Ésaïe 51

¹ שִׁמְע֥וּ אֵלַ֛י רֹ֥דְפֵי צֶ֖דֶק מְבַקְשֵׁ֣י יְהוָ֑ה הַבִּ֙יטוּ֙ אֶל־צ֣וּר חֻצַּבְתֶּ֔ם וְאֶל־מַקֶּ֥בֶת בֹּ֖ור נֻקַּרְתֶּֽם׃ shimeʿu ʾelay rodefey tsedeq mevaqeshey yehwah habiyṭu ʾel־tsur ḥutsavetem weʾel־maqevet bowr nuqaretem׃

² הַבִּ֙יטוּ֙ אֶל־אַבְרָהָ֣ם אֲבִיכֶ֔ם וְאֶל־שָׂרָ֖ה תְּחֹולֶלְכֶ֑ם כִּי־אֶחָ֣ד קְרָאתִ֔יו וַאֲבָרְכֵ֖הוּ וְאַרְבֵּֽהוּ׃ ס habiyṭu ʾel־ʾaveraham ʾaviykhem weʾel־sarah teḥowlelekhem kiy־ʾeḥad qeraʾtiyw waʾavarekhehu weʾarebehu׃ s

³ כִּֽי־נִחַ֨ם יְהוָ֜ה צִיֹּ֗ון נִחַם֙ כָּל־חָרְבֹתֶ֔יהָ וַיָּ֤שֶׂם מִדְבָּרָהּ֙ כְּעֵ֔דֶן וְעַרְבָתָ֖הּ כְּגַן־יְהוָ֑ה שָׂשֹׂ֤ון וְשִׂמְחָה֙ יִמָּ֣צֵא בָ֔הּ תֹּודָ֖ה וְקֹ֥ול זִמְרָֽה׃ ס kiy־niḥam yehwah tsiyown niḥam kal־ḥarevoteyha wayasem midebarah keʿeden weʿarevatah kegan־yehwah sasown wesimeḥah yimatseʾ vah towdah weqowl zimerah׃ s

⁴ הַקְשִׁ֤יבוּ אֵלַי֙ עַמִּ֔י וּלְאוּמִּ֖י אֵלַ֣י הַאֲזִ֑ינוּ כִּ֤י תֹורָה֙ מֵאִתִּ֣י תֵצֵ֔א וּמִשְׁפָּטִ֔י לְאֹ֥ור עַמִּ֖ים אַרְגִּֽיעַ׃ haqeshiyvu ʾelay ʿamiy uleʾumiy ʾelay haʾaziynu kiy towrah meʾitiy tetseʾ umishepaṭiy leʾowr ʿamiym ʾaregiyʿa׃

⁵ קָרֹ֤וב צִדְקִי֙ יָצָ֣א יִשְׁעִ֔י וּזְרֹעַ֖י עַמִּ֣ים יִשְׁפֹּ֑טוּ אֵלַי֙ אִיִּ֣ים יְקַוּ֔וּ וְאֶל־זְרֹעִ֖י יְיַחֵלֽוּן׃ qarowv tsideqiy yatsaʾ yisheʿiy uzeroʿay ʿamiym yishepoṭu ʾelay ʾiyiym yeqauu weʾel־zeroʿiy yeyaḥelun׃

⁶ שְׂאוּ֩ לַשָּׁמַ֨יִם עֵֽינֵיכֶ֜ם וְֽהַבִּ֧יטוּ אֶל־הָאָ֣רֶץ מִתַּ֗חַת כִּֽי־שָׁמַ֜יִם כֶּעָשָׁ֤ן נִמְלָ֙חוּ֙ וְהָאָ֙רֶץ֙ כַּבֶּ֣גֶד תִּבְלֶ֔ה וְיֹשְׁבֶ֖יהָ כְּמֹו־כֵ֣ן יְמוּת֑וּן וִישֽׁוּעָתִי֙ לְעֹולָ֣ם תִּֽהְיֶ֔ה וְצִדְקָתִ֖י לֹ֥א תֵחָֽת׃ ס seʾu lashamayim ʿeyneykhem wehabiyṭu ʾel־haʾarets mitaḥat kiy־shamayim keʿashan nimelaḥu wehaʾarets kabeged tiveleh weyosheveyha kemow־khen yemutun wiyshuʿatiy leʿowlam tiheyeh wetsideqatiy loʾ teḥat׃ s

⁷ שִׁמְע֤וּ אֵלַי֙ יֹ֣דְעֵי צֶ֔דֶק עַ֖ם תֹּורָתִ֣י בְלִבָּ֑ם אַל־תִּֽירְאוּ֙ חֶרְפַּ֣ת אֱנֹ֔ושׁ וּמִגִּדֻּפֹתָ֖ם אַל־תֵּחָֽתּוּ׃ shimeʿu ʾelay yodeʿey tsedeq ʿam towratiy velibam ʾal־tiyreʾu ḥerepat ʾenowsh umigidufotam ʾal־teḥatu׃

