Ézéchiel 17

¹ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

² בֶּן־אָדָ֕ם ח֥וּד חִידָ֖ה וּמְשֹׁ֣ל מָשָׁ֑ל אֶל־בֵּ֖ית יִשְׂרָאֵֽל׃ ben־ʾadam ḥud ḥiydah umeshol mashal ʾel־beyt yiseraʾel׃

³ וְאָמַרְתָּ֞ כֹּה־אָמַ֣ר ׀ אֲדֹנָ֣י יְהוִ֗ה הַנֶּ֤שֶׁר הַגָּדֹול֙ גְּדֹ֤ול הַכְּנָפַ֙יִם֙ אֶ֣רֶךְ הָאֵ֔בֶר מָלֵא֙ הַנֹּוצָ֔ה אֲשֶׁר־לֹ֖ו הָֽרִקְמָ֑ה בָּ֚א אֶל־הַלְּבָנֹ֔ון וַיִּקַּ֖ח אֶת־צַמֶּ֥רֶת הָאָֽרֶז׃ weʾamareta koh־ʾamar ׀ ʾadonay yehwih hanesher hagadowl gedowl hakenafayim ʾerekhe haʾever maleʾ hanowtsah ʾasher־low hariqemah baʾ ʾel־halevanown wayiqaḥ ʾet־tsameret haʾarez׃

⁴ אֵ֛ת רֹ֥אשׁ יְנִֽיקֹותָ֖יו קָטָ֑ף וַיְבִיאֵ֙הוּ֙ אֶל־אֶ֣רֶץ כְּנַ֔עַן בְּעִ֥יר רֹכְלִ֖ים שָׂמֹֽו׃ ʾet roʾsh yeniyqowtayw qaṭaf wayeviyʾehu ʾel־ʾerets kenaʿan beʿiyr rokheliym samow׃

⁵ וַיִּקַּח֙ מִזֶּ֣רַע הָאָ֔רֶץ וַֽיִּתְּנֵ֖הוּ בִּשְׂדֵה־זָ֑רַע קָ֚ח עַל־מַ֣יִם רַבִּ֔ים צַפְצָפָ֖ה שָׂמֹֽו׃ wayiqaḥ mizeraʿ haʾarets wayitenehu bisedeh־zaraʿ qaḥ ʿal־mayim rabiym tsafetsafah samow׃

⁶ וַיִּצְמַ֡ח וַיְהִי֩ לְגֶ֨פֶן סֹרַ֜חַת שִׁפְלַ֣ת קֹומָ֗ה לִפְנֹ֤ות דָּלִיֹּותָיו֙ אֵלָ֔יו וְשָׁרָשָׁ֖יו תַּחְתָּ֣יו יִֽהְי֑וּ וַתְּהִ֣י לְגֶ֔פֶן וַתַּ֣עַשׂ בַּדִּ֔ים וַתְּשַׁלַּ֖ח פֹּארֹֽות׃ wayitsemaḥ wayehiy legefen soraḥat shifelat qowmah lifenowt daliyowtayw ʾelayw wesharashayw taḥetayw yiheyu watehiy legefen wataʿas badiym wateshalaḥ poʾrowt׃

⁷ וַיְהִ֤י נֶֽשֶׁר־אֶחָד֙ גָּדֹ֔ול גְּדֹ֥ול כְּנָפַ֖יִם וְרַב־נֹוצָ֑ה וְהִנֵּה֩ הַגֶּ֨פֶן הַזֹּ֜את כָּֽפְנָ֧ה שָׁרֳשֶׁ֣יהָ עָלָ֗יו וְדָֽלִיֹּותָיו֙ שִׁלְחָה־לֹּ֔ו לְהַשְׁקֹ֣ות אֹותָ֔הּ מֵעֲרֻגֹ֖ות מַטָּעָֽהּ׃ wayehiy nesher־ʾeḥad gadowl gedowl kenafayim werav־nowtsah wehineh hagefen hazoʾt kafenah sharosheyha ʿalayw wedaliyowtayw shileḥah־low lehasheqowt ʾowtah meʿarugowt maṭaʿah׃

