Genèse 11

¹ וַֽיְהִ֥י כָל־הָאָ֖רֶץ שָׂפָ֣ה אֶחָ֑ת וּדְבָרִ֖ים אֲחָדִֽים׃ wayehiy khal־haʾarets safah ʾeḥat udevariym ʾaḥadiym׃

² וַֽיְהִ֖י בְּנָסְעָ֣ם מִקֶּ֑דֶם וַֽיִּמְצְא֥וּ בִקְעָ֛ה בְּאֶ֥רֶץ שִׁנְעָ֖ר וַיֵּ֥שְׁבוּ שָֽׁם׃ wayehiy benaseʿam miqedem wayimetseʾu viqeʿah beʾerets shineʿar wayeshevu sham׃

³ וַיֹּאמְר֞וּ אִ֣ישׁ אֶל־רֵעֵ֗הוּ הָ֚בָה נִלְבְּנָ֣ה לְבֵנִ֔ים וְנִשְׂרְפָ֖ה לִשְׂרֵפָ֑ה וַתְּהִ֨י לָהֶ֤ם הַלְּבֵנָה֙ לְאָ֔בֶן וְהַ֣חֵמָ֔ר הָיָ֥ה לָהֶ֖ם לַחֹֽמֶר׃ wayoʾmeru ʾiysh ʾel־reʿehu havah nilebenah leveniym weniserefah liserefah watehiy lahem halevenah leʾaven wehaḥemar hayah lahem laḥomer׃

⁴ וַיֹּאמְר֞וּ הָ֣בָה ׀ נִבְנֶה־לָּ֣נוּ עִ֗יר וּמִגְדָּל֙ וְרֹאשֹׁ֣ו בַשָּׁמַ֔יִם וְנַֽעֲשֶׂה־לָּ֖נוּ שֵׁ֑ם פֶּן־נָפ֖וּץ עַל־פְּנֵ֥י כָל־הָאָֽרֶץ׃ wayoʾmeru havah ׀ niveneh־lanu ʿiyr umigedal weroʾshow vashamayim wenaʿaseh־lanu shem pen־nafuts ʿal־peney khal־haʾarets׃

⁵ וַיֵּ֣רֶד יְהוָ֔ה לִרְאֹ֥ת אֶת־הָעִ֖יר וְאֶת־הַמִּגְדָּ֑ל אֲשֶׁ֥ר בָּנ֖וּ בְּנֵ֥י הָאָדָֽם׃ wayered yehwah lireʾot ʾet־haʿiyr weʾet־hamigedal ʾasher banu beney haʾadam׃

⁶ וַיֹּ֣אמֶר יְהוָ֗ה הֵ֣ן עַ֤ם אֶחָד֙ וְשָׂפָ֤ה אַחַת֙ לְכֻלָּ֔ם וְזֶ֖ה הַחִלָּ֣ם לַעֲשֹׂ֑ות וְעַתָּה֙ לֹֽא־יִבָּצֵ֣ר מֵהֶ֔ם כֹּ֛ל אֲשֶׁ֥ר יָזְמ֖וּ לַֽעֲשֹֽׂות׃ wayoʾmer yehwah hen ʿam ʾeḥad wesafah ʾaḥat lekhulam wezeh haḥilam laʿasowt weʿatah loʾ־yibatser mehem kol ʾasher yazemu laʿasowt׃

⁷ הָ֚בָה נֵֽרְדָ֔ה וְנָבְלָ֥ה שָׁ֖ם שְׂפָתָ֑ם אֲשֶׁר֙ לֹ֣א יִשְׁמְע֔וּ אִ֖ישׁ שְׂפַ֥ת רֵעֵֽהוּ׃ havah neredah wenavelah sham sefatam ʾasher loʾ yishemeʿu ʾiysh sefat reʿehu׃

⁸ וַיָּ֨פֶץ יְהוָ֥ה אֹתָ֛ם מִשָּׁ֖ם עַל־פְּנֵ֣י כָל־הָאָ֑רֶץ וַֽיַּחְדְּל֖וּ לִבְנֹ֥ת הָעִֽיר׃ wayafets yehwah ʾotam misham ʿal־peney khal־haʾarets wayaḥedelu livenot haʿiyr׃

