1 וַנֵּ֜פֶן וַנִּסַּ֤ע הַמִּדְבָּ֙רָה֙ דֶּ֣רֶךְ יַם־ס֔וּף כַּאֲשֶׁ֛ר דִּבֶּ֥ר יְהוָ֖ה אֵלָ֑י וַנָּ֥סָב אֶת־הַר־שֵׂעִ֖יר יָמִ֥ים רַבִּֽים׃ ס wanefen wanisaʿ hamidebarah derekhe yam־suf kaʾasher diber yehwah ʾelay wanasav ʾet־har־seʿiyr yamiym rabiym׃ s
2 וַיֹּ֥אמֶר יְהוָ֖ה אֵלַ֥י לֵאמֹֽר׃ wayoʾmer yehwah ʾelay leʾmor׃
3 רַב־לָכֶ֕ם סֹ֖ב אֶת־הָהָ֣ר הַזֶּ֑ה פְּנ֥וּ לָכֶ֖ם צָפֹֽנָה׃ rav־lakhem sov ʾet־hahar hazeh penu lakhem tsafonah׃
4 וְאֶת־הָעָם֮ צַ֣ו לֵאמֹר֒ אַתֶּ֣ם עֹֽבְרִ֗ים בִּגְבוּל֙ אֲחֵיכֶ֣ם בְּנֵי־עֵשָׂ֔ו הַיֹּשְׁבִ֖ים בְּשֵׂעִ֑יר וְיִֽירְא֣וּ מִכֶּ֔ם וְנִשְׁמַרְתֶּ֖ם מְאֹֽד׃ weʾet־haʿam tsaw leʾmor ʾatem ʿoveriym bigevul ʾaḥeykhem beney־ʿesaw hayosheviym beseʿiyr weyiyreʾu mikem wenishemaretem meʾod׃
5 אַל־תִּתְגָּר֣וּ בָ֔ם כִּ֠י לֹֽא־אֶתֵּ֤ן לָכֶם֙ מֵֽאַרְצָ֔ם עַ֖ד מִדְרַ֣ךְ כַּף־רָ֑גֶל כִּֽי־יְרֻשָּׁ֣ה לְעֵשָׂ֔ו נָתַ֖תִּי אֶת־הַ֥ר שֵׂעִֽיר׃ ʾal־titegaru vam kiy loʾ־ʾeten lakhem meʾaretsam ʿad miderakhe kaf־ragel kiy־yerushah leʿesaw natatiy ʾet־har seʿiyr׃
6 אֹ֣כֶל תִּשְׁבְּר֧וּ מֵֽאִתָּ֛ם בַּכֶּ֖סֶף וַאֲכַלְתֶּ֑ם וְגַם־מַ֜יִם תִּכְר֧וּ מֵאִתָּ֛ם בַּכֶּ֖סֶף וּשְׁתִיתֶֽם׃ ʾokhel tisheberu meʾitam bakesef waʾakhaletem wegam־mayim tikheru meʾitam bakesef ushetiytem׃
7 כִּי֩ יְהוָ֨ה אֱלֹהֶ֜יךָ בֵּֽרַכְךָ֗ בְּכֹל֙ מַעֲשֵׂ֣ה יָדֶ֔ךָ יָדַ֣ע לֶכְתְּךָ֔ אֶת־הַמִּדְבָּ֥ר הַגָּדֹ֖ל הַזֶּ֑ה זֶ֣ה ׀ אַרְבָּעִ֣ים שָׁנָ֗ה יְהוָ֤ה אֱלֹהֶ֙יךָ֙ עִמָּ֔ךְ לֹ֥א חָסַ֖רְתָּ דָּבָֽר׃ kiy yehwah ʾeloheykha berakhekha bekhol maʿaseh yadekha yadaʿ lekhetekha ʾet־hamidebar hagadol hazeh zeh ׀ ʾarebaʿiym shanah yehwah ʾeloheykha ʿimakhe loʾ ḥasareta davar׃
8 וַֽנַּעֲבֹ֞ר מֵאֵ֧ת אַחֵ֣ינוּ בְנֵי־עֵשָׂ֗ו הַיֹּֽשְׁבִים֙ בְּשֵׂעִ֔יר מִדֶּ֙רֶךְ֙ הָֽעֲרָבָ֔ה מֵאֵילַ֖ת וּמֵעֶצְיֹ֣ן גָּ֑בֶר ס וַנֵּ֙פֶן֙ וַֽנַּעֲבֹ֔ר דֶּ֖רֶךְ מִדְבַּ֥ר מֹואָֽב׃ wanaʿavor meʾet ʾaḥeynu veney־ʿesaw hayosheviym beseʿiyr miderekhe haʿaravah meʾeylat umeʿetseyon gaver s wanefen wanaʿavor derekhe midebar mowʾav׃
