Daniel 9

¹ בִּשְׁנַ֣ת אַחַ֗ת לְדָרְיָ֛וֶשׁ בֶּן־אֲחַשְׁוֵרֹ֖ושׁ מִזֶּ֣רַע מָדָ֑י אֲשֶׁ֣ר הָמְלַ֔ךְ עַ֖ל מַלְכ֥וּת כַּשְׂדִּֽים׃ bishenat ʾaḥat ledareyawesh ben־ʾaḥashewerowsh mizeraʿ maday ʾasher hamelakhe ʿal malekhut kasediym׃

² בִּשְׁנַ֤ת אַחַת֙ לְמָלְכֹ֔ו אֲנִי֙ דָּֽנִיֵּ֔אל בִּינֹ֖תִי בַּסְּפָרִ֑ים מִסְפַּ֣ר הַשָּׁנִ֗ים אֲשֶׁ֨ר הָיָ֤ה דְבַר־יְהוָה֙ אֶל־יִרְמִיָ֣ה הַנָּבִ֔יא לְמַלֹּ֛אות לְחָרְבֹ֥ות יְרוּשָׁלִַ֖ם שִׁבְעִ֥ים שָׁנָֽה׃ bishenat ʾaḥat lemalekhow ʾaniy daniyeʾl biynotiy basefariym misepar hashaniym ʾasher hayah devar־yehwah ʾel־yiremiyah hanaviyʾ lemaloʾwt leḥarevowt yerushalim shiveʿiym shanah׃

³ וָאֶתְּנָ֣ה אֶת־פָּנַ֗י אֶל־אֲדֹנָי֙ הָֽאֱלֹהִ֔ים לְבַקֵּ֥שׁ תְּפִלָּ֖ה וְתַחֲנוּנִ֑ים בְּצֹ֖ום וְשַׂ֥ק וָאֵֽפֶר׃ waʾetenah ʾet־panay ʾel־ʾadonay haʾelohiym levaqesh tefilah wetaḥanuniym betsowm wesaq waʾefer׃

⁴ וָֽאֶתְפַּֽלְלָ֛ה לַיהוָ֥ה אֱלֹהַ֖י וָאֶתְוַדֶּ֑ה וָאֹֽמְרָ֗ה אָנָּ֤א אֲדֹנָי֙ הָאֵ֤ל הַגָּדֹול֙ וְהַנֹּורָ֔א שֹׁמֵ֤ר הַבְּרִית֙ וְֽהַחֶ֔סֶד לְאֹהֲבָ֖יו וּלְשֹׁמְרֵ֥י מִצְוֹתָֽיו׃ waʾetepalelah layhwah ʾelohay waʾetewadeh waʾomerah ʾanaʾ ʾadonay haʾel hagadowl wehanowraʾ shomer haberiyt wehaḥesed leʾohavayw uleshomerey mitseotayw׃

⁵ חָטָ֥אנוּ וְעָוִ֖ינוּ [וְהִרְשַׁעְנוּ כ] (הִרְשַׁ֣עְנוּ ק) וּמָרָ֑דְנוּ וְסֹ֥ור מִמִּצְוֹתֶ֖ךָ וּמִמִּשְׁפָּטֶֽיךָ׃ ḥaṭaʾnu weʿawiynu [wehireshaʿenu kh] (hireshaʿenu q) umaradenu wesowr mimitseotekha umimishepaṭeykha׃

⁶ וְלֹ֤א שָׁמַ֙עְנוּ֙ אֶל־עֲבָדֶ֣יךָ הַנְּבִיאִ֔ים אֲשֶׁ֤ר דִּבְּרוּ֙ בְּשִׁמְךָ֔ אֶל־מְלָכֵ֥ינוּ שָׂרֵ֖ינוּ וַאֲבֹתֵ֑ינוּ וְאֶ֖ל כָּל־עַ֥ם הָאָֽרֶץ׃ weloʾ shamaʿenu ʾel־ʿavadeykha haneviyʾiym ʾasher diberu beshimekha ʾel־melakheynu sareynu waʾavoteynu weʾel kal־ʿam haʾarets׃

