Deutéronome 8

¹ כָּל־הַמִּצְוָ֗ה אֲשֶׁ֨ר אָנֹכִ֧י מְצַוְּךָ֛ הַיֹּ֖ום תִּשְׁמְר֣וּן לַעֲשֹׂ֑ות לְמַ֨עַן תִּֽחְי֜וּן וּרְבִיתֶ֗ם וּבָאתֶם֙ וִֽירִשְׁתֶּ֣ם אֶת־הָאָ֔רֶץ אֲשֶׁר־נִשְׁבַּ֥ע יְהוָ֖ה לַאֲבֹתֵיכֶֽם׃ kal־hamitsewah ʾasher ʾanokhiy metsauekha hayowm tishemerun laʿasowt lemaʿan tiḥeyun ureviytem uvaʾtem wiyrishetem ʾet־haʾarets ʾasher־nishebaʿ yehwah laʾavoteykhem׃

² וְזָכַרְתָּ֣ אֶת־כָּל־הַדֶּ֗רֶךְ אֲשֶׁ֨ר הֹלִֽיכֲךָ֜ יְהוָ֧ה אֱלֹהֶ֛יךָ זֶ֛ה אַרְבָּעִ֥ים שָׁנָ֖ה בַּמִּדְבָּ֑ר לְמַ֨עַן עַנֹּֽתְךָ֜ לְנַסֹּֽתְךָ֗ לָדַ֜עַת אֶת־אֲשֶׁ֧ר בִּֽלְבָבְךָ֛ הֲתִשְׁמֹ֥ר [מִצְוֹתֹו כ] (מִצְוֹתָ֖יו ק) אִם־לֹֽא׃ wezakhareta ʾet־kal־haderekhe ʾasher holiykhakha yehwah ʾeloheykha zeh ʾarebaʿiym shanah bamidebar lemaʿan ʿanotekha lenasotekha ladaʿat ʾet־ʾasher bilevavekha hatishemor [mitseotow kh] (mitseotayw q) ʾim־loʾ׃

³ וַֽיְעַנְּךָ֮ וַיַּרְעִבֶךָ֒ וַיַּֽאֲכִֽלְךָ֤ אֶת־הַמָּן֙ אֲשֶׁ֣ר לֹא־יָדַ֔עְתָּ וְלֹ֥א יָדְע֖וּן אֲבֹתֶ֑יךָ לְמַ֣עַן הֹודִֽעֲךָ֗ כִּ֠י לֹ֣א עַל־הַלֶּ֤חֶם לְבַדֹּו֙ יִחְיֶ֣ה הָֽאָדָ֔ם כִּ֛י עַל־כָּל־מֹוצָ֥א פִֽי־יְהוָ֖ה יִחְיֶ֥ה הָאָדָֽם׃ wayeʿanekha wayareʿivekha wayaʾakhilekha ʾet־haman ʾasher loʾ־yadaʿeta weloʾ yadeʿun ʾavoteykha lemaʿan howdiʿakha kiy loʾ ʿal־haleḥem levadow yiḥeyeh haʾadam kiy ʿal־kal־mowtsaʾ fiy־yehwah yiḥeyeh haʾadam׃

⁴ שִׂמְלָ֨תְךָ֜ לֹ֤א בָֽלְתָה֙ מֵֽעָלֶ֔יךָ וְרַגְלְךָ֖ לֹ֣א בָצֵ֑קָה זֶ֖ה אַרְבָּעִ֥ים שָׁנָֽה׃ simelatekha loʾ valetah meʿaleykha weragelekha loʾ vatseqah zeh ʾarebaʿiym shanah׃

⁵ וְיָדַעְתָּ֖ עִם־לְבָבֶ֑ךָ כִּ֗י כַּאֲשֶׁ֨ר יְיַסֵּ֥ר אִישׁ֙ אֶת־בְּנֹ֔ו יְהוָ֥ה אֱלֹהֶ֖יךָ מְיַסְּרֶֽךָּ׃ weyadaʿeta ʿim־levavekha kiy kaʾasher yeyaser ʾiysh ʾet־benow yehwah ʾeloheykha meyasereka׃

⁶ וְשָׁ֣מַרְתָּ֔ אֶת־מִצְוֹ֖ת יְהוָ֣ה אֱלֹהֶ֑יךָ לָלֶ֥כֶת בִּדְרָכָ֖יו וּלְיִרְאָ֥ה אֹתֹֽו׃ weshamareta ʾet־mitseot yehwah ʾeloheykha lalekhet biderakhayw uleyireʾah ʾotow׃