⁹ עַל־כֵּ֞ן קָרָ֤א שְׁמָהּ֙ בָּבֶ֔ל כִּי־שָׁ֛ם בָּלַ֥ל יְהוָ֖ה שְׂפַ֣ת כָּל־הָאָ֑רֶץ וּמִשָּׁם֙ הֱפִיצָ֣ם יְהוָ֔ה עַל־פְּנֵ֖י כָּל־הָאָֽרֶץ׃ פ ʿal־ken qaraʾ shemah bavel kiy־sham balal yehwah sefat kal־haʾarets umisham hefiytsam yehwah ʿal־peney kal־haʾarets׃ f

¹⁰ אֵ֚לֶּה תֹּולְדֹ֣ת שֵׁ֔ם ם בֶּן־מְאַ֣ת שָׁנָ֔ה וַיֹּ֖ולֶד אֶת־אַרְפַּכְשָׁ֑ד שְׁנָתַ֖יִם אַחַ֥ר הַמַּבּֽוּל׃ ʾeleh towledot shem m ben־meʾat shanah wayowled ʾet־ʾarepakheshad shenatayim ʾaḥar hamabul׃

¹¹ וַֽיְחִי־שֵׁ֗ם אַֽחֲרֵי֙ הֹולִידֹ֣ו אֶת־אַרְפַּכְשָׁ֔ד חֲמֵ֥שׁ מֵאֹ֖ות שָׁנָ֑ה וַיֹּ֥ולֶד בָּנִ֖ים וּבָנֹֽות׃ ס wayeḥiy־shem ʾaḥarey howliydow ʾet־ʾarepakheshad ḥamesh meʾowt shanah wayowled baniym uvanowt׃ s

¹² וְאַרְפַּכְשַׁ֣ד חַ֔י חָמֵ֥שׁ וּשְׁלֹשִׁ֖ים שָׁנָ֑ה וַיֹּ֖ולֶד אֶת־שָֽׁלַח׃ weʾarepakheshad ḥay ḥamesh usheloshiym shanah wayowled ʾet־shalaḥ׃

¹³ וַֽיְחִ֣י אַרְפַּכְשַׁ֗ד אַֽחֲרֵי֙ הֹולִידֹ֣ו אֶת־שֶׁ֔לַח שָׁלֹ֣שׁ שָׁנִ֔ים וְאַרְבַּ֥ע מֵאֹ֖ות שָׁנָ֑ה וַיֹּ֥ולֶד בָּנִ֖ים וּבָנֹֽות׃ ס wayeḥiy ʾarepakheshad ʾaḥarey howliydow ʾet־shelaḥ shalosh shaniym weʾarebaʿ meʾowt shanah wayowled baniym uvanowt׃ s

¹⁴ וְשֶׁ֥לַח חַ֖י שְׁלֹשִׁ֣ים שָׁנָ֑ה וַיֹּ֖ולֶד אֶת־עֵֽבֶר׃ weshelaḥ ḥay sheloshiym shanah wayowled ʾet־ʿever׃

¹⁵ וַֽיְחִי־שֶׁ֗לַח אַחֲרֵי֙ הֹולִידֹ֣ו אֶת־עֵ֔בֶר שָׁלֹ֣שׁ שָׁנִ֔ים וְאַרְבַּ֥ע מֵאֹ֖ות שָׁנָ֑ה וַיֹּ֥ולֶד בָּנִ֖ים וּבָנֹֽות׃ ס wayeḥiy־shelaḥ ʾaḥarey howliydow ʾet־ʿever shalosh shaniym weʾarebaʿ meʾowt shanah wayowled baniym uvanowt׃ s

¹⁶ וַֽיְחִי־עֵ֕בֶר אַרְבַּ֥ע וּשְׁלֹשִׁ֖ים שָׁנָ֑ה וַיֹּ֖ולֶד אֶת־פָּֽלֶג׃ wayeḥiy־ʿever ʾarebaʿ usheloshiym shanah wayowled ʾet־paleg׃