⁸ אֶל־שָׂ֥דֶה טֹּ֛וב אֶל־מַ֥יִם רַבִּ֖ים הִ֣יא שְׁתוּלָ֑ה לַעֲשֹׂ֤ות עָנָף֙ וְלָשֵׂ֣את פֶּ֔רִי לִהְיֹ֖ות לְגֶ֥פֶן אַדָּֽרֶת׃ ס ʾel־sadeh ṭowv ʾel־mayim rabiym hiyʾ shetulah laʿasowt ʿanaf welaseʾt periy liheyowt legefen ʾadaret׃ s

⁹ אֱמֹ֗ר כֹּ֥ה אָמַ֛ר אֲדֹנָ֥י יְהֹוִ֖ה תִּצְלָ֑ח הֲלֹוא֩ אֶת־שָׁרָשֶׁ֨יהָ יְנַתֵּ֜ק וְאֶת־פִּרְיָ֣הּ ׀ יְקֹוסֵ֣ס וְיָבֵ֗שׁ כָּל־טַרְפֵּ֤י צִמְחָהּ֙ תִּיבָ֔שׁ וְלֹֽא־בִזְרֹ֤עַ גְּדֹולָה֙ וּבְעַם־רָ֔ב לְמַשְׂאֹ֥ות אֹותָ֖הּ מִשָּׁרָשֶֽׁיהָ׃ ʾemor koh ʾamar ʾadonay yehowih titselaḥ halowʾ ʾet־sharasheyha yenateq weʾet־pireyah ׀ yeqowses weyavesh kal־ṭarepey tsimeḥah tiyvash weloʾ־vizeroaʿ gedowlah uveʿam־rav lemaseʾowt ʾowtah misharasheyha׃

¹⁰ וְהִנֵּ֥ה שְׁתוּלָ֖ה הֲתִצְלָ֑ח הֲלֹוא֩ כְגַ֨עַת בָּ֜הּ ר֤וּחַ הַקָּדִים֙ תִּיבַ֣שׁ יָבֹ֔שׁ עַל־עֲרֻגֹ֥ת צִמְחָ֖הּ תִּיבָֽשׁ׃ פ wehineh shetulah hatitselaḥ halowʾ khegaʿat bah ruaḥ haqadiym tiyvash yavosh ʿal־ʿarugot tsimeḥah tiyvash׃ f

¹¹ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

¹² אֱמָר־נָא֙ לְבֵ֣ית הַמֶּ֔רִי הֲלֹ֥א יְדַעְתֶּ֖ם מָה־אֵ֑לֶּה אֱמֹ֗ר הִנֵּה־בָ֨א מֶֽלֶךְ־בָּבֶ֤ל יְרוּשָׁלִַ֙ם֙ וַיִּקַּ֤ח אֶת־מַלְכָּהּ֙ וְאֶת־שָׂרֶ֔יהָ וַיָּבֵ֥א אֹותָ֛ם אֵלָ֖יו בָּבֶֽלָה׃ ʾemar־naʾ leveyt hameriy haloʾ yedaʿetem mah־ʾeleh ʾemor hineh־vaʾ melekhe־bavel yerushalim wayiqaḥ ʾet־malekah weʾet־sareyha wayaveʾ ʾowtam ʾelayw bavelah׃

¹³ וַיִּקַּח֙ מִזֶּ֣רַע הַמְּלוּכָ֔ה וַיִּכְרֹ֥ת אִתֹּ֖ו בְּרִ֑ית וַיָּבֵ֤א אֹתֹו֙ בְּאָלָ֔ה וְאֶת־אֵילֵ֥י הָאָ֖רֶץ לָקָֽח׃ wayiqaḥ mizeraʿ hamelukhah wayikherot ʾitow beriyt wayaveʾ ʾotow beʾalah weʾet־ʾeyley haʾarets laqaḥ׃

