1 וַיָּ֖קָם וַיֵּלַ֑ךְ וִיהֹונָתָ֖ן בָּ֥א הָעִֽיר׃ wayaqam wayelakhe wiyhownatan baʾ haʿiyr׃
2 וַיָּבֹ֤א דָוִד֙ נֹ֔בֶה אֶל־אֲחִימֶ֖לֶךְ הַכֹּהֵ֑ן וַיֶּחֱרַ֨ד אֲחִימֶ֜לֶךְ לִקְרַ֣את דָּוִ֗ד וַיֹּ֤אמֶר לֹו֙ מַדּ֤וּעַ אַתָּה֙ לְבַדֶּ֔ךָ וְאִ֖ישׁ אֵ֥ין אִתָּֽךְ׃ wayavoʾ dawid noveh ʾel־ʾaḥiymelekhe hakohen wayeḥerad ʾaḥiymelekhe liqeraʾt dawid wayoʾmer low maduaʿ ʾatah levadekha weʾiysh ʾeyn ʾitakhe׃
3 וַיֹּ֨אמֶר דָּוִ֜ד לַאֲחִימֶ֣לֶךְ הַכֹּהֵ֗ן הַמֶּלֶךְ֮ צִוַּ֣נִי דָבָר֒ וַיֹּ֣אמֶר אֵלַ֗י אִ֣ישׁ אַל־יֵ֧דַע מְא֛וּמָה אֶת־הַדָּבָ֛ר אֲשֶׁר־אָנֹכִ֥י שֹׁלֵֽחֲךָ֖ וַאֲשֶׁ֣ר צִוִּיתִ֑ךָ וְאֶת־הַנְּעָרִ֣ים יֹודַ֔עְתִּי אֶל־מְקֹ֥ום פְּלֹנִ֖י אַלְמֹונִֽי׃ wayoʾmer dawid laʾaḥiymelekhe hakohen hamelekhe tsiuaniy davar wayoʾmer ʾelay ʾiysh ʾal־yedaʿ meʾumah ʾet־hadavar ʾasher־ʾanokhiy sholeḥakha waʾasher tsiuiytikha weʾet־haneʿariym yowdaʿetiy ʾel־meqowm peloniy ʾalemowniy׃
4 וְעַתָּ֗ה מַה־יֵּ֧שׁ תַּֽחַת־יָדְךָ֛ חֲמִשָּׁה־לֶ֖חֶם תְּנָ֣ה בְיָדִ֑י אֹ֖ו הַנִּמְצָֽא׃ weʿatah mah־yesh taḥat־yadekha ḥamishah־leḥem tenah veyadiy ʾow hanimetsaʾ׃
5 וַיַּ֨עַן הַכֹּהֵ֤ן אֶת־דָּוִד֙ וַיֹּ֔אמֶר אֵֽין־לֶ֥חֶם חֹ֖ל אֶל־תַּ֣חַת יָדִ֑י כִּֽי־אִם־לֶ֤חֶם קֹ֙דֶשׁ֙ יֵ֔שׁ אִם־נִשְׁמְר֥וּ הַנְּעָרִ֖ים אַ֥ךְ מֵאִשָּֽׁה׃ פ wayaʿan hakohen ʾet־dawid wayoʾmer ʾeyn־leḥem ḥol ʾel־taḥat yadiy kiy־ʾim־leḥem qodesh yesh ʾim־nishemeru haneʿariym ʾakhe meʾishah׃ f
6 וַיַּעַן֩ דָּוִ֨ד אֶת־הַכֹּהֵ֜ן וַיֹּ֣אמֶר לֹ֗ו כִּ֣י אִם־אִשָּׁ֤ה עֲצֻֽרָה־לָ֙נוּ֙ כִּתְמֹ֣ול שִׁלְשֹׁ֔ם בְּצֵאתִ֕י וַיִּהְי֥וּ כְלֵֽי־הַנְּעָרִ֖ים קֹ֑דֶשׁ וְהוּא֙ דֶּ֣רֶךְ חֹ֔ל וְאַ֕ף כִּ֥י הַיֹּ֖ום יִקְדַּ֥שׁ בַּכֶּֽלִי׃ wayaʿan dawid ʾet־hakohen wayoʾmer low kiy ʾim־ʾishah ʿatsurah־lanu kitemowl shileshom betseʾtiy wayiheyu kheley־haneʿariym qodesh wehuʾ derekhe ḥol weʾaf kiy hayowm yiqedash bakeliy׃