¹⁷ וַֽיְחִי־עֵ֗בֶר אַחֲרֵי֙ הֹולִידֹ֣ו אֶת־פֶּ֔לֶג שְׁלֹשִׁ֣ים שָׁנָ֔ה וְאַרְבַּ֥ע מֵאֹ֖ות שָׁנָ֑ה וַיֹּ֥ולֶד בָּנִ֖ים וּבָנֹֽות׃ ס wayeḥiy־ʿever ʾaḥarey howliydow ʾet־peleg sheloshiym shanah weʾarebaʿ meʾowt shanah wayowled baniym uvanowt׃ s

¹⁸ וַֽיְחִי־פֶ֖לֶג שְׁלֹשִׁ֣ים שָׁנָ֑ה וַיֹּ֖ולֶד אֶת־רְעֽוּ׃ wayeḥiy־feleg sheloshiym shanah wayowled ʾet־reʿu׃

¹⁹ וַֽיְחִי־פֶ֗לֶג אַחֲרֵי֙ הֹולִידֹ֣ו אֶת־רְע֔וּ תֵּ֥שַׁע שָׁנִ֖ים וּמָאתַ֣יִם שָׁנָ֑ה וַיֹּ֥ולֶד בָּנִ֖ים וּבָנֹֽות׃ ס wayeḥiy־feleg ʾaḥarey howliydow ʾet־reʿu teshaʿ shaniym umaʾtayim shanah wayowled baniym uvanowt׃ s

²⁰ וַיְחִ֣י רְע֔וּ שְׁתַּ֥יִם וּשְׁלֹשִׁ֖ים שָׁנָ֑ה וַיֹּ֖ולֶד אֶת־שְׂרֽוּג׃ wayeḥiy reʿu shetayim usheloshiym shanah wayowled ʾet־serug׃

²¹ וַיְחִ֣י רְע֗וּ אַחֲרֵי֙ הֹולִידֹ֣ו אֶת־שְׂר֔וּג שֶׁ֥בַע שָׁנִ֖ים וּמָאתַ֣יִם שָׁנָ֑ה וַיֹּ֥ולֶד בָּנִ֖ים וּבָנֹֽות׃ ס wayeḥiy reʿu ʾaḥarey howliydow ʾet־serug shevaʿ shaniym umaʾtayim shanah wayowled baniym uvanowt׃ s

²² וַיְחִ֥י שְׂר֖וּג שְׁלֹשִׁ֣ים שָׁנָ֑ה וַיֹּ֖ולֶד אֶת־נָחֹֽור׃ wayeḥiy serug sheloshiym shanah wayowled ʾet־naḥowr׃

²³ וַיְחִ֣י שְׂר֗וּג אַחֲרֵ֛י הֹולִידֹ֥ו אֶת־נָחֹ֖ור מָאתַ֣יִם שָׁנָ֑ה וַיֹּ֥ולֶד בָּנִ֖ים וּבָנֹֽות׃ ס wayeḥiy serug ʾaḥarey howliydow ʾet־naḥowr maʾtayim shanah wayowled baniym uvanowt׃ s

²⁴ וַיְחִ֣י נָחֹ֔ור תֵּ֥שַׁע וְעֶשְׂרִ֖ים שָׁנָ֑ה וַיֹּ֖ולֶד אֶת־תָּֽרַח׃ wayeḥiy naḥowr teshaʿ weʿeseriym shanah wayowled ʾet־taraḥ׃

²⁵ וַיְחִ֣י נָחֹ֗ור אַחֲרֵי֙ הֹולִידֹ֣ו אֶת־תֶּ֔רַח תְּשַֽׁע־עֶשְׂרֵ֥ה שָׁנָ֖ה וּמְאַ֣ת שָׁנָ֑ה וַיֹּ֥ולֶד בָּנִ֖ים וּבָנֹֽות׃ ס wayeḥiy naḥowr ʾaḥarey howliydow ʾet־teraḥ teshaʿ־ʿesereh shanah umeʾat shanah wayowled baniym uvanowt׃ s

²⁶ וַֽיְחִי־תֶ֖רַח שִׁבְעִ֣ים שָׁנָ֑ה וַיֹּ֙ולֶד֙ אֶת־אַבְרָ֔ם אֶת־נָחֹ֖ור וְאֶת־הָרָֽן׃ wayeḥiy־teraḥ shiveʿiym shanah wayowled ʾet־ʾaveram ʾet־naḥowr weʾet־haran׃

²⁷ וְאֵ֙לֶּה֙ תֹּולְדֹ֣ת תֶּ֔רַח תֶּ֚רַח הֹולִ֣יד אֶת־אַבְרָ֔ם אֶת־נָחֹ֖ור וְאֶת־הָרָ֑ן וְהָרָ֖ן הֹולִ֥יד אֶת־לֹֽוט׃ weʾeleh towledot teraḥ teraḥ howliyd ʾet־ʾaveram ʾet־naḥowr weʾet־haran weharan howliyd ʾet־lowṭ׃

²⁸ וַיָּ֣מָת הָרָ֔ן עַל־פְּנֵ֖י תֶּ֣רַח אָבִ֑יו בְּאֶ֥רֶץ מֹולַדְתֹּ֖ו בְּא֥וּר כַּשְׂדִּֽים׃ wayamat haran ʿal־peney teraḥ ʾaviyw beʾerets mowladetow beʾur kasediym׃

²⁹ וַיִּקַּ֨ח אַבְרָ֧ם וְנָחֹ֛ור לָהֶ֖ם נָשִׁ֑ים שֵׁ֤ם אֵֽשֶׁת־אַבְרָם֙ שָׂרָ֔י וְשֵׁ֤ם אֵֽשֶׁת־נָחֹור֙ מִלְכָּ֔ה בַּת־הָרָ֥ן אֲבִֽי־מִלְכָּ֖ה וַֽאֲבִ֥י יִסְכָּֽה׃ wayiqaḥ ʾaveram wenaḥowr lahem nashiym shem ʾeshet־ʾaveram saray weshem ʾeshet־naḥowr milekah bat־haran ʾaviy־milekah waʾaviy yisekah׃

³⁰ וַתְּהִ֥י שָׂרַ֖י עֲקָרָ֑ה אֵ֥ין לָ֖הּ וָלָֽד׃ watehiy saray ʿaqarah ʾeyn lah walad׃

³¹ וַיִּקַּ֨ח תֶּ֜רַח אֶת־אַבְרָ֣ם בְּנֹ֗ו וְאֶת־לֹ֤וט בֶּן־הָרָן֙ בֶּן־בְּנֹ֔ו וְאֵת֙ שָׂרַ֣י כַּלָּתֹ֔ו אֵ֖שֶׁת אַבְרָ֣ם בְּנֹ֑ו וַיֵּצְא֨וּ אִתָּ֜ם מֵא֣וּר כַּשְׂדִּ֗ים לָלֶ֙כֶת֙ אַ֣רְצָה כְּנַ֔עַן וַיָּבֹ֥אוּ עַד־חָרָ֖ן וַיֵּ֥שְׁבוּ שָֽׁם׃ wayiqaḥ teraḥ ʾet־ʾaveram benow weʾet־lowṭ ben־haran ben־benow weʾet saray kalatow ʾeshet ʾaveram benow wayetseʾu ʾitam meʾur kasediym lalekhet ʾaretsah kenaʿan wayavoʾu ʿad־ḥaran wayeshevu sham׃

³² וַיִּהְי֣וּ יְמֵי־תֶ֔רַח חָמֵ֥שׁ שָׁנִ֖ים וּמָאתַ֣יִם שָׁנָ֑ה וַיָּ֥מָת תֶּ֖רַח בְּחָרָֽן׃ ס wayiheyu yemey־teraḥ ḥamesh shaniym umaʾtayim shanah wayamat teraḥ beḥaran׃ s