1 וּבִשְׁנַ֣ת אַחַ֗ת לְכֹ֙ורֶשׁ֙ מֶ֣לֶךְ פָּרַ֔ס לִכְלֹ֥ות דְּבַר־יְהוָ֖ה מִפִּ֣י יִרְמְיָ֑ה הֵעִ֣יר יְהוָ֗ה אֶת־ר֙וּחַ֙ כֹּ֣רֶשׁ מֶֽלֶךְ־פָּרַ֔ס וַיַּֽעֲבֶר־קֹול֙ בְּכָל־מַלְכוּתֹ֔ו וְגַם־בְּמִכְתָּ֖ב לֵאמֹֽר׃ uvishenat ʾaḥat lekhowresh melekhe paras likhelowt devar־yehwah mipiy yiremeyah heʿiyr yehwah ʾet־ruaḥ koresh melekhe־paras wayaʿaver־qowl bekhal־malekhutow wegam־bemikhetav leʾmor׃
2 כֹּ֣ה אָמַ֗ר כֹּ֚רֶשׁ מֶ֣לֶךְ פָּרַ֔ס כֹּ֚ל מַמְלְכֹ֣ות הָאָ֔רֶץ נָ֣תַן לִ֔י יְהוָ֖ה אֱלֹהֵ֣י הַשָּׁמָ֑יִם וְהֽוּא־פָקַ֤ד עָלַי֙ לִבְנֹֽות־לֹ֣ו בַ֔יִת בִּירוּשָׁלִַ֖ם אֲשֶׁ֥ר בִּֽיהוּדָֽה׃ koh ʾamar koresh melekhe paras kol mamelekhowt haʾarets natan liy yehwah ʾelohey hashamayim wehuʾ־faqad ʿalay livenowt־low vayit biyrushalim ʾasher biyhudah׃
3 מִֽי־בָכֶ֣ם מִכָּל־עַמֹּ֗ו יְהִ֤י אֱלֹהָיו֙ עִמֹּ֔ו וְיַ֕עַל לִירוּשָׁלִַ֖ם אֲשֶׁ֣ר בִּיהוּדָ֑ה וְיִ֗בֶן אֶת־בֵּ֤ית יְהוָה֙ אֱלֹהֵ֣י יִשְׂרָאֵ֔ל ה֥וּא הָאֱלֹהִ֖ים אֲשֶׁ֥ר בִּירוּשָׁלִָֽם׃ miy־vakhem mikal־ʿamow yehiy ʾelohayw ʿimow weyaʿal liyrushalim ʾasher biyhudah weyiven ʾet־beyt yehwah ʾelohey yiseraʾel huʾ haʾelohiym ʾasher biyrushalim׃
4 וְכָל־הַנִּשְׁאָ֗ר מִֽכָּל־הַמְּקֹמֹות֮ אֲשֶׁ֣ר ה֣וּא גָֽר־שָׁם֒ יְנַשְּׂא֙וּהוּ֙ אַנְשֵׁ֣י מְקֹמֹ֔ו בְּכֶ֥סֶף וּבְזָהָ֖ב וּבִרְכ֣וּשׁ וּבִבְהֵמָ֑ה עִם־הַ֨נְּדָבָ֔ה לְבֵ֥ית הָאֱלֹהִ֖ים אֲשֶׁ֥ר בִּירוּשָׁלִָֽם׃ wekhal־hanisheʾar mikal־hameqomowt ʾasher huʾ gar־sham yenaseʾuhu ʾaneshey meqomow bekhesef uvezahav uvirekhush uvivehemah ʿim־hanedavah leveyt haʾelohiym ʾasher biyrushalim׃
5 וַיָּק֜וּמוּ רָאשֵׁ֣י הָאָבֹ֗ות לִֽיהוּדָה֙ וּבִנְיָמִ֔ן וְהַכֹּהֲנִ֖ים וְהַלְוִיִּ֑ם לְכֹ֨ל הֵעִ֤יר הָאֱלֹהִים֙ אֶת־רוּחֹ֔ו לַעֲלֹ֣ות לִבְנֹ֔ות אֶת־בֵּ֥ית יְהוָ֖ה אֲשֶׁ֥ר בִּירוּשָׁלִָֽם׃ wayaqumu raʾshey haʾavowt liyhudah uvineyamin wehakohaniym wehalewiyim lekhol heʿiyr haʾelohiym ʾet־ruḥow laʿalowt livenowt ʾet־beyt yehwah ʾasher biyrushalim׃
