1 וַיְהִ֣י אַֽחֲרֵיכֵ֡ן בָּ֣אוּ בְנֵי־מֹואָב֩ וּבְנֵ֨י עַמֹּ֜ון וְעִמָּהֶ֧ם ׀ מֵֽהָעַמֹּונִ֛ים עַל־יְהֹושָׁפָ֖ט לַמִּלְחָמָֽה׃ wayehiy ʾaḥareykhen baʾu veney־mowʾav uveney ʿamown weʿimahem ׀ mehaʿamowniym ʿal־yehowshafaṭ lamileḥamah׃
2 וַיָּבֹ֗אוּ וַיַּגִּ֤ידוּ לִֽיהֹושָׁפָט֙ לֵאמֹ֔ר בָּ֣א עָלֶ֜יךָ הָמֹ֥ון רָ֛ב מֵעֵ֥בֶר לַיָּ֖ם מֵאֲרָ֑ם וְהִנָּם֙ בְּחַֽצְצֹ֣ון תָּמָ֔ר הִ֖יא עֵ֥ין גֶּֽדִי׃ wayavoʾu wayagiydu liyhowshafaṭ leʾmor baʾ ʿaleykha hamown rav meʿever layam meʾaram wehinam beḥatsetsown tamar hiyʾ ʿeyn gediy׃
3 וַיִּרָ֕א וַיִּתֵּ֧ן יְהֹושָׁפָ֛ט אֶת־פָּנָ֖יו לִדְרֹ֣ושׁ לַיהוָ֑ה וַיִּקְרָא־צֹ֖ום עַל־כָּל־יְהוּדָֽה׃ wayiraʾ wayiten yehowshafaṭ ʾet־panayw liderowsh layhwah wayiqeraʾ־tsowm ʿal־kal־yehudah׃
4 וַיִּקָּבְצ֣וּ יְהוּדָ֔ה לְבַקֵּ֖שׁ מֵֽיְהוָ֑ה גַּ֚ם מִכָּל־עָרֵ֣י יְהוּדָ֔ה בָּ֖אוּ לְבַקֵּ֥שׁ אֶת־יְהוָֽה׃ wayiqavetsu yehudah levaqesh meyehwah gam mikal־ʿarey yehudah baʾu levaqesh ʾet־yehwah׃
5 וַיַּעֲמֹ֣ד יְהֹושָׁפָ֗ט בִּקְהַ֧ל יְהוּדָ֛ה וִירוּשָׁלִַ֖ם בְּבֵ֣ית יְהוָ֑ה לִפְנֵ֖י הֶחָצֵ֥ר הַחֲדָשָֽׁה׃ wayaʿamod yehowshafaṭ biqehal yehudah wiyrushalim beveyt yehwah lifeney heḥatser haḥadashah׃
6 וַיֹּאמַ֗ר יְהוָ֞ה אֱלֹהֵ֤י אֲבֹתֵ֙ינוּ֙ הֲלֹ֨א אַתָּֽה־ה֤וּא אֱלֹהִים֙ בַּשָּׁמַ֔יִם וְאַתָּ֣ה מֹושֵׁ֔ל בְּכֹ֖ל מַמְלְכֹ֣ות הַגֹּויִ֑ם וּבְיָדְךָ֙ כֹּ֣חַ וּגְבוּרָ֔ה וְאֵ֥ין עִמְּךָ֖ לְהִתְיַצֵּֽב׃ wayoʾmar yehwah ʾelohey ʾavoteynu haloʾ ʾatah־huʾ ʾelohiym bashamayim weʾatah mowshel bekhol mamelekhowt hagowyim uveyadekha koaḥ ugevurah weʾeyn ʿimekha lehiteyatsev׃
7 הֲלֹ֣א ׀ אַתָּ֣ה אֱלֹהֵ֗ינוּ הֹורַ֙שְׁתָּ֙ אֶת־יֹשְׁבֵי֙ הָאָ֣רֶץ הַזֹּ֔את מִלִּפְנֵ֖י עַמְּךָ֣ יִשְׂרָאֵ֑ל וַֽתִּתְּנָ֗הּ לְזֶ֛רַע אַבְרָהָ֥ם אֹֽהַבְךָ֖ לְעֹולָֽם׃ haloʾ ׀ ʾatah ʾeloheynu howrasheta ʾet־yoshevey haʾarets hazoʾt milifeney ʿamekha yiseraʾel watitenah lezeraʿ ʾaveraham ʾohavekha leʿowlam׃
