1 אָמַ֤רְתִּֽי אֲנִי֙ בְּלִבִּ֔י לְכָה־נָּ֛א אֲנַסְּכָ֛ה בְשִׂמְחָ֖ה וּרְאֵ֣ה בְטֹ֑וב וְהִנֵּ֥ה גַם־ה֖וּא הָֽבֶל׃ ʾamaretiy ʾaniy belibiy lekhah־naʾ ʾanasekhah vesimeḥah ureʾeh veṭowv wehineh gam־huʾ havel׃
2 לִשְׂחֹ֖וק אָמַ֣רְתִּי מְהֹולָ֑ל וּלְשִׂמְחָ֖ה מַה־זֹּ֥ה עֹשָֽׂה׃ liseḥowq ʾamaretiy mehowlal ulesimeḥah mah־zoh ʿosah׃
3 תַּ֣רְתִּי בְלִבִּ֔י לִמְשֹׁ֥וךְ בַּיַּ֖יִן אֶת־בְּשָׂרִ֑י וְלִבִּ֞י נֹהֵ֤ג בַּֽחָכְמָה֙ וְלֶאֱחֹ֣ז בְּסִכְל֔וּת עַ֣ד אֲשֶׁר־אֶרְאֶ֗ה אֵי־זֶ֨ה טֹ֜וב לִבְנֵ֤י הָאָדָם֙ אֲשֶׁ֤ר יַעֲשׂוּ֙ תַּ֣חַת הַשָּׁמַ֔יִם מִסְפַּ֖ר יְמֵ֥י חַיֵּיהֶֽם׃ taretiy velibiy limeshowkhe bayayin ʾet־besariy welibiy noheg baḥakhemah weleʾeḥoz besikhelut ʿad ʾasher־ʾereʾeh ʾey־zeh ṭowv liveney haʾadam ʾasher yaʿasu taḥat hashamayim misepar yemey ḥayeyhem׃
4 הִגְדַּ֖לְתִּי מַעֲשָׂ֑י בָּנִ֤יתִי לִי֙ בָּתִּ֔ים נָטַ֥עְתִּי לִ֖י כְּרָמִֽים׃ higedaletiy maʿasay baniytiy liy batiym naṭaʿetiy liy keramiym׃
5 עָשִׂ֣יתִי לִ֔י גַּנֹּ֖ות וּפַרְדֵּסִ֑ים וְנָטַ֥עְתִּי בָהֶ֖ם עֵ֥ץ כָּל־פֶּֽרִי׃ ʿasiytiy liy ganowt ufaredesiym wenaṭaʿetiy vahem ʿets kal־periy׃
6 עָשִׂ֥יתִי לִ֖י בְּרֵכֹ֣ות מָ֑יִם לְהַשְׁקֹ֣ות מֵהֶ֔ם יַ֖עַר צֹומֵ֥חַ עֵצִֽים׃ ʿasiytiy liy berekhowt mayim lehasheqowt mehem yaʿar tsowmeaḥ ʿetsiym׃
7 קָנִ֙יתִי֙ עֲבָדִ֣ים וּשְׁפָחֹ֔ות וּבְנֵי־בַ֖יִת הָ֣יָה לִ֑י גַּ֣ם מִקְנֶה֩ בָקָ֨ר וָצֹ֤אן הַרְבֵּה֙ הָ֣יָה לִ֔י מִכֹּ֛ל שֶֽׁהָי֥וּ לְפָנַ֖י בִּירוּשָׁלִָֽם׃ qaniytiy ʿavadiym ushefaḥowt uveney־vayit hayah liy gam miqeneh vaqar watsoʾn harebeh hayah liy mikol shehayu lefanay biyrushalim׃
