Esther 6

¹ בַּלַּ֣יְלָה הַה֔וּא נָדְדָ֖ה שְׁנַ֣ת הַמֶּ֑לֶךְ וַיֹּ֗אמֶר לְהָבִ֞יא אֶת־סֵ֤פֶר הַזִּכְרֹנֹות֙ דִּבְרֵ֣י הַיָּמִ֔ים וַיִּהְי֥וּ נִקְרָאִ֖ים לִפְנֵ֥י הַמֶּֽלֶךְ׃ balayelah hahuʾ nadedah shenat hamelekhe wayoʾmer lehaviyʾ ʾet־sefer hazikheronowt diverey hayamiym wayiheyu niqeraʾiym lifeney hamelekhe׃

² וַיִּמָּצֵ֣א כָת֗וּב אֲשֶׁר֩ הִגִּ֨יד מָרְדֳּכַ֜י עַל־בִּגְתָ֣נָא וָתֶ֗רֶשׁ שְׁנֵי֙ סָרִיסֵ֣י הַמֶּ֔לֶךְ מִשֹּׁמְרֵ֖י הַסַּ֑ף אֲשֶׁ֤ר בִּקְשׁוּ֙ לִשְׁלֹ֣חַ יָ֔ד בַּמֶּ֖לֶךְ אֲחַשְׁוֵרֹֽושׁ׃ wayimatseʾ khatuv ʾasher higiyd maredokhay ʿal־bigetanaʾ wateresh sheney sariysey hamelekhe mishomerey hasaf ʾasher biqeshu lisheloaḥ yad bamelekhe ʾaḥashewerowsh׃

³ וַיֹּ֣אמֶר הַמֶּ֔לֶךְ מַֽה־נַּעֲשָׂ֞ה יְקָ֧ר וּגְדוּלָּ֛ה לְמָרְדֳּכַ֖י עַל־זֶ֑ה וַיֹּ֨אמְר֜וּ נַעֲרֵ֤י הַמֶּ֙לֶךְ֙ מְשָׁ֣רְתָ֔יו לֹא־נַעֲשָׂ֥ה עִמֹּ֖ו דָּבָֽר׃ wayoʾmer hamelekhe mah־naʿasah yeqar ugedulah lemaredokhay ʿal־zeh wayoʾmeru naʿarey hamelekhe mesharetayw loʾ־naʿasah ʿimow davar׃

⁴ וַיֹּ֥אמֶר הַמֶּ֖לֶךְ מִ֣י בֶחָצֵ֑ר וְהָמָ֣ן בָּ֗א לַחֲצַ֤ר בֵּית־הַמֶּ֙לֶךְ֙ הַחִ֣יצֹונָ֔ה לֵאמֹ֣ר לַמֶּ֔לֶךְ לִתְלֹות֙ אֶֽת־מָרְדֳּכַ֔י עַל־הָעֵ֖ץ אֲשֶׁר־הֵכִ֥ין לֹֽו׃ wayoʾmer hamelekhe miy veḥatser wehaman baʾ laḥatsar beyt־hamelekhe haḥiytsownah leʾmor lamelekhe litelowt ʾet־maredokhay ʿal־haʿets ʾasher־hekhiyn low׃

⁵ וַיֹּ֨אמְר֜וּ נַעֲרֵ֤י הַמֶּ֙לֶךְ֙ אֵלָ֔יו הִנֵּ֥ה הָמָ֖ן עֹמֵ֣ד בֶּחָצֵ֑ר וַיֹּ֥אמֶר הַמֶּ֖לֶךְ יָבֹֽוא׃ wayoʾmeru naʿarey hamelekhe ʾelayw hineh haman ʿomed beḥatser wayoʾmer hamelekhe yavowʾ׃

⁶ וַיָּבֹוא֮ הָמָן֒ וַיֹּ֤אמֶר לֹו֙ הַמֶּ֔לֶךְ מַה־לַעֲשֹׂ֕ות בָּאִ֕ישׁ אֲשֶׁ֥ר הַמֶּ֖לֶךְ חָפֵ֣ץ בִּיקָרֹ֑ו וַיֹּ֤אמֶר הָמָן֙ בְּלִבֹּ֔ו לְמִ֞י יַחְפֹּ֥ץ הַמֶּ֛לֶךְ לַעֲשֹׂ֥ות יְקָ֖ר יֹותֵ֥ר מִמֶּֽנִּי׃ wayavowʾ haman wayoʾmer low hamelekhe mah־laʿasowt baʾiysh ʾasher hamelekhe ḥafets biyqarow wayoʾmer haman belibow lemiy yaḥepots hamelekhe laʿasowt yeqar yowter mimeniy׃

⁷ וַיֹּ֥אמֶר הָמָ֖ן אֶל־הַמֶּ֑לֶךְ אִ֕ישׁ אֲשֶׁ֥ר הַמֶּ֖לֶךְ חָפֵ֥ץ בִּיקָרֹֽו׃ wayoʾmer haman ʾel־hamelekhe ʾiysh ʾasher hamelekhe ḥafets biyqarow׃

⁸ יָבִ֙יאוּ֙ לְב֣וּשׁ מַלְכ֔וּת אֲשֶׁ֥ר לָֽבַשׁ־בֹּ֖ו הַמֶּ֑לֶךְ וְס֗וּס אֲשֶׁ֨ר רָכַ֤ב עָלָיו֙ הַמֶּ֔לֶךְ וַאֲשֶׁ֥ר נִתַּ֛ן כֶּ֥תֶר מַלְכ֖וּת בְּרֹאשֹֽׁו׃ yaviyʾu levush malekhut ʾasher lavash־bow hamelekhe wesus ʾasher rakhav ʿalayw hamelekhe waʾasher nitan keter malekhut beroʾshow׃

