1 Chroniques 4

¹ בְּנֵ֖י יְהוּדָ֑ה פֶּ֧רֶץ חֶצְרֹ֛ון וְכַרְמִ֖י וְח֥וּר וְשֹׁובָֽל׃ beney yehudah perets ḥetserown wekharemiy weḥur weshowval׃

² וּרְאָיָ֤ה בֶן־שֹׁובָל֙ הֹולִ֣יד אֶת־יַ֔חַת וְיַ֣חַת הֹלִ֔יד אֶת־אֲחוּמַ֖י וְאֶת־לָ֑הַד אֵ֖לֶּה מִשְׁפְּחֹ֥ות הַצָּֽרְעָתִֽי׃ ס ureʾayah ven־showval howliyd ʾet־yaḥat weyaḥat holiyd ʾet־ʾaḥumay weʾet־lahad ʾeleh mishepeḥowt hatsareʿatiy׃ s

³ וְאֵ֙לֶּה֙ אֲבִ֣י עֵיטָ֔ם יִזְרְעֶ֥אל וְיִשְׁמָ֖א וְיִדְבָּ֑שׁ וְשֵׁ֥ם אֲחֹותָ֖ם הַצְלֶלְפֹּֽונִי׃ weʾeleh ʾaviy ʿeyṭam yizereʿeʾl weyishemaʾ weyidebash weshem ʾaḥowtam hatselelepowniy׃

⁴ וּפְנוּאֵל֙ אֲבִ֣י גְדֹ֔ר וְעֵ֖זֶר אֲבִ֣י חוּשָׁ֑ה אֵ֤לֶּה בְנֵי־חוּר֙ בְּכֹ֣ור אֶפְרָ֔תָה אֲבִ֖י בֵּ֥ית לָֽחֶם׃ ufenuʾel ʾaviy gedor weʿezer ʾaviy ḥushah ʾeleh veney־ḥur bekhowr ʾeferatah ʾaviy beyt laḥem׃

⁵ וּלְאַשְׁחוּר֙ אֲבִ֣י תְקֹ֔ועַ הָי֖וּ שְׁתֵּ֣י נָשִׁ֑ים חֶלְאָ֖ה וְנַעֲרָֽה׃ uleʾasheḥur ʾaviy teqowʿa hayu shetey nashiym ḥeleʾah wenaʿarah׃

⁶ וַתֵּ֨לֶד לֹ֤ו נַעֲרָה֙ אֶת־אֲחֻזָּ֣ם וְאֶת־חֵ֔פֶר וְאֶת־תֵּימְנִ֖י וְאֶת־הָאֲחַשְׁתָּרִ֑י אֵ֖לֶּה בְּנֵ֥י נַעֲרָֽה׃ wateled low naʿarah ʾet־ʾaḥuzam weʾet־ḥefer weʾet־teymeniy weʾet־haʾaḥashetariy ʾeleh beney naʿarah׃

⁷ וּבְנֵ֖י חֶלְאָ֑ה צֶ֥רֶת [יִצְחָר כ] (וְצֹ֖חַר ק) וְאֶתְנָֽן׃ uveney ḥeleʾah tseret [yitseḥar kh] (wetsoḥar q) weʾetenan׃

⁸ וְקֹ֣וץ הֹולִ֔יד אֶת־עָנ֖וּב וְאֶת־הַצֹּבֵבָ֑ה וּמִשְׁפְּחֹ֥ות אֲחַרְחֵ֖ל בֶּן־הָרֽוּם׃ weqowts howliyd ʾet־ʿanuv weʾet־hatsovevah umishepeḥowt ʾaḥareḥel ben־harum׃

⁹ וַיְהִ֣י יַעְבֵּ֔ץ נִכְבָּ֖ד מֵאֶחָ֑יו וְאִמֹּ֗ו קָרְאָ֨ה שְׁמֹ֤ו יַעְבֵּץ֙ לֵאמֹ֔ר כִּ֥י יָלַ֖דְתִּי בְּעֹֽצֶב׃ wayehiy yaʿebets nikhebad meʾeḥayw weʾimow qareʾah shemow yaʿebets leʾmor kiy yaladetiy beʿotsev׃