⁷ לְךָ֤ אֲדֹנָי֙ הַצְּדָקָ֔ה וְלָ֛נוּ בֹּ֥שֶׁת הַפָּנִ֖ים כַּיֹּ֣ום הַזֶּ֑ה לְאִ֤ישׁ יְהוּדָה֙ וּלְיֹושְׁבֵ֣י יְרֽוּשָׁלִַ֔ם וּֽלְכָל־יִשְׂרָאֵ֞ל הַקְּרֹבִ֣ים וְהָרְחֹקִ֗ים בְּכָל־הָֽאֲרָצֹות֙ אֲשֶׁ֣ר הִדַּחְתָּ֣ם שָׁ֔ם בְּמַעֲלָ֖ם אֲשֶׁ֥ר מָֽעֲלוּ־בָֽךְ׃ lekha ʾadonay hatsedaqah welanu boshet hapaniym kayowm hazeh leʾiysh yehudah uleyowshevey yerushalim ulekhal־yiseraʾel haqeroviym wehareḥoqiym bekhal־haʾaratsowt ʾasher hidaḥetam sham bemaʿalam ʾasher maʿalu־vakhe׃

⁸ יְהוָ֗ה לָ֚נוּ בֹּ֣שֶׁת הַפָּנִ֔ים לִמְלָכֵ֥ינוּ לְשָׂרֵ֖ינוּ וְלַאֲבֹתֵ֑ינוּ אֲשֶׁ֥ר חָטָ֖אנוּ לָֽךְ׃ yehwah lanu boshet hapaniym limelakheynu lesareynu welaʾavoteynu ʾasher ḥaṭaʾnu lakhe׃

⁹ לַֽאדֹנָ֣י אֱלֹהֵ֔ינוּ הָרַחֲמִ֖ים וְהַסְּלִחֹ֑ות כִּ֥י מָרַ֖דְנוּ בֹּֽו׃ laʾdonay ʾeloheynu haraḥamiym wehaseliḥowt kiy maradenu bow׃

¹⁰ וְלֹ֣א שָׁמַ֔עְנוּ בְּקֹ֖ול יְהוָ֣ה אֱלֹהֵ֑ינוּ לָלֶ֤כֶת בְּתֹֽורֹתָיו֙ אֲשֶׁ֣ר נָתַ֣ן לְפָנֵ֔ינוּ בְּיַ֖ד עֲבָדָ֥יו הַנְּבִיאִֽים׃ weloʾ shamaʿenu beqowl yehwah ʾeloheynu lalekhet betowrotayw ʾasher natan lefaneynu beyad ʿavadayw haneviyʾiym׃

¹¹ וְכָל־יִשְׂרָאֵ֗ל עָֽבְרוּ֙ אֶת־תֹּ֣ורָתֶ֔ךָ וְסֹ֕ור לְבִלְתִּ֖י שְׁמֹ֣ועַ בְּקֹלֶ֑ךָ וַתִּתַּ֨ךְ עָלֵ֜ינוּ הָאָלָ֣ה וְהַשְּׁבֻעָ֗ה אֲשֶׁ֤ר כְּתוּבָה֙ בְּתֹורַת֙ מֹשֶׁ֣ה עֶֽבֶד־הָֽאֱלֹהִ֔ים כִּ֥י חָטָ֖אנוּ לֹֽו׃ wekhal־yiseraʾel ʿaveru ʾet־towratekha wesowr leviletiy shemowʿa beqolekha watitakhe ʿaleynu haʾalah wehashevuʿah ʾasher ketuvah betowrat mosheh ʿeved־haʾelohiym kiy ḥaṭaʾnu low׃

¹² וַיָּ֜קֶם אֶת־ [דְּבָרָיו כ] (דְּבָרֹ֣ו ׀ ק) אֲשֶׁר־דִּבֶּ֣ר עָלֵ֗ינוּ וְעַ֤ל שֹֽׁפְטֵ֙ינוּ֙ אֲשֶׁ֣ר שְׁפָט֔וּנוּ לְהָבִ֥יא עָלֵ֖ינוּ רָעָ֣ה גְדֹלָ֑ה אֲשֶׁ֣ר לֹֽא־נֶעֶשְׂתָ֗ה תַּ֚חַת כָּל־הַשָּׁמַ֔יִם כַּאֲשֶׁ֥ר נֶעֶשְׂתָ֖ה בִּירוּשָׁלִָֽם׃ wayaqem ʾet־ [devarayw kh] (devarow ׀ q) ʾasher־diber ʿaleynu weʿal shofeṭeynu ʾasher shefaṭunu lehaviyʾ ʿaleynu raʿah gedolah ʾasher loʾ־neʿesetah taḥat kal־hashamayim kaʾasher neʿesetah biyrushalim׃