6 וְכָל־סְבִיבֹֽתֵיהֶם֙ חִזְּק֣וּ בִֽידֵיהֶ֔ם בִּכְלֵי־כֶ֧סֶף בַּזָּהָ֛ב בָּרְכ֥וּשׁ וּבַבְּהֵמָ֖ה וּבַמִּגְדָּנֹ֑ות לְבַ֖ד עַל־כָּל־הִתְנַדֵּֽב׃ ס wekhal־seviyvoteyhem ḥizequ viydeyhem bikheley־khesef bazahav barekhush uvabehemah uvamigedanowt levad ʿal־kal־hitenadev׃ s
7 וְהַמֶּ֣לֶךְ כֹּ֔ורֶשׁ הֹוצִ֖יא אֶת־כְּלֵ֣י בֵית־יְהוָ֑ה אֲשֶׁ֨ר הֹוצִ֤יא נְבֽוּכַדְנֶצַּר֙ מִיר֣וּשָׁלִַ֔ם וַֽיִּתְּנֵ֖ם בְּבֵ֥ית אֱלֹהָֽיו׃ wehamelekhe kowresh howtsiyʾ ʾet־keley veyt־yehwah ʾasher howtsiyʾ nevukhadenetsar miyrushalim wayitenem beveyt ʾelohayw׃
8 וַיֹּֽוצִיאֵ֗ם כֹּ֚ורֶשׁ מֶ֣לֶךְ פָּרַ֔ס עַל־יַ֖ד מִתְרְדָ֣ת הַגִּזְבָּ֑ר וַֽיִּסְפְּרֵם֙ לְשֵׁשְׁבַּצַּ֔ר הַנָּשִׂ֖יא לִיהוּדָֽה׃ wayowtsiyʾem kowresh melekhe paras ʿal־yad miteredat hagizebar wayiseperem lesheshebatsar hanasiyʾ liyhudah׃
9 וְאֵ֖לֶּה מִסְפָּרָ֑ם אֲגַרְטְלֵ֨י זָהָ֜ב שְׁלֹשִׁ֗ים אֲגַרְטְלֵי־כֶ֙סֶף֙ אָ֔לֶף מַחֲלָפִ֖ים תִּשְׁעָ֥ה וְעֶשְׂרִֽים׃ ס weʾeleh miseparam ʾagareṭeley zahav sheloshiym ʾagareṭeley־khesef ʾalef maḥalafiym tisheʿah weʿeseriym׃ s
10 כְּפֹורֵ֤י זָהָב֙ שְׁלֹשִׁ֔ים כְּפֹ֤ורֵי כֶ֙סֶף֙ מִשְׁנִ֔ים אַרְבַּ֥ע מֵאֹ֖ות וַעֲשָׂרָ֑ה כֵּלִ֥ים אֲחֵרִ֖ים אָֽלֶף׃ ס kefowrey zahav sheloshiym kefowrey khesef misheniym ʾarebaʿ meʾowt waʿasarah keliym ʾaḥeriym ʾalef׃ s
11 כָּל־כֵּלִים֙ לַזָּהָ֣ב וְלַכֶּ֔סֶף חֲמֵ֥שֶׁת אֲלָפִ֖ים וְאַרְבַּ֣ע מֵאֹ֑ות הַכֹּ֞ל הֶעֱלָ֣ה שֵׁשְׁבַּצַּ֗ר עִ֚ם הֵעָלֹ֣ות הַגֹּולָ֔ה מִבָּבֶ֖ל לִירוּשָׁלִָֽם׃ פ kal־keliym lazahav welakesef ḥameshet ʾalafiym weʾarebaʿ meʾowt hakol heʿelah sheshebatsar ʿim heʿalowt hagowlah mibavel liyrushalim׃ f