¹⁰ וַיִּקְרָ֣א יַ֠עְבֵּץ לֵאלֹהֵ֨י יִשְׂרָאֵ֜ל לֵאמֹ֗ר אִם־בָּרֵ֨ךְ תְּבָרֲכֵ֜נִי וְהִרְבִּ֤יתָ אֶת־גְּבוּלִי֙ וְהָיְתָ֤ה יָדְךָ֙ עִמִּ֔י וְעָשִׂ֥יתָ מֵּרָעָ֖ה לְבִלְתִּ֣י עָצְבִּ֑י וַיָּבֵ֥א אֱלֹהִ֖ים אֵ֥ת אֲשֶׁר־שָׁאָֽל׃ wayiqeraʾ yaʿebets leʾlohey yiseraʾel leʾmor ʾim־barekhe tevarakheniy wehirebiyta ʾet־gevuliy wehayetah yadekha ʿimiy weʿasiyta meraʿah leviletiy ʿatsebiy wayaveʾ ʾelohiym ʾet ʾasher־shaʾal׃

¹¹ וּכְל֥וּב אֲחִֽי־שׁוּחָ֖ה הֹולִ֣יד אֶת־מְחִ֑יר ה֖וּא אֲבִ֥י אֶשְׁתֹּֽון׃ ukheluv ʾaḥiy־shuḥah howliyd ʾet־meḥiyr huʾ ʾaviy ʾeshetown׃

¹² וְאֶשְׁתֹּ֗ון הֹולִ֞יד אֶת־בֵּ֤ית רָפָא֙ וְאֶת־פָּסֵ֔חַ וְאֶת־תְּחִנָּ֖ה אֲבִ֣י עִ֣יר נָחָ֑שׁ אֵ֖לֶּה אַנְשֵׁ֥י רֵכָֽה׃ ס weʾeshetown howliyd ʾet־beyt rafaʾ weʾet־paseaḥ weʾet־teḥinah ʾaviy ʿiyr naḥash ʾeleh ʾaneshey rekhah׃ s

¹³ וּבְנֵ֣י קְנַ֔ז עָתְנִיאֵ֖ל וּשְׂרָיָ֑ה וּבְנֵ֥י עָתְנִיאֵ֖ל חֲתַֽת׃ uveney qenaz ʿateniyʾel userayah uveney ʿateniyʾel ḥatat׃

¹⁴ וּמְעֹונֹתַ֖י הֹולִ֣יד אֶת־עָפְרָ֑ה וּשְׂרָיָ֗ה הֹולִ֤יד אֶת־יֹואָב֙ אֲבִי֙ גֵּ֣יא חֲרָשִׁ֔ים כִּ֥י חֲרָשִׁ֖ים הָיֽוּ׃ פ umeʿownotay howliyd ʾet־ʿaferah userayah howliyd ʾet־yowʾav ʾaviy geyʾ ḥarashiym kiy ḥarashiym hayu׃ f

¹⁵ וּבְנֵי֙ כָּלֵ֣ב בֶּן־יְפֻנֶּ֔ה עִ֥ירוּ אֵלָ֖ה וָנָ֑עַם וּבְנֵ֥י אֵלָ֖ה וּקְנַֽז׃ uveney kalev ben־yefuneh ʿiyru ʾelah wanaʿam uveney ʾelah uqenaz׃

¹⁶ וּבְנֵ֖י יְהַלֶּלְאֵ֑ל זִ֣יף וְזִיפָ֔ה תִּירְיָ֖א וַאֲשַׂרְאֵֽל׃ uveney yehaleleʾel ziyf weziyfah tiyreyaʾ waʾasareʾel׃

¹⁷ וּבֶן־עֶזְרָ֔ה יֶ֥תֶר וּמֶ֖רֶד וְעֵ֣פֶר וְיָלֹ֑ון וַתַּ֙הַר֙ אֶת־מִרְיָ֣ם וְאֶת־שַׁמַּ֔י וְאֶת־יִשְׁבָּ֖ח אֲבִ֥י אֶשְׁתְּמֹֽעַ׃ uven־ʿezerah yeter umered weʿefer weyalown watahar ʾet־mireyam weʾet־shamay weʾet־yishebaḥ ʾaviy ʾeshetemoaʿ׃