⁷ כִּ֚י יְהוָ֣ה אֱלֹהֶ֔יךָ מְבִֽיאֲךָ֖ אֶל־אֶ֣רֶץ טֹובָ֑ה אֶ֚רֶץ נַ֣חֲלֵי מָ֔יִם עֲיָנֹת֙ וּתְהֹמֹ֔ת יֹצְאִ֥ים בַּבִּקְעָ֖ה וּבָהָֽר׃ kiy yehwah ʾeloheykha meviyʾakha ʾel־ʾerets ṭowvah ʾerets naḥaley mayim ʿayanot utehomot yotseʾiym babiqeʿah uvahar׃

⁸ אֶ֤רֶץ חִטָּה֙ וּשְׂעֹרָ֔ה וְגֶ֥פֶן וּתְאֵנָ֖ה וְרִמֹּ֑ון אֶֽרֶץ־זֵ֥ית שֶׁ֖מֶן וּדְבָֽשׁ׃ ʾerets ḥiṭah useʿorah wegefen uteʾenah werimown ʾerets־zeyt shemen udevash׃

⁹ אֶ֗רֶץ אֲשֶׁ֨ר לֹ֤א בְמִסְכֵּנֻת֙ תֹּֽאכַל־בָּ֣הּ לֶ֔חֶם לֹֽא־תֶחְסַ֥ר כֹּ֖ל בָּ֑הּ אֶ֚רֶץ אֲשֶׁ֣ר אֲבָנֶ֣יהָ בַרְזֶ֔ל וּמֵהֲרָרֶ֖יהָ תַּחְצֹ֥ב נְחֹֽשֶׁת׃ ʾerets ʾasher loʾ vemisekenut toʾkhal־bah leḥem loʾ־teḥesar kol bah ʾerets ʾasher ʾavaneyha varezel umeharareyha taḥetsov neḥoshet׃

¹⁰ וְאָכַלְתָּ֖ וְשָׂבָ֑עְתָּ וּבֵֽרַכְתָּ֙ אֶת־יְהוָ֣ה אֱלֹהֶ֔יךָ עַל־הָאָ֥רֶץ הַטֹּבָ֖ה אֲשֶׁ֥ר נָֽתַן־לָֽךְ׃ weʾakhaleta wesavaʿeta uverakheta ʾet־yehwah ʾeloheykha ʿal־haʾarets haṭovah ʾasher natan־lakhe׃

¹¹ הִשָּׁ֣מֶר לְךָ֔ פֶּן־תִּשְׁכַּ֖ח אֶת־יְהוָ֣ה אֱלֹהֶ֑יךָ לְבִלְתִּ֨י שְׁמֹ֤ר מִצְוֹתָיו֙ וּמִשְׁפָּטָ֣יו וְחֻקֹּתָ֔יו אֲשֶׁ֛ר אָנֹכִ֥י מְצַוְּךָ֖ הַיֹּֽום׃ hishamer lekha pen־tishekaḥ ʾet־yehwah ʾeloheykha leviletiy shemor mitseotayw umishepaṭayw weḥuqotayw ʾasher ʾanokhiy metsauekha hayowm׃

¹² פֶּן־תֹּאכַ֖ל וְשָׂבָ֑עְתָּ וּבָתִּ֥ים טֹובִ֛ים תִּבְנֶ֖ה וְיָשָֽׁבְתָּ׃ pen־toʾkhal wesavaʿeta uvatiym ṭowviym tiveneh weyashaveta׃

¹³ וּבְקָֽרְךָ֤ וְצֹֽאנְךָ֙ יִרְבְּיֻ֔ן וְכֶ֥סֶף וְזָהָ֖ב יִרְבֶּה־לָּ֑ךְ וְכֹ֥ל אֲשֶׁר־לְךָ֖ יִרְבֶּֽה׃ uveqarekha wetsoʾnekha yirebeyun wekhesef wezahav yirebeh־lakhe wekhol ʾasher־lekha yirebeh׃

¹⁴ וְרָ֖ם לְבָבֶ֑ךָ וְשָֽׁכַחְתָּ֙ אֶת־יְהוָ֣ה אֱלֹהֶ֔יךָ הַמֹּוצִיאֲךָ֛ מֵאֶ֥רֶץ מִצְרַ֖יִם מִבֵּ֥ית עֲבָדִֽים׃ weram levavekha weshakhaḥeta ʾet־yehwah ʾeloheykha hamowtsiyʾakha meʾerets mitserayim mibeyt ʿavadiym׃