8 וַיֵּשְׁב֖וּ־בָ֑הּ וַיִּבְנ֨וּ לְךָ֧ ׀ בָּ֛הּ מִקְדָּ֖שׁ לְשִׁמְךָ֥ לֵאמֹֽר׃ wayeshevu־vah wayivenu lekha ׀ bah miqedash leshimekha leʾmor׃
9 אִם־תָּבֹ֨וא עָלֵ֜ינוּ רָעָ֗ה חֶרֶב֮ שְׁפֹוט֮ וְדֶ֣בֶר וְרָעָב֒ נַֽעַמְדָ֞ה לִפְנֵי֙ הַבַּ֤יִת הַזֶּה֙ וּלְפָנֶ֔יךָ כִּ֥י שִׁמְךָ֖ בַּבַּ֣יִת הַזֶּ֑ה וְנִזְעַ֥ק אֵלֶ֛יךָ מִצָּרָתֵ֖נוּ וְתִשְׁמַ֥ע וְתֹושִֽׁיעַ׃ ʾim־tavowʾ ʿaleynu raʿah ḥerev shefowṭ wedever weraʿav naʿamedah lifeney habayit hazeh ulefaneykha kiy shimekha babayit hazeh wenizeʿaq ʾeleykha mitsaratenu wetishemaʿ wetowshiyʿa׃
10 וְעַתָּ֡ה הִנֵּה֩ בְנֵֽי־עַמֹּ֨ון וּמֹואָ֜ב וְהַר־שֵׂעִ֗יר אֲ֠שֶׁר לֹֽא־נָתַ֤תָּה לְיִשְׂרָאֵל֙ לָבֹ֣וא בָהֶ֔ם בְּבֹאָ֖ם מֵאֶ֣רֶץ מִצְרָ֑יִם כִּ֛י סָ֥רוּ מֵעֲלֵיהֶ֖ם וְלֹ֥א הִשְׁמִידֽוּם׃ weʿatah hineh veney־ʿamown umowʾav wehar־seʿiyr ʾasher loʾ־natatah leyiseraʾel lavowʾ vahem bevoʾam meʾerets mitserayim kiy saru meʿaleyhem weloʾ hishemiydum׃
11 וְהִ֨נֵּה־הֵ֔ם גֹּמְלִ֖ים עָלֵ֑ינוּ לָבֹוא֙ לְגָ֣רְשֵׁ֔נוּ מִיְּרֻשָּׁתְךָ֖ אֲשֶׁ֥ר הֹֽורַשְׁתָּֽנוּ׃ wehineh־hem gomeliym ʿaleynu lavowʾ legareshenu miyerushatekha ʾasher howrashetanu׃
12 אֱלֹהֵ֙ינוּ֙ הֲלֹ֣א תִשְׁפָּט־בָּ֔ם כִּ֣י אֵ֥ין בָּ֙נוּ֙ כֹּ֔חַ לִ֠פְנֵי הֶהָמֹ֥ון הָרָ֛ב הַזֶּ֖ה הַבָּ֣א עָלֵ֑ינוּ וַאֲנַ֗חְנוּ לֹ֤א נֵדַע֙ מַֽה־נַּעֲשֶׂ֔ה כִּ֥י עָלֶ֖יךָ עֵינֵֽינוּ׃ ʾeloheynu haloʾ tishepaṭ־bam kiy ʾeyn banu koaḥ lifeney hehamown harav hazeh habaʾ ʿaleynu waʾanaḥenu loʾ nedaʿ mah־naʿaseh kiy ʿaleykha ʿeyneynu׃
13 וְכֹ֨ל־יְהוּדָ֔ה עֹמְדִ֖ים לִפְנֵ֣י יְהוָ֑ה גַּם־טַפָּ֖ם נְשֵׁיהֶ֥ם וּבְנֵיהֶֽם׃ פ wekhol־yehudah ʿomediym lifeney yehwah gam־ṭapam nesheyhem uveneyhem׃ f
14 וְיַחֲזִיאֵ֡ל בֶּן־זְכַרְיָ֡הוּ בֶּן־בְּ֠נָיָה בֶּן־יְעִיאֵ֧ל בֶּן־מַתַּנְיָ֛ה הַלֵּוִ֖י מִן־בְּנֵ֣י אָסָ֑ף הָיְתָ֤ה עָלָיו֙ ר֣וּחַ יְהוָ֔ה בְּתֹ֖וךְ הַקָּהָֽל׃ weyaḥaziyʾel ben־zekhareyahu ben־benayah ben־yeʿiyʾel ben־mataneyah halewiy min־beney ʾasaf hayetah ʿalayw ruaḥ yehwah betowkhe haqahal׃