¹⁸ וְאִשְׁתֹּ֣ו הַיְהֻדִיָּ֗ה יָלְדָ֞ה אֶת־יֶ֨רֶד אֲבִ֤י גְדֹור֙ וְאֶת־חֶ֙בֶר֙ אֲבִ֣י שֹׂוכֹ֔ו וְאֶת־יְקֽוּתִיאֵ֖ל אֲבִ֣י זָנֹ֑וחַ וְאֵ֗לֶּה בְּנֵי֙ בִּתְיָ֣ה בַת־פַּרְעֹ֔ה אֲשֶׁ֥ר לָקַ֖ח מָֽרֶד׃ ס weʾishetow hayehudiyah yaledah ʾet־yered ʾaviy gedowr weʾet־ḥever ʾaviy sowkhow weʾet־yequtiyʾel ʾaviy zanowḥa weʾeleh beney biteyah vat־pareʿoh ʾasher laqaḥ mared׃ s

¹⁹ וּבְנֵי֙ אֵ֣שֶׁת הֹֽודִיָּ֔ה אֲחֹ֣ות נַ֔חַם אֲבִ֥י קְעִילָ֖ה הַגַּרְמִ֑י וְאֶשְׁתְּמֹ֖עַ הַמַּעֲכָתִֽי׃ uveney ʾeshet howdiyah ʾaḥowt naḥam ʾaviy qeʿiylah hagaremiy weʾeshetemoaʿ hamaʿakhatiy׃

²⁰ וּבְנֵ֣י שִׁימֹ֔ון אַמְנֹ֣ון וְרִנָּ֔ה בֶּן־חָנָ֖ן [וְתֹולֹון כ] (וְתִילֹ֑ון ק) וּבְנֵ֣י יִשְׁעִ֔י זֹוחֵ֖ת וּבֶן־זֹוחֵֽת׃ uveney shiymown ʾamenown werinah ben־ḥanan [wetowlown kh] (wetiylown q) uveney yisheʿiy zowḥet uven־zowḥet׃

²¹ בְּנֵי֙ שֵׁלָ֣ה בֶן־יְהוּדָ֔ה עֵ֚ר אֲבִ֣י לֵכָ֔ה וְלַעְדָּ֖ה אֲבִ֣י מָרֵשָׁ֑ה וּמִשְׁפְּחֹ֛ות בֵּית־עֲבֹדַ֥ת הַבֻּ֖ץ לְבֵ֥ית אַשְׁבֵּֽעַ׃ beney shelah ven־yehudah ʿer ʾaviy lekhah welaʿedah ʾaviy mareshah umishepeḥowt beyt־ʿavodat habuts leveyt ʾashebeaʿ׃

²² וְיֹוקִ֞ים וְאַנְשֵׁ֣י כֹזֵבָ֗א וְיֹואָ֧שׁ וְשָׂרָ֛ף אֲשֶׁר־בָּעֲל֥וּ לְמֹואָ֖ב וְיָשֻׁ֣בִי לָ֑חֶם וְהַדְּבָרִ֖ים עַתִּיקִֽים׃ weyowqiym weʾaneshey khozevaʾ weyowʾash wesaraf ʾasher־baʿalu lemowʾav weyashuviy laḥem wehadevariym ʿatiyqiym׃

²³ הֵ֚מָּה הַיֹּ֣וצְרִ֔ים וְיֹשְׁבֵ֥י נְטָעִ֖ים וּגְדֵרָ֑ה עִם־הַמֶּ֥לֶךְ בִּמְלַאכְתֹּ֖ו יָ֥שְׁבוּ שָֽׁם׃ ס hemah hayowtseriym weyoshevey neṭaʿiym ugederah ʿim־hamelekhe bimelaʾkhetow yashevu sham׃ s

²⁴ בְּנֵ֖י שִׁמְעֹ֑ון נְמוּאֵ֣ל וְיָמִ֔ין יָרִ֖יב זֶ֥רַח שָׁאֽוּל׃ beney shimeʿown nemuʾel weyamiyn yariyv zeraḥ shaʾul׃

²⁵ שַׁלֻּ֥ם בְּנֹ֛ו מִבְשָׂ֥ם בְּנֹ֖ו מִשְׁמָ֥ע בְּנֹֽו׃ shalum benow mivesam benow mishemaʿ benow׃

²⁶ וּבְנֵ֖י מִשְׁמָ֑ע חַמּוּאֵ֥ל בְּנֹ֛ו זַכּ֥וּר בְּנֹ֖ו שִׁמְעִ֥י בְנֹֽו׃ uveney mishemaʿ ḥamuʾel benow zakur benow shimeʿiy venow׃

