2 Samuel 14

¹ וַיֵּ֖דַע יֹואָ֣ב בֶּן־צְרֻיָ֑ה כִּֽי־לֵ֥ב הַמֶּ֖לֶךְ עַל־אַבְשָׁלֹֽום׃ wayedaʿ yowʾav ben־tseruyah kiy־lev hamelekhe ʿal־ʾaveshalowm׃

² וַיִּשְׁלַ֤ח יֹואָב֙ תְּקֹ֔ועָה וַיִּקַּ֥ח מִשָּׁ֖ם אִשָּׁ֣ה חֲכָמָ֑ה וַיֹּ֣אמֶר אֵ֠לֶיהָ הִֽתְאַבְּלִי־נָ֞א וְלִבְשִׁי־נָ֣א בִגְדֵי־אֵ֗בֶל וְאַל־תָּס֙וּכִי֙ שֶׁ֔מֶן וְהָיִ֕ית כְּאִשָּׁ֗ה זֶ֚ה יָמִ֣ים רַבִּ֔ים מִתְאַבֶּ֖לֶת עַל־מֵֽת׃ wayishelaḥ yowʾav teqowʿah wayiqaḥ misham ʾishah ḥakhamah wayoʾmer ʾeleyha hiteʾabeliy־naʾ weliveshiy־naʾ vigedey־ʾevel weʾal־tasukhiy shemen wehayiyt keʾishah zeh yamiym rabiym miteʾabelet ʿal־met׃

³ וּבָאת֙ אֶל־הַמֶּ֔לֶךְ וְדִבַּ֥רְתְּ אֵלָ֖יו כַּדָּבָ֣ר הַזֶּ֑ה וַיָּ֧שֶׂם יֹואָ֛ב אֶת־הַדְּבָרִ֖ים בְּפִֽיהָ׃ uvaʾt ʾel־hamelekhe wedibarete ʾelayw kadavar hazeh wayasem yowʾav ʾet־hadevariym befiyha׃

⁴ וַ֠תֹּאמֶר הָאִשָּׁ֤ה הַתְּקֹעִית֙ אֶל־הַמֶּ֔לֶךְ וַתִּפֹּ֧ל עַל־אַפֶּ֛יהָ אַ֖רְצָה וַתִּשְׁתָּ֑חוּ וַתֹּ֖אמֶר הֹושִׁ֥עָה הַמֶּֽלֶךְ׃ ס watoʾmer haʾishah hateqoʿiyt ʾel־hamelekhe watipol ʿal־ʾapeyha ʾaretsah watishetaḥu watoʾmer howshiʿah hamelekhe׃ s

⁵ וַיֹּֽאמֶר־לָ֥הּ הַמֶּ֖לֶךְ מַה־לָּ֑ךְ וַתֹּ֗אמֶר אֲבָ֛ל אִשָּֽׁה־אַלְמָנָ֥ה אָ֖נִי וַיָּ֥מָת אִישִֽׁי׃ wayoʾmer־lah hamelekhe mah־lakhe watoʾmer ʾaval ʾishah־ʾalemanah ʾaniy wayamat ʾiyshiy׃

⁶ וּלְשִׁפְחָֽתְךָ֙ שְׁנֵ֣י בָנִ֔ים וַיִּנָּצ֤וּ שְׁנֵיהֶם֙ בַּשָּׂדֶ֔ה וְאֵ֥ין מַצִּ֖יל בֵּֽינֵיהֶ֑ם וַיַּכֹּ֧ו הָאֶחָ֛ד אֶת־הָאֶחָ֖ד וַיָּ֥מֶת אֹתֹֽו׃ uleshifeḥatekha sheney vaniym wayinatsu sheneyhem basadeh weʾeyn matsiyl beyneyhem wayakow haʾeḥad ʾet־haʾeḥad wayamet ʾotow׃