8 כָּנַ֤סְתִּי לִי֙ גַּם־כֶּ֣סֶף וְזָהָ֔ב וּסְגֻלַּ֥ת מְלָכִ֖ים וְהַמְּדִינֹ֑ות עָשִׂ֨יתִי לִ֜י שָׁרִ֣ים וְשָׁרֹ֗ות וְתַעֲנוּגֹ֛ת בְּנֵ֥י הָאָדָ֖ם שִׁדָּ֥ה וְשִׁדֹּֽות׃ kanasetiy liy gam־kesef wezahav usegulat melakhiym wehamediynowt ʿasiytiy liy shariym wesharowt wetaʿanugot beney haʾadam shidah weshidowt׃
9 וְגָדַ֣לְתִּי וְהֹוסַ֔פְתִּי מִכֹּ֛ל שֶׁהָיָ֥ה לְפָנַ֖י בִּירוּשָׁלִָ֑ם אַ֥ף חָכְמָתִ֖י עָ֥מְדָה לִּֽי׃ wegadaletiy wehowsafetiy mikol shehayah lefanay biyrushalim ʾaf ḥakhematiy ʿamedah liy׃
10 וְכֹל֙ אֲשֶׁ֣ר שָֽׁאֲל֣וּ עֵינַ֔י לֹ֥א אָצַ֖לְתִּי מֵהֶ֑ם לֹֽא־מָנַ֨עְתִּי אֶת־לִבִּ֜י מִכָּל־שִׂמְחָ֗ה כִּֽי־לִבִּ֤י שָׂמֵ֙חַ֙ מִכָּל־עֲמָלִ֔י וְזֶֽה־הָיָ֥ה חֶלְקִ֖י מִכָּל־עֲמָלִֽי׃ wekhol ʾasher shaʾalu ʿeynay loʾ ʾatsaletiy mehem loʾ־manaʿetiy ʾet־libiy mikal־simeḥah kiy־libiy sameaḥ mikal־ʿamaliy wezeh־hayah ḥeleqiy mikal־ʿamaliy׃
11 וּפָנִ֣יתִֽי אֲנִ֗י בְּכָל־מַעֲשַׂי֙ שֶֽׁעָשׂ֣וּ יָדַ֔י וּבֶֽעָמָ֖ל שֶׁעָמַ֣לְתִּי לַעֲשֹׂ֑ות וְהִנֵּ֨ה הַכֹּ֥ל הֶ֙בֶל֙ וּרְע֣וּת ר֔וּחַ וְאֵ֥ין יִתְרֹ֖ון תַּ֥חַת הַשָּֽׁמֶשׁ׃ ufaniytiy ʾaniy bekhal־maʿasay sheʿasu yaday uveʿamal sheʿamaletiy laʿasowt wehineh hakol hevel ureʿut ruaḥ weʾeyn yiterown taḥat hashamesh׃
12 וּפָנִ֤יתִֽי אֲנִי֙ לִרְאֹ֣ות חָכְמָ֔ה וְהֹולֵלֹ֖ות וְסִכְל֑וּת כִּ֣י ׀ מֶ֣ה הָאָדָ֗ם שֶׁיָּבֹוא֙ אַחֲרֵ֣י הַמֶּ֔לֶךְ אֵ֥ת אֲשֶׁר־כְּבָ֖ר עָשֽׂוּהוּ׃ ufaniytiy ʾaniy lireʾowt ḥakhemah wehowlelowt wesikhelut kiy ׀ meh haʾadam sheyavowʾ ʾaḥarey hamelekhe ʾet ʾasher־kevar ʿasuhu׃
13 וְרָאִ֣יתִי אָ֔נִי שֶׁיֵּ֥שׁ יִתְרֹ֛ון לַֽחָכְמָ֖ה מִן־הַסִּכְל֑וּת כִּֽיתְרֹ֥ון הָאֹ֖ור מִן־הַחֹֽשֶׁךְ׃ weraʾiytiy ʾaniy sheyesh yiterown laḥakhemah min־hasikhelut kiyterown haʾowr min־haḥoshekhe׃