⁸ כִּ֤י כַבֶּ֙גֶד֙ יֹאכְלֵ֣ם עָ֔שׁ וְכַצֶּ֖מֶר יֹאכְלֵ֣ם סָ֑ס וְצִדְקָתִי֙ לְעֹולָ֣ם תִּֽהְיֶ֔ה וִישׁוּעָתִ֖י לְדֹ֥ור דֹּורִֽים׃ ס kiy khabeged yoʾkhelem ʿash wekhatsemer yoʾkhelem sas wetsideqatiy leʿowlam tiheyeh wiyshuʿatiy ledowr dowriym׃ s

⁹ עוּרִ֨י עוּרִ֤י לִבְשִׁי־עֹז֙ זְרֹ֣ועַ יְהוָ֔ה ע֚וּרִי כִּ֣ימֵי קֶ֔דֶם דֹּרֹ֖ות עֹולָמִ֑ים הֲלֹ֥וא אַתְּ־הִ֛יא הַמַּחְצֶ֥בֶת רַ֖הַב מְחֹולֶ֥לֶת תַּנִּֽין׃ ʿuriy ʿuriy liveshiy־ʿoz zerowʿa yehwah ʿuriy kiymey qedem dorowt ʿowlamiym halowʾ ʾate־hiyʾ hamaḥetsevet rahav meḥowlelet taniyn׃

¹⁰ הֲלֹ֤וא אַתְּ־הִיא֙ הַמַּחֲרֶ֣בֶת יָ֔ם מֵ֖י תְּהֹ֣ום רַבָּ֑ה הַשָּׂ֙מָה֙ מַֽעֲמַקֵּי־יָ֔ם דֶּ֖רֶךְ לַעֲבֹ֥ר גְּאוּלִֽים׃ halowʾ ʾate־hiyʾ hamaḥarevet yam mey tehowm rabah hasamah maʿamaqey־yam derekhe laʿavor geʾuliym׃

¹¹ וּפְדוּיֵ֨י יְהוָ֜ה יְשׁוּב֗וּן וּבָ֤אוּ צִיֹּון֙ בְּרִנָּ֔ה וְשִׂמְחַ֥ת עֹולָ֖ם עַל־רֹאשָׁ֑ם שָׂשֹׂ֤ון וְשִׂמְחָה֙ יַשִּׂיג֔וּן נָ֖סוּ יָגֹ֥ון וַאֲנָחָֽה׃ ס ufeduyey yehwah yeshuvun uvaʾu tsiyown berinah wesimeḥat ʿowlam ʿal־roʾsham sasown wesimeḥah yasiygun nasu yagown waʾanaḥah׃ s

¹² אָנֹכִ֧י אָנֹכִ֛י ה֖וּא מְנַחֶמְכֶ֑ם מִֽי־אַ֤תְּ וַתִּֽירְאִי֙ מֵאֱנֹ֣ושׁ יָמ֔וּת וּמִבֶּן־אָדָ֖ם חָצִ֥יר יִנָּתֵֽן׃ ʾanokhiy ʾanokhiy huʾ menaḥemekhem miy־ʾate watiyreʾiy meʾenowsh yamut umiben־ʾadam ḥatsiyr yinaten׃

¹³ וַתִּשְׁכַּ֞ח יְהוָ֣ה עֹשֶׂ֗ךָ נֹוטֶ֣ה שָׁמַיִם֮ וְיֹסֵ֣ד אָרֶץ֒ וַתְּפַחֵ֨ד תָּמִ֜יד כָּל־הַיֹּ֗ום מִפְּנֵי֙ חֲמַ֣ת הַמֵּצִ֔יק כַּאֲשֶׁ֥ר כֹּונֵ֖ן לְהַשְׁחִ֑ית וְאַיֵּ֖ה חֲמַ֥ת הַמֵּצִֽיק׃ watishekaḥ yehwah ʿosekha nowṭeh shamayim weyosed ʾarets watefaḥed tamiyd kal־hayowm mipeney ḥamat hametsiyq kaʾasher kownen lehasheḥiyt weʾayeh ḥamat hametsiyq׃

¹⁴ מִהַ֥ר צֹעֶ֖ה לְהִפָּתֵ֑חַ וְלֹא־יָמ֣וּת לַשַּׁ֔חַת וְלֹ֥א יֶחְסַ֖ר לַחְמֹֽו׃ mihar tsoʿeh lehipateaḥ weloʾ־yamut lashaḥat weloʾ yeḥesar laḥemow׃

¹⁵ וְאָֽנֹכִי֙ יְהוָ֣ה אֱלֹהֶ֔יךָ רֹגַ֣ע הַיָּ֔ם וַיֶּהֱמ֖וּ גַּלָּ֑יו יְהוָ֥ה צְבָאֹ֖ות שְׁמֹֽו׃ weʾanokhiy yehwah ʾeloheykha rogaʿ hayam wayehemu galayw yehwah tsevaʾowt shemow׃