9 וַיֹּ֨אמֶר יְהוָ֜ה אֵלַ֗י אֶל־תָּ֙צַר֙ אֶת־מֹואָ֔ב וְאַל־תִּתְגָּ֥ר בָּ֖ם מִלְחָמָ֑ה כִּ֠י לֹֽא־אֶתֵּ֨ן לְךָ֤ מֵֽאַרְצֹו֙ יְרֻשָּׁ֔ה כִּ֣י לִבְנֵי־לֹ֔וט נָתַ֥תִּי אֶת־עָ֖ר יְרֻשָּׁה ׃ wayoʾmer yehwah ʾelay ʾel־tatsar ʾet־mowʾav weʾal־titegar bam mileḥamah kiy loʾ־ʾeten lekha meʾaretsow yerushah kiy liveney־lowṭ natatiy ʾet־ʿar yerushah ׃
10 הָאֵמִ֥ים לְפָנִ֖ים יָ֣שְׁבוּ בָ֑הּ עַ֣ם גָּדֹ֥ול וְרַ֛ב וָרָ֖ם כָּעֲנָקִֽים׃ haʾemiym lefaniym yashevu vah ʿam gadowl werav waram kaʿanaqiym׃
11 רְפָאִ֛ים יֵחָשְׁב֥וּ אַף־הֵ֖ם כָּעֲנָקִ֑ים וְהַמֹּ֣אָבִ֔ים יִקְרְא֥וּ לָהֶ֖ם אֵמִֽים׃ refaʾiym yeḥashevu ʾaf־hem kaʿanaqiym wehamoʾaviym yiqereʾu lahem ʾemiym׃
12 וּבְשֵׂעִ֞יר יָשְׁב֣וּ הַחֹרִים֮ לְפָנִים֒ וּבְנֵ֧י עֵשָׂ֣ו יִֽירָשׁ֗וּם וַיַּשְׁמִידוּם֙ מִפְּנֵיהֶ֔ם וַיֵּשְׁב֖וּ תַּחְתָּ֑ם כַּאֲשֶׁ֧ר עָשָׂ֣ה יִשְׂרָאֵ֗ל לְאֶ֙רֶץ֙ יְרֻשָּׁתֹ֔ו אֲשֶׁר־נָתַ֥ן יְהוָ֖ה לָהֶֽם׃ uveseʿiyr yashevu haḥoriym lefaniym uveney ʿesaw yiyrashum wayashemiydum mipeneyhem wayeshevu taḥetam kaʾasher ʿasah yiseraʾel leʾerets yerushatow ʾasher־natan yehwah lahem׃
13 עַתָּ֗ה קֻ֛מוּ וְעִבְר֥וּ לָכֶ֖ם אֶת־נַ֣חַל זָ֑רֶד וַֽנַּעֲבֹ֖ר אֶת־נַ֥חַל זָֽרֶד׃ ʿatah qumu weʿiveru lakhem ʾet־naḥal zared wanaʿavor ʾet־naḥal zared׃
14 וְהַיָּמִ֞ים אֲשֶׁר־הָלַ֣כְנוּ ׀ מִקָּדֵ֣שׁ בַּרְנֵ֗עַ עַ֤ד אֲשֶׁר־עָבַ֙רְנוּ֙ אֶת־נַ֣חַל זֶ֔רֶד שְׁלֹשִׁ֥ים וּשְׁמֹנֶ֖ה שָׁנָ֑ה עַד־תֹּ֨ם כָּל־הַדֹּ֜ור אַנְשֵׁ֤י הַמִּלְחָמָה֙ מִקֶּ֣רֶב הַֽמַּחֲנֶ֔ה כַּאֲשֶׁ֛ר נִשְׁבַּ֥ע יְהוָ֖ה לָהֶֽם׃ wehayamiym ʾasher־halakhenu ׀ miqadesh bareneaʿ ʿad ʾasher־ʿavarenu ʾet־naḥal zered sheloshiym ushemoneh shanah ʿad־tom kal־hadowr ʾaneshey hamileḥamah miqerev hamaḥaneh kaʾasher nishebaʿ yehwah lahem׃