⁹ וְנָתֹ֨ון הַלְּב֜וּשׁ וְהַסּ֗וּס עַל־יַד־אִ֞ישׁ מִשָּׂרֵ֤י הַמֶּ֙לֶךְ֙ הַֽפַּרְתְּמִ֔ים וְהִלְבִּ֙ישׁוּ֙ אֶת־הָאִ֔ישׁ אֲשֶׁ֥ר הַמֶּ֖לֶךְ חָפֵ֣ץ בִּֽיקָרֹ֑ו וְהִרְכִּיבֻ֤הוּ עַל־הַסּוּס֙ בִּרְחֹ֣וב הָעִ֔יר וְקָרְא֣וּ לְפָנָ֔יו כָּ֚כָה יֵעָשֶׂ֣ה לָאִ֔ישׁ אֲשֶׁ֥ר הַמֶּ֖לֶךְ חָפֵ֥ץ בִּיקָרֹֽו׃ wenatown halevush wehasus ʿal־yad־ʾiysh misarey hamelekhe haparetemiym wehilebiyshu ʾet־haʾiysh ʾasher hamelekhe ḥafets biyqarow wehirekiyvuhu ʿal־hasus bireḥowv haʿiyr weqareʾu lefanayw kakhah yeʿaseh laʾiysh ʾasher hamelekhe ḥafets biyqarow׃

¹⁰ וַיֹּ֨אמֶר הַמֶּ֜לֶךְ לְהָמָ֗ן מַ֠הֵר קַ֣ח אֶת־הַלְּב֤וּשׁ וְאֶת־הַסּוּס֙ כַּאֲשֶׁ֣ר דִּבַּ֔רְתָּ וַֽעֲשֵׂה־כֵן֙ לְמָרְדֳּכַ֣י הַיְּהוּדִ֔י הַיֹּושֵׁ֖ב בְּשַׁ֣עַר הַמֶּ֑לֶךְ אַל־תַּפֵּ֣ל דָּבָ֔ר מִכֹּ֖ל אֲשֶׁ֥ר דִּבַּֽרְתָּ׃ wayoʾmer hamelekhe lehaman maher qaḥ ʾet־halevush weʾet־hasus kaʾasher dibareta waʿaseh־khen lemaredokhay hayehudiy hayowshev beshaʿar hamelekhe ʾal־tapel davar mikol ʾasher dibareta׃

¹¹ וַיִּקַּ֤ח הָמָן֙ אֶת־הַלְּב֣וּשׁ וְאֶת־הַסּ֔וּס וַיַּלְבֵּ֖שׁ אֶֽת־מָרְדֳּכָ֑י וַיַּרְכִּיבֵ֙הוּ֙ בִּרְחֹ֣וב הָעִ֔יר וַיִּקְרָ֣א לְפָנָ֔יו כָּ֚כָה יֵעָשֶׂ֣ה לָאִ֔ישׁ אֲשֶׁ֥ר הַמֶּ֖לֶךְ חָפֵ֥ץ בִּיקָרֹֽו׃ wayiqaḥ haman ʾet־halevush weʾet־hasus wayalebesh ʾet־maredokhay wayarekiyvehu bireḥowv haʿiyr wayiqeraʾ lefanayw kakhah yeʿaseh laʾiysh ʾasher hamelekhe ḥafets biyqarow׃

¹² וַיָּ֥שָׁב מָרְדֳּכַ֖י אֶל־שַׁ֣עַר הַמֶּ֑לֶךְ וְהָמָן֙ נִדְחַ֣ף אֶל־בֵּיתֹ֔ו אָבֵ֖ל וַחֲפ֥וּי רֹֽאשׁ׃ wayashav maredokhay ʾel־shaʿar hamelekhe wehaman nideḥaf ʾel־beytow ʾavel waḥafuy roʾsh׃

¹³ וַיְסַפֵּ֨ר הָמָ֜ן לְזֶ֤רֶשׁ אִשְׁתֹּו֙ וּלְכָל־אֹ֣הֲבָ֔יו אֵ֖ת כָּל־אֲשֶׁ֣ר קָרָ֑הוּ וַיֹּ֩אמְרוּ֩ לֹ֨ו חֲכָמָ֜יו וְזֶ֣רֶשׁ אִשְׁתֹּ֗ו אִ֣ם מִזֶּ֣רַע הַיְּהוּדִ֡ים מָרְדֳּכַ֞י אֲשֶׁר֩ הַחִלֹּ֨ותָ לִנְפֹּ֤ל לְפָנָיו֙ לֹא־תוּכַ֣ל לֹ֔ו כִּֽי־נָפֹ֥ול תִּפֹּ֖ול לְפָנָֽיו׃ wayesaper haman lezeresh ʾishetow ulekhal־ʾohavayw ʾet kal־ʾasher qarahu wayoʾmeru low ḥakhamayw wezeresh ʾishetow ʾim mizeraʿ hayehudiym maredokhay ʾasher haḥilowta linepol lefanayw loʾ־tukhal low kiy־nafowl tipowl lefanayw׃

¹⁴ עֹודָם֙ מְדַבְּרִ֣ים עִמֹּ֔ו וְסָרִיסֵ֥י הַמֶּ֖לֶךְ הִגִּ֑יעוּ וַיַּבְהִ֙לוּ֙ לְהָבִ֣יא אֶת־הָמָ֔ן אֶל־הַמִּשְׁתֶּ֖ה אֲשֶׁר־עָשְׂתָ֥ה אֶסְתֵּֽר׃ ʿowdam medaberiym ʿimow wesariysey hamelekhe higiyʿu wayavehilu lehaviyʾ ʾet־haman ʾel־hamisheteh ʾasher־ʿasetah ʾeseter׃