¹³ כַּאֲשֶׁ֤ר כָּתוּב֙ בְּתֹורַ֣ת מֹשֶׁ֔ה אֵ֛ת כָּל־הָרָעָ֥ה הַזֹּ֖את בָּ֣אָה עָלֵ֑ינוּ וְלֹֽא־חִלִּ֜ינוּ אֶת־פְּנֵ֣י ׀ יְהוָ֣ה אֱלֹהֵ֗ינוּ לָשׁוּב֙ מֵֽעֲוֹנֵ֔נוּ וּלְהַשְׂכִּ֖יל בַּאֲמִתֶּֽךָ׃ kaʾasher katuv betowrat mosheh ʾet kal־haraʿah hazoʾt baʾah ʿaleynu weloʾ־ḥiliynu ʾet־peney ׀ yehwah ʾeloheynu lashuv meʿaonenu ulehasekiyl baʾamitekha׃

¹⁴ וַיִּשְׁקֹ֤ד יְהוָה֙ עַל־הָ֣רָעָ֔ה וַיְבִיאֶ֖הָ עָלֵ֑ינוּ כִּֽי־צַדִּ֞יק יְהוָ֣ה אֱלֹהֵ֗ינוּ עַל־כָּל־מַֽעֲשָׂיו֙ אֲשֶׁ֣ר עָשָׂ֔ה וְלֹ֥א שָׁמַ֖עְנוּ בְּקֹלֹֽו׃ wayisheqod yehwah ʿal־haraʿah wayeviyʾeah ʿaleynu kiy־tsadiyq yehwah ʾeloheynu ʿal־kal־maʿasayw ʾasher ʿasah weloʾ shamaʿenu beqolow׃

¹⁵ וְעַתָּ֣ה ׀ אֲדֹנָ֣י אֱלֹהֵ֗ינוּ אֲשֶׁר֩ הֹוצֵ֨אתָ אֶֽת־עַמְּךָ֜ מֵאֶ֤רֶץ מִצְרַ֙יִם֙ בְּיָ֣ד חֲזָקָ֔ה וַתַּֽעַשׂ־לְךָ֥ שֵׁ֖ם כַּיֹּ֣ום הַזֶּ֑ה חָטָ֖אנוּ רָשָֽׁעְנוּ׃ weʿatah ׀ ʾadonay ʾeloheynu ʾasher howtseʾta ʾet־ʿamekha meʾerets mitserayim beyad ḥazaqah wataʿas־lekha shem kayowm hazeh ḥaṭaʾnu rashaʿenu׃

¹⁶ אֲדֹנָ֗י כְּכָל־צִדְקֹתֶ֙ךָ֙ יָֽשָׁב־נָ֤א אַפְּךָ֙ וַחֲמָ֣תְךָ֔ מֵעִֽירְךָ֥ יְרוּשָׁלִַ֖ם הַר־קָדְשֶׁ֑ךָ כִּ֤י בַחֲטָאֵ֙ינוּ֙ וּבַעֲוֹנֹ֣ות אֲבֹתֵ֔ינוּ יְרוּשָׁלִַ֧ם וְעַמְּךָ֛ לְחֶרְפָּ֖ה לְכָל־סְבִיבֹתֵֽינוּ׃ ʾadonay kekhal־tsideqotekha yashav־naʾ ʾapekha waḥamatekha meʿiyrekha yerushalim har־qadeshekha kiy vaḥaṭaʾeynu uvaʿaonowt ʾavoteynu yerushalim weʿamekha leḥerepah lekhal־seviyvoteynu׃

¹⁷ וְעַתָּ֣ה ׀ שְׁמַ֣ע אֱלֹהֵ֗ינוּ אֶל־תְּפִלַּ֤ת עַבְדְּךָ֙ וְאֶל־תַּ֣חֲנוּנָ֔יו וְהָאֵ֣ר פָּנֶ֔יךָ עַל־מִקְדָּשְׁךָ֖ הַשָּׁמֵ֑ם לְמַ֖עַן אֲדֹנָֽי׃ weʿatah ׀ shemaʿ ʾeloheynu ʾel־tefilat ʿavedekha weʾel־taḥanunayw wehaʾer paneykha ʿal־miqedashekha hashamem lemaʿan ʾadonay׃