⁷ וְהִנֵּה֩ קָ֨מָה כָֽל־הַמִּשְׁפָּחָ֜ה עַל־שִׁפְחָתֶ֗ךָ וַיֹּֽאמְרוּ֙ תְּנִ֣י ׀ אֶת־מַכֵּ֣ה אָחִ֗יו וּנְמִתֵ֙הוּ֙ בְּנֶ֤פֶשׁ אָחִיו֙ אֲשֶׁ֣ר הָרָ֔ג וְנַשְׁמִ֖ידָה גַּ֣ם אֶת־הַיֹּורֵ֑שׁ וְכִבּ֗וּ אֶת־גַּֽחַלְתִּי֙ אֲשֶׁ֣ר נִשְׁאָ֔רָה לְבִלְתִּ֧י [שֹׂום־ כ] (שִׂים־לְאִישִׁ֛י ק) שֵׁ֥ם וּשְׁאֵרִ֖ית עַל־פְּנֵ֥י הָאֲדָמָֽה׃ פ wehineh qamah khal־hamishepaḥah ʿal־shifeḥatekha wayoʾmeru teniy ׀ ʾet־makeh ʾaḥiyw unemitehu benefesh ʾaḥiyw ʾasher harag wenashemiydah gam ʾet־hayowresh wekhibu ʾet־gaḥaletiy ʾasher nisheʾarah leviletiy [sowm־ kh] (siym־leʾiyshiy q) shem usheʾeriyt ʿal־peney haʾadamah׃ f

⁸ וַיֹּ֧אמֶר הַמֶּ֛לֶךְ אֶל־הָאִשָּׁ֖ה לְכִ֣י לְבֵיתֵ֑ךְ וַאֲנִ֖י אֲצַוֶּ֥ה עָלָֽיִךְ׃ wayoʾmer hamelekhe ʾel־haʾishah lekhiy leveytekhe waʾaniy ʾatsaueh ʿalayikhe׃

⁹ וַתֹּ֜אמֶר הָאִשָּׁ֤ה הַתְּקֹועִית֙ אֶל־הַמֶּ֔לֶךְ עָלַ֞י אֲדֹנִ֥י הַמֶּ֛לֶךְ הֶעָוֹ֖ן וְעַל־בֵּ֣ית אָבִ֑י וְהַמֶּ֥לֶךְ וְכִסְאֹ֖ו נָקִֽי׃ ס watoʾmer haʾishah hateqowʿiyt ʾel־hamelekhe ʿalay ʾadoniy hamelekhe heʿaon weʿal־beyt ʾaviy wehamelekhe wekhiseʾow naqiy׃ s

¹⁰ וַיֹּ֖אמֶר הַמֶּ֑לֶךְ הַֽמְדַבֵּ֤ר אֵלַ֙יִךְ֙ וַֽהֲבֵאתֹ֣ו אֵלַ֔י וְלֹֽא־יֹסִ֥יף עֹ֖וד לָגַ֥עַת בָּֽךְ׃ wayoʾmer hamelekhe hamedaber ʾelayikhe wahaveʾtow ʾelay weloʾ־yosiyf ʿowd lagaʿat bakhe׃

¹¹ וַתֹּאמֶר֩ יִזְכָּר־נָ֨א הַמֶּ֜לֶךְ אֶת־יְהוָ֣ה אֱלֹהֶ֗יךָ [מֵהַרְבִית כ] (מֵהַרְבַּ֞ת ק) גֹּאֵ֤ל הַדָּם֙ לְשַׁחֵ֔ת וְלֹ֥א יַשְׁמִ֖ידוּ אֶת־בְּנִ֑י וַיֹּ֙אמֶר֙ חַי־יְהוָ֔ה אִם־יִפֹּ֛ל מִשַּׂעֲרַ֥ת בְּנֵ֖ךְ אָֽרְצָה׃ watoʾmer yizekar־naʾ hamelekhe ʾet־yehwah ʾeloheykha [mehareviyt kh] (meharebat q) goʾel hadam leshaḥet weloʾ yashemiydu ʾet־beniy wayoʾmer ḥay־yehwah ʾim־yipol misaʿarat benekhe ʾaretsah׃

¹² וַתֹּ֙אמֶר֙ הָֽאִשָּׁ֔ה תְּדַבֶּר־נָ֧א שִׁפְחָתְךָ֛ אֶל־אֲדֹנִ֥י הַמֶּ֖לֶךְ דָּבָ֑ר וַיֹּ֖אמֶר דַּבֵּֽרִי׃ ס watoʾmer haʾishah tedaber־naʾ shifeḥatekha ʾel־ʾadoniy hamelekhe davar wayoʾmer daberiy׃ s