15 וְגַ֤ם יַד־יְהוָה֙ הָ֣יְתָה בָּ֔ם לְהֻמָּ֖ם מִקֶּ֣רֶב הַֽמַּחֲנֶ֑ה עַ֖ד תֻּמָּֽם׃ wegam yad־yehwah hayetah bam lehumam miqerev hamaḥaneh ʿad tumam׃
16 וַיְהִ֨י כַאֲשֶׁר־תַּ֜מּוּ כָּל־אַנְשֵׁ֧י הַמִּלְחָמָ֛ה לָמ֖וּת מִקֶּ֥רֶב הָעָֽם׃ ס wayehiy khaʾasher־tamu kal־ʾaneshey hamileḥamah lamut miqerev haʿam׃ s
17 וַיְדַבֵּ֥ר יְהוָ֖ה אֵלַ֥י לֵאמֹֽר׃ wayedaber yehwah ʾelay leʾmor׃
18 אַתָּ֨ה עֹבֵ֥ר הַיֹּ֛ום אֶת־גְּב֥וּל מֹואָ֖ב אֶת־עָֽר׃ ʾatah ʿover hayowm ʾet־gevul mowʾav ʾet־ʿar׃
19 וְקָרַבְתָּ֗ מ֚וּל בְּנֵ֣י עַמֹּ֔ון אַל־תְּצֻרֵ֖ם וְאַל־תִּתְגָּ֣ר בָּ֑ם כִּ֣י לֹֽא־אֶ֠תֵּן מֵאֶ֨רֶץ בְּנֵי־עַמֹּ֤ון לְךָ֙ יְרֻשָּׁ֔ה כִּ֥י לִבְנֵי־לֹ֖וט נְתַתִּ֥יהָ יְרֻשָּֽׁה׃ weqaraveta mul beney ʿamown ʾal־tetsurem weʾal־titegar bam kiy loʾ־ʾeten meʾerets beney־ʿamown lekha yerushah kiy liveney־lowṭ netatiyha yerushah׃
20 אֶֽרֶץ־רְפָאִ֥ים תֵּחָשֵׁ֖ב אַף־הִ֑וא רְפָאִ֤ים יָֽשְׁבוּ־בָהּ֙ לְפָנִ֔ים וְהָֽעַמֹּנִ֔ים יִקְרְא֥וּ לָהֶ֖ם זַמְזֻמִּֽים׃ ʾerets־refaʾiym teḥashev ʾaf־hiwʾ refaʾiym yashevu־vah lefaniym wehaʿamoniym yiqereʾu lahem zamezumiym׃
21 עַ֣ם גָּדֹ֥ול וְרַ֛ב וָרָ֖ם כָּעֲנָקִ֑ים וַיַּשְׁמִידֵ֤ם יְהוָה֙ מִפְּנֵיהֶ֔ם וַיִּירָשֻׁ֖ם וַיֵּשְׁב֥וּ תַחְתָּֽם׃ ʿam gadowl werav waram kaʿanaqiym wayashemiydem yehwah mipeneyhem wayiyrashum wayeshevu taḥetam׃
22 כַּאֲשֶׁ֤ר עָשָׂה֙ לִבְנֵ֣י עֵשָׂ֔ו הַיֹּשְׁבִ֖ים בְּשֵׂעִ֑יר אֲשֶׁ֨ר הִשְׁמִ֤יד אֶת־הַחֹרִי֙ מִפְּנֵיהֶ֔ם וַיִּֽירָשֻׁם֙ וַיֵּשְׁב֣וּ תַחְתָּ֔ם עַ֖ד הַיֹּ֥ום הַזֶּֽה׃ kaʾasher ʿasah liveney ʿesaw hayosheviym beseʿiyr ʾasher hishemiyd ʾet־haḥoriy mipeneyhem wayiyrashum wayeshevu taḥetam ʿad hayowm hazeh׃
23 וְהָֽעַוִּ֛ים הַיֹּשְׁבִ֥ים בַּחֲצֵרִ֖ים עַד־עַזָּ֑ה כַּפְתֹּרִים֙ הַיֹּצְאִ֣ים מִכַּפְתֹּ֔ור הִשְׁמִידֻ֖ם וַיֵּשְׁב֥וּ תַחְתָּֽם׃ wehaʿauiym hayosheviym baḥatseriym ʿad־ʿazah kafetoriym hayotseʾiym mikafetowr hishemiydum wayeshevu taḥetam׃