¹⁴ לִֽהְיֹות֙ מַמְלָכָ֣ה שְׁפָלָ֔ה לְבִלְתִּ֖י הִתְנַשֵּׂ֑א לִשְׁמֹ֥ר אֶת־בְּרִיתֹ֖ו לְעָמְדָֽהּ׃ liheyowt mamelakhah shefalah leviletiy hitenaseʾ lishemor ʾet־beriytow leʿamedah׃

¹⁵ וַיִּמְרָד־בֹּ֗ו לִשְׁלֹ֤חַ מַלְאָכָיו֙ מִצְרַ֔יִם לָֽתֶת־לֹ֥ו סוּסִ֖ים וְעַם־רָ֑ב הֲיִצְלָ֤ח הֲיִמָּלֵט֙ הָעֹשֵׂ֣ה אֵ֔לֶּה וְהֵפֵ֥ר בְּרִ֖ית וְנִמְלָֽט׃ wayimerad־bow lisheloaḥ maleʾakhayw mitserayim latet־low susiym weʿam־rav hayitselaḥ hayimaleṭ haʿoseh ʾeleh wehefer beriyt wenimelaṭ׃

¹⁶ חַי־אָ֗נִי נְאֻם֮ אֲדֹנָ֣י יְהוִה֒ אִם־לֹ֗א בִּמְקֹום֙ הַמֶּ֙לֶךְ֙ הַמַּמְלִ֣יךְ אֹתֹ֔ו אֲשֶׁ֤ר בָּזָה֙ אֶת־אָ֣לָתֹ֔ו וַאֲשֶׁ֥ר הֵפֵ֖ר אֶת־בְּרִיתֹ֑ו אִתֹּ֥ו בְתֹוךְ־בָּבֶ֖ל יָמֽוּת׃ ḥay־ʾaniy neʾum ʾadonay yehwih ʾim־loʾ bimeqowm hamelekhe hamameliykhe ʾotow ʾasher bazah ʾet־ʾalatow waʾasher hefer ʾet־beriytow ʾitow vetowkhe־bavel yamut׃

¹⁷ וְלֹא֩ בְחַ֨יִל גָּדֹ֜ול וּבְקָהָ֣ל רָ֗ב יַעֲשֶׂ֨ה אֹותֹ֤ו פַרְעֹה֙ בַּמִּלְחָמָ֔ה בִּשְׁפֹּ֥ךְ סֹלְלָ֖ה וּבִבְנֹ֣ות דָּיֵ֑ק לְהַכְרִ֖ית נְפָשֹׁ֥ות רַבֹּֽות׃ weloʾ veḥayil gadowl uveqahal rav yaʿaseh ʾowtow fareʿoh bamileḥamah bishepokhe solelah uvivenowt dayeq lehakheriyt nefashowt rabowt׃

¹⁸ וּבָזָ֥ה אָלָ֖ה לְהָפֵ֣ר בְּרִ֑ית וְהִנֵּ֨ה נָתַ֥ן יָדֹ֛ו וְכָל־אֵ֥לֶּה עָשָׂ֖ה לֹ֥א יִמָּלֵֽט׃ ס uvazah ʾalah lehafer beriyt wehineh natan yadow wekhal־ʾeleh ʿasah loʾ yimaleṭ׃ s

¹⁹ לָכֵ֞ן כֹּה־אָמַ֨ר אֲדֹנָ֣י יְהוִה֮ חַי־אָנִי֒ אִם־לֹ֗א אָֽלָתִי֙ אֲשֶׁ֣ר בָּזָ֔ה וּבְרִיתִ֖י אֲשֶׁ֣ר הֵפִ֑יר וּנְתַתִּ֖יו בְּרֹאשֹֽׁו׃ lakhen koh־ʾamar ʾadonay yehwih ḥay־ʾaniy ʾim־loʾ ʾalatiy ʾasher bazah uveriytiy ʾasher hefiyr unetatiyw beroʾshow׃

