1 יְשֻׂשׂ֥וּם מִדְבָּ֖ר וְצִיָּ֑ה וְתָגֵ֧ל עֲרָבָ֛ה וְתִפְרַ֖ח כַּחֲבַצָּֽלֶת׃ yesusum midebar wetsiyah wetagel ʿaravah wetiferaḥ kaḥavatsalet׃

2 פָּרֹ֨חַ תִּפְרַ֜ח וְתָגֵ֗ל אַ֚ף גִּילַ֣ת וְרַנֵּ֔ן כְּבֹ֤וד הַלְּבָנֹון֙ נִתַּן־לָ֔הּ הֲדַ֥ר הַכַּרְמֶ֖ל וְהַשָּׁרֹ֑ון הֵ֛מָּה יִרְא֥וּ כְבֹוד־יְהוָ֖ה הֲדַ֥ר אֱלֹהֵֽינוּ׃ ס paroaḥ tiferaḥ wetagel ʾaf giylat weranen kevowd halevanown nitan־lah hadar hakaremel wehasharown hemah yireʾu khevowd־yehwah hadar ʾeloheynu׃ s

3 חַזְּק֖וּ יָדַ֣יִם רָפֹ֑ות וּבִרְכַּ֥יִם כֹּשְׁלֹ֖ות אַמֵּֽצוּ׃ ḥazequ yadayim rafowt uvirekayim koshelowt ʾametsu׃

4 אִמְרוּ֙ לְנִמְהֲרֵי־לֵ֔ב חִזְק֖וּ אַל־תִּירָ֑אוּ הִנֵּ֤ה אֱלֹֽהֵיכֶם֙ נָקָ֣ם יָבֹ֔וא גְּמ֣וּל אֱלֹהִ֔ים ה֥וּא יָבֹ֖וא וְיֹשַׁעֲכֶֽם׃ ʾimeru lenimeharey־lev ḥizequ ʾal־tiyraʾu hineh ʾeloheykhem naqam yavowʾ gemul ʾelohiym huʾ yavowʾ weyoshaʿakhem׃

5 אָ֥ז תִּפָּקַ֖חְנָה עֵינֵ֣י עִוְרִ֑ים וְאָזְנֵ֥י חֵרְשִׁ֖ים תִּפָּתַֽחְנָה׃ ʾaz tipaqaḥenah ʿeyney ʿiweriym weʾazeney ḥereshiym tipataḥenah׃

6 אָ֣ז יְדַלֵּ֤ג כָּֽאַיָּל֙ פִּסֵּ֔חַ וְתָרֹ֖ן לְשֹׁ֣ון אִלֵּ֑ם כִּֽי־נִבְקְע֤וּ בַמִּדְבָּר֙ מַ֔יִם וּנְחָלִ֖ים בָּעֲרָבָֽה׃ ʾaz yedaleg kaʾayal piseaḥ wetaron leshown ʾilem kiy־niveqeʿu vamidebar mayim uneḥaliym baʿaravah׃

7 וְהָיָ֤ה הַשָּׁרָב֙ לַאֲגַ֔ם וְצִמָּאֹ֖ון לְמַבּ֣וּעֵי מָ֑יִם בִּנְוֵ֤ה תַנִּים֙ רִבְצָ֔הּ חָצִ֖יר לְקָנֶ֥ה וָגֹֽמֶא׃ wehayah hasharav laʾagam wetsimaʾown lemabuʿey mayim bineweh taniym rivetsah ḥatsiyr leqaneh wagomeʾ׃

8 וְהָיָה־שָׁ֞ם מַסְל֣וּל וָדֶ֗רֶךְ וְדֶ֤רֶךְ הַקֹּ֙דֶשׁ֙ יִקָּ֣רֵא לָ֔הּ לֹֽא־יַעַבְרֶ֥נּוּ טָמֵ֖א וְהוּא־לָ֑מֹו הֹלֵ֥ךְ דֶּ֛רֶךְ וֶאֱוִילִ֖ים לֹ֥א יִתְעֽוּ׃ wehayah־sham maselul waderekhe wederekhe haqodesh yiqareʾ lah loʾ־yaʿaverenu ṭameʾ wehuʾ־lamow holekhe derekhe weʾewiyliym loʾ yiteʿu׃

9 לֹא־יִהְיֶ֨ה שָׁ֜ם אַרְיֵ֗ה וּפְרִ֤יץ חַיֹּות֙ בַּֽל־יַעֲלֶ֔נָּה לֹ֥א תִמָּצֵ֖א שָׁ֑ם וְהָלְכ֖וּ גְּאוּלִֽים׃ loʾ־yiheyeh sham ʾareyeh uferiyts ḥayowt bal־yaʿalenah loʾ timatseʾ sham wehalekhu geʾuliym׃

10 וּפְדוּיֵ֨י יְהוָ֜ה יְשֻׁב֗וּן וּבָ֤אוּ צִיֹּון֙ בְּרִנָּ֔ה וְשִׂמְחַ֥ת עֹולָ֖ם עַל־רֹאשָׁ֑ם שָׂשֹׂ֤ון וְשִׂמְחָה֙ יַשִּׂ֔יגוּ וְנָ֖סוּ יָגֹ֥ון וַאֲנָחָֽה׃ פ ufeduyey yehwah yeshuvun uvaʾu tsiyown berinah wesimeḥat ʿowlam ʿal־roʾsham sasown wesimeḥah yasiygu wenasu yagown waʾanaḥah׃ f