1 וַיְהִ֣י ׀ בַּשָּׁנָ֣ה הַשִּׁשִּׁ֗ית בַּשִּׁשִּׁי֙ בַּחֲמִשָּׁ֣ה לַחֹ֔דֶשׁ אֲנִי֙ יֹושֵׁ֣ב בְּבֵיתִ֔י וְזִקְנֵ֥י יְהוּדָ֖ה יֹושְׁבִ֣ים לְפָנָ֑י וַתִּפֹּ֤ל עָלַי֙ שָׁ֔ם יַ֖ד אֲדֹנָ֥י יְהֹוִֽה׃ wayehiy ׀ bashanah hashishiyt bashishiy baḥamishah laḥodesh ʾaniy yowshev beveytiy weziqeney yehudah yowsheviym lefanay watipol ʿalay sham yad ʾadonay yehowih׃
2 וָאֶרְאֶ֗ה וְהִנֵּ֤ה דְמוּת֙ כְּמַרְאֵה־אֵ֔שׁ מִמַּרְאֵ֥ה מָתְנָ֛יו וּלְמַ֖טָּה אֵ֑שׁ וּמִמָּתְנָ֣יו וּלְמַ֔עְלָה כְּמַרְאֵה־זֹ֖הַר כְּעֵ֥ין הַחַשְׁמַֽלָה׃ waʾereʾeh wehineh demut kemareʾeh־ʾesh mimareʾeh matenayw ulemaṭah ʾesh umimatenayw ulemaʿelah kemareʾeh־zohar keʿeyn haḥashemalah׃
3 וַיִּשְׁלַח֙ תַּבְנִ֣ית יָ֔ד וַיִּקָּחֵ֖נִי בְּצִיצִ֣ת רֹאשִׁ֑י וַתִּשָּׂ֣א אֹתִ֣י ר֣וּחַ ׀ בֵּֽין־הָאָ֣רֶץ וּבֵ֣ין הַשָּׁמַ֡יִם וַתָּבֵא֩ אֹתִ֨י יְרוּשָׁלְַ֜מָה בְּמַרְאֹ֣ות אֱלֹהִ֗ים אֶל־פֶּ֜תַח שַׁ֤עַר הַפְּנִימִית֙ הַפֹּונֶ֣ה צָפֹ֔ונָה אֲשֶׁר־שָׁ֣ם מֹושַׁ֔ב סֵ֖מֶל הַקִּנְאָ֥ה הַמַּקְנֶֽה׃ wayishelaḥ taveniyt yad wayiqaḥeniy betsiytsit roʾshiy watisaʾ ʾotiy ruaḥ ׀ beyn־haʾarets uveyn hashamayim wataveʾ ʾotiy yerushalemah bemareʾowt ʾelohiym ʾel־petaḥ shaʿar hapeniymiyt hapowneh tsafownah ʾasher־sham mowshav semel haqineʾah hamaqeneh׃
4 וְהִ֨נֵּה־שָׁ֔ם כְּבֹ֖וד אֱלֹהֵ֣י יִשְׂרָאֵ֑ל כַּמַּרְאֶ֕ה אֲשֶׁ֥ר רָאִ֖יתִי בַּבִּקְעָֽה׃ wehineh־sham kevowd ʾelohey yiseraʾel kamareʾeh ʾasher raʾiytiy babiqeʿah׃
5 וַיֹּ֣אמֶר אֵלַ֔י בֶּן־אָדָ֕ם שָׂא־נָ֥א עֵינֶ֖יךָ דֶּ֣רֶךְ צָפֹ֑ונָה וָאֶשָּׂ֤א עֵינַי֙ דֶּ֣רֶךְ צָפֹ֔ונָה וְהִנֵּ֤ה מִצָּפֹון֙ לְשַׁ֣עַר הַמִּזְבֵּ֔חַ סֵ֛מֶל הַקִּנְאָ֥ה הַזֶּ֖ה בַּבִּאָֽה׃ wayoʾmer ʾelay ben־ʾadam saʾ־naʾ ʿeyneykha derekhe tsafownah waʾesaʾ ʿeynay derekhe tsafownah wehineh mitsafown leshaʿar hamizebeaḥ semel haqineʾah hazeh babiʾah׃