24 ק֣וּמוּ סְּע֗וּ וְעִבְרוּ֮ אֶת־נַ֣חַל אַרְנֹן֒ רְאֵ֣ה נָתַ֣תִּי בְ֠יָדְךָ אֶת־סִיחֹ֨ן מֶֽלֶךְ־חֶשְׁבֹּ֧ון הָֽאֱמֹרִ֛י וְאֶת־אַרְצֹ֖ו הָחֵ֣ל רָ֑שׁ וְהִתְגָּ֥ר בֹּ֖ו מִלְחָמָֽה׃ qumu seʿu weʿiveru ʾet־naḥal ʾarenon reʾeh natatiy veyadekha ʾet־siyḥon melekhe־ḥeshebown haʾemoriy weʾet־ʾaretsow haḥel rash wehitegar bow mileḥamah׃
25 הַיֹּ֣ום הַזֶּ֗ה אָחֵל֙ תֵּ֤ת פַּחְדְּךָ֙ וְיִרְאָ֣תְךָ֔ עַל־פְּנֵי֙ הָֽעַמִּ֔ים תַּ֖חַת כָּל־הַשָּׁמָ֑יִם אֲשֶׁ֤ר יִשְׁמְעוּן֙ שִׁמְעֲךָ֔ וְרָגְז֥וּ וְחָל֖וּ מִפָּנֶֽיךָ ׃ hayowm hazeh ʾaḥel tet paḥedekha weyireʾatekha ʿal־peney haʿamiym taḥat kal־hashamayim ʾasher yishemeʿun shimeʿakha weragezu weḥalu mipaneykha ׃
26 וָאֶשְׁלַ֤ח מַלְאָכִים֙ מִמִּדְבַּ֣ר קְדֵמֹ֔ות אֶל־סִיחֹ֖ון מֶ֣לֶךְ חֶשְׁבֹּ֑ון דִּבְרֵ֥י שָׁלֹ֖ום לֵאמֹֽר׃ waʾeshelaḥ maleʾakhiym mimidebar qedemowt ʾel־siyḥown melekhe ḥeshebown diverey shalowm leʾmor׃
27 אֶעְבְּרָ֣ה בְאַרְצֶ֔ךָ בַּדֶּ֥רֶךְ בַּדֶּ֖רֶךְ אֵלֵ֑ךְ לֹ֥א אָס֖וּר יָמִ֥ין וּשְׂמֹֽאול׃ ʾeʿeberah veʾaretsekha baderekhe baderekhe ʾelekhe loʾ ʾasur yamiyn usemoʾwl׃
28 אֹ֣כֶל בַּכֶּ֤סֶף תַּשְׁבִּרֵ֙נִי֙ וְאָכַ֔לְתִּי וּמַ֛יִם בַּכֶּ֥סֶף תִּתֶּן־לִ֖י וְשָׁתִ֑יתִי רַ֖ק אֶעְבְּרָ֥ה בְרַגְלָֽי׃ ʾokhel bakesef tashebireniy weʾakhaletiy umayim bakesef titen־liy weshatiytiy raq ʾeʿeberah veragelay׃
29 כַּאֲשֶׁ֨ר עָֽשׂוּ־לִ֜י בְּנֵ֣י עֵשָׂ֗ו הַיֹּֽשְׁבִים֙ בְּשֵׂעִ֔יר וְהַמֹּ֣ואָבִ֔ים הַיֹּשְׁבִ֖ים בְּעָ֑ר עַ֤ד אֲשֶֽׁר־אֶֽעֱבֹר֙ אֶת־הַיַּרְדֵּ֔ן אֶל־הָאָ֕רֶץ אֲשֶׁר־יְהוָ֥ה אֱלֹהֵ֖ינוּ נֹתֵ֥ן לָֽנוּ׃ kaʾasher ʿasu־liy beney ʿesaw hayosheviym beseʿiyr wehamowʾaviym hayosheviym beʿar ʿad ʾasher־ʾeʿevor ʾet־hayareden ʾel־haʾarets ʾasher־yehwah ʾeloheynu noten lanu׃