¹³ וַתֹּ֙אמֶר֙ הָֽאִשָּׁ֔ה וְלָ֧מָּה חָשַׁ֛בְתָּה כָּזֹ֖את עַל־עַ֣ם אֱלֹהִ֑ים וּמִדַּבֵּ֨ר הַמֶּ֜לֶךְ הַדָּבָ֤ר הַזֶּה֙ כְּאָשֵׁ֔ם לְבִלְתִּ֛י הָשִׁ֥יב הַמֶּ֖לֶךְ אֶֽת־נִדְּחֹֽו׃ watoʾmer haʾishah welamah ḥashavetah kazoʾt ʿal־ʿam ʾelohiym umidaber hamelekhe hadavar hazeh keʾashem leviletiy hashiyv hamelekhe ʾet־nideḥow׃

¹⁴ כִּי־מֹ֣ות נָמ֔וּת וְכַמַּ֙יִם֙ הַנִּגָּרִ֣ים אַ֔רְצָה אֲשֶׁ֖ר לֹ֣א יֵאָסֵ֑פוּ וְלֹֽא־יִשָּׂ֤א אֱלֹהִים֙ נֶ֔פֶשׁ וְחָשַׁב֙ מַֽחֲשָׁבֹ֔ות לְבִלְתִּ֛י יִדַּ֥ח מִמֶּ֖נּוּ נִדָּֽח׃ kiy־mowt namut wekhamayim hanigariym ʾaretsah ʾasher loʾ yeʾasefu weloʾ־yisaʾ ʾelohiym nefesh weḥashav maḥashavowt leviletiy yidaḥ mimenu nidaḥ׃

¹⁵ וְ֠עַתָּה אֲשֶׁר־בָּ֜אתִי לְדַבֵּ֨ר אֶל־הַמֶּ֤לֶךְ אֲדֹנִי֙ אֶת־הַדָּבָ֣ר הַזֶּ֔ה כִּ֥י יֵֽרְאֻ֖נִי הָעָ֑ם וַתֹּ֤אמֶר שִׁפְחָֽתְךָ֙ אֲדַבְּרָה־נָּ֣א אֶל־הַמֶּ֔לֶךְ אוּלַ֛י יַעֲשֶׂ֥ה הַמֶּ֖לֶךְ אֶת־דְּבַ֥ר אֲמָתֹֽו׃ weʿatah ʾasher־baʾtiy ledaber ʾel־hamelekhe ʾadoniy ʾet־hadavar hazeh kiy yereʾuniy haʿam watoʾmer shifeḥatekha ʾadaberah־naʾ ʾel־hamelekhe ʾulay yaʿaseh hamelekhe ʾet־devar ʾamatow׃

¹⁶ כִּ֚י יִשְׁמַ֣ע הַמֶּ֔לֶךְ לְהַצִּ֥יל אֶת־אֲמָתֹ֖ו מִכַּ֣ף הָאִ֑ישׁ לְהַשְׁמִ֨יד אֹתִ֤י וְאֶת־בְּנִי֙ יַ֔חַד מִֽנַּחֲלַ֖ת אֱלֹהִֽים׃ kiy yishemaʿ hamelekhe lehatsiyl ʾet־ʾamatow mikaf haʾiysh lehashemiyd ʾotiy weʾet־beniy yaḥad minaḥalat ʾelohiym׃

¹⁷ וַתֹּ֙אמֶר֙ שִׁפְחָ֣תְךָ֔ יִֽהְיֶה־נָּ֛א דְּבַר־אֲדֹנִ֥י הַמֶּ֖לֶךְ לִמְנוּחָ֑ה כִּ֣י ׀ כְּמַלְאַ֣ךְ הָאֱלֹהִ֗ים כֵּ֣ן אֲדֹנִ֤י הַמֶּ֙לֶךְ֙ לִשְׁמֹ֙עַ֙ הַטֹּ֣וב וְהָרָ֔ע וַֽיהוָ֥ה אֱלֹהֶ֖יךָ יְהִ֥י עִמָּֽךְ׃ פ watoʾmer shifeḥatekha yiheyeh־naʾ devar־ʾadoniy hamelekhe limenuḥah kiy ׀ kemaleʾakhe haʾelohiym ken ʾadoniy hamelekhe lishemoaʿ haṭowv weharaʿ wayhwah ʾeloheykha yehiy ʿimakhe׃ f

