Daniel 12

¹ וּבָעֵ֣ת הַהִיא֩ יַעֲמֹ֨ד מִֽיכָאֵ֜ל הַשַּׂ֣ר הַגָּדֹ֗ול הָעֹמֵד֮ עַל־בְּנֵ֣י עַמֶּךָ֒ וְהָיְתָה֙ עֵ֣ת צָרָ֔ה אֲשֶׁ֤ר לֹֽא־נִהְיְתָה֙ מִֽהְיֹ֣ות גֹּ֔וי עַ֖ד הָעֵ֣ת הַהִ֑יא וּבָעֵ֤ת הַהִיא֙ יִמָּלֵ֣ט עַמְּךָ֔ כָּל־הַנִּמְצָ֖א כָּת֥וּב בַּסֵּֽפֶר׃ uvaʿet hahiyʾ yaʿamod miykhaʾel hasar hagadowl haʿomed ʿal־beney ʿamekha wehayetah ʿet tsarah ʾasher loʾ־niheyetah miheyowt gowy ʿad haʿet hahiyʾ uvaʿet hahiyʾ yimaleṭ ʿamekha kal־hanimetsaʾ katuv basefer׃

² וְרַבִּ֕ים מִיְּשֵׁנֵ֥י אַדְמַת־עָפָ֖ר יָקִ֑יצוּ אֵ֚לֶּה לְחַיֵּ֣י עֹולָ֔ם וְאֵ֥לֶּה לַחֲרָפֹ֖ות לְדִרְאֹ֥ון עֹולָֽם׃ ס werabiym miyesheney ʾademat־ʿafar yaqiytsu ʾeleh leḥayey ʿowlam weʾeleh laḥarafowt ledireʾown ʿowlam׃ s

³ וְהַ֨מַּשְׂכִּלִ֔ים יַזְהִ֖רוּ כְּזֹ֣הַר הָרָקִ֑יעַ וּמַצְדִּיקֵי֙ הָֽרַבִּ֔ים כַּכֹּוכָבִ֖ים לְעֹולָ֥ם וָעֶֽד׃ פ wehamasekiliym yazehiru kezohar haraqiyʿa umatsediyqey harabiym kakowkhaviym leʿowlam waʿed׃ f

⁴ וְאַתָּ֣ה דָֽנִיֵּ֗אל סְתֹ֧ם הַדְּבָרִ֛ים וַחֲתֹ֥ם הַסֵּ֖פֶר עַד־עֵ֣ת קֵ֑ץ יְשֹׁטְט֥וּ רַבִּ֖ים וְתִרְבֶּ֥ה הַדָּֽעַת׃ weʾatah daniyeʾl setom hadevariym waḥatom hasefer ʿad־ʿet qets yeshoṭeṭu rabiym wetirebeh hadaʿat׃

⁵ וְרָאִ֙יתִי֙ אֲנִ֣י דָנִיֵּ֔אל וְהִנֵּ֛ה שְׁנַ֥יִם אֲחֵרִ֖ים עֹמְדִ֑ים אֶחָ֥ד הֵ֙נָּה֙ לִשְׂפַ֣ת הַיְאֹ֔ר וְאֶחָ֥ד הֵ֖נָּה לִשְׂפַ֥ת הַיְאֹֽר׃ weraʾiytiy ʾaniy daniyeʾl wehineh shenayim ʾaḥeriym ʿomediym ʾeḥad henah lisefat hayeʾor weʾeḥad henah lisefat hayeʾor׃

⁶ וַיֹּ֗אמֶר לָאִישׁ֙ לְב֣וּשׁ הַבַּדִּ֔ים אֲשֶׁ֥ר מִמַּ֖עַל לְמֵימֵ֣י הַיְאֹ֑ר עַד־מָתַ֖י קֵ֥ץ הַפְּלָאֹֽות׃ wayoʾmer laʾiysh levush habadiym ʾasher mimaʿal lemeymey hayeʾor ʿad־matay qets hapelaʾowt׃