7 וַיִּתֶּן־לֹ֥ו הַכֹּהֵ֖ן קֹ֑דֶשׁ כִּי֩ לֹא־הָ֨יָה שָׁ֜ם לֶ֗חֶם כִּֽי־אִם־לֶ֤חֶם הַפָּנִים֙ הַמּֽוּסָרִים֙ מִלִּפְנֵ֣י יְהוָ֔ה לָשׂוּם֙ לֶ֣חֶם חֹ֔ם בְּיֹ֖ום הִלָּקְחֹֽו׃ wayiten־low hakohen qodesh kiy loʾ־hayah sham leḥem kiy־ʾim־leḥem hapaniym hamusariym milifeney yehwah lasum leḥem ḥom beyowm hilaqeḥow׃
8 וְשָׁ֡ם אִישׁ֩ מֵעַבְדֵ֨י שָׁא֜וּל בַּיֹּ֣ום הַה֗וּא נֶעְצָר֙ לִפְנֵ֣י יְהוָ֔ה וּשְׁמֹ֖ו דֹּאֵ֣ג הָאֲדֹמִ֑י אַבִּ֥יר הָרֹעִ֖ים אֲשֶׁ֥ר לְשָׁאֽוּל׃ wesham ʾiysh meʿavedey shaʾul bayowm hahuʾ neʿetsar lifeney yehwah ushemow doʾeg haʾadomiy ʾabiyr haroʿiym ʾasher leshaʾul׃
9 וַיֹּ֤אמֶר דָּוִד֙ לַאֲחִימֶ֔לֶךְ וְאִ֛ין יֶשׁ־פֹּ֥ה תַֽחַת־יָדְךָ֖ חֲנִ֣ית אֹו־חָ֑רֶב כִּ֣י גַם־חַרְבִּ֤י וְגַם־כֵּלַי֙ לֹֽא־לָקַ֣חְתִּי בְיָדִ֔י כִּֽי־הָיָ֥ה דְבַר־הַמֶּ֖לֶךְ נָחֽוּץ׃ ס wayoʾmer dawid laʾaḥiymelekhe weʾiyn yesh־poh taḥat־yadekha ḥaniyt ʾow־ḥarev kiy gam־ḥarebiy wegam־kelay loʾ־laqaḥetiy veyadiy kiy־hayah devar־hamelekhe naḥuts׃ s
10 וַיֹּ֣אמֶר הַכֹּהֵ֗ן חֶרֶב֩ גָּלְיָ֨ת הַפְּלִשְׁתִּ֜י אֲשֶׁר־הִכִּ֣יתָ ׀ בְּעֵ֣מֶק הָאֵלָ֗ה הִנֵּה־הִ֞יא לוּטָ֣ה בַשִּׂמְלָה֮ אַחֲרֵ֣י הָאֵפֹוד֒ אִם־אֹתָ֤הּ תִּֽקַּח־לְךָ֙ קָ֔ח כִּ֣י אֵ֥ין אַחֶ֛רֶת זוּלָתָ֖הּ בָּזֶ֑ה וַיֹּ֧אמֶר דָּוִ֛ד אֵ֥ין כָּמֹ֖והָ תְּנֶ֥נָּה לִּֽי׃ wayoʾmer hakohen ḥerev galeyat hapelishetiy ʾasher־hikiyta ׀ beʿemeq haʾelah hineh־hiyʾ luṭah vasimelah ʾaḥarey haʾefowd ʾim־ʾotah tiqaḥ־lekha qaḥ kiy ʾeyn ʾaḥeret zulatah bazeh wayoʾmer dawid ʾeyn kamowha tenenah liy׃