15 וַיֹּ֗אמֶר הַקְשִׁ֤יבוּ כָל־יְהוּדָה֙ וְיֹשְׁבֵ֣י יְרוּשָׁלִַ֔ם וְהַמֶּ֖לֶךְ יְהֹושָׁפָ֑ט כֹּֽה־אָמַ֨ר יְהוָ֜ה לָכֶ֗ם אַ֠תֶּם אַל־תִּֽירְא֤וּ וְאַל־תֵּחַ֙תּוּ֙ מִפְּנֵ֨י הֶהָמֹ֤ון הָרָב֙ הַזֶּ֔ה כִּ֣י לֹ֥א לָכֶ֛ם הַמִּלְחָמָ֖ה כִּ֥י לֵאלֹהִֽים׃ wayoʾmer haqeshiyvu khal־yehudah weyoshevey yerushalim wehamelekhe yehowshafaṭ koh־ʾamar yehwah lakhem ʾatem ʾal־tiyreʾu weʾal־teḥatu mipeney hehamown harav hazeh kiy loʾ lakhem hamileḥamah kiy leʾlohiym׃
16 מָחָר֙ רְד֣וּ עֲלֵיהֶ֔ם הִנָּ֥ם עֹלִ֖ים בְּמַעֲלֵ֣ה הַצִּ֑יץ וּמְצָאתֶ֤ם אֹתָם֙ בְּסֹ֣וף הַנַּ֔חַל פְּנֵ֖י מִדְבַּ֥ר יְרוּאֵֽל׃ maḥar redu ʿaleyhem hinam ʿoliym bemaʿaleh hatsiyts umetsaʾtem ʾotam besowf hanaḥal peney midebar yeruʾel׃
17 לֹ֥א לָכֶ֖ם לְהִלָּחֵ֣ם בָּזֹ֑את הִתְיַצְּב֣וּ עִמְד֡וּ וּרְא֣וּ אֶת־יְשׁוּעַת֩ יְהוָ֨ה עִמָּכֶ֜ם יְהוּדָ֣ה וִֽירוּשָׁלִַ֗ם אַל־תִּֽירְאוּ֙ וְאַל־תֵּחַ֔תּוּ מָחָר֙ צְא֣וּ לִפְנֵיהֶ֔ם וַיהוָ֖ה עִמָּכֶֽם׃ loʾ lakhem lehilaḥem bazoʾt hiteyatsevu ʿimedu ureʾu ʾet־yeshuʿat yehwah ʿimakhem yehudah wiyrushalim ʾal־tiyreʾu weʾal־teḥatu maḥar tseʾu lifeneyhem wayhwah ʿimakhem׃
18 וַיִּקֹּ֧ד יְהֹושָׁפָ֛ט אַפַּ֖יִם אָ֑רְצָה וְכָל־יְהוּדָ֞ה וְיֹשְׁבֵ֣י יְרוּשָׁלִַ֗ם נָֽפְלוּ֙ לִפְנֵ֣י יְהוָ֔ה לְהִֽשְׁתַּחֲוֹ֖ת לַיהוָֽה׃ wayiqod yehowshafaṭ ʾapayim ʾaretsah wekhal־yehudah weyoshevey yerushalim nafelu lifeney yehwah lehishetaḥaot layhwah׃
19 וַיָּקֻ֧מוּ הַלְוִיִּ֛ם מִן־בְּנֵ֥י הַקְּהָתִ֖ים וּמִן־בְּנֵ֣י הַקָּרְחִ֑ים לְהַלֵּ֗ל לַיהוָה֙ אֱלֹהֵ֣י יִשְׂרָאֵ֔ל בְּקֹ֥ול גָּדֹ֖ול לְמָֽעְלָה׃ wayaqumu halewiyim min־beney haqehatiym umin־beney haqareḥiym lehalel layhwah ʾelohey yiseraʾel beqowl gadowl lemaʿelah׃
