּפִּ֨ילוּ גֹורָלֹ֜ות כַּקָּטֹ֧ן כַּגָּדֹ֛ול לְבֵ֥ית אֲבֹותָ֖ם לְשַׁ֥עַר וָשָֽׁעַר׃ פ wayapiylu gowralowt kaqaṭon kagadowl leveyt ʾavowtam leshaʿar washaʿar׃ f
14 וַיִּפֹּ֧ל הַגֹּורָ֛ל מִזְרָ֖חָה לְשֶֽׁלֶמְיָ֑הוּ וּזְכַרְיָ֨הוּ בְנֹ֜ו יֹועֵ֣ץ ׀ בְּשֶׂ֗כֶל הִפִּ֙ילוּ֙ גֹּֽורָלֹ֔ות וַיֵּצֵ֥א גֹורָלֹ֖ו צָפֹֽונָה׃ ס wayipol hagowral mizeraḥah leshelemeyahu uzekhareyahu venow yowʿets ׀ besekhel hipiylu gowralowt wayetseʾ gowralow tsafownah׃ s
15 לְעֹבֵ֥ד אֱדֹ֖ם נֶ֑גְבָּה וּלְבָנָ֖יו בֵּ֥ית הָאֲסֻפִּֽים׃ leʿoved ʾedom negebah ulevanayw beyt haʾasupiym׃
16 לְשֻׁפִּ֤ים וּלְחֹסָה֙ לַֽמַּעֲרָ֔ב עִ֚ם שַׁ֣עַר שַׁלֶּ֔כֶת בַּֽמְסִלָּ֖ה הָעֹולָ֑ה מִשְׁמָ֖ר לְעֻמַּ֥ת מִשְׁמָֽר׃ leshupiym uleḥosah lamaʿarav ʿim shaʿar shalekhet bamesilah haʿowlah mishemar leʿumat mishemar׃
17 לַמִּזְרָח֮ הַלְוִיִּ֣ם שִׁשָּׁה֒ לַצָּפֹ֤ונָה לַיֹּום֙ אַרְבָּעָ֔ה לַנֶּ֥גְבָּה לַיֹּ֖ום אַרְבָּעָ֑ה וְלָאֲסֻפִּ֖ים שְׁנַ֥יִם שְׁנָֽיִם׃ lamizeraḥ halewiyim shishah latsafownah layowm ʾarebaʿah lanegebah layowm ʾarebaʿah welaʾasupiym shenayim shenayim׃
18 לַפַּרְבָּ֖ר לַֽמַּעֲרָ֑ב אַרְבָּעָה֙ לַֽמְסִלָּ֔ה שְׁנַ֖יִם לַפַּרְבָּֽר׃ laparebar lamaʿarav ʾarebaʿah lamesilah shenayim laparebar׃
19 אֵ֗לֶּה מַחְלְקֹות֙ הַשֹּׁ֣עֲרִ֔ים לִבְנֵ֥י הַקָּרְחִ֖י וְלִבְנֵ֥י מְרָרִֽי׃ ʾeleh maḥeleqowt hashoʿariym liveney haqareḥiy weliveney merariy׃
20 וְֽהַלְוִיִּ֑ם אֲחִיָּ֗ה עַל־אֹֽוצְרֹות֙ בֵּ֣ית הָאֱלֹהִ֔ים וּלְאֹֽצְרֹ֖ות הַקֳּדָשִֽׁים׃ wehalewiyim ʾaḥiyah ʿal־ʾowtserowt beyt haʾelohiym uleʾotserowt haqodashiym׃
21 בְּנֵ֣י לַ֠עְדָּן בְּנֵ֨י הַגֵּרְשֻׁנִּ֜י לְלַעְדָּ֗ן רָאשֵׁ֧י הָאָבֹ֛ות לְלַעְדָּ֥ן הַגֵּרְשֻׁנִּ֖י יְחִיאֵלִֽי׃ beney laʿedan beney hagereshuniy lelaʿedan raʾshey haʾavowt lelaʿedan hagereshuniy yeḥiyʾeliy׃
22 בְּנֵ֖י יְחִֽיאֵלִ֑י זֵתָם֙ וְיֹואֵ֣ל אָחִ֔יו עַל־אֹצְרֹ֖ות בֵּ֥ית יְהוָֽה׃ beney yeḥiyʾeliy zetam weyowʾel ʾaḥiyw ʿal־ʾotserowt beyt yehwah׃
23 לַֽעַמְרָמִי֙ לַיִּצְהָרִ֔י לַֽחֶבְרֹונִ֖י לָֽעָזִּיאֵלִֽי׃ laʿameramiy layitsehariy laḥeverowniy laʿaziyʾeliy׃
24 וּשְׁבֻאֵל֙ בֶּן־גֵּרְשֹׁ֣ום בֶּן־מֹשֶׁ֔ה נָגִ֖יד עַל־הָאֹצָרֹֽות׃ ushevuʾel ben־gereshowm ben־mosheh nagiyd ʿal־haʾotsarowt׃
25 וְאֶחָ֖יו לֶֽאֱלִיעֶ֑זֶר רְחַבְיָ֨הוּ בְנֹ֜ו וִֽישַׁעְיָ֤הוּ בְנֹו֙ וְיֹרָ֣ם בְּנֹ֔ו וְזִכְרִ֥י בְנֹ֖ו [וּשְׁלֹמֹות כ] (וּשְׁלֹמִ֥ית ק) בְּנֹֽו׃ weʾeḥayw leʾeliyʿezer reḥaveyahu venow wiyshaʿeyahu venow weyoram benow wezikheriy venow [ushelomowt kh] (ushelomiyt q) benow׃