²⁷ וּלְשִׁמְעִ֞י בָּנִ֨ים שִׁשָּׁ֤ה עָשָׂר֙ וּבָנֹ֣ות שֵׁ֔שׁ וּלְאֶחָ֕יו אֵ֖ין בָּנִ֣ים רַבִּ֑ים וְכֹל֙ מִשְׁפַּחְתָּ֔ם לֹ֥א הִרְבּ֖וּ עַד־בְּנֵ֥י יְהוּדָֽה׃ ס uleshimeʿiy baniym shishah ʿasar uvanowt shesh uleʾeḥayw ʾeyn baniym rabiym wekhol mishepaḥetam loʾ hirebu ʿad־beney yehudah׃ s

²⁸ וַיֵּֽשְׁב֛וּ בִּבְאֵֽר־שֶׁ֥בַע וּמֹולָדָ֖ה וַחֲצַ֥ר שׁוּעָֽל׃ wayeshevu biveʾer־shevaʿ umowladah waḥatsar shuʿal׃

²⁹ וּבְבִלְהָ֥ה וּבְעֶ֖צֶם וּבְתֹולָֽד׃ uvevilehah uveʿetsem uvetowlad׃

³⁰ וּבִבְתוּאֵ֥ל וּבְחָרְמָ֖ה וּבְצִֽיקְלָֽג׃ uvivetuʾel uveḥaremah uvetsiyqelag׃

³¹ וּבְבֵ֤ית מַרְכָּבֹות֙ וּבַחֲצַ֣ר סוּסִ֔ים וּבְבֵ֥ית בִּרְאִ֖י וּֽבְשַׁעֲרָ֑יִם אֵ֥לֶּה עָרֵיהֶ֖ם עַד־מְלֹ֥ךְ דָּוִֽיד׃ uveveyt marekavowt uvaḥatsar susiym uveveyt bireʾiy uveshaʿarayim ʾeleh ʿareyhem ʿad־melokhe dawiyd׃

³² וְחַצְרֵיהֶם֙ עֵיטָ֣ם וָעַ֔יִן רִמֹּ֥ון וְתֹ֖כֶן וְעָשָׁ֑ן עָרִ֖ים חָמֵֽשׁ׃ weḥatsereyhem ʿeyṭam waʿayin rimown wetokhen weʿashan ʿariym ḥamesh׃

³³ וְכָל־חַצְרֵיהֶ֗ם אֲשֶׁ֧ר סְבִיבֹ֛ות הֶעָרִ֥ים הָאֵ֖לֶּה עַד־בָּ֑עַל זֹ֚את מֹושְׁבֹתָ֔ם וְהִתְיַחְשָׂ֖ם לָהֶֽם׃ wekhal־ḥatsereyhem ʾasher seviyvowt heʿariym haʾeleh ʿad־baʿal zoʾt mowshevotam wehiteyaḥesam lahem׃

³⁴ וּמְשֹׁובָ֣ב וְיַמְלֵ֔ךְ וְיֹושָׁ֖ה בֶּן־אֲמַצְיָֽה׃ umeshowvav weyamelekhe weyowshah ben־ʾamatseyah׃

³⁵ וְיֹואֵ֑ל וְיֵהוּא֙ בֶּן־יֹ֣ושִׁבְיָ֔ה בֶּן־שְׂרָיָ֖ה בֶּן־עֲשִׂיאֵֽל׃ weyowʾel weyehuʾ ben־yowshiveyah ben־serayah ben־ʿasiyʾel׃

³⁶ וְאֶלְיֹועֵינַ֡י וְֽיַעֲקֹ֡בָה וִ֠ישֹׁוחָיָה וַעֲשָׂיָ֧ה וַעֲדִיאֵ֛ל וִישִׂימִאֵ֖ל וּבְנָיָֽה׃ weʾeleyowʿeynay weyaʿaqovah wiyshowḥayah waʿasayah waʿadiyʾel wiysiymiʾel uvenayah׃