20 וַיַּשְׁכִּ֣ימוּ בַבֹּ֔קֶר וַיֵּצְא֖וּ לְמִדְבַּ֣ר תְּקֹ֑ועַ וּבְצֵאתָ֞ם עָמַ֣ד יְהֹושָׁפָ֗ט וַיֹּ֙אמֶר֙ שְׁמָע֗וּנִי יְהוּדָה֙ וְיֹשְׁבֵ֣י יְרוּשָׁלִַ֔ם הַאֲמִ֜ינוּ בַּיהוָ֤ה אֱלֹהֵיכֶם֙ וְתֵ֣אָמֵ֔נוּ הַאֲמִ֥ינוּ בִנְבִיאָ֖יו וְהַצְלִֽיחוּ׃ wayashekiymu vaboqer wayetseʾu lemidebar teqowʿa uvetseʾtam ʿamad yehowshafaṭ wayoʾmer shemaʿuniy yehudah weyoshevey yerushalim haʾamiynu bayhwah ʾeloheykhem weteʾamenu haʾamiynu vineviyʾayw wehatseliyḥu׃
21 וַיִּוָּעַץ֙ אֶל־הָעָ֔ם וַיַּעֲמֵ֤ד מְשֹֽׁרֲרִים֙ לַיהוָ֔ה וּֽמְהַֽלְלִ֖ים לְהַדְרַת־קֹ֑דֶשׁ בְּצֵאת֙ לִפְנֵ֣י הֶֽחָל֔וּץ וְאֹֽמְרִים֙ הֹוד֣וּ לַיהוָ֔ה כִּ֥י לְעֹולָ֖ם חַסְדֹּֽו׃ wayiuaʿats ʾel־haʿam wayaʿamed meshorariym layhwah umehaleliym lehaderat־qodesh betseʾt lifeney heḥaluts weʾomeriym howdu layhwah kiy leʿowlam ḥasedow׃
22 וּבְעֵת֩ הֵחֵ֨לּוּ בְרִנָּ֜ה וּתְהִלָּ֗ה נָתַ֣ן יְהוָ֣ה ׀ מְ֠אָֽרְבִים עַל־בְּנֵ֨י עַמֹּ֜ון מֹואָ֧ב וְהַר־שֵׂעִ֛יר הַבָּאִ֥ים לִֽיהוּדָ֖ה וַיִּנָּגֵֽפוּ׃ uveʿet heḥelu verinah utehilah natan yehwah ׀ meʾareviym ʿal־beney ʿamown mowʾav wehar־seʿiyr habaʾiym liyhudah wayinagefu׃
23 וַ֠יַּֽעַמְדוּ בְּנֵ֨י עַמֹּ֧ון וּמֹואָ֛ב עַל־יֹשְׁבֵ֥י הַר־שֵׂעִ֖יר לְהַחֲרִ֣ים וּלְהַשְׁמִ֑יד וּכְכַלֹּותָם֙ בְּיֹושְׁבֵ֣י שֵׂעִ֔יר עָזְר֥וּ אִישׁ־בְּרֵעֵ֖הוּ לְמַשְׁחִֽית׃ wayaʿamedu beney ʿamown umowʾav ʿal־yoshevey har־seʿiyr lehaḥariym ulehashemiyd ukhekhalowtam beyowshevey seʿiyr ʿazeru ʾiysh־bereʿehu lemasheḥiyt׃
24 וִֽיהוּדָ֛ה בָּ֥א עַל־הַמִּצְפֶּ֖ה לַמִּדְבָּ֑ר וַיִּפְנוּ֙ אֶל־הֶ֣הָמֹ֔ון וְהִנָּ֧ם פְּגָרִ֛ים נֹפְלִ֥ים אַ֖רְצָה וְאֵ֥ין פְּלֵיטָֽה׃ wiyhudah baʾ ʿal־hamitsepeh lamidebar wayifenu ʾel־hehamown wehinam pegariym nofeliym ʾaretsah weʾeyn peleyṭah׃
25 וַיָּבֹ֨א יְהֹושָׁפָ֣ט וְעַמֹּו֮ לָבֹ֣ז אֶת־שְׁלָלָם֒ וַיִּמְצְאוּ֩ בָהֶ֨ם לָרֹ֜ב וּרְכ֤וּשׁ וּפְגָרִים֙ וּכְלֵ֣י חֲמֻדֹ֔ות וַיְנַצְּל֥וּ לָהֶ֖ם לְאֵ֣ין מַשָּׂ֑א וַיִּֽהְי֞וּ יָמִ֧ים שְׁלֹושָׁ֛ה בֹּזְזִ֥ים אֶת־הַשָּׁלָ֖ל כִּ֥י רַב־הֽוּא׃ wayavoʾ yehowshafaṭ weʿamow lavoz ʾet־shelalam wayimetseʾu vahem larov urekhush ufegariym ukheley ḥamudowt wayenatselu lahem leʾeyn masaʾ wayiheyu yamiym shelowshah bozeziym ʾet־hashalal kiy rav־huʾ׃
