Psaumes 37

¹ לְדָוִ֨ד ׀ אַל־תִּתְחַ֥ר בַּמְּרֵעִ֑ים אַל־תְּ֝קַנֵּ֗א בְּעֹשֵׂ֥י עַוְלָֽה׃ ledawid ׀ ʾal־titeḥar bamereʿiym ʾal־teqaneʾ beʿosey ʿawelah׃

² כִּ֣י כֶ֭חָצִיר מְהֵרָ֣ה יִמָּ֑לוּ וּכְיֶ֥רֶק דֶּ֝֗שֶׁא יִבֹּולֽוּן׃ kiy kheḥatsiyr meherah yimalu ukheyereq desheʾ yibowlun׃

³ בְּטַ֣ח בַּֽ֭יהוָה וַעֲשֵׂה־טֹ֑וב שְׁכָן־אֶ֝֗רֶץ וּרְעֵ֥ה אֱמוּנָֽה׃ beṭaḥ bayhwah waʿaseh־ṭowv shekhan־ʾerets ureʿeh ʾemunah׃

⁴ וְהִתְעַנַּ֥ג עַל־יְהוָ֑ה וְיִֽתֶּן־לְ֝ךָ֗ מִשְׁאֲלֹ֥ת לִבֶּֽךָ׃ wehiteʿanag ʿal־yehwah weyiten־lekha misheʾalot libekha׃

⁵ גֹּ֣ול עַל־יְהוָ֣ה דַּרְכֶּ֑ךָ וּבְטַ֥ח עָ֝לָ֗יו וְה֣וּא יַעֲשֶֽׂה׃ gowl ʿal־yehwah darekekha uveṭaḥ ʿalayw wehuʾ yaʿaseh׃

⁶ וְהֹוצִ֣יא כָאֹ֣ור צִדְקֶ֑ךָ וּ֝מִשְׁפָּטֶ֗ךָ כַּֽצָּהֳרָֽיִם׃ wehowtsiyʾ khaʾowr tsideqekha umishepaṭekha katsahorayim׃

⁷ דֹּ֤ום ׀ לַיהוָה֮ וְהִתְחֹ֪ולֵ֫ל לֹ֥ו אַל־תִּ֭תְחַר בְּמַצְלִ֣יחַ דַּרְכֹּ֑ו בְּ֝אִ֗ישׁ עֹשֶׂ֥ה מְזִמֹּֽות׃ dowm ׀ layhwah wehiteḥowlel low ʾal־titeḥar bematseliyḥa darekow beʾiysh ʿoseh mezimowt׃

⁸ הֶ֣רֶף מֵ֭אַף וַעֲזֹ֣ב חֵמָ֑ה אַל־תִּ֝תְחַ֗ר אַךְ־לְהָרֵֽעַ׃ heref meʾaf waʿazov ḥemah ʾal־titeḥar ʾakhe־lehareaʿ׃

⁹ כִּֽי־מְ֭רֵעִים יִכָּרֵת֑וּן וְקֹוֵ֥י יְ֝הוָ֗ה הֵ֣מָּה יִֽירְשׁוּ־אָֽרֶץ׃ kiy־mereʿiym yikaretun weqowey yehwah hemah yiyreshu־ʾarets׃

¹⁰ וְעֹ֣וד מְ֭עַט וְאֵ֣ין רָשָׁ֑ע וְהִתְבֹּונַ֖נְתָּ עַל־מְקֹומֹ֣ו וְאֵינֶֽנּוּ׃ weʿowd meʿaṭ weʾeyn rashaʿ wehitebownaneta ʿal־meqowmow weʾeynenu׃

¹¹ וַעֲנָוִ֥ים יִֽירְשׁוּ־אָ֑רֶץ וְ֝הִתְעַנְּג֗וּ עַל־רֹ֥ב שָׁלֹֽום׃ waʿanawiym yiyreshu־ʾarets wehiteʿanegu ʿal־rov shalowm׃

¹² זֹמֵ֣ם רָ֭שָׁע לַצַּדִּ֑יק וְחֹרֵ֖ק עָלָ֣יו שִׁנָּֽיו׃ zomem rashaʿ latsadiyq weḥoreq ʿalayw shinayw׃

¹³ אֲדֹנָ֥י יִשְׂחַק־לֹ֑ו כִּֽי־רָ֝אָ֗ה כִּֽי־יָבֹ֥א יֹומֹֽו׃ ʾadonay yiseḥaq־low kiy־raʾah kiy־yavoʾ yowmow׃

¹⁴ חֶ֤רֶב ׀ פָּֽתְח֣וּ רְשָׁעִים֮ וְדָרְכ֪וּ קַ֫שְׁתָּ֥ם לְ֭הַפִּיל עָנִ֣י וְאֶבְיֹ֑ון לִ֝טְבֹ֗וחַ יִשְׁרֵי־דָֽרֶךְ׃ ḥerev ׀ pateḥu reshaʿiym wedarekhu qashetam lehapiyl ʿaniy weʾeveyown liṭevowḥa yisherey־darekhe׃

¹⁵ חַ֭רְבָּם תָּבֹ֣וא בְלִבָּ֑ם וְ֝קַשְּׁתֹותָ֗ם תִּשָּׁבַֽרְנָה׃ ḥarebam tavowʾ velibam weqashetowtam tishavarenah׃

¹⁶ טֹוב־מְ֭עַט לַצַּדִּ֑יק מֵ֝הֲמֹ֗ון רְשָׁעִ֥ים רַבִּֽים׃ ṭowv־meʿaṭ latsadiyq mehamown reshaʿiym rabiym׃

¹⁷ כִּ֤י זְרֹועֹ֣ות רְ֭שָׁעִים תִּשָּׁבַ֑רְנָה וְסֹומֵ֖ךְ צַדִּיקִ֣ים יְהוָֽה׃ kiy zerowʿowt reshaʿiym tishavarenah wesowmekhe tsadiyqiym yehwah׃

¹⁸ יֹודֵ֣עַ יְ֭הוָה יְמֵ֣י תְמִימִ֑ם וְ֝נַחֲלָתָ֗ם לְעֹולָ֥ם תִּהְיֶֽה׃ yowdeaʿ yehwah yemey temiymim wenaḥalatam leʿowlam tiheyeh׃

¹⁹ לֹֽא־יֵ֭בֹשׁוּ בְּעֵ֣ת רָעָ֑ה וּבִימֵ֖י רְעָבֹ֣ון יִשְׂבָּֽעוּ׃ loʾ־yevoshu beʿet raʿah uviymey reʿavown yisebaʿu׃

²⁰ כִּ֤י רְשָׁעִ֨ים ׀ יֹאבֵ֗דוּ וְאֹיְבֵ֣י יְ֭הוָה כִּיקַ֣ר כָּרִ֑ים כָּל֖וּ בֶעָשָׁ֣ן כָּֽלוּ׃ kiy reshaʿiym ׀ yoʾvedu weʾoyevey yehwah kiyqar kariym kalu veʿashan kalu׃

²¹ לֹוֶ֣ה רָ֭שָׁע וְלֹ֣א יְשַׁלֵּ֑ם וְ֝צַדִּ֗יק חֹונֵ֥ן וְנֹותֵֽן׃ loweh rashaʿ weloʾ yeshalem wetsadiyq ḥownen wenowten׃

²² כִּ֣י מְ֭בֹרָכָיו יִ֣ירְשׁוּ אָ֑רֶץ וּ֝מְקֻלָּלָ֗יו יִכָּרֵֽתוּ׃ kiy mevorakhayw yiyreshu ʾarets umequlalayw yikaretu׃

²³ מֵ֭יְהוָה מִֽצְעֲדֵי־גֶ֥בֶר כֹּונָ֗נוּ וְדַרְכֹּ֥ו יֶחְפָּֽץ׃ meyehwah mitseʿadey־gever kownanu wedarekow yeḥepats׃

²⁴ כִּֽי־יִפֹּ֥ל לֹֽא־יוּטָ֑ל כִּֽי־יְ֝הוָ֗ה סֹומֵ֥ךְ יָדֹֽו׃ kiy־yipol loʾ־yuṭal kiy־yehwah sowmekhe yadow׃

²⁵ נַ֤עַר ׀ הָיִ֗יתִי גַּם־זָ֫קַ֥נְתִּי וְֽלֹא־רָ֭אִיתִי צַדִּ֣יק נֶעֱזָ֑ב וְ֝זַרְעֹ֗ו מְבַקֶּשׁ־לָֽחֶם׃ naʿar ׀ hayiytiy gam־zaqanetiy weloʾ־raʾiytiy tsadiyq neʿezav wezareʿow mevaqesh־laḥem׃

²⁶ כָּל־הַ֭יֹּום חֹונֵ֣ן וּמַלְוֶ֑ה וְ֝זַרְעֹ֗ו לִבְרָכָֽה׃ kal־hayowm ḥownen umaleweh wezareʿow liverakhah׃

²⁷ ס֣וּר מֵ֭רָע וַעֲשֵׂה־טֹ֗וב וּשְׁכֹ֥ן לְעֹולָֽם׃ sur meraʿ waʿaseh־ṭowv ushekhon leʿowlam׃

²⁸ כִּ֤י יְהוָ֨ה ׀ אֹ֘הֵ֤ב מִשְׁפָּ֗ט וְלֹא־יַעֲזֹ֣ב אֶת־חֲ֭סִידָיו לְעֹולָ֣ם נִשְׁמָ֑רוּ וְזֶ֖רַע רְשָׁעִ֣ים נִכְרָֽת׃ kiy yehwah ׀ ʾohev mishepaṭ weloʾ־yaʿazov ʾet־ḥasiydayw leʿowlam nishemaru wezeraʿ reshaʿiym nikherat׃

²⁹ צַדִּיקִ֥ים יִֽירְשׁוּ־אָ֑רֶץ וְיִשְׁכְּנ֖וּ לָעַ֣ד עָלֶֽיהָ׃ tsadiyqiym yiyreshu־ʾarets weyishekenu laʿad ʿaleyha׃

³⁰ פִּֽי־צַ֭דִּיק יֶהְגֶּ֣ה חָכְמָ֑ה וּ֝לְשֹׁונֹ֗ו תְּדַבֵּ֥ר מִשְׁפָּֽט׃ piy־tsadiyq yehegeh ḥakhemah uleshownow tedaber mishepaṭ׃

³¹ תֹּורַ֣ת אֱלֹהָ֣יו בְּלִבֹּ֑ו לֹ֖א תִמְעַ֣ד אֲשֻׁרָֽיו׃ towrat ʾelohayw belibow loʾ timeʿad ʾashurayw׃

³² צֹופֶ֣ה רָ֭שָׁע לַצַּדִּ֑יק וּ֝מְבַקֵּ֗שׁ לַהֲמִיתֹו ׃ tsowfeh rashaʿ latsadiyq umevaqesh lahamiytow ׃

³³ יְ֭הוָה לֹא־יַעַזְבֶ֣נּוּ בְיָדֹ֑ו וְלֹ֥א יַ֝רְשִׁיעֶ֗נּוּ בְּהִשָּׁפְטֹֽו׃ yehwah loʾ־yaʿazevenu veyadow weloʾ yareshiyʿenu behishafeṭow׃

³⁴ קַוֵּ֤ה אֶל־יְהוָ֨ה ׀ וּשְׁמֹ֬ר דַּרְכֹּ֗ו וִֽ֭ירֹומִמְךָ לָרֶ֣שֶׁת אָ֑רֶץ בְּהִכָּרֵ֖ת רְשָׁעִ֣ים תִּרְאֶֽה׃ qaueh ʾel־yehwah ׀ ushemor darekow wiyrowmimekha lareshet ʾarets behikaret reshaʿiym tireʾeh׃

³⁵ רָ֭אִיתִי רָשָׁ֣ע עָרִ֑יץ וּ֝מִתְעָרֶ֗ה כְּאֶזְרָ֥ח רַעֲנָֽן׃ raʾiytiy rashaʿ ʿariyts umiteʿareh keʾezeraḥ raʿanan׃

³⁶ וַ֭יַּֽעֲבֹר וְהִנֵּ֣ה אֵינֶ֑נּוּ וָֽ֝אֲבַקְשֵׁ֗הוּ וְלֹ֣א נִמְצָֽא׃ wayaʿavor wehineh ʾeynenu waʾavaqeshehu weloʾ nimetsaʾ׃

³⁷ שְׁמָר־תָּ֭ם וּרְאֵ֣ה יָשָׁ֑ר כִּֽי־אַחֲרִ֖ית לְאִ֣ישׁ שָׁלֹֽום׃ shemar־tam ureʾeh yashar kiy־ʾaḥariyt leʾiysh shalowm׃

³⁸ וּֽ֭פֹשְׁעִים נִשְׁמְד֣וּ יַחְדָּ֑ו אַחֲרִ֖ית רְשָׁעִ֣ים נִכְרָֽתָה׃ ufosheʿiym nishemedu yaḥedaw ʾaḥariyt reshaʿiym nikheratah׃

³⁹ וּתְשׁוּעַ֣ת צַ֭דִּיקִים מֵיְהוָ֑ה מָֽ֝עוּזָּ֗ם בְּעֵ֣ת צָרָֽה׃ uteshuʿat tsadiyqiym meyehwah maʿuzam beʿet tsarah׃

⁴⁰ וַֽיַּעְזְרֵ֥ם יְהוָ֗ה וַֽיְפַ֫לְּטֵ֥ם יְפַלְּטֵ֣ם מֵ֭רְשָׁעִים וְיֹושִׁיעֵ֑ם כִּי־חָ֥סוּ בֹֽו׃ wayaʿezerem yehwah wayefaleṭem yefaleṭem mereshaʿiym weyowshiyʿem kiy־ḥasu vow׃