¹⁶ וָאָשִׂ֤ים דְּבָרַי֙ בְּפִ֔יךָ וּבְצֵ֥ל יָדִ֖י כִּסִּיתִ֑יךָ לִנְטֹ֤עַ שָׁמַ֙יִם֙ וְלִיסֹ֣ד אָ֔רֶץ וְלֵאמֹ֥ר לְצִיֹּ֖ון עַמִּי־אָֽתָּה׃ ס waʾasiym devaray befiykha uvetsel yadiy kisiytiykha lineṭoaʿ shamayim weliysod ʾarets weleʾmor letsiyown ʿamiy־ʾatah׃ s

¹⁷ הִתְעֹורְרִ֣י הִֽתְעֹורְרִ֗י ק֚וּמִי יְר֣וּשָׁלִַ֔ם אֲשֶׁ֥ר שָׁתִ֛ית מִיַּ֥ד יְהוָ֖ה אֶת־כֹּ֣וס חֲמָתֹ֑ו אֶת־קֻבַּ֜עַת כֹּ֧וס הַתַּרְעֵלָ֛ה שָׁתִ֖ית מָצִֽית׃ hiteʿowreriy hiteʿowreriy qumiy yerushalim ʾasher shatiyt miyad yehwah ʾet־kows ḥamatow ʾet־qubaʿat kows hatareʿelah shatiyt matsiyt׃

¹⁸ אֵין־מְנַהֵ֣ל לָ֔הּ מִכָּל־בָּנִ֖ים יָלָ֑דָה וְאֵ֤ין מַחֲזִיק֙ בְּיָדָ֔הּ מִכָּל־בָּנִ֖ים גִּדֵּֽלָה׃ ʾeyn־menahel lah mikal־baniym yaladah weʾeyn maḥaziyq beyadah mikal־baniym gidelah׃

¹⁹ שְׁתַּ֤יִם הֵ֙נָּה֙ קֹֽרְאֹתַ֔יִךְ מִ֖י יָנ֣וּד לָ֑ךְ הַשֹּׁ֧ד וְהַשֶּׁ֛בֶר וְהָרָעָ֥ב וְהַחֶ֖רֶב מִ֥י אֲנַחֲמֵֽךְ׃ shetayim henah qoreʾotayikhe miy yanud lakhe hashod wehashever weharaʿav wehaḥerev miy ʾanaḥamekhe׃

²⁰ בָּנַ֜יִךְ עֻלְּפ֥וּ שָׁכְב֛וּ בְּרֹ֥אשׁ כָּל־חוּצֹ֖ות כְּתֹ֣וא מִכְמָ֑ר הַֽמְלֵאִ֥ים חֲמַת־יְהוָ֖ה גַּעֲרַ֥ת אֱלֹהָֽיִךְ׃ banayikhe ʿulefu shakhevu beroʾsh kal־ḥutsowt ketowʾ mikhemar hameleʾiym ḥamat־yehwah gaʿarat ʾelohayikhe׃

²¹ לָכֵ֛ן שִׁמְעִי־נָ֥א זֹ֖את עֲנִיָּ֑ה וּשְׁכֻרַ֖ת וְלֹ֥א מִיָּֽיִן׃ ס lakhen shimeʿiy־naʾ zoʾt ʿaniyah ushekhurat weloʾ miyayin׃ s

²² כֹּֽה־אָמַ֞ר אֲדֹנַ֣יִךְ יְהוָ֗ה וֵאלֹהַ֙יִךְ֙ יָרִ֣יב עַמֹּ֔ו הִנֵּ֥ה לָקַ֛חְתִּי מִיָּדֵ֖ךְ אֶת־כֹּ֣וס הַתַּרְעֵלָ֑ה אֶת־קֻבַּ֙עַת֙ כֹּ֣וס חֲמָתִ֔י לֹא־תֹוסִ֥יפִי לִשְׁתֹּותָ֖הּ עֹֽוד׃ koh־ʾamar ʾadonayikhe yehwah weʾlohayikhe yariyv ʿamow hineh laqaḥetiy miyadekhe ʾet־kows hatareʿelah ʾet־qubaʿat kows ḥamatiy loʾ־towsiyfiy lishetowtah ʿowd׃

²³ וְשַׂמְתִּ֙יהָ֙ בְּיַד־מֹוגַ֔יִךְ אֲשֶׁר־אָמְר֥וּ לְנַפְשֵׁ֖ךְ שְׁחִ֣י וְנַעֲבֹ֑רָה וַתָּשִׂ֤ימִי כָאָ֙רֶץ֙ גֵּוֵ֔ךְ וְכַח֖וּץ לַעֹבְרִֽים׃ ס wesametiyha beyad־mowgayikhe ʾasher־ʾameru lenafeshekhe sheḥiy wenaʿavorah watasiymiy khaʾarets gewekhe wekhaḥuts laʿoveriym׃ s