²⁰ וּפָרַשְׂתִּ֤י עָלָיו֙ רִשְׁתִּ֔י וְנִתְפַּ֖שׂ בִּמְצֽוּדָתִ֑י וַהֲבִיאֹותִ֣יהוּ בָבֶ֗לָה וְנִשְׁפַּטְתִּ֤י אִתֹּו֙ שָׁ֔ם מַעֲלֹ֖ו אֲשֶׁ֥ר מָֽעַל־בִּֽי׃ ufarasetiy ʿalayw rishetiy wenitepas bimetsudatiy wahaviyʾowtiyhu vavelah wenishepaṭetiy ʾitow sham maʿalow ʾasher maʿal־biy׃

²¹ וְאֵ֨ת כָּל־ [מִבְרָחֹו כ] (מִבְרָחָ֤יו ק) בְּכָל־אֲגַפָּיו֙ בַּחֶ֣רֶב יִפֹּ֔לוּ וְהַנִּשְׁאָרִ֖ים לְכָל־ר֣וּחַ יִפָּרֵ֑שׂוּ וִידַעְתֶּ֕ם כִּ֛י אֲנִ֥י יְהוָ֖ה דִּבַּֽרְתִּי׃ ס weʾet kal־ [miveraḥow kh] (miveraḥayw q) bekhal־ʾagapayw baḥerev yipolu wehanisheʾariym lekhal־ruaḥ yiparesu wiydaʿetem kiy ʾaniy yehwah dibaretiy׃ s

²² כֹּ֤ה אָמַר֙ אֲדֹנָ֣י יְהוִ֔ה וְלָקַ֣חְתִּי אָ֗נִי מִצַּמֶּ֧רֶת הָאֶ֛רֶז הָרָמָ֖ה וְנָתָ֑תִּי מֵרֹ֤אשׁ יֹֽנְקֹותָיו֙ רַ֣ךְ אֶקְטֹ֔ף וְשָׁתַ֣לְתִּי אָ֔נִי עַ֥ל הַר־גָּבֹ֖הַ וְתָלֽוּל׃ koh ʾamar ʾadonay yehwih welaqaḥetiy ʾaniy mitsameret haʾerez haramah wenatatiy meroʾsh yoneqowtayw rakhe ʾeqeṭof weshataletiy ʾaniy ʿal har־gavoah wetalul׃

²³ בְּהַ֨ר מְרֹ֤ום יִשְׂרָאֵל֙ אֶשְׁתֳּלֶ֔נּוּ וְנָשָׂ֤א עָנָף֙ וְעָ֣שָׂה פֶ֔רִי וְהָיָ֖ה לְאֶ֣רֶז אַדִּ֑יר וְשָׁכְנ֣וּ תַחְתָּ֗יו כֹּ֚ל צִפֹּ֣ור כָּל־כָּנָ֔ף בְּצֵ֥ל דָּלִיֹּותָ֖יו תִּשְׁכֹּֽנָּה׃ behar merowm yiseraʾel ʾeshetolenu wenasaʾ ʿanaf weʿasah feriy wehayah leʾerez ʾadiyr weshakhenu taḥetayw kol tsipowr kal־kanaf betsel daliyowtayw tishekonah׃

²⁴ וְֽיָדְע֞וּ כָּל־עֲצֵ֣י הַשָּׂדֶ֗ה כִּ֣י אֲנִ֤י יְהוָה֙ הִשְׁפַּ֣לְתִּי ׀ עֵ֣ץ גָּבֹ֗הַ הִגְבַּ֙הְתִּי֙ עֵ֣ץ שָׁפָ֔ל הֹובַ֙שְׁתִּי֙ עֵ֣ץ לָ֔ח וְהִפְרַ֖חְתִּי עֵ֣ץ יָבֵ֑שׁ אֲנִ֥י יְהוָ֖ה דִּבַּ֥רְתִּי וְעָשִֽׂיתִי׃ פ weyadeʿu kal־ʿatsey hasadeh kiy ʾaniy yehwah hishepaletiy ׀ ʿets gavoah higebahetiy ʿets shafal howvashetiy ʿets laḥ wehiferaḥetiy ʿets yavesh ʾaniy yehwah dibaretiy weʿasiytiy׃ f