Ésaïe 34

¹ קִרְב֤וּ גֹויִם֙ לִשְׁמֹ֔עַ וּלְאֻמִּ֖ים הַקְשִׁ֑יבוּ תִּשְׁמַ֤ע הָאָ֙רֶץ֙ וּמְלֹאָ֔הּ תֵּבֵ֖ל וְכָל־צֶאֱצָאֶֽיהָ׃ qirevu gowyim lishemoaʿ uleʾumiym haqeshiyvu tishemaʿ haʾarets umeloʾah tevel wekhal־tseʾetsaʾeyha׃

² כִּ֣י קֶ֤צֶף לַֽיהוָה֙ עַל־כָּל־הַגֹּויִ֔ם וְחֵמָ֖ה עַל־כָּל־צְבָאָ֑ם הֶחֱרִימָ֖ם נְתָנָ֥ם לַטָּֽבַח׃ kiy qetsef layhwah ʿal־kal־hagowyim weḥemah ʿal־kal־tsevaʾam heḥeriymam netanam laṭavaḥ׃

³ וְחַלְלֵיהֶ֣ם יֻשְׁלָ֔כוּ וּפִגְרֵיהֶ֖ם יַעֲלֶ֣ה בָאְשָׁ֑ם וְנָמַ֥סּוּ הָרִ֖ים מִדָּמָֽם׃ weḥaleleyhem yushelakhu ufigereyhem yaʿaleh vaʾesham wenamasu hariym midamam׃

⁴ וְנָמַ֙קּוּ֙ כָּל־צְבָ֣א הַשָּׁמַ֔יִם וְנָגֹ֥לּוּ כַסֵּ֖פֶר הַשָּׁמָ֑יִם וְכָל־צְבָאָ֣ם יִבֹּ֔ול כִּנְבֹ֤ל עָלֶה֙ מִגֶּ֔פֶן וּכְנֹבֶ֖לֶת מִתְּאֵנָֽה׃ wenamaqu kal־tsevaʾ hashamayim wenagolu khasefer hashamayim wekhal־tsevaʾam yibowl kinevol ʿaleh migefen ukhenovelet miteʾenah׃

⁵ כִּֽי־רִוְּתָ֥ה בַשָּׁמַ֖יִם חַרְבִּ֑י הִנֵּה֙ עַל־אֱדֹ֣ום תֵּרֵ֔ד וְעַל־עַ֥ם חֶרְמִ֖י לְמִשְׁפָּֽט׃ kiy־riuetah vashamayim ḥarebiy hineh ʿal־ʾedowm tered weʿal־ʿam ḥeremiy lemishepaṭ׃

⁶ חֶ֣רֶב לַיהוָ֞ה מָלְאָ֥ה דָם֙ הֻדַּ֣שְׁנָה מֵחֵ֔לֶב מִדַּ֤ם כָּרִים֙ וְעַתּוּדִ֔ים מֵחֵ֖לֶב כִּלְיֹ֣ות אֵילִ֑ים כִּ֣י זֶ֤בַח לַֽיהוָה֙ בְּבָצְרָ֔ה וְטֶ֥בַח גָּדֹ֖ול בְּאֶ֥רֶץ אֱדֹֽום׃ ḥerev layhwah maleʾah dam hudashenah meḥelev midam kariym weʿatudiym meḥelev kileyowt ʾeyliym kiy zevaḥ layhwah bevatserah weṭevaḥ gadowl beʾerets ʾedowm׃

⁷ וְיָרְד֤וּ רְאֵמִים֙ עִמָּ֔ם וּפָרִ֖ים עִם־אַבִּירִ֑ים וְרִוְּתָ֤ה אַרְצָם֙ מִדָּ֔ם וַעֲפָרָ֖ם מֵחֵ֥לֶב יְדֻשָּֽׁן׃ weyaredu reʾemiym ʿimam ufariym ʿim־ʾabiyriym weriuetah ʾaretsam midam waʿafaram meḥelev yedushan׃

⁸ כִּ֛י יֹ֥ום נָקָ֖ם לַֽיהוָ֑ה שְׁנַ֥ת שִׁלּוּמִ֖ים לְרִ֥יב צִיֹּֽון׃ kiy yowm naqam layhwah shenat shilumiym leriyv tsiyown׃

⁹ וְנֶהֶפְכ֤וּ נְחָלֶ֙יהָ֙ לְזֶ֔פֶת וַעֲפָרָ֖הּ לְגָפְרִ֑ית וְהָיְתָ֣ה אַרְצָ֔הּ לְזֶ֖פֶת בֹּעֵרָֽה׃ wenehefekhu neḥaleyha lezefet waʿafarah legaferiyt wehayetah ʾaretsah lezefet boʿerah׃