¹⁸ וַיַּ֣עַן הַמֶּ֗לֶךְ וַיֹּ֙אמֶר֙ אֶל־הָ֣אִשָּׁ֔ה אַל־נָ֨א תְכַחֲדִ֤י מִמֶּ֙נִּי֙ דָּבָ֔ר אֲשֶׁ֥ר אָנֹכִ֖י שֹׁאֵ֣ל אֹתָ֑ךְ וַתֹּ֙אמֶר֙ הָֽאִשָּׁ֔ה יְדַבֶּר־נָ֖א אֲדֹנִ֥י הַמֶּֽלֶךְ׃ wayaʿan hamelekhe wayoʾmer ʾel־haʾishah ʾal־naʾ tekhaḥadiy mimeniy davar ʾasher ʾanokhiy shoʾel ʾotakhe watoʾmer haʾishah yedaber־naʾ ʾadoniy hamelekhe׃

¹⁹ וַיֹּ֣אמֶר הַמֶּ֔לֶךְ הֲיַ֥ד יֹואָ֛ב אִתָּ֖ךְ בְּכָל־זֹ֑את וַתַּ֣עַן הָאִשָּׁ֣ה וַתֹּ֡אמֶר חֵֽי־נַפְשְׁךָ֩ אֲדֹנִ֨י הַמֶּ֜לֶךְ אִם־אִ֣שׁ ׀ לְהֵמִ֣ין וּלְהַשְׂמִ֗יל מִכֹּ֤ל אֲשֶׁר־דִּבֶּר֙ אֲדֹנִ֣י הַמֶּ֔לֶךְ כִּֽי־עַבְדְּךָ֤ יֹואָב֙ ה֣וּא צִוָּ֔נִי וְה֗וּא ם בְּפִ֣י שִׁפְחָֽתְךָ֔ אֵ֥ת כָּל־הַדְּבָרִ֖ים הָאֵֽלֶּה׃ wayoʾmer hamelekhe hayad yowʾav ʾitakhe bekhal־zoʾt wataʿan haʾishah watoʾmer ḥey־nafeshekha ʾadoniy hamelekhe ʾim־ʾish ׀ lehemiyn ulehasemiyl mikol ʾasher־diber ʾadoniy hamelekhe kiy־ʿavedekha yowʾav huʾ tsiuaniy wehuʾ m befiy shifeḥatekha ʾet kal־hadevariym haʾeleh׃

²⁰ לְבַעֲב֤וּר סַבֵּב֙ אֶת־פְּנֵ֣י הַדָּבָ֔ר עָשָׂ֛ה עַבְדְּךָ֥ יֹואָ֖ב אֶת־הַדָּבָ֣ר הַזֶּ֑ה וַאדֹנִ֣י חָכָ֗ם כְּחָכְמַת֙ מַלְאַ֣ךְ הָאֱלֹהִ֔ים לָדַ֖עַת אֶֽת־כָּל־אֲשֶׁ֥ר בָּאָֽרֶץ׃ ס levaʿavur sabev ʾet־peney hadavar ʿasah ʿavedekha yowʾav ʾet־hadavar hazeh waʾdoniy ḥakham keḥakhemat maleʾakhe haʾelohiym ladaʿat ʾet־kal־ʾasher baʾarets׃ s

²¹ וַיֹּ֤אמֶר הַמֶּ֙לֶךְ֙ אֶל־יֹואָ֔ב הִנֵּה־נָ֥א עָשִׂ֖יתִי אֶת־הַדָּבָ֣ר הַזֶּ֑ה וְלֵ֛ךְ הָשֵׁ֥ב אֶת־הַנַּ֖עַר אֶת־אַבְשָׁלֹֽום׃ wayoʾmer hamelekhe ʾel־yowʾav hineh־naʾ ʿasiytiy ʾet־hadavar hazeh welekhe hashev ʾet־hanaʿar ʾet־ʾaveshalowm׃

²² וַיִּפֹּל֩ יֹואָ֨ב אֶל־פָּנָ֥יו אַ֛רְצָה וַיִּשְׁתַּ֖חוּ וַיְבָ֣רֶךְ אֶת־הַמֶּ֑לֶךְ וַיֹּ֣אמֶר יֹואָ֡ב הַיֹּום֩ יָדַ֨ע עַבְדְּךָ֜ כִּי־מָצָ֨אתִי חֵ֤ן בְּעֵינֶ֙יךָ֙ אֲדֹנִ֣י הַמֶּ֔לֶךְ אֲשֶׁר־עָשָׂ֥ה הַמֶּ֖לֶךְ אֶת־דְּבַ֥ר [עַבְדֹּו כ] (עַבְדֶּֽךָ׃ ק) wayipol yowʾav ʾel־panayw ʾaretsah wayishetaḥu wayevarekhe ʾet־hamelekhe wayoʾmer yowʾav hayowm yadaʿ ʿavedekha kiy־matsaʾtiy ḥen beʿeyneykha ʾadoniy hamelekhe ʾasher־ʿasah hamelekhe ʾet־devar [ʿavedow kh] (ʿavedekha׃ q)