26 וּבַיֹּ֣ום הָרְבִעִ֗י נִקְהֲלוּ֙ לְעֵ֣מֶק בְּרָכָ֔ה כִּי־שָׁ֖ם בֵּרֲכ֣וּ אֶת־יְהוָ֑ה עַל־כֵּ֡ן קָֽרְא֞וּ אֶת־שֵׁ֨ם הַמָּקֹ֥ום הַה֛וּא עֵ֥מֶק בְּרָכָ֖ה עַד־הַיֹּֽום׃ uvayowm hareviʿiy niqehalu leʿemeq berakhah kiy־sham berakhu ʾet־yehwah ʿal־ken qareʾu ʾet־shem hamaqowm hahuʾ ʿemeq berakhah ʿad־hayowm׃
27 וַ֠יָּשֻׁבוּ כָּל־אִ֨ישׁ יְהוּדָ֤ה וִֽירוּשָׁלִַ֙ם֙ וִֽיהֹושָׁפָ֣ט בְּרֹאשָׁ֔ם לָשׁ֥וּב אֶל־יְרוּשָׁלִַ֖ם בְּשִׂמְחָ֑ה כִּֽי־שִׂמְּחָ֥ם יְהוָ֖ה מֵֽאֹויְבֵיהֶֽם׃ wayashuvu kal־ʾiysh yehudah wiyrushalim wiyhowshafaṭ beroʾsham lashuv ʾel־yerushalim besimeḥah kiy־simeḥam yehwah meʾowyeveyhem׃
28 וַיָּבֹ֙אוּ֙ יְר֣וּשָׁלִַ֔ם בִּנְבָלִ֥ים וּבְכִנֹּרֹ֖ות וּבַחֲצֹצְרֹ֑ות אֶל־בֵּ֖ית יְהוָֽה׃ wayavoʾu yerushalim binevaliym uvekhinorowt uvaḥatsotserowt ʾel־beyt yehwah׃
29 וַיְהִי֙ פַּ֣חַד אֱלֹהִ֔ים עַ֖ל כָּל־מַמְלְכֹ֣ות הָאֲרָצֹ֑ות בְּשָׁמְעָ֕ם כִּ֚י נִלְחַ֣ם יְהוָ֔ה עִ֖ם אֹויְבֵ֥י יִשְׂרָאֵֽל׃ wayehiy paḥad ʾelohiym ʿal kal־mamelekhowt haʾaratsowt beshameʿam kiy nileḥam yehwah ʿim ʾowyevey yiseraʾel׃
30 וַתִּשְׁקֹ֖ט מַלְכ֣וּת יְהֹושָׁפָ֑ט וַיָּ֧נַֽח לֹ֦ו אֱלֹהָ֖יו מִסָּבִֽיב׃ פ watisheqoṭ malekhut yehowshafaṭ wayanaḥ low ʾelohayw misaviyv׃ f
31 וַיִּמְלֹ֥ךְ יְהֹושָׁפָ֖ט עַל־יְהוּדָ֑ה בֶּן־שְׁלֹשִׁים֩ וְחָמֵ֨שׁ שָׁנָ֜ה בְּמָלְכֹ֗ו וְעֶשְׂרִ֨ים וְחָמֵ֤שׁ שָׁנָה֙ מָלַ֣ךְ בִּֽירוּשָׁלִַ֔ם וְשֵׁ֣ם אִמֹּ֔ו עֲזוּבָ֖ה בַּת־שִׁלְחִֽי׃ wayimelokhe yehowshafaṭ ʿal־yehudah ben־sheloshiym weḥamesh shanah bemalekhow weʿeseriym weḥamesh shanah malakhe biyrushalim weshem ʾimow ʿazuvah bat־shileḥiy׃
32 וַיֵּ֗לֶךְ בְּדֶ֛רֶךְ אָבִ֥יו אָסָ֖א וְלֹא־סָ֣ר מִמֶּ֑נָּה לַעֲשֹׂ֥ות הַיָּשָׁ֖ר בְּעֵינֵ֥י יְהוָֽה׃ wayelekhe bederekhe ʾaviyw ʾasaʾ weloʾ־sar mimenah laʿasowt hayashar beʿeyney yehwah׃
33 אַ֥ךְ הַבָּמֹ֖ות לֹא־סָ֑רוּ וְעֹ