¹⁰ לַ֤יְלָה וְיֹומָם֙ לֹ֣א תִכְבֶּ֔ה לְעֹולָ֖ם יַעֲלֶ֣ה עֲשָׁנָ֑הּ מִדֹּ֤ור לָדֹור֙ תֶּחֱרָ֔ב לְנֵ֣צַח נְצָחִ֔ים אֵ֥ין עֹבֵ֖ר בָּֽהּ׃ layelah weyowmam loʾ tikhebeh leʿowlam yaʿaleh ʿashanah midowr ladowr teḥerav lenetsaḥ netsaḥiym ʾeyn ʿover bah׃

¹¹ וִירֵשׁ֙וּהָ֙ קָאַ֣ת וְקִפֹּ֔וד וְיַנְשֹׁ֥וף וְעֹרֵ֖ב יִשְׁכְּנוּ־בָ֑הּ וְנָטָ֥ה עָלֶ֛יהָ קַֽו־תֹ֖הוּ וְאַבְנֵי־בֹֽהוּ׃ wiyreshuah qaʾat weqipowd weyaneshowf weʿorev yishekenu־vah wenaṭah ʿaleyha qaw־tohu weʾaveney־vohu׃

¹² חֹרֶ֥יהָ וְאֵֽין־שָׁ֖ם מְלוּכָ֣ה יִקְרָ֑אוּ וְכָל־שָׂרֶ֖יהָ יִ֥הְיוּ אָֽפֶס׃ ḥoreyha weʾeyn־sham melukhah yiqeraʾu wekhal־sareyha yiheyu ʾafes׃

¹³ וְעָלְתָ֤ה אַרְמְנֹתֶ֙יהָ֙ סִירִ֔ים קִמֹּ֥ושׂ וָחֹ֖וחַ בְּמִבְצָרֶ֑יהָ וְהָיְתָה֙ נְוֵ֣ה תַנִּ֔ים חָצִ֖יר לִבְנֹ֥ות יַעֲנָֽה׃ weʿaletah ʾaremenoteyha siyriym qimows waḥowḥa bemivetsareyha wehayetah neweh taniym ḥatsiyr livenowt yaʿanah׃

¹⁴ וּפָגְשׁ֤וּ צִיִּים֙ אֶת־אִיִּ֔ים וְשָׂעִ֖יר עַל־רֵעֵ֣הוּ יִקְרָ֑א אַךְ־שָׁם֙ הִרְגִּ֣יעָה לִּילִ֔ית וּמָצְאָ֥ה לָ֖הּ מָנֹֽוחַ׃ ufageshu tsiyiym ʾet־ʾiyiym wesaʿiyr ʿal־reʿehu yiqeraʾ ʾakhe־sham hiregiyʿah liyliyt umatseʾah lah manowḥa׃

¹⁵ שָׁ֣מָּה קִנְּנָ֤ה קִפֹּוז֙ וַתְּמַלֵּ֔ט וּבָקְעָ֖ה וְדָגְרָ֣ה בְצִלָּ֑הּ אַךְ־שָׁ֛ם נִקְבְּצ֥וּ דַיֹּ֖ות אִשָּׁ֥ה רְעוּתָֽהּ׃ shamah qinenah qipowz watemaleṭ uvaqeʿah wedagerah vetsilah ʾakhe־sham niqebetsu dayowt ʾishah reʿutah׃

¹⁶ דִּרְשׁ֨וּ מֵֽעַל־סֵ֤פֶר יְהוָה֙ וּֽקְרָ֔אוּ אַחַ֤ת מֵהֵ֙נָּה֙ לֹ֣א נֶעְדָּ֔רָה אִשָּׁ֥ה רְעוּתָ֖הּ לֹ֣א פָקָ֑דוּ כִּֽי־פִי֙ ה֣וּא צִוָּ֔ה וְרוּחֹ֖ו ה֥וּא קִבְּצָֽן׃ direshu meʿal־sefer yehwah uqeraʾu ʾaḥat mehenah loʾ neʿedarah ʾishah reʿutah loʾ faqadu kiy־fiy huʾ tsiuah weruḥow huʾ qibetsan׃

¹⁷ וְהֽוּא־הִפִּ֤יל לָהֶן֙ גֹּורָ֔ל וְיָדֹ֛ו חִלְּקַ֥תָּה לָהֶ֖ם בַּקָּ֑ו עַד־עֹולָם֙ יִֽירָשׁ֔וּהָ לְדֹ֥ור וָדֹ֖ור יִשְׁכְּנוּ־בָֽהּ׃ ס wehuʾ־hipiyl lahen gowral weyadow ḥileqatah lahem baqaw ʿad־ʿowlam yiyrashuah ledowr wadowr yishekenu־vah׃ s