11 וַיָּ֣קָם דָּוִ֔ד וַיִּבְרַ֥ח בַּיֹּום־הַה֖וּא מִפְּנֵ֣י שָׁא֑וּל וַיָּבֹ֕א אֶל־אָכִ֖ישׁ מֶ֥לֶךְ גַּֽת׃ wayaqam dawid wayiveraḥ bayowm־hahuʾ mipeney shaʾul wayavoʾ ʾel־ʾakhiysh melekhe gat׃
12 וַיֹּ֨אמְר֜וּ עַבְדֵ֤י אָכִישׁ֙ אֵלָ֔יו הֲלֹוא־זֶ֥ה דָוִ֖ד מֶ֣לֶךְ הָאָ֑רֶץ הֲלֹ֣וא לָזֶ֗ה יַעֲנ֤וּ בַמְּחֹלֹות֙ לֵאמֹ֔ר הִכָּ֤ה שָׁאוּל֙ [בַּאֲלָפֹו כ] (בַּאֲלָפָ֔יו ק) וְדָוִ֖ד [בְּרִבְבֹתֹו כ] (בְּרִבְבֹתָֽיו׃ ק) wayoʾmeru ʿavedey ʾakhiysh ʾelayw halowʾ־zeh dawid melekhe haʾarets halowʾ lazeh yaʿanu vameḥolowt leʾmor hikah shaʾul [baʾalafow kh] (baʾalafayw q) wedawid [berivevotow kh] (berivevotayw׃ q)
13 וַיָּ֧שֶׂם דָּוִ֛ד אֶת־הַדְּבָרִ֥ים הָאֵ֖לֶּה בִּלְבָבֹ֑ו וַיִּרָ֣א מְאֹ֔ד מִפְּנֵ֖י אָכִ֥ישׁ מֶֽלֶךְ־גַּֽת׃ wayasem dawid ʾet־hadevariym haʾeleh bilevavow wayiraʾ meʾod mipeney ʾakhiysh melekhe־gat׃
14 וַיְשַׁנֹּ֤ו אֶת־טַעְמֹו֙ בְּעֵ֣ינֵיהֶ֔ם וַיִּתְהֹלֵ֖ל בְּיָדָ֑ם [וַיְתַו כ] (וַיְתָיו֙ ק) עַל־דַּלְתֹ֣ות הַשַּׁ֔עַר וַיֹּ֥ורֶד רִירֹ֖ו אֶל־זְקָנֹֽו׃ wayeshanow ʾet־ṭaʿemow beʿeyneyhem wayiteholel beyadam [wayetaw kh] (wayetayw q) ʿal־daletowt hashaʿar wayowred riyrow ʾel־zeqanow׃
15 וַיֹּ֥אמֶר אָכִ֖ישׁ אֶל־עֲבָדָ֑יו הִנֵּ֤ה תִרְאוּ֙ אִ֣ישׁ מִשְׁתַּגֵּ֔עַ לָ֛מָּה תָּבִ֥יאוּ אֹתֹ֖ו אֵלָֽי׃ wayoʾmer ʾakhiysh ʾel־ʿavadayw hineh tireʾu ʾiysh mishetageaʿ lamah taviyʾu ʾotow ʾelay׃
16 חֲסַ֤ר מְשֻׁגָּעִים֙ אָ֔נִי כִּי־הֲבֵאתֶ֣ם אֶת־זֶ֔ה לְהִשְׁתַּגֵּ֖עַ עָלָ֑י הֲזֶ֖ה יָבֹ֥וא אֶל־בֵּיתִֽי׃ ס ḥasar meshugaʿiym ʾaniy kiy־haveʾtem ʾet־zeh lehishetageaʿ ʿalay hazeh yavowʾ ʾel־beytiy׃ s