¹⁸ הַטֵּ֨ה אֱלֹהַ֥י ׀ אָזְנְךָ֮ וּֽשֲׁמָע֒ [פִּקְחָה כ] (פְּקַ֣ח ק) עֵינֶ֗יךָ וּרְאֵה֙ שֹֽׁמְמֹתֵ֔ינוּ וְהָעִ֕יר אֲשֶׁר־נִקְרָ֥א שִׁמְךָ֖ עָלֶ֑יהָ כִּ֣י ׀ לֹ֣א עַל־צִדְקֹתֵ֗ינוּ אֲנַ֨חְנוּ מַפִּילִ֤ים תַּחֲנוּנֵ֙ינוּ֙ לְפָנֶ֔יךָ כִּ֖י עַל־רַחֲמֶ֥יךָ הָרַבִּֽים׃ haṭeh ʾelohay ׀ ʾazenekha ushamaʿ [piqeḥah kh] (peqaḥ q) ʿeyneykha ureʾeh shomemoteynu wehaʿiyr ʾasher־niqeraʾ shimekha ʿaleyha kiy ׀ loʾ ʿal־tsideqoteynu ʾanaḥenu mapiyliym taḥanuneynu lefaneykha kiy ʿal־raḥameykha harabiym׃

¹⁹ אֲדֹנָ֤י ׀ שְׁמָ֙עָה֙ אֲדֹנָ֣י ׀ סְלָ֔חָה אֲדֹנָ֛י הַֽקֲשִׁ֥יבָה וַעֲשֵׂ֖ה אַל־תְּאַחַ֑ר לְמַֽעֲנְךָ֣ אֱלֹהַ֔י כִּֽי־שִׁמְךָ֣ נִקְרָ֔א עַל־עִירְךָ֖ וְעַל־עַמֶּֽךָ׃ ʾadonay ׀ shemaʿah ʾadonay ׀ selaḥah ʾadonay haqashiyvah waʿaseh ʾal־teʾaḥar lemaʿanekha ʾelohay kiy־shimekha niqeraʾ ʿal־ʿiyrekha weʿal־ʿamekha׃

²⁰ וְעֹ֨וד אֲנִ֤י מְדַבֵּר֙ וּמִתְפַּלֵּ֔ל וּמִתְוַדֶּה֙ חַטָּאתִ֔י וְחַטַּ֖את עַמִּ֣י יִשְׂרָאֵ֑ל וּמַפִּ֣יל תְּחִנָּתִ֗י לִפְנֵי֙ יְהוָ֣ה אֱלֹהַ֔י עַ֖ל הַר־קֹ֥דֶשׁ אֱלֹהָֽי׃ weʿowd ʾaniy medaber umitepalel umitewadeh ḥaṭaʾtiy weḥaṭaʾt ʿamiy yiseraʾel umapiyl teḥinatiy lifeney yehwah ʾelohay ʿal har־qodesh ʾelohay׃

²¹ וְעֹ֛וד אֲנִ֥י מְדַבֵּ֖ר בַּתְּפִלָּ֑ה וְהָאִ֣ישׁ גַּבְרִיאֵ֡ל אֲשֶׁר֩ רָאִ֨יתִי בֶחָזֹ֤ון בַּתְּחִלָּה֙ מֻעָ֣ף בִּיעָ֔ף נֹגֵ֣עַ אֵלַ֔י כְּעֵ֖ת מִנְחַת־עָֽרֶב׃ weʿowd ʾaniy medaber batefilah wehaʾiysh gaveriyʾel ʾasher raʾiytiy veḥazown bateḥilah muʿaf biyʿaf nogeaʿ ʾelay keʿet mineḥat־ʿarev׃

²² וַיָּ֖בֶן וַיְדַבֵּ֣ר עִמִּ֑י וַיֹּאמַ֕ר דָּנִיֵּ֕אל עַתָּ֥ה יָצָ֖אתִי לְהַשְׂכִּילְךָ֥ בִינָֽה׃ wayaven wayedaber ʿimiy wayoʾmar daniyeʾl ʿatah yatsaʾtiy lehasekiylekha viynah׃

²³ בִּתְחִלַּ֨ת תַּחֲנוּנֶ֜יךָ יָצָ֣א דָבָ֗ר וַאֲנִי֙ בָּ֣אתִי לְהַגִּ֔יד כִּ֥י חֲמוּדֹ֖ות אָ֑תָּה וּבִין֙ בַּדָּבָ֔ר וְהָבֵ֖ן בַּמַּרְאֶֽה׃ biteḥilat taḥanuneykha yatsaʾ davar waʾaniy baʾtiy lehagiyd kiy ḥamudowt ʾatah uviyn badavar wehaven bamareʾeh׃