⁷ וָאֶשְׁמַ֞ע אֶת־הָאִ֣ישׁ ׀ לְב֣וּשׁ הַבַּדִּ֗ים אֲשֶׁ֣ר מִמַּעַל֮ לְמֵימֵ֣י הַיְאֹר֒ וַיָּ֨רֶם יְמִינֹ֤ו וּשְׂמֹאלֹו֙ אֶל־הַשָּׁמַ֔יִם וַיִּשָּׁבַ֖ע בְּחֵ֣י הָעֹולָ֑ם כִּי֩ לְמֹועֵ֨ד מֹֽועֲדִ֜ים וָחֵ֗צִי וּכְכַלֹּ֛ות נַפֵּ֥ץ יַד־עַם־קֹ֖דֶשׁ תִּכְלֶ֥ינָה כָל־אֵֽלֶּה׃ waʾeshemaʿ ʾet־haʾiysh ׀ levush habadiym ʾasher mimaʿal lemeymey hayeʾor wayarem yemiynow usemoʾlow ʾel־hashamayim wayishavaʿ beḥey haʿowlam kiy lemowʿed mowʿadiym waḥetsiy ukhekhalowt napets yad־ʿam־qodesh tikheleynah khal־ʾeleh׃

⁸ וַאֲנִ֥י שָׁמַ֖עְתִּי וְלֹ֣א אָבִ֑ין וָאֹ֣מְרָ֔ה אֲדֹנִ֕י מָ֥ה אַחֲרִ֖ית אֵֽלֶּה׃ פ waʾaniy shamaʿetiy weloʾ ʾaviyn waʾomerah ʾadoniy mah ʾaḥariyt ʾeleh׃ f

⁹ וַיֹּ֖אמֶר לֵ֣ךְ דָּנִיֵּ֑אל כִּֽי־סְתֻמִ֧ים וַחֲתֻמִ֛ים הַדְּבָרִ֖ים עַד־עֵ֥ת קֵֽץ׃ wayoʾmer lekhe daniyeʾl kiy־setumiym waḥatumiym hadevariym ʿad־ʿet qets׃

¹⁰ יִ֠תְבָּֽרֲרוּ וְיִֽתְלַבְּנ֤וּ וְיִצָּֽרְפוּ֙ רַבִּ֔ים וְהִרְשִׁ֣יעוּ רְשָׁעִ֔ים וְלֹ֥א יָבִ֖ינוּ כָּל־רְשָׁעִ֑ים וְהַמַּשְׂכִּלִ֖ים יָבִֽינוּ׃ yitebararu weyitelabenu weyitsarefu rabiym wehireshiyʿu reshaʿiym weloʾ yaviynu kal־reshaʿiym wehamasekiliym yaviynu׃

¹¹ וּמֵעֵת֙ הוּסַ֣ר הַתָּמִ֔יד וְלָתֵ֖ת שִׁקּ֣וּץ שֹׁמֵ֑ם יָמִ֕ים אֶ֖לֶף מָאתַ֥יִם וְתִשְׁעִֽים׃ umeʿet husar hatamiyd welatet shiquts shomem yamiym ʾelef maʾtayim wetisheʿiym׃

¹² אַשְׁרֵ֥י הַֽמְחַכֶּ֖ה וְיַגִּ֑יעַ לְיָמִ֕ים אֶ֕לֶף שְׁלֹ֥שׁ מֵאֹ֖ות שְׁלֹשִׁ֥ים וַחֲמִשָּֽׁה׃ ʾasherey hameḥakeh weyagiyʿa leyamiym ʾelef shelosh meʾowt sheloshiym waḥamishah׃

¹³ וְאַתָּ֖ה לֵ֣ךְ לַקֵּ֑ץ וְתָנ֛וּחַ וְתַעֲמֹ֥ד לְגֹרָלְךָ֖ לְקֵ֥ץ הַיָּמִֽין׃ weʾatah lekhe laqets wetanuaḥ wetaʿamod legoralekha leqets hayamiyn׃