²³ וַיָּ֥קָם יֹואָ֖ב וַיֵּ֣לֶךְ גְּשׁ֑וּרָה וַיָּבֵ֥א אֶת־אַבְשָׁלֹ֖ום יְרוּשָׁלִָֽם׃ פ wayaqam yowʾav wayelekhe geshurah wayaveʾ ʾet־ʾaveshalowm yerushalim׃ f

²⁴ וַיֹּ֤אמֶר הַמֶּ֙לֶךְ֙ יִסֹּ֣ב אֶל־בֵּיתֹ֔ו וּפָנַ֖י לֹ֣א יִרְאֶ֑ה וַיִּסֹּ֤ב אַבְשָׁלֹום֙ אֶל־בֵּיתֹ֔ו וּפְנֵ֥י הַמֶּ֖לֶךְ לֹ֥א רָאָֽה׃ ס wayoʾmer hamelekhe yisov ʾel־beytow ufanay loʾ yireʾeh wayisov ʾaveshalowm ʾel־beytow ufeney hamelekhe loʾ raʾah׃ s

²⁵ וּכְאַבְשָׁלֹ֗ום לֹא־הָיָ֧ה אִישׁ־יָפֶ֛ה בְּכָל־יִשְׂרָאֵ֖ל לְהַלֵּ֣ל מְאֹ֑ד מִכַּ֤ף רַגְלֹו֙ וְעַ֣ד קָדְקֳדֹ֔ו לֹא־הָ֥יָה בֹ֖ו מֽוּם׃ ukheʾaveshalowm loʾ־hayah ʾiysh־yafeh bekhal־yiseraʾel lehalel meʾod mikaf ragelow weʿad qadeqodow loʾ־hayah vow mum׃

²⁶ וּֽבְגַלְּחֹו֮ אֶת־רֹאשֹׁו֒ וְֽ֠הָיָה מִקֵּץ֙ יָמִ֤ים ׀ לַיָּמִים֙ אֲשֶׁ֣ר יְגַלֵּ֔חַ כִּֽי־כָבֵ֥ד עָלָ֖יו וְגִלְּחֹ֑ו וְשָׁקַל֙ אֶת־שְׂעַ֣ר רֹאשֹׁ֔ו מָאתַ֥יִם שְׁקָלִ֖ים בְּאֶ֥בֶן הַמֶּֽלֶךְ׃ uvegaleḥow ʾet־roʾshow wehayah miqets yamiym ׀ layamiym ʾasher yegaleaḥ kiy־khaved ʿalayw wegileḥow weshaqal ʾet־seʿar roʾshow maʾtayim sheqaliym beʾeven hamelekhe׃

²⁷ וַיִּֽוָּלְד֤וּ לְאַבְשָׁלֹום֙ שְׁלֹושָׁ֣ה בָנִ֔ים וּבַ֥ת אַחַ֖ת וּשְׁמָ֣הּ תָּמָ֑ר הִ֣יא הָיְתָ֔ה אִשָּׁ֖ה יְפַ֥ת מַרְאֶֽה׃ פ wayiualedu leʾaveshalowm shelowshah vaniym uvat ʾaḥat ushemah tamar hiyʾ hayetah ʾishah yefat mareʾeh׃ f

²⁸ וַיֵּ֧שֶׁב אַבְשָׁלֹ֛ום בִּירוּשָׁלִַ֖ם שְׁנָתַ֣יִם יָמִ֑ים וּפְנֵ֥י הַמֶּ֖לֶךְ לֹ֥א רָאָֽה׃ wayeshev ʾaveshalowm biyrushalim shenatayim yamiym ufeney hamelekhe loʾ raʾah׃