²⁴ שָׁבֻעִ֨ים שִׁבְעִ֜ים נֶחְתַּ֥ךְ עַֽל־עַמְּךָ֣ ׀ וְעַל־עִ֣יר קָדְשֶׁ֗ךָ לְכַלֵּ֨א הַפֶּ֜שַׁע [וּלַחְתֹּם כ] (וּלְהָתֵ֤ם ק) [חַטָּאֹות כ] (חַטָּאת֙ ק) וּלְכַפֵּ֣ר עָוֹ֔ן וּלְהָבִ֖יא צֶ֣דֶק עֹֽלָמִ֑ים וְלַחְתֹּם֙ חָזֹ֣ון וְנָבִ֔יא וְלִמְשֹׁ֖חַ קֹ֥דֶשׁ קָֽדָשִֽׁים׃ shavuʿiym shiveʿiym neḥetakhe ʿal־ʿamekha ׀ weʿal־ʿiyr qadeshekha lekhaleʾ hapeshaʿ [ulaḥetom kh] (ulehatem q) [ḥaṭaʾowt kh] (ḥaṭaʾt q) ulekhaper ʿaon ulehaviyʾ tsedeq ʿolamiym welaḥetom ḥazown wenaviyʾ welimeshoaḥ qodesh qadashiym׃

²⁵ וְתֵדַ֨ע וְתַשְׂכֵּ֜ל מִן־מֹצָ֣א דָבָ֗ר לְהָשִׁיב֙ וְלִבְנֹ֤ות יְרֽוּשָׁלִַ֙ם֙ עַד־מָשִׁ֣יחַ נָגִ֔יד שָׁבֻעִ֖ים שִׁבְעָ֑ה וְשָׁבֻעִ֞ים שִׁשִּׁ֣ים וּשְׁנַ֗יִם תָּשׁוּב֙ וְנִבְנְתָה֙ רְחֹ֣וב וְחָר֔וּץ וּבְצֹ֖וק הָעִתִּֽים׃ wetedaʿ wetasekel min־motsaʾ davar lehashiyv welivenowt yerushalim ʿad־mashiyḥa nagiyd shavuʿiym shiveʿah weshavuʿiym shishiym ushenayim tashuv wenivenetah reḥowv weḥaruts uvetsowq haʿitiym׃

²⁶ וְאַחֲרֵ֤י הַשָּׁבֻעִים֙ שִׁשִּׁ֣ים וּשְׁנַ֔יִם יִכָּרֵ֥ת מָשִׁ֖יחַ וְאֵ֣ין לֹ֑ו וְהָעִ֨יר וְהַקֹּ֜דֶשׁ יַ֠שְׁחִית עַ֣ם נָגִ֤יד הַבָּא֙ וְקִצֹּ֣ו בַשֶּׁ֔טֶף וְעַד֙ קֵ֣ץ מִלְחָמָ֔ה נֶחֱרֶ֖צֶת שֹׁמֵמֹֽות׃ weʾaḥarey hashavuʿiym shishiym ushenayim yikaret mashiyḥa weʾeyn low wehaʿiyr wehaqodesh yasheḥiyt ʿam nagiyd habaʾ weqitsow vasheṭef weʿad qets mileḥamah neḥeretset shomemowt׃

²⁷ וְהִגְבִּ֥יר בְּרִ֛ית לָרַבִּ֖ים שָׁב֣וּעַ אֶחָ֑ד וַחֲצִ֨י הַשָּׁב֜וּעַ יַשְׁבִּ֣ית ׀ זֶ֣בַח וּמִנְחָ֗ה וְעַ֨ל כְּנַ֤ף שִׁקּוּצִים֙ מְשֹׁמֵ֔ם וְעַד־כָּלָה֙ וְנֶ֣חֱרָצָ֔ה תִּתַּ֖ךְ עַל־שֹׁמֵֽם׃ פ wehigebiyr beriyt larabiym shavuaʿ ʾeḥad waḥatsiy hashavuaʿ yashebiyt ׀ zevaḥ umineḥah weʿal kenaf shiqutsiym meshomem weʿad־kalah weneḥeratsah titakhe ʿal־shomem׃ f