1 וַיָּקָם֩ אַחֲרֵ֨י אֲבִימֶ֜לֶךְ לְהֹושִׁ֣יעַ אֶת־יִשְׂרָאֵ֗ל תֹּולָ֧ע בֶּן־פּוּאָ֛ה בֶּן־דֹּודֹ֖ו אִ֣ישׁ יִשָּׂשכָ֑ר וְהֽוּא־יֹשֵׁ֥ב בְּשָׁמִ֖יר בְּהַ֥ר אֶפְרָֽיִם׃ wayaqam ʾaḥarey ʾaviymelekhe lehowshiyʿa ʾet־yiseraʾel towlaʿ ben־puʾah ben־dowdow ʾiysh yisashkhar wehuʾ־yoshev beshamiyr behar ʾeferayim׃
2 וַיִּשְׁפֹּט֙ אֶת־יִשְׂרָאֵ֔ל עֶשְׂרִ֥ים וְשָׁלֹ֖שׁ שָׁנָ֑ה וַיָּ֖מָת וַיִּקָּבֵ֥ר בְּשָׁמִֽיר׃ פ wayishepoṭ ʾet־yiseraʾel ʿeseriym weshalosh shanah wayamat wayiqaver beshamiyr׃ f
3 וַיָּ֣קָם אַחֲרָ֔יו יָאִ֖יר הַגִּלְעָדִ֑י וַיִּשְׁפֹּט֙ אֶת־יִשְׂרָאֵ֔ל עֶשְׂרִ֥ים וּשְׁתַּ֖יִם שָׁנָֽה׃ wayaqam ʾaḥarayw yaʾiyr hagileʿadiy wayishepoṭ ʾet־yiseraʾel ʿeseriym ushetayim shanah׃
4 וַֽיְהִי־לֹ֞ו שְׁלֹשִׁ֣ים בָּנִ֗ים רֹֽכְבִים֙ עַל־שְׁלֹשִׁ֣ים עֲיָרִ֔ים וּשְׁלֹשִׁ֥ים עֲיָרִ֖ים לָהֶ֑ם לָהֶ֞ם יִקְרְא֣וּ ׀ חַוֹּ֣ת יָאִ֗יר עַ֚ד הַיֹּ֣ום הַזֶּ֔ה אֲשֶׁ֖ר בְּאֶ֥רֶץ הַגִּלְעָֽד׃ wayehiy־low sheloshiym baniym rokheviym ʿal־sheloshiym ʿayariym usheloshiym ʿayariym lahem lahem yiqereʾu ׀ ḥaot yaʾiyr ʿad hayowm hazeh ʾasher beʾerets hagileʿad׃
5 וַיָּ֣מָת יָאִ֔יר וַיִּקָּבֵ֖ר בְּקָמֹֽון׃ פ wayamat yaʾiyr wayiqaver beqamown׃ f
6 וַיֹּסִ֣פוּ ׀ בְּנֵ֣י יִשְׂרָאֵ֗ל לַעֲשֹׂ֣ות הָרַע֮ בְּעֵינֵ֣י יְהוָה֒ וַיַּעַבְד֣וּ אֶת־הַבְּעָלִ֣ים וְאֶת־הָעַשְׁתָּרֹ֡ות וְאֶת־אֱלֹהֵ֣י אֲרָם֩ וְאֶת־אֱלֹהֵ֨י צִידֹ֜ון וְאֵ֣ת ׀ אֱלֹהֵ֣י מֹואָ֗ב וְאֵת֙ אֱלֹהֵ֣י בְנֵי־עַמֹּ֔ון וְאֵ֖ת אֱלֹהֵ֣י פְלִשְׁתִּ֑ים וַיַּעַזְב֥וּ אֶת־יְהוָ֖ה וְלֹ֥א עֲבָדֽוּהוּ׃ wayosifu ׀ beney yiseraʾel laʿasowt haraʿ beʿeyney yehwah wayaʿavedu ʾet־habeʿaliym weʾet־haʿashetarowt weʾet־ʾelohey ʾaram weʾet־ʾelohey tsiydown weʾet ׀ ʾelohey mowʾav weʾet ʾelohey veney־ʿamown weʾet ʾelohey felishetiym wayaʿazevu ʾet־yehwah weloʾ ʿavaduhu׃
