Esdras 3

¹ וַיִּגַּע֙ הַחֹ֣דֶשׁ הַשְּׁבִיעִ֔י וּבְנֵ֥י יִשְׂרָאֵ֖ל בֶּעָרִ֑ים ס וַיֵּאָסְפ֥וּ הָעָ֛ם כְּאִ֥ישׁ אֶחָ֖ד אֶל־יְרוּשָׁלִָֽם׃ ס wayigaʿ haḥodesh hasheviyʿiy uveney yiseraʾel beʿariym s wayeʾasefu haʿam keʾiysh ʾeḥad ʾel־yerushalim׃ s

² וַיָּקָם֩ יֵשׁ֨וּעַ בֶּן־יֹֽוצָדָ֜ק וְאֶחָ֣יו הַכֹּהֲנִ֗ים וּזְרֻבָּבֶ֤ל בֶּן־שְׁאַלְתִּיאֵל֙ וְאֶחָ֔יו וַיִּבְנ֕וּ אֶת־מִזְבַּ֖ח אֱלֹהֵ֣י יִשְׂרָאֵ֑ל לְהַעֲלֹ֤ות עָלָיו֙ עֹלֹ֔ות כַּכָּת֕וּב בְּתֹורַ֖ת מֹשֶׁ֥ה אִישׁ־הָאֱלֹהִֽים׃ wayaqam yeshuaʿ ben־yowtsadaq weʾeḥayw hakohaniym uzerubavel ben־sheʾaletiyʾel weʾeḥayw wayivenu ʾet־mizebaḥ ʾelohey yiseraʾel lehaʿalowt ʿalayw ʿolowt kakatuv betowrat mosheh ʾiysh־haʾelohiym׃

³ וַיָּכִ֤ינוּ הַמִּזְבֵּ֙חַ֙ עַל־מְכֹ֣ונֹתָ֔יו כִּ֚י בְּאֵימָ֣ה עֲלֵיהֶ֔ם מֵעַמֵּ֖י הָאֲרָצֹ֑ות [וַיַּעַל כ] (וַיַּעֲל֨וּ ק) עָלָ֤יו עֹלֹות֙ לַֽיהוָ֔ה עֹלֹ֖ות לַבֹּ֥קֶר וְלָעָֽרֶב׃ wayakhiynu hamizebeaḥ ʿal־mekhownotayw kiy beʾeymah ʿaleyhem meʿamey haʾaratsowt [wayaʿal kh] (wayaʿalu q) ʿalayw ʿolowt layhwah ʿolowt laboqer welaʿarev׃

⁴ וַֽיַּעֲשׂ֛וּ אֶת־חַ֥ג הַסֻּכֹּ֖ות כַּכָּת֑וּב וְעֹלַ֨ת יֹ֤ום בְּיֹום֙ בְּמִסְפָּ֔ר כְּמִשְׁפַּ֖ט דְּבַר־יֹ֥ום בְּיֹומֹֽו׃ wayaʿasu ʾet־ḥag hasukowt kakatuv weʿolat yowm beyowm bemisepar kemishepaṭ devar־yowm beyowmow׃

⁵ וְאַחֲרֵיכֵ֞ן עֹלַ֤ת תָּמִיד֙ וְלֶ֣חֳדָשִׁ֔ים וּלְכָל־מֹועֲדֵ֥י יְהוָ֖ה הַמְקֻדָּשִׁ֑ים וּלְכֹ֛ל מִתְנַדֵּ֥ב נְדָבָ֖ה לַיהוָֽה׃ weʾaḥareykhen ʿolat tamiyd weleḥodashiym ulekhal־mowʿadey yehwah hamequdashiym ulekhol mitenadev nedavah layhwah׃

⁶ מִיֹּ֤ום אֶחָד֙ לַחֹ֣דֶשׁ הַשְּׁבִיעִ֔י הֵחֵ֕לּוּ לְהַעֲלֹ֥ות עֹלֹ֖ות לַיהוָ֑ה וְהֵיכַ֥ל יְהוָ֖ה לֹ֥א יֻסָּֽד׃ miyowm ʾeḥad laḥodesh hasheviyʿiy heḥelu lehaʿalowt ʿolowt layhwah weheykhal yehwah loʾ yusad׃

⁷ וַיִּ֨תְּנוּ־כֶ֔סֶף לַחֹצְבִ֖ים וְלֶחָרָשִׁ֑ים וּמַאֲכָ֨ל וּמִשְׁתֶּ֜ה וָשֶׁ֗מֶן לַצִּֽדֹנִים֙ וְלַצֹּרִ֔ים לְהָבִיא֩ עֲצֵ֨י אֲרָזִ֤ים מִן־הַלְּבָנֹון֙ אֶל־יָ֣ם יָפֹ֔וא כְּרִשְׁיֹ֛ון כֹּ֥ורֶשׁ מֶֽלֶךְ־פָּרַ֖ס עֲלֵיהֶֽם׃ פ wayitenu־khesef laḥotseviym weleḥarashiym umaʾakhal umisheteh washemen latsidoniym welatsoriym lehaviyʾ ʿatsey ʾaraziym min־halevanown ʾel־yam yafowʾ kerisheyown kowresh melekhe־paras ʿaleyhem׃ f