6 וַיֹּ֣אמֶר אֵלַ֔י בֶּן־אָדָ֕ם הֲרֹאֶ֥ה אַתָּ֖ה [מֵהֵם כ] (מָ֣ה ק) (הֵ֣ם ק) עֹשִׂ֑ים תֹּועֵבֹ֨ות גְּדֹלֹ֜ות אֲשֶׁ֥ר בֵּֽית־יִשְׂרָאֵ֣ל ׀ עֹשִׂ֣ים פֹּ֗ה לְרָֽחֳקָה֙ מֵעַ֣ל מִקְדָּשִׁ֔י וְעֹוד֙ תָּשׁ֣וּב תִּרְאֶ֔ה תֹּועֵבֹ֖ות גְּדֹלֹֽות׃ ס wayoʾmer ʾelay ben־ʾadam haroʾeh ʾatah [mehem kh] (mah q) (hem q) ʿosiym towʿevowt gedolowt ʾasher beyt־yiseraʾel ׀ ʿosiym poh leraḥoqah meʿal miqedashiy weʿowd tashuv tireʾeh towʿevowt gedolowt׃ s
7 וַיָּבֵ֥א אֹתִ֖י אֶל־פֶּ֣תַח הֶֽחָצֵ֑ר וָאֶרְאֶ֕ה וְהִנֵּ֥ה חֹר־אֶחָ֖ד בַּקִּֽיר׃ wayaveʾ ʾotiy ʾel־petaḥ heḥatser waʾereʾeh wehineh ḥor־ʾeḥad baqiyr׃
8 וַיֹּ֣אמֶר אֵלַ֔י בֶּן־אָדָ֖ם חֲתָר־נָ֣א בַקִּ֑יר וָאֶחְתֹּ֣ר בַּקִּ֔יר וְהִנֵּ֖ה פֶּ֥תַח אֶחָֽד׃ wayoʾmer ʾelay ben־ʾadam ḥatar־naʾ vaqiyr waʾeḥetor baqiyr wehineh petaḥ ʾeḥad׃
9 וַיֹּ֖אמֶר אֵלָ֑י בֹּ֤א וּרְאֵה֙ אֶת־הַתֹּועֵבֹ֣ות הָרָעֹ֔ות אֲשֶׁ֛ר הֵ֥ם עֹשִׂ֖ים פֹּֽה׃ wayoʾmer ʾelay boʾ ureʾeh ʾet־hatowʿevowt haraʿowt ʾasher hem ʿosiym poh׃
10 וָאָבֹוא֮ וָֽאֶרְאֶה֒ וְהִנֵּ֨ה כָל־תַּבְנִ֜ית רֶ֤מֶשׂ וּבְהֵמָה֙ שֶׁ֔קֶץ וְכָל־גִּלּוּלֵ֖י בֵּ֣ית יִשְׂרָאֵ֑ל מְחֻקֶּ֥ה עַל־הַקִּ֖יר סָבִ֥יב ׀ סָבִֽיב׃ waʾavowʾ waʾereʾeh wehineh khal־taveniyt remes uvehemah sheqets wekhal־giluley beyt yiseraʾel meḥuqeh ʿal־haqiyr saviyv ׀ saviyv׃
11 וְשִׁבְעִ֣ים אִ֣ישׁ מִזִּקְנֵ֣י בֵֽית־יִ֠שְׂרָאֵל וְיַאֲזַנְיָ֨הוּ בֶן־שָׁפָ֜ן עֹמֵ֤ד בְּתֹוכָם֙ עֹמְדִ֣ים לִפְנֵיהֶ֔ם וְאִ֥ישׁ מִקְטַרְתֹּ֖ו בְּיָדֹ֑ו וַעֲתַ֥ר עֲנַֽן־הַקְּטֹ֖רֶת עֹלֶֽה׃ weshiveʿiym ʾiysh miziqeney veyt־yiseraʾel weyaʾazaneyahu ven־shafan ʿomed betowkham ʿomediym lifeneyhem weʾiysh miqeṭaretow beyadow waʿatar ʿanan־haqeṭoret ʿoleh׃
12 וַיֹּ֣אמֶר אֵלַי֮ הֲרָאִ֣יתָ בֶן־אָדָם֒ אֲשֶׁ֨ר זִקְנֵ֤י בֵֽית־יִשְׂרָאֵל֙ עֹשִׂ֣ים בַּחֹ֔שֶׁךְ אִ֖ישׁ בְּחַדְרֵ֣י מַשְׂכִּיתֹ֑ו כִּ֣י אֹמְרִ֗ים אֵ֤ין יְהוָה֙ רֹאֶ֣ה אֹתָ֔נוּ עָזַ֥ב יְהוָ֖ה אֶת־הָאָֽרֶץ׃ wayoʾmer ʾelay haraʾiyta ven־ʾadam ʾasher ziqeney veyt־yiseraʾel ʿosiym baḥoshekhe ʾiysh beḥaderey masekiytow kiy ʾomeriym ʾeyn yehwah roʾeh ʾotanu ʿazav yehwah ʾet־haʾarets׃