7 וַיִּֽחַר־אַ֥ף יְהוָ֖ה בְּיִשְׂרָאֵ֑ל וַֽיִּמְכְּרֵם֙ בְּיַד־פְּלִשְׁתִּ֔ים וּבְיַ֖ד בְּנֵ֥י עַמֹּֽון׃ wayiḥar־ʾaf yehwah beyiseraʾel wayimekerem beyad־pelishetiym uveyad beney ʿamown׃
8 וַֽיִּרְעֲצ֤וּ וַיְרֹֽצְצוּ֙ אֶת־בְּנֵ֣י יִשְׂרָאֵ֔ל בַּשָּׁנָ֖ה הַהִ֑יא שְׁמֹנֶ֨ה עֶשְׂרֵ֜ה שָׁנָ֗ה אֶֽת־כָּל־בְּנֵ֤י יִשְׂרָאֵל֙ אֲשֶׁר֙ בְּעֵ֣בֶר הַיַּרְדֵּ֔ן בְּאֶ֥רֶץ הָאֱמֹרִ֖י אֲשֶׁ֥ר בַּגִּלְעָֽד׃ wayireʿatsu wayerotsetsu ʾet־beney yiseraʾel bashanah hahiyʾ shemoneh ʿesereh shanah ʾet־kal־beney yiseraʾel ʾasher beʿever hayareden beʾerets haʾemoriy ʾasher bagileʿad׃
9 וַיַּעַבְר֤וּ בְנֵֽי־עַמֹּון֙ אֶת־הַיַּרְדֵּ֔ן לְהִלָּחֵ֛ם גַּם־בִּיהוּדָ֥ה וּבְבִנְיָמִ֖ין וּבְבֵ֣ית אֶפְרָ֑יִם וַתֵּ֥צֶר לְיִשְׂרָאֵ֖ל מְאֹֽד׃ wayaʿaveru veney־ʿamown ʾet־hayareden lehilaḥem gam־biyhudah uvevineyamiyn uveveyt ʾeferayim watetser leyiseraʾel meʾod׃
10 וַֽיִּזְעֲקוּ֙ בְּנֵ֣י יִשְׂרָאֵ֔ל אֶל־יְהוָ֖ה לֵאמֹ֑ר חָטָ֣אנוּ לָ֔ךְ וְכִ֤י עָזַ֙בְנוּ֙ אֶת־אֱלֹהֵ֔ינוּ וַֽנַּעֲבֹ֖ד אֶת־הַבְּעָלִֽים׃ פ wayizeʿaqu beney yiseraʾel ʾel־yehwah leʾmor ḥaṭaʾnu lakhe wekhiy ʿazavenu ʾet־ʾeloheynu wanaʿavod ʾet־habeʿaliym׃ f
11 וַ֥יֹּאמֶר יְהוָ֖ה אֶל־בְּנֵ֣י יִשְׂרָאֵ֑ל הֲלֹ֤א מִמִּצְרַ֙יִם֙ וּמִן־הָ֣אֱמֹרִ֔י וּמִן־בְּנֵ֥י עַמֹּ֖ון וּמִן־פְּלִשְׁתִּֽים׃ wayoʾmer yehwah ʾel־beney yiseraʾel haloʾ mimitserayim umin־haʾemoriy umin־beney ʿamown umin־pelishetiym׃