14 הֶֽחָכָם֙ עֵינָ֣יו בְּרֹאשֹׁ֔ו וְהַכְּסִ֖יל בַּחֹ֣שֶׁךְ הֹולֵ֑ךְ וְיָדַ֣עְתִּי גַם־אָ֔נִי שֶׁמִּקְרֶ֥ה אֶחָ֖ד יִקְרֶ֥ה אֶת־כֻּלָּֽם׃ heḥakham ʿeynayw beroʾshow wehakesiyl baḥoshekhe howlekhe weyadaʿetiy gam־ʾaniy shemiqereh ʾeḥad yiqereh ʾet־kulam׃
15 וְאָמַ֨רְתִּֽי אֲנִ֜י בְּלִבִּ֗י כְּמִקְרֵ֤ה הַכְּסִיל֙ גַּם־אֲנִ֣י יִקְרֵ֔נִי וְלָ֧מָּה חָכַ֛מְתִּי אֲנִ֖י אָ֣ז יֹותֵ֑ר וְדִבַּ֣רְתִּי בְלִבִּ֔י שֶׁגַּם־זֶ֖ה הָֽבֶל׃ weʾamaretiy ʾaniy belibiy kemiqereh hakesiyl gam־ʾaniy yiqereniy welamah ḥakhametiy ʾaniy ʾaz yowter wedibaretiy velibiy shegam־zeh havel׃
16 כִּי֩ אֵ֨ין זִכְרֹ֧ון לֶחָכָ֛ם עִֽם־הַכְּסִ֖יל לְעֹולָ֑ם בְּשֶׁכְּבָ֞ר הַיָּמִ֤ים הַבָּאִים֙ הַכֹּ֣ל נִשְׁכָּ֔ח וְאֵ֛יךְ יָמ֥וּת הֶחָכָ֖ם עִֽם־הַכְּסִֽיל׃ kiy ʾeyn zikherown leḥakham ʿim־hakesiyl leʿowlam beshekevar hayamiym habaʾiym hakol nishekaḥ weʾeykhe yamut heḥakham ʿim־hakesiyl׃
17 וְשָׂנֵ֙אתִי֙ אֶת־הַ֣חַיִּ֔ים כִּ֣י רַ֤ע עָלַי֙ הַֽמַּעֲשֶׂ֔ה שֶׁנַּעֲשָׂ֖ה תַּ֣חַת הַשָּׁ֑מֶשׁ כִּֽי־הַכֹּ֥ל הֶ֖בֶל וּרְע֥וּת רֽוּחַ׃ wesaneʾtiy ʾet־haḥayiym kiy raʿ ʿalay hamaʿaseh shenaʿasah taḥat hashamesh kiy־hakol hevel ureʿut ruaḥ׃
18 וְשָׂנֵ֤אתִֽי אֲנִי֙ אֶת־כָּל־עֲמָלִ֔י שֶׁאֲנִ֥י עָמֵ֖ל תַּ֣חַת הַשָּׁ֑מֶשׁ שֶׁ֣אַנִּיחֶ֔נּוּ לָאָדָ֖ם שֶׁיִּהְיֶ֥ה אַחֲרָֽי׃ wesaneʾtiy ʾaniy ʾet־kal־ʿamaliy sheʾaniy ʿamel taḥat hashamesh sheʾaniyḥenu laʾadam sheyiheyeh ʾaḥaray׃
19 וּמִ֣י יֹודֵ֗עַ הֶֽחָכָ֤ם יִהְיֶה֙ אֹ֣ו סָכָ֔ל וְיִשְׁלַט֙ בְּכָל־עֲמָלִ֔י שֶֽׁעָמַ֥לְתִּי וְשֶׁחָכַ֖מְתִּי תַּ֣חַת הַשָּׁ֑מֶשׁ גַּם־זֶ֖ה הָֽבֶל׃ umiy yowdeaʿ heḥakham yiheyeh ʾow sakhal weyishelaṭ bekhal־ʿamaliy sheʿamaletiy wesheḥakhametiy taḥat hashamesh gam־zeh havel׃
