Ésaïe 49

¹ שִׁמְע֤וּ אִיִּים֙ אֵלַ֔י וְהַקְשִׁ֥יבוּ לְאֻמִּ֖ים מֵרָחֹ֑וק יְהוָה֙ מִבֶּ֣טֶן קְרָאָ֔נִי מִמְּעֵ֥י אִמִּ֖י הִזְכִּ֥יר שְׁמִֽי׃ shimeʿu ʾiyiym ʾelay wehaqeshiyvu leʾumiym meraḥowq yehwah mibeṭen qeraʾaniy mimeʿey ʾimiy hizekiyr shemiy׃

² וַיָּ֤שֶׂם פִּי֙ כְּחֶ֣רֶב חַדָּ֔ה בְּצֵ֥ל יָדֹ֖ו הֶחְבִּיאָ֑נִי וַיְשִׂימֵ֙נִי֙ לְחֵ֣ץ בָּר֔וּר בְּאַשְׁפָּתֹ֖ו הִסְתִּירָֽנִי׃ wayasem piy keḥerev ḥadah betsel yadow heḥebiyʾaniy wayesiymeniy leḥets barur beʾashepatow hisetiyraniy׃

³ וַיֹּ֥אמֶר לִ֖י עַבְדִּי־אָ֑תָּה יִשְׂרָאֵ֕ל אֲשֶׁר־בְּךָ֖ אֶתְפָּאָֽר׃ wayoʾmer liy ʿavediy־ʾatah yiseraʾel ʾasher־bekha ʾetepaʾar׃

⁴ וַאֲנִ֤י אָמַ֙רְתִּי֙ לְרִ֣יק יָגַ֔עְתִּי לְתֹ֥הוּ וְהֶ֖בֶל כֹּחִ֣י כִלֵּ֑יתִי אָכֵן֙ מִשְׁפָּטִ֣י אֶת־יְהוָ֔ה וּפְעֻלָּתִ֖י אֶת־אֱלֹהָֽי׃ waʾaniy ʾamaretiy leriyq yagaʿetiy letohu wehevel koḥiy khileytiy ʾakhen mishepaṭiy ʾet־yehwah ufeʿulatiy ʾet־ʾelohay׃

⁵ וְעַתָּ֣ה ׀ אָמַ֣ר יְהוָ֗ה יֹצְרִ֤י מִבֶּ֙טֶן֙ לְעֶ֣בֶד לֹ֔ו לְשֹׁובֵ֤ב יַֽעֲקֹב֙ אֵלָ֔יו וְיִשְׂרָאֵ֖ל [לֹא כ] (לֹ֣ו ק) יֵאָסֵ֑ף וְאֶכָּבֵד֙ בְּעֵינֵ֣י יְהוָ֔ה וֵאלֹהַ֖י הָיָ֥ה עֻזִּֽי׃ weʿatah ׀ ʾamar yehwah yotseriy mibeṭen leʿeved low leshowvev yaʿaqov ʾelayw weyiseraʾel [loʾ kh] (low q) yeʾasef weʾekaved beʿeyney yehwah weʾlohay hayah ʿuziy׃

⁶ וַיֹּ֗אמֶר נָקֵ֨ל מִֽהְיֹותְךָ֥ לִי֙ עֶ֔בֶד לְהָקִים֙ אֶת־שִׁבְטֵ֣י יַעֲקֹ֔ב [וּנְצִירֵי כ] (וּנְצוּרֵ֥י ק) יִשְׂרָאֵ֖ל לְהָשִׁ֑יב וּנְתַתִּ֙יךָ֙ לְאֹ֣ור גֹּויִ֔ם לִֽהְיֹ֥ות יְשׁוּעָתִ֖י עַד־קְצֵ֥ה הָאָֽרֶץ׃ ס wayoʾmer naqel miheyowtekha liy ʿeved lehaqiym ʾet־shiveṭey yaʿaqov [unetsiyrey kh] (unetsurey q) yiseraʾel lehashiyv unetatiykha leʾowr gowyim liheyowt yeshuʿatiy ʿad־qetseh haʾarets׃ s