12 וְצִידֹונִ֤ים וַֽעֲמָלֵק֙ וּמָעֹ֔ון לָחֲצ֖וּ אֶתְכֶ֑ם וַתִּצְעֲק֣וּ אֵלַ֔י וָאֹושִׁ֥יעָה אֶתְכֶ֖ם מִיָּדָֽם׃ wetsiydowniym waʿamaleq umaʿown laḥatsu ʾetekhem watitseʿaqu ʾelay waʾowshiyʿah ʾetekhem miyadam׃
13 וְאַתֶּם֙ עֲזַבְתֶּ֣ם אֹותִ֔י וַתַּעַבְד֖וּ אֱלֹהִ֣ים אֲחֵרִ֑ים לָכֵ֥ן לֹֽא־אֹוסִ֖יף לְהֹושִׁ֥יעַ אֶתְכֶֽם׃ weʾatem ʿazavetem ʾowtiy wataʿavedu ʾelohiym ʾaḥeriym lakhen loʾ־ʾowsiyf lehowshiyʿa ʾetekhem׃
14 לְכ֗וּ וְזַֽעֲקוּ֙ אֶל־הָ֣אֱלֹהִ֔ים אֲשֶׁ֥ר בְּחַרְתֶּ֖ם בָּ֑ם הֵ֛מָּה יֹושִׁ֥יעוּ לָכֶ֖ם בְּעֵ֥ת צָרַתְכֶֽם׃ lekhu wezaʿaqu ʾel־haʾelohiym ʾasher beḥaretem bam hemah yowshiyʿu lakhem beʿet tsaratekhem׃
15 וַיֹּאמְר֨וּ בְנֵי־יִשְׂרָאֵ֤ל אֶל־יְהוָה֙ חָטָ֔אנוּ עֲשֵׂה־אַתָּ֣ה לָ֔נוּ כְּכָל־הַטֹּ֖וב בְּעֵינֶ֑יךָ אַ֛ךְ הַצִּילֵ֥נוּ נָ֖א הַיֹּ֥ום הַזֶּֽה׃ wayoʾmeru veney־yiseraʾel ʾel־yehwah ḥaṭaʾnu ʿaseh־ʾatah lanu kekhal־haṭowv beʿeyneykha ʾakhe hatsiylenu naʾ hayowm hazeh׃
16 וַיָּסִ֜ירוּ אֶת־אֱלֹהֵ֤י הַנֵּכָר֙ מִקִּרְבָּ֔ם וַיַּעַבְד֖וּ אֶת־יְהוָ֑ה וַתִּקְצַ֥ר נַפְשֹׁ֖ו בַּעֲמַ֥ל יִשְׂרָאֵֽל׃ פ wayasiyru ʾet־ʾelohey hanekhar miqirebam wayaʿavedu ʾet־yehwah watiqetsar nafeshow baʿamal yiseraʾel׃ f
17 וַיִּצָּֽעֲקוּ֙ בְּנֵ֣י עַמֹּ֔ון וַֽיַּחֲנ֖וּ בַּגִּלְעָ֑ד וַיֵּאָֽסְפוּ֙ בְּנֵ֣י יִשְׂרָאֵ֔ל וַֽיַּחֲנ֖וּ בַּמִּצְפָּֽה׃ wayitsaʿaqu beney ʿamown wayaḥanu bagileʿad wayeʾasefu beney yiseraʾel wayaḥanu bamitsepah׃
18 וַיֹּאמְר֨וּ הָעָ֜ם שָׂרֵ֤י גִלְעָד֙ אִ֣ישׁ אֶל־רֵעֵ֔הוּ מִ֣י הָאִ֔ישׁ אֲשֶׁ֣ר יָחֵ֔ל לְהִלָּחֵ֖ם בִּבְנֵ֣י עַמֹּ֑ון יִֽהְיֶ֣ה לְרֹ֔אשׁ לְכֹ֖ל יֹשְׁבֵ֥י גִלְעָֽד׃ פ wayoʾmeru haʿam sarey gileʿad ʾiysh ʾel־reʿehu miy haʾiysh ʾasher yaḥel lehilaḥem biveney ʿamown yiheyeh leroʾsh lekhol yoshevey gileʿad׃ f