¹⁵ הַמֹּולִ֨יכֲךָ֜ בַּמִּדְבָּ֣ר ׀ הַגָּדֹ֣ל וְהַנֹּורָ֗א נָחָ֤שׁ ׀ שָׂרָף֙ וְעַקְרָ֔ב וְצִמָּאֹ֖ון אֲשֶׁ֣ר אֵֽין־מָ֑יִם הַמֹּוצִ֤יא לְךָ֙ מַ֔יִם מִצּ֖וּר הַֽחַלָּמִֽישׁ׃ hamowliykhakha bamidebar ׀ hagadol wehanowraʾ naḥash ׀ saraf weʿaqerav wetsimaʾown ʾasher ʾeyn־mayim hamowtsiyʾ lekha mayim mitsur haḥalamiysh׃

¹⁶ הַמַּֽאֲכִ֨לְךָ֥ מָן֙ בַּמִּדְבָּ֔ר אֲשֶׁ֥ר לֹא־יָדְע֖וּן אֲבֹתֶ֑יךָ לְמַ֣עַן עַנֹּֽתְךָ֗ וּלְמַ֙עַן֙ נַסֹּתֶ֔ךָ לְהֵיטִֽבְךָ֖ בְּאַחֲרִיתֶֽךָ׃ hamaʾakhilekha man bamidebar ʾasher loʾ־yadeʿun ʾavoteykha lemaʿan ʿanotekha ulemaʿan nasotekha leheyṭivekha beʾaḥariytekha׃

¹⁷ וְאָמַרְתָּ֖ בִּלְבָבֶ֑ךָ כֹּחִי֙ וְעֹ֣צֶם יָדִ֔י עָ֥שָׂה לִ֖י אֶת־הַחַ֥יִל הַזֶּֽה׃ weʾamareta bilevavekha koḥiy weʿotsem yadiy ʿasah liy ʾet־haḥayil hazeh׃

¹⁸ וְזָֽכַרְתָּ֙ אֶת־יְהוָ֣ה אֱלֹהֶ֔יךָ כִּ֣י ה֗וּא הַנֹּתֵ֥ן לְךָ֛ כֹּ֖חַ לַעֲשֹׂ֣ות חָ֑יִל לְמַ֨עַן הָקִ֧ים אֶת־בְּרִיתֹ֛ו אֲשֶׁר־נִשְׁבַּ֥ע לַאֲבֹתֶ֖יךָ כַּיֹּ֥ום הַזֶּֽה׃ פ wezakhareta ʾet־yehwah ʾeloheykha kiy huʾ hanoten lekha koaḥ laʿasowt ḥayil lemaʿan haqiym ʾet־beriytow ʾasher־nishebaʿ laʾavoteykha kayowm hazeh׃ f

¹⁹ וְהָיָ֗ה אִם־שָׁכֹ֤חַ תִּשְׁכַּח֙ אֶת־יְהוָ֣ה אֱלֹהֶ֔יךָ וְהָֽלַכְתָּ֗ אַחֲרֵי֙ אֱלֹהִ֣ים אֲחֵרִ֔ים וַעֲבַדְתָּ֖ם וְהִשְׁתַּחֲוִ֣יתָ לָהֶ֑ם הַעִדֹ֤תִי בָכֶם֙ הַיֹּ֔ום כִּ֥י אָבֹ֖ד תֹּאבֵדֽוּן׃ wehayah ʾim־shakhoaḥ tishekaḥ ʾet־yehwah ʾeloheykha wehalakheta ʾaḥarey ʾelohiym ʾaḥeriym waʿavadetam wehishetaḥawiyta lahem haʿidotiy vakhem hayowm kiy ʾavod toʾvedun׃

²⁰ כַּגֹּויִ֗ם אֲשֶׁ֤ר יְהוָה֙ מַאֲבִ֣יד מִפְּנֵיכֶ֔ם כֵּ֖ן תֹאבֵד֑וּן עֵ֚קֶב לֹ֣א תִשְׁמְע֔וּן בְּקֹ֖ול יְהוָ֥ה אֱלֹהֵיכֶֽם׃ פ kagowyim ʾasher yehwah maʾaviyd mipeneykhem ken toʾvedun ʿeqev loʾ tishemeʿun beqowl yehwah ʾeloheykhem׃ f