13 וַיֹּ֖אמֶר אֵלָ֑י עֹ֣וד תָּשׁ֥וּב תִּרְאֶ֛ה תֹּועֵבֹ֥ות גְּדֹלֹ֖ות אֲשֶׁר־הֵ֥מָּה עֹשִֽׂים׃ wayoʾmer ʾelay ʿowd tashuv tireʾeh towʿevowt gedolowt ʾasher־hemah ʿosiym׃
14 וַיָּבֵ֣א אֹתִ֗י אֶל־פֶּ֙תַח֙ שַׁ֣עַר בֵּית־יְהוָ֔ה אֲשֶׁ֖ר אֶל־הַצָּפֹ֑ונָה וְהִנֵּה־שָׁם֙ הַנָּשִׁ֣ים יֹֽשְׁבֹ֔ות מְבַכֹּ֖ות אֶת־הַתַּמּֽוּז׃ ס wayaveʾ ʾotiy ʾel־petaḥ shaʿar beyt־yehwah ʾasher ʾel־hatsafownah wehineh־sham hanashiym yoshevowt mevakowt ʾet־hatamuz׃ s
15 וַיֹּ֥אמֶר אֵלַ֖י הֲרָאִ֣יתָ בֶן־אָדָ֑ם עֹ֣וד תָּשׁ֥וּב תִּרְאֶ֛ה תֹּועֵבֹ֥ות גְּדֹלֹ֖ות מֵאֵֽלֶּה׃ wayoʾmer ʾelay haraʾiyta ven־ʾadam ʿowd tashuv tireʾeh towʿevowt gedolowt meʾeleh׃
16 וַיָּבֵ֣א אֹתִ֗י אֶל־חֲצַ֣ר בֵּית־יְהוָה֮ הַפְּנִימִית֒ וְהִנֵּה־פֶ֜תַח הֵיכַ֣ל יְהוָ֗ה בֵּ֤ין הָֽאוּלָם֙ וּבֵ֣ין הַמִּזְבֵּ֔חַ כְּעֶשְׂרִ֥ים וַחֲמִשָּׁ֖ה אִ֑ישׁ אֲחֹ֨רֵיהֶ֜ם אֶל־הֵיכַ֤ל יְהוָה֙ וּפְנֵיהֶ֣ם קֵ֔דְמָה וְהֵ֛מָּה מִשְׁתַּחֲוִיתֶ֥ם קֵ֖דְמָה לַשָּֽׁמֶשׁ׃ wayaveʾ ʾotiy ʾel־ḥatsar beyt־yehwah hapeniymiyt wehineh־fetaḥ heykhal yehwah beyn haʾulam uveyn hamizebeaḥ keʿeseriym waḥamishah ʾiysh ʾaḥoreyhem ʾel־heykhal yehwah ufeneyhem qedemah wehemah mishetaḥawiytem qedemah lashamesh׃
17 וַיֹּ֣אמֶר אֵלַי֮ הֲרָאִ֣יתָ בֶן־אָדָם֒ הֲנָקֵל֙ לְבֵ֣ית יְהוּדָ֔ה מֵעֲשֹׂ֕ות אֶת־הַתֹּועֵבֹ֖ות אֲשֶׁ֣ר עָֽשׂוּ־פֹ֑ה כִּֽי־מָלְא֨וּ אֶת־הָאָ֜רֶץ חָמָ֗ס וַיָּשֻׁ֙בוּ֙ לְהַכְעִיסֵ֔נִי וְהִנָּ֛ם שֹׁלְחִ֥ים אֶת־הַזְּמֹורָ֖ה אֶל־אַפָּֽם׃ wayoʾmer ʾelay haraʾiyta ven־ʾadam hanaqel leveyt yehudah meʿasowt ʾet־hatowʿevowt ʾasher ʿasu־foh kiy־maleʾu ʾet־haʾarets ḥamas wayashuvu lehakheʿiyseniy wehinam sholeḥiym ʾet־hazemowrah ʾel־ʾapam׃
18 וְגַם־אֲנִי֙ אֶעֱשֶׂ֣ה בְחֵמָ֔ה לֹֽא־תָחֹ֥וס עֵינִ֖י וְלֹ֣א אֶחְמֹ֑ל וְקָרְא֤וּ בְאָזְנַי֙ קֹ֣ול גָּדֹ֔ול וְלֹ֥א אֶשְׁמַ֖ע אֹותָֽם׃ wegam־ʾaniy ʾeʿeseh veḥemah loʾ־taḥows ʿeyniy weloʾ ʾeḥemol weqareʾu veʾazenay qowl gadowl weloʾ ʾeshemaʿ ʾowtam׃