²⁹ וַיִּשְׁלַ֨ח אַבְשָׁלֹ֜ום אֶל־יֹואָ֗ב לִשְׁלֹ֤חַ אֹתֹו֙ אֶל־הַמֶּ֔לֶךְ וְלֹ֥א אָבָ֖ה לָבֹ֣וא אֵלָ֑יו וַיִּשְׁלַ֥ח עֹוד֙ שֵׁנִ֔ית וְלֹ֥א אָבָ֖ה לָבֹֽוא׃ wayishelaḥ ʾaveshalowm ʾel־yowʾav lisheloaḥ ʾotow ʾel־hamelekhe weloʾ ʾavah lavowʾ ʾelayw wayishelaḥ ʿowd sheniyt weloʾ ʾavah lavowʾ׃

³⁰ וַיֹּ֨אמֶר אֶל־עֲבָדָ֜יו רְאוּ֩ חֶלְקַ֨ת יֹואָ֤ב אֶל־יָדִי֙ וְלֹו־שָׁ֣ם שְׂעֹרִ֔ים לְכ֖וּ [וְהֹוצִּתֵיהָ כ] (וְהַצִּית֣וּהָ ק) בָאֵ֑שׁ וַיַּצִּ֜תוּ עַבְדֵ֧י אַבְשָׁלֹ֛ום אֶת־הַחֶלְקָ֖ה בָּאֵֽשׁ׃ פ wayoʾmer ʾel־ʿavadayw reʾu ḥeleqat yowʾav ʾel־yadiy welow־sham seʿoriym lekhu [wehowtsiteyha kh] (wehatsiytuah q) vaʾesh wayatsitu ʿavedey ʾaveshalowm ʾet־haḥeleqah baʾesh׃ f

³¹ וַיָּ֣קָם יֹואָ֔ב וַיָּבֹ֥א אֶל־אַבְשָׁלֹ֖ום הַבָּ֑יְתָה וַיֹּ֣אמֶר אֵלָ֔יו לָ֣מָּה הִצִּ֧יתוּ עֲבָדֶ֛ךָ אֶת־הַחֶלְקָ֥ה אֲשֶׁר־לִ֖י בָּאֵֽשׁ׃ wayaqam yowʾav wayavoʾ ʾel־ʾaveshalowm habayetah wayoʾmer ʾelayw lamah hitsiytu ʿavadekha ʾet־haḥeleqah ʾasher־liy baʾesh׃

³² וַיֹּ֣אמֶר אַבְשָׁלֹ֣ום אֶל־יֹואָ֡ב הִנֵּ֣ה שָׁלַ֣חְתִּי אֵלֶ֣יךָ ׀ לֵאמֹ֡ר בֹּ֣א הֵ֠נָּה וְאֶשְׁלְחָה֩ אֹתְךָ֙ אֶל־הַמֶּ֜לֶךְ לֵאמֹ֗ר לָ֤מָּה בָּ֙אתִי֙ מִגְּשׁ֔וּר טֹ֥וב לִ֖י עֹ֣ד אֲנִי־שָׁ֑ם וְעַתָּ֗ה אֶרְאֶה֙ פְּנֵ֣י הַמֶּ֔לֶךְ וְאִם־יֶשׁ־בִּ֥י עָוֹ֖ן וֶהֱמִתָֽנִי׃ wayoʾmer ʾaveshalowm ʾel־yowʾav hineh shalaḥetiy ʾeleykha ׀ leʾmor boʾ henah weʾesheleḥah ʾotekha ʾel־hamelekhe leʾmor lamah baʾtiy migeshur ṭowv liy ʿod ʾaniy־sham weʿatah ʾereʾeh peney hamelekhe weʾim־yesh־biy ʿaon wehemitaniy׃

³³ וַיָּבֹ֨א יֹואָ֣ב אֶל־הַמֶּלֶךְ֮ וַיַּגֶּד־לֹו֒ וַיִּקְרָ֤א אֶל־אַבְשָׁלֹום֙ וַיָּבֹ֣א אֶל־הַמֶּ֔לֶךְ וַיִּשְׁתַּ֨חוּ לֹ֧ו עַל־אַפָּ֛יו אַ֖רְצָה לִפְנֵ֣י הַמֶּ֑לֶךְ וַיִּשַּׁ֥ק הַמֶּ֖לֶךְ לְאַבְשָׁלֹֽום׃ פ wayavoʾ yowʾav ʾel־hamelekhe wayaged־low wayiqeraʾ ʾel־ʾaveshalowm wayavoʾ ʾel־hamelekhe wayishetaḥu low ʿal־ʾapayw ʾaretsah lifeney hamelekhe wayishaq hamelekhe leʾaveshalowm׃ f