⁸ וּבַשָּׁנָ֣ה הַשֵּׁנִ֗ית לְבֹואָ֞ם אֶל־בֵּ֤ית הָֽאֱלֹהִים֙ לִיר֣וּשָׁלִַ֔ם בַּחֹ֖דֶשׁ הַשֵּׁנִ֑י הֵחֵ֡לּוּ זְרֻבָּבֶ֣ל בֶּןשְׁ֠־אַלְתִּיאֵל וְיֵשׁ֨וּעַ בֶּן־יֹֽוצָדָ֜ק וּשְׁאָ֥ר אֲחֵיהֶ֣ם ׀ הַכֹּהֲנִ֣ים וְהַלְוִיִּ֗ם וְכָל־הַבָּאִים֙ מֵהַשְּׁבִ֣י יְרֽוּשָׁלִַ֔ם וַיַּעֲמִ֣ידוּ אֶת־הַלְוִיִּ֗ם מִבֶּ֨ן עֶשְׂרִ֤ים שָׁנָה֙ וָמַ֔עְלָה לְנַצֵּ֖חַ עַל־מְלֶ֥אכֶת בֵּית־יְהוָֽה׃ פ uvashanah hasheniyt levowʾam ʾel־beyt haʾelohiym liyrushalim baḥodesh hasheniy heḥelu zerubavel benshe־ʾaletiyʾel weyeshuaʿ ben־yowtsadaq usheʾar ʾaḥeyhem ׀ hakohaniym wehalewiyim wekhal־habaʾiym mehasheviy yerushalim wayaʿamiydu ʾet־halewiyim miben ʿeseriym shanah wamaʿelah lenatseaḥ ʿal־meleʾkhet beyt־yehwah׃ f

⁹ וַיַּעֲמֹ֣ד יֵשׁ֡וּעַ בָּנָ֣יו וְ֠אֶחָיו קַדְמִיאֵ֨ל וּבָנָ֤יו בְּנֵֽי־יְהוּדָה֙ כְּאֶחָ֔ד לְנַצֵּ֛חַ עַל־עֹשֵׂ֥ה הַמְּלָאכָ֖ה בְּבֵ֣ית הָאֱלֹהִ֑ים ס בְּנֵי֙ חֵֽנָדָ֔ד בְּנֵיהֶ֥ם וַאֲחֵיהֶ֖ם הַלְוִיִּֽם׃ wayaʿamod yeshuaʿ banayw weʾeḥayw qademiyʾel uvanayw beney־yehudah keʾeḥad lenatseaḥ ʿal־ʿoseh hamelaʾkhah beveyt haʾelohiym s beney ḥenadad beneyhem waʾaḥeyhem halewiyim׃

¹⁰ וְיִסְּד֥וּ הַבֹּנִ֖ים אֶת־הֵיכַ֣ל יְהוָ֑ה וַיַּעֲמִידוּ֩ הַכֹּהֲנִ֨ים מְלֻבָּשִׁ֜ים בַּחֲצֹֽצְרֹ֗ות וְהַלְוִיִּ֤ם בְּנֵֽי־אָסָף֙ בַּֽמְצִלְתַּ֔יִם לְהַלֵּל֙ אֶת־יְהוָ֔ה עַל־יְדֵ֖י דָּוִ֥יד מֶֽלֶךְ־יִשְׂרָאֵֽל׃ weyisedu haboniym ʾet־heykhal yehwah wayaʿamiydu hakohaniym melubashiym baḥatsotserowt wehalewiyim beney־ʾasaf bametsiletayim lehalel ʾet־yehwah ʿal־yedey dawiyd melekhe־yiseraʾel׃

¹¹ וַֽ֠יַּעֲנוּ בְּהַלֵּ֨ל וּבְהֹודֹ֤ת לַֽיהוָה֙ כִּ֣י טֹ֔וב כִּֽי־לְעֹולָ֥ם חַסְדֹּ֖ו עַל־יִשְׂרָאֵ֑ל וְכָל־הָעָ֡ם הֵרִיעוּ֩ תְרוּעָה֙ גְדֹולָ֤ה בְהַלֵּל֙ לַֽיהוָ֔ה עַ֖ל הוּסַ֥ד בֵּית־יְהוָֽה׃ ס wayaʿanu behalel uvehowdot layhwah kiy ṭowv kiy־leʿowlam ḥasedow ʿal־yiseraʾel wekhal־haʿam heriyʿu teruʿah gedowlah vehalel layhwah ʿal husad beyt־yehwah׃ s

¹² וְרַבִּ֡ים מֵהַכֹּהֲנִ֣ים וְהַלְוִיִּם֩ וְרָאשֵׁ֨י הָאָבֹ֜ות הַזְּקֵנִ֗ים אֲשֶׁ֨ר רָא֜וּ אֶת־הַבַּ֤יִת הָֽרִאשֹׁון֙ בְּיָסְדֹ֔ו זֶ֤ה הַבַּ֙יִת֙ בְּעֵ֣ינֵיהֶ֔ם בֹּכִ֖ים בְּקֹ֣ול גָּדֹ֑ול וְרַבִּ֛ים בִּתְרוּעָ֥ה בְשִׂמְחָ֖ה לְהָרִ֥ים קֹֽול׃ werabiym mehakohaniym wehalewiyim weraʾshey haʾavowt hazeqeniym ʾasher raʾu ʾet־habayit hariʾshown beyasedow zeh habayit beʿeyneyhem bokhiym beqowl gadowl werabiym biteruʿah vesimeḥah lehariym qowl׃

¹³ וְאֵ֣ין הָעָ֗ם מַכִּירִים֙ קֹ֚ול תְּרוּעַ֣ת הַשִּׂמְחָ֔ה לְקֹ֖ול בְּכִ֣י הָעָ֑ם כִּ֣י הָעָ֗ם מְרִיעִים֙ תְּרוּעָ֣ה גְדֹולָ֔ה וְהַקֹּ֥ול נִשְׁמַ֖ע עַד־לְמֵרָחֹֽוק׃ פ weʾeyn haʿam makiyriym qowl teruʿat hasimeḥah leqowl bekhiy haʿam kiy haʿam meriyʿiym teruʿah gedowlah wehaqowl nishemaʿ ʿad־lemeraḥowq׃ f