³⁷ וְזִיזָ֨א בֶן־שִׁפְעִ֧י בֶן־אַלֹּ֛ון בֶּן־יְדָיָ֥ה בֶן־שִׁמְרִ֖י בֶּן־שְׁמַֽעְיָֽה׃ weziyzaʾ ven־shifeʿiy ven־ʾalown ben־yedayah ven־shimeriy ben־shemaʿeyah׃

³⁸ אֵ֚לֶּה הַבָּאִ֣ים בְּשֵׁמֹ֔ות נְשִׂיאִ֖ים בְּמִשְׁפְּחֹותָ֑ם וּבֵית֙ אֲבֹ֣ותֵיהֶ֔ם פָּרְצ֖וּ לָרֹֽוב׃ ʾeleh habaʾiym beshemowt nesiyʾiym bemishepeḥowtam uveyt ʾavowteyhem paretsu larowv׃

³⁹ וַיֵּלְכוּ֙ לִמְבֹ֣וא גְדֹ֔ר עַ֖ד לְמִזְרַ֣ח הַגָּ֑יְא לְבַקֵּ֥שׁ מִרְעֶ֖ה לְצֹאנָֽם׃ wayelekhu limevowʾ gedor ʿad lemizeraḥ hagayeʾ levaqesh mireʿeh letsoʾnam׃

⁴⁰ וַֽיִּמְצְא֤וּ מִרְעֶה֙ שָׁמֵ֣ן וָטֹ֔וב וְהָאָ֙רֶץ֙ רַחֲבַ֣ת יָדַ֔יִם וְשֹׁקֶ֖טֶת וּשְׁלֵוָ֑ה כִּ֣י מִן־חָ֔ם הַיֹּשְׁבִ֥ים שָׁ֖ם לְפָנִֽים׃ wayimetseʾu mireʿeh shamen waṭowv wehaʾarets raḥavat yadayim weshoqeṭet ushelewah kiy min־ḥam hayosheviym sham lefaniym׃

⁴¹ וַיָּבֹ֡אוּ אֵלֶּה֩ הַכְּתוּבִ֨ים בְּשֵׁמֹ֜ות בִּימֵ֣י ׀ יְחִזְקִיָּ֣הוּ מֶֽלֶךְ־יְהוּדָ֗ה וַיַּכּ֨וּ אֶת־אָהֳלֵיהֶ֜ם וְאֶת־ [הַמְּעִינִים כ] (הַמְּעוּנִ֨ים ק) אֲשֶׁ֤ר נִמְצְאוּ־שָׁ֙מָּה֙ וַיַּחֲרִימֻם֙ עַד־הַיֹּ֣ום הַזֶּ֔ה וַיֵּשְׁב֖וּ תַּחְתֵּיהֶ֑ם כִּֽי־מִרְעֶ֥ה לְצֹאנָ֖ם שָֽׁם׃ wayavoʾu ʾeleh haketuviym beshemowt biymey ׀ yeḥizeqiyahu melekhe־yehudah wayaku ʾet־ʾaholeyhem weʾet־ [hameʿiyniym kh] (hameʿuniym q) ʾasher nimetseʾu־shamah wayaḥariymum ʿad־hayowm hazeh wayeshevu taḥeteyhem kiy־mireʿeh letsoʾnam sham׃

⁴² וּמֵהֶ֣ם ׀ מִן־בְּנֵ֣י שִׁמְעֹ֗ון הָלְכוּ֙ לְהַ֣ר שֵׂעִ֔יר אֲנָשִׁ֖ים חֲמֵ֣שׁ מֵאֹ֑ות וּפְלַטְיָ֡ה וּ֠נְעַרְיָה וּרְפָיָ֧ה וְעֻזִּיאֵ֛ל בְּנֵ֥י יִשְׁעִ֖י בְּרֹאשָֽׁם׃ umehem ׀ min־beney shimeʿown halekhu lehar seʿiyr ʾanashiym ḥamesh meʾowt ufelaṭeyah uneʿareyah urefayah weʿuziyʾel beney yisheʿiy beroʾsham׃

⁴³ וַיַּכּ֕וּ אֶת־שְׁאֵרִ֥ית הַפְּלֵטָ֖ה לַעֲמָלֵ֑ק וַיֵּ֣שְׁבוּ שָׁ֔ם עַ֖ד הַיֹּ֥ום הַזֶּֽה׃ wayaku ʾet־sheʾeriyt hapeleṭah laʿamaleq wayeshevu sham ʿad hayowm hazeh׃