⁷ כֹּ֣ה אָֽמַר־יְהוָה֩ גֹּאֵ֨ל יִשְׂרָאֵ֜ל קְדֹושֹׁ֗ו לִבְזֹה־נֶ֜פֶשׁ לִמְתָ֤עֵֽב גֹּוי֙ לְעֶ֣בֶד מֹשְׁלִ֔ים מְלָכִים֙ יִרְא֣וּ וָקָ֔מוּ שָׂרִ֖ים וְיִֽשְׁתַּחֲוּ֑וּ לְמַ֤עַן יְהוָה֙ אֲשֶׁ֣ר נֶאֱמָ֔ן קְדֹ֥שׁ יִשְׂרָאֵ֖ל וַיִּבְחָרֶֽךָּ׃ koh ʾamar־yehwah goʾel yiseraʾel qedowshow livezoh־nefesh limetaʿev gowy leʿeved mosheliym melakhiym yireʾu waqamu sariym weyishetaḥauu lemaʿan yehwah ʾasher neʾeman qedosh yiseraʾel wayiveḥareka׃

⁸ כֹּ֣ה ׀ אָמַ֣ר יְהוָ֗ה בְּעֵ֤ת רָצֹון֙ עֲנִיתִ֔יךָ וּבְיֹ֥ום יְשׁוּעָ֖ה עֲזַרְתִּ֑יךָ וְאֶצָּרְךָ֗ וְאֶתֶּנְךָ֙ לִבְרִ֣ית עָ֔ם לְהָקִ֣ים אֶ֔רֶץ לְהַנְחִ֖יל נְחָלֹ֥ות שֹׁמֵמֹֽות׃ koh ׀ ʾamar yehwah beʿet ratsown ʿaniytiykha uveyowm yeshuʿah ʿazaretiykha weʾetsarekha weʾetenekha liveriyt ʿam lehaqiym ʾerets lehaneḥiyl neḥalowt shomemowt׃

⁹ לֵאמֹ֤ר לַֽאֲסוּרִים֙ צֵ֔אוּ לַאֲשֶׁ֥ר בַּחֹ֖שֶׁךְ הִגָּל֑וּ עַל־דְּרָכִ֣ים יִרְע֔וּ וּבְכָל־שְׁפָיִ֖ים מַרְעִיתָֽם׃ leʾmor laʾasuriym tseʾu laʾasher baḥoshekhe higalu ʿal־derakhiym yireʿu uvekhal־shefayiym mareʿiytam׃

¹⁰ לֹ֤א יִרְעָ֙בוּ֙ וְלֹ֣א יִצְמָ֔אוּ וְלֹא־יַכֵּ֥ם שָׁרָ֖ב וָשָׁ֑מֶשׁ כִּי־מְרַחֲמָ֣ם יְנַהֲגֵ֔ם וְעַל־מַבּ֥וּעֵי מַ֖יִם יְנַהֲלֵֽם׃ loʾ yireʿavu weloʾ yitsemaʾu weloʾ־yakem sharav washamesh kiy־meraḥamam yenahagem weʿal־mabuʿey mayim yenahalem׃

¹¹ וְשַׂמְתִּ֥י כָל־הָרַ֖י לַדָּ֑רֶךְ וּמְסִלֹּתַ֖י יְרֻמֽוּן׃ wesametiy khal־haray ladarekhe umesilotay yerumun׃

¹² הִנֵּה־אֵ֕לֶּה מֵרָחֹ֖וק יָבֹ֑אוּ וְהִֽנֵּה־אֵ֙לֶּה֙ מִצָּפֹ֣ון וּמִיָּ֔ם וְאֵ֖לֶּה מֵאֶ֥רֶץ סִינִֽים׃ hineh־ʾeleh meraḥowq yavoʾu wehineh־ʾeleh mitsafown umiyam weʾeleh meʾerets siyniym׃

¹³ רָנּ֤וּ שָׁמַ֙יִם֙ וְגִ֣ילִי אָ֔רֶץ [יִפְצְחוּ כ] (וּפִצְח֥וּ ק) הָרִ֖ים רִנָּ֑ה כִּֽי־נִחַ֤ם יְהוָה֙ עַמֹּ֔ו וַעֲנִיָּ֖ו יְרַחֵֽם׃ ס ranu shamayim wegiyliy ʾarets [yifetseḥu kh] (ufitseḥu q) hariym rinah kiy־niḥam yehwah ʿamow waʿaniyaw yeraḥem׃ s

¹⁴ וַתֹּ֥אמֶר צִיֹּ֖ון עֲזָבַ֣נִי יְהוָ֑ה וַאדֹנָ֖י שְׁכֵחָֽנִי׃ watoʾmer tsiyown ʿazavaniy yehwah waʾdonay shekheḥaniy׃

¹⁵ הֲתִשְׁכַּ֤ח אִשָּׁה֙ עוּלָ֔הּ מֵרַחֵ֖ם בֶּן־בִּטְנָ֑הּ גַּם־אֵ֣לֶּה תִשְׁכַּ֔חְנָה וְאָנֹכִ֖י לֹ֥א אֶשְׁכָּחֵֽךְ׃ hatishekaḥ ʾishah ʿulah meraḥem ben־biṭenah gam־ʾeleh tishekaḥenah weʾanokhiy loʾ ʾeshekaḥekhe׃

¹⁶ הֵ֥ן עַל־כַּפַּ֖יִם חַקֹּתִ֑יךְ חֹומֹתַ֥יִךְ נֶגְדִּ֖י תָּמִֽיד׃ hen ʿal־kapayim ḥaqotiykhe ḥowmotayikhe negediy tamiyd׃

¹⁷ מִֽהֲר֖וּ בָּנָ֑יִךְ מְהָֽרְסַ֥יִךְ וּמַחֲרִבַ֖יִךְ מִמֵּ֥ךְ יֵצֵֽאוּ׃ miharu banayikhe meharesayikhe umaḥarivayikhe mimekhe yetseʾu׃

¹⁸ שְׂאִֽי־סָבִ֤יב עֵינַ֙יִךְ֙ וּרְאִ֔י כֻּלָּ֖ם נִקְבְּצ֣וּ בָֽאוּ־לָ֑ךְ חַי־אָ֣נִי נְאֻם־יְהוָ֗ה כִּ֤י כֻלָּם֙ כָּעֲדִ֣י תִלְבָּ֔שִׁי וּֽתְקַשְּׁרִ֖ים כַּכַּלָּֽה׃ seʾiy־saviyv ʿeynayikhe ureʾiy kulam niqebetsu vaʾu־lakhe ḥay־ʾaniy neʾum־yehwah kiy khulam kaʿadiy tilebashiy uteqasheriym kakalah׃

¹⁹ כִּ֤י חָרְבֹתַ֙יִךְ֙ וְשֹׁ֣מְמֹתַ֔יִךְ וְאֶ֖רֶץ הֲרִֽסֻתֵ֑יךְ כִּ֤י עַתָּה֙ תֵּצְרִ֣י מִיֹּושֵׁ֔ב וְרָחֲק֖וּ מְבַלְּעָֽיִךְ׃ kiy ḥarevotayikhe weshomemotayikhe weʾerets harisuteykhe kiy ʿatah tetseriy miyowshev weraḥaqu mevaleʿayikhe׃

²⁰ עֹ֚וד יֹאמְר֣וּ בְאָזְנַ֔יִךְ בְּנֵ֖י שִׁכֻּלָ֑יִךְ צַר־לִ֥י הַמָּקֹ֖ום גְּשָׁה־לִּ֥י וְאֵשֵֽׁבָה׃ ʿowd yoʾmeru veʾazenayikhe beney shikulayikhe tsar־liy hamaqowm geshah־liy weʾeshevah׃

²¹ וְאָמַ֣רְתְּ בִּלְבָבֵ֗ךְ מִ֤י יָֽלַד־לִי֙ אֶת־אֵ֔לֶּה וַאֲנִ֥י שְׁכוּלָ֖ה וְגַלְמוּדָ֑ה גֹּלָ֣ה ׀ וְסוּרָ֗ה וְאֵ֙לֶּה֙ מִ֣י גִדֵּ֔ל הֵ֤ן אֲנִי֙ נִשְׁאַ֣רְתִּי לְבַדִּ֔י אֵ֖לֶּה אֵיפֹ֥ה הֵֽם׃ פ weʾamarete bilevavekhe miy yalad־liy ʾet־ʾeleh waʾaniy shekhulah wegalemudah golah ׀ wesurah weʾeleh miy gidel hen ʾaniy nisheʾaretiy levadiy ʾeleh ʾeyfoh hem׃ f

²² כֹּֽה־אָמַ֞ר אֲדֹנָ֣י יְהוִ֗ה הִנֵּ֨ה אֶשָּׂ֤א אֶל־גֹּויִם֙ יָדִ֔י וְאֶל־עַמִּ֖ים אָרִ֣ים נִסִּ֑י וְהֵבִ֤יאוּ בָנַ֙יִךְ֙ בְּחֹ֔צֶן וּבְנֹתַ֖יִךְ עַל־כָּתֵ֥ף תִּנָּשֶֽׂאנָה׃ koh־ʾamar ʾadonay yehwih hineh ʾesaʾ ʾel־gowyim yadiy weʾel־ʿamiym ʾariym nisiy weheviyʾu vanayikhe beḥotsen uvenotayikhe ʿal־katef tinaseʾnah׃

²³ וְהָי֨וּ מְלָכִ֜ים אֹֽמְנַ֗יִךְ וְשָׂרֹֽותֵיהֶם֙ מֵינִ֣יקֹתַ֔יִךְ אַפַּ֗יִם אֶ֚רֶץ יִשְׁתַּ֣חֲווּ לָ֔ךְ וַעֲפַ֥ר רַגְלַ֖יִךְ יְלַחֵ֑כוּ וְיָדַ֙עַתְּ֙ כִּֽי־אֲנִ֣י יְהוָ֔ה אֲשֶׁ֥ר לֹֽא־יֵבֹ֖שׁוּ קֹוָֽי׃ ס wehayu melakhiym ʾomenayikhe wesarowteyhem meyniyqotayikhe ʾapayim ʾerets yishetaḥawu lakhe waʿafar ragelayikhe yelaḥekhu weyadaʿate kiy־ʾaniy yehwah ʾasher loʾ־yevoshu qoway׃ s

²⁴ הֲיֻקַּ֥ח מִגִּבֹּ֖ור מַלְקֹ֑וחַ וְאִם־שְׁבִ֥י צַדִּ֖יק יִמָּלֵֽט׃ hayuqaḥ migibowr maleqowḥa weʾim־sheviy tsadiyq yimaleṭ׃

²⁵ כִּי־כֹ֣ה ׀ אָמַ֣ר יְהוָ֗ה גַּם־שְׁבִ֤י גִבֹּור֙ יֻקָּ֔ח וּמַלְקֹ֥וחַ עָרִ֖יץ יִמָּלֵ֑ט וְאֶת־יְרִיבֵךְ֙ אָנֹכִ֣י אָרִ֔יב וְאֶת־בָּנַ֖יִךְ אָנֹכִ֥י אֹושִֽׁיעַ׃ kiy־khoh ׀ ʾamar yehwah gam־sheviy gibowr yuqaḥ umaleqowḥa ʿariyts yimaleṭ weʾet־yeriyvekhe ʾanokhiy ʾariyv weʾet־banayikhe ʾanokhiy ʾowshiyʿa׃

²⁶ וְהַאֲכַלְתִּ֤י אֶת־מֹונַ֙יִךְ֙ אֶת־בְּשָׂרָ֔ם וְכֶעָסִ֖יס דָּמָ֣ם יִשְׁכָּר֑וּן וְיָדְע֣וּ כָל־בָּשָׂ֗ר כִּ֣י אֲנִ֤י יְהוָה֙ מֹֽושִׁיעֵ֔ךְ וְגֹאֲלֵ֖ךְ אֲבִ֥יר יַעֲקֹֽב׃ ס wehaʾakhaletiy ʾet־mownayikhe ʾet־besaram wekheʿasiys damam yishekarun weyadeʿu khal־basar kiy ʾaniy yehwah mowshiyʿekhe wegoʾalekhe ʾaviyr yaʿaqov׃ s