26 ה֧וּא שְׁלֹמֹ֣ות וְאֶחָ֗יו עַ֣ל כָּל־אֹצְרֹ֤ות הַקֳּדָשִׁים֙ אֲשֶׁ֨ר הִקְדִּ֜ישׁ דָּוִ֣יד הַמֶּ֗לֶךְ וְרָאשֵׁ֧י הָאָבֹ֛ות לְשָׂרֵֽי־הָאֲלָפִ֥ים וְהַמֵּאֹ֖ות וְשָׂרֵ֥י הַצָּבָֽא׃ huʾ shelomowt weʾeḥayw ʿal kal־ʾotserowt haqodashiym ʾasher hiqediysh dawiyd hamelekhe weraʾshey haʾavowt lesarey־haʾalafiym wehameʾowt wesarey hatsavaʾ׃
27 מִן־הַמִּלְחָמֹ֥ות וּמִן־הַשָּׁלָ֖ל הִקְדִּ֑ישׁוּ לְחַזֵּ֖ק לְבֵ֥ית יְהוָֽה׃ min־hamileḥamowt umin־hashalal hiqediyshu leḥazeq leveyt yehwah׃
28 וְכֹ֨ל הַֽהִקְדִּ֜ישׁ שְׁמוּאֵ֤ל הָרֹאֶה֙ וְשָׁא֣וּל בֶּן־קִ֔ישׁ וְאַבְנֵ֣ר בֶּן־נֵ֔ר וְיֹואָ֖ב בֶּן־צְרוּיָ֑ה כֹּ֚ל הַמַּקְדִּ֔ישׁ עַ֥ל יַד־שְׁלֹמִ֖ית וְאֶחָֽיו׃ פ wekhol hahiqediysh shemuʾel haroʾeh weshaʾul ben־qiysh weʾavener ben־ner weyowʾav ben־tseruyah kol hamaqediysh ʿal yad־shelomiyt weʾeḥayw׃ f
29 לַיִּצְהָרִ֞י כְּנַנְיָ֣הוּ וּבָנָ֗יו לַמְּלָאכָ֤ה הַחִֽיצֹונָה֙ עַל־יִשְׂרָאֵ֔ל לְשֹׁטְרִ֖ים וּלְשֹׁפְטִֽים׃ layitsehariy kenaneyahu uvanayw lamelaʾkhah haḥiytsownah ʿal־yiseraʾel leshoṭeriym uleshofeṭiym׃
30 לַֽחֶבְרֹונִ֡י חֲשַׁבְיָהוּ֩ וְאֶחָ֨יו בְּנֵי־חַ֜יִל אֶ֣לֶף וּשְׁבַע־מֵאֹ֗ות עַ֚ל פְּקֻדַּ֣ת יִשְׂרָאֵ֔ל מֵעֵ֥בֶר לַיַּרְדֵּ֖ן מַעְרָ֑בָה לְכֹל֙ מְלֶ֣אכֶת יְהוָ֔ה וְלַעֲבֹדַ֖ת הַמֶּֽלֶךְ׃ laḥeverowniy ḥashaveyahu weʾeḥayw beney־ḥayil ʾelef ushevaʿ־meʾowt ʿal pequdat yiseraʾel meʿever layareden maʿeravah lekhol meleʾkhet yehwah welaʿavodat hamelekhe׃
31 לַֽחֶבְרֹונִי֙ יְרִיָּ֣ה הָרֹ֔אשׁ לַֽחֶבְרֹונִ֥י לְתֹלְדֹתָ֖יו לְאָבֹ֑ות בִּשְׁנַ֨ת הָֽאַרְבָּעִ֜ים לְמַלְכ֤וּת דָּוִיד֙ נִדְרָ֔שׁוּ וַיִּמָּצֵ֥א בָהֶ֛ם גִּבֹּ֥ורֵי חַ֖יִל בְּיַעְזֵ֥יר גִּלְעָֽד׃ laḥeverowniy yeriyah haroʾsh laḥeverowniy letoledotayw leʾavowt bishenat haʾarebaʿiym lemalekhut dawiyd niderashu wayimatseʾ vahem gibowrey ḥayil beyaʿezeyr gileʿad׃
32 וְאֶחָ֣יו בְּנֵי־חַ֗יִל אַלְפַּ֛יִם וּשְׁבַ֥ע מֵאֹ֖ות רָאשֵׁ֣י הָאָבֹ֑ות וַיַּפְקִידֵ֞ם דָּוִ֣יד הַמֶּ֗לֶךְ עַל־הָראוּבֵנִ֤י וְהַגָּדִי֙ וַחֲצִי֙ שֵׁ֣בֶט הַֽמְנַשִּׁ֔י לְכָל־דְּבַ֥ר הָאֱלֹהִ֖ים וּדְבַ֥ר הַמֶּֽלֶךְ׃ פ weʾeḥayw beney־ḥayil ʾalepayim ushevaʿ meʾowt raʾshey haʾavowt wayafeqiydem dawiyd hamelekhe ʿal־harʾuveniy wehagadiy waḥatsiy sheveṭ hamenashiy lekhal־devar haʾelohiym udevar hamelekhe׃ f