30 וְלֹ֣א אָבָ֗ה סִיחֹן֙ מֶ֣לֶךְ חֶשְׁבֹּ֔ון הַעֲבִרֵ֖נוּ בֹּ֑ו כִּֽי־הִקְשָׁה֩ יְהוָ֨ה אֱלֹהֶ֜יךָ אֶת־רוּחֹ֗ו וְאִמֵּץ֙ אֶת־לְבָבֹ֔ו לְמַ֛עַן תִּתֹּ֥ו בְיָדְךָ֖ כַּיֹּ֥ום הַזֶּֽה׃ ס weloʾ ʾavah siyḥon melekhe ḥeshebown haʿavirenu bow kiy־hiqeshah yehwah ʾeloheykha ʾet־ruḥow weʾimets ʾet־levavow lemaʿan titow veyadekha kayowm hazeh׃ s
31 וַיֹּ֤אמֶר יְהוָה֙ אֵלַ֔י רְאֵ֗ה הַֽחִלֹּ֙תִי֙ תֵּ֣ת לְפָנֶ֔יךָ אֶת־סִיחֹ֖ן וְאֶת־אַרְצֹ֑ו הָחֵ֣ל רָ֔שׁ לָרֶ֖שֶׁת אֶת־אַרְצֹֽו׃ wayoʾmer yehwah ʾelay reʾeh haḥilotiy tet lefaneykha ʾet־siyḥon weʾet־ʾaretsow haḥel rash lareshet ʾet־ʾaretsow׃
32 וַיֵּצֵא֩ סִיחֹ֨ן לִקְרָאתֵ֜נוּ ה֧וּא וְכָל־עַמֹּ֛ו לַמִּלְחָמָ֖ה יָֽהְצָה׃ wayetseʾ siyḥon liqeraʾtenu huʾ wekhal־ʿamow lamileḥamah yahetsah׃
33 וַֽיִּתְּנֵ֛הוּ יְהוָ֥ה אֱלֹהֵ֖ינוּ לְפָנֵ֑ינוּ וַנַּ֥ךְ אֹתֹ֛ו וְאֶת־ [בְּנֹו כ] (בָּנָ֖יו ק) וְאֶת־כָּל־עַמֹּֽו׃ wayitenehu yehwah ʾeloheynu lefaneynu wanakhe ʾotow weʾet־ [benow kh] (banayw q) weʾet־kal־ʿamow׃
34 וַנִּלְכֹּ֤ד אֶת־כָּל־עָרָיו֙ בָּעֵ֣ת הַהִ֔וא וַֽנַּחֲרֵם֙ אֶת־כָּל־עִ֣יר מְתִ֔ם וְהַנָּשִׁ֖ים וְהַטָּ֑ף לֹ֥א הִשְׁאַ֖רְנוּ שָׂרִֽיד׃ wanilekod ʾet־kal־ʿarayw baʿet hahiwʾ wanaḥarem ʾet־kal־ʿiyr metim wehanashiym wehaṭaf loʾ hisheʾarenu sariyd׃
35 רַ֥ק הַבְּהֵמָ֖ה בָּזַ֣זְנוּ לָ֑נוּ וּשְׁלַ֥ל הֶעָרִ֖ים אֲשֶׁ֥ר לָכָֽדְנוּ׃ raq habehemah bazazenu lanu ushelal heʿariym ʾasher lakhadenu׃
36 מֵֽעֲרֹעֵ֡ר אֲשֶׁר֩ עַל־שְׂפַת־נַ֨חַל אַרְנֹ֜ן וְהָעִ֨יר אֲשֶׁ֤ר בַּנַּ֙חַל֙ וְעַד־הַגִּלְעָ֔ד לֹ֤א הָֽיְתָה֙ קִרְיָ֔ה אֲשֶׁ֥ר שָׂגְבָ֖ה מִמֶּ֑נּוּ אֶת־הַכֹּ֕ל נָתַ֛ן יְהוָ֥ה אֱלֹהֵ֖ינוּ לְפָנֵֽינוּ׃ meʿaroʿer ʾasher ʿal־sefat־naḥal ʾarenon wehaʿiyr ʾasher banaḥal weʿad־hagileʿad loʾ hayetah qireyah ʾasher sagevah mimenu ʾet־hakol natan yehwah ʾeloheynu lefaneynu׃
37 רַ֛ק אֶל־אֶ֥רֶץ בְּנֵי־עַמֹּ֖ון לֹ֣א קָרָ֑בְתָּ כָּל־יַ֞ד נַ֤חַל יַבֹּק֙ וְעָרֵ֣י הָהָ֔ר וְכֹ֥ל אֲשֶׁר־צִוָּ֖ה יְהוָ֥ה אֱלֹהֵֽינוּ׃ raq ʾel־ʾerets beney־ʿamown loʾ qaraveta kal־yad naḥal yaboq weʿarey hahar wekhol ʾasher־tsiuah yehwah ʾeloheynu׃