1 וַיְמַ֤ן יְהוָה֙ דָּ֣ג גָּדֹ֔ול לִבְלֹ֖עַ אֶת־יֹונָ֑ה וַיְהִ֤י יֹונָה֙ בִּמְעֵ֣י הַדָּ֔ג שְׁלֹשָׁ֥ה יָמִ֖ים וּשְׁלֹשָׁ֥ה לֵילֹֽות׃ wayeman yehwah dag gadowl liveloaʿ ʾet־yownah wayehiy yownah bimeʿey hadag sheloshah yamiym usheloshah leylowt׃

2 וַיִּתְפַּלֵּ֣ל יֹונָ֔ה אֶל־יְהוָ֖ה אֱלֹהָ֑יו מִמְּעֵ֖י הַדָּגָֽה׃ wayitepalel yownah ʾel־yehwah ʾelohayw mimeʿey hadagah׃

3 וַיֹּ֗אמֶר קָ֠רָאתִי מִצָּ֥רָה לִ֛י אֶל־יְהוָ֖ה וַֽיַּעֲנֵ֑נִי מִבֶּ֧טֶן שְׁאֹ֛ול שִׁוַּ֖עְתִּי שָׁמַ֥עְתָּ קֹולִֽי׃ wayoʾmer qaraʾtiy mitsarah liy ʾel־yehwah wayaʿaneniy mibeṭen sheʾowl shiuaʿetiy shamaʿeta qowliy׃

4 וַתַּשְׁלִיכֵ֤נִי מְצוּלָה֙ בִּלְבַ֣ב יַמִּ֔ים וְנָהָ֖ר יְסֹבְבֵ֑נִי כָּל־מִשְׁבָּרֶ֥יךָ וְגַלֶּ֖יךָ עָלַ֥י עָבָֽרוּ׃ watasheliykheniy metsulah bilevav yamiym wenahar yesoveveniy kal־mishebareykha wegaleykha ʿalay ʿavaru׃

5 וַאֲנִ֣י אָמַ֔רְתִּי נִגְרַ֖שְׁתִּי מִנֶּ֣גֶד עֵינֶ֑יךָ אַ֚ךְ אֹוסִ֣יף לְהַבִּ֔יט אֶל־הֵיכַ֖ל קָדְשֶֽׁךָ׃ waʾaniy ʾamaretiy nigerashetiy mineged ʿeyneykha ʾakhe ʾowsiyf lehabiyṭ ʾel־heykhal qadeshekha׃

6 אֲפָפ֤וּנִי מַ֙יִם֙ עַד־נֶ֔פֶשׁ תְּהֹ֖ום יְסֹבְבֵ֑נִי ס֖וּף חָב֥וּשׁ לְרֹאשִֽׁי׃ ʾafafuniy mayim ʿad־nefesh tehowm yesoveveniy suf ḥavush leroʾshiy׃

7 לְקִצְבֵ֤י הָרִים֙ יָרַ֔דְתִּי הָאָ֛רֶץ בְּרִחֶ֥יהָ בַעֲדִ֖י לְעֹולָ֑ם וַתַּ֧עַל מִשַּׁ֛חַת חַיַּ֖י יְהוָ֥ה אֱלֹהָֽי׃ leqitsevey hariym yaradetiy haʾarets beriḥeyha vaʿadiy leʿowlam wataʿal mishaḥat ḥayay yehwah ʾelohay׃

8 בְּהִתְעַטֵּ֤ף עָלַי֙ נַפְשִׁ֔י אֶת־יְהוָ֖ה זָכָ֑רְתִּי וַתָּבֹ֤וא אֵלֶ֙יךָ֙ תְּפִלָּתִ֔י אֶל־הֵיכַ֖ל קָדְשֶֽׁךָ׃ behiteʿaṭef ʿalay nafeshiy ʾet־yehwah zakharetiy watavowʾ ʾeleykha tefilatiy ʾel־heykhal qadeshekha׃

9 מְשַׁמְּרִ֖ים הַבְלֵי־שָׁ֑וְא חַסְדָּ֖ם יַעֲזֹֽבוּ׃ meshameriym haveley־shaweʾ ḥasedam yaʿazovu׃

10 וַאֲנִ֗י בְּקֹ֤ול תֹּודָה֙ אֶזְבְּחָה־לָּ֔ךְ אֲשֶׁ֥ר נָדַ֖רְתִּי אֲשַׁלֵּ֑מָה יְשׁוּעָ֖תָה לַיהוָֽה׃ ס waʾaniy beqowl towdah ʾezebeḥah־lakhe ʾasher nadaretiy ʾashalemah yeshuʿatah layhwah׃ s

11 וַיֹּ֥אמֶר יְהוָ֖ה לַדָּ֑ג וַיָּקֵ֥א אֶת־יֹונָ֖ה אֶל־הַיַּבָּשָֽׁה׃ פ wayoʾmer yehwah ladag wayaqeʾ ʾet־yownah ʾel־hayabashah׃ f