20 וְסַבֹּ֥ותִֽי אֲנִ֖י לְיַאֵ֣שׁ אֶת־לִבִּ֑י עַ֚ל כָּל־הֶ֣עָמָ֔ל שֶׁעָמַ֖לְתִּי תַּ֥חַת הַשָּֽׁמֶשׁ׃ wesabowtiy ʾaniy leyaʾesh ʾet־libiy ʿal kal־heʿamal sheʿamaletiy taḥat hashamesh׃
21 כִּי־יֵ֣שׁ אָדָ֗ם שֶׁעֲמָלֹ֛ו בְּחָכְמָ֥ה וּבְדַ֖עַת וּבְכִשְׁרֹ֑ון וּלְאָדָ֞ם שֶׁלֹּ֤א עָֽמַל־בֹּו֙ יִתְּנֶ֣נּוּ חֶלְקֹ֔ו גַּם־זֶ֥ה הֶ֖בֶל וְרָעָ֥ה רַבָּֽה׃ kiy־yesh ʾadam sheʿamalow beḥakhemah uvedaʿat uvekhisherown uleʾadam sheloʾ ʿamal־bow yitenenu ḥeleqow gam־zeh hevel weraʿah rabah׃
22 כִּ֠י מֶֽה־הֹוֶ֤ה לָֽאָדָם֙ בְּכָל־עֲמָלֹ֔ו וּבְרַעְיֹ֖ון לִבֹּ֑ו שֶׁה֥וּא עָמֵ֖ל תַּ֥חַת הַשָּֽׁמֶשׁ׃ kiy meh־howeh laʾadam bekhal־ʿamalow uveraʿeyown libow shehuʾ ʿamel taḥat hashamesh׃
23 כִּ֧י כָל־יָמָ֣יו מַכְאֹבִ֗ים וָכַ֙עַס֙ עִנְיָנֹ֔ו גַּם־בַּלַּ֖יְלָה לֹא־שָׁכַ֣ב לִבֹּ֑ו גַּם־זֶ֖ה הֶ֥בֶל הֽוּא׃ kiy khal־yamayw makheʾoviym wakhaʿas ʿineyanow gam־balayelah loʾ־shakhav libow gam־zeh hevel huʾ׃
24 אֵֽין־טֹ֤וב בָּאָדָם֙ שֶׁיֹּאכַ֣ל וְשָׁתָ֔ה וְהֶרְאָ֧ה אֶת־נַפְשֹׁ֛ו טֹ֖וב בַּעֲמָלֹ֑ו גַּם־זֹה֙ רָאִ֣יתִי אָ֔נִי כִּ֛י מִיַּ֥ד הָאֱלֹהִ֖ים הִֽיא׃ ʾeyn־ṭowv baʾadam sheyoʾkhal weshatah wehereʾah ʾet־nafeshow ṭowv baʿamalow gam־zoh raʾiytiy ʾaniy kiy miyad haʾelohiym hiyʾ׃
25 כִּ֣י מִ֥י יֹאכַ֛ל וּמִ֥י יָח֖וּשׁ ח֥וּץ מִמֶּֽנִּי׃ kiy miy yoʾkhal umiy yaḥush ḥuts mimeniy׃
26 כִּ֤י לְאָדָם֙ שֶׁטֹּ֣וב לְפָנָ֔יו נָתַ֛ן חָכְמָ֥ה וְדַ֖עַת וְשִׂמְחָ֑ה וְלַחֹוטֶא֩ נָתַ֨ן עִנְיָ֜ן לֶאֱסֹ֣וף וְלִכְנֹ֗וס לָתֵת֙ לְטֹוב֙ לִפְנֵ֣י הָֽאֱלֹהִ֔ים גַּם־זֶ֥ה הֶ֖בֶל וּרְע֥וּת רֽוּחַ׃ kiy leʾadam sheṭowv lefanayw natan ḥakhemah wedaʿat wesimeḥah welaḥowṭeʾ natan ʿineyan leʾesowf welikhenows latet leṭowv lifeney haʾelohiym gam־zeh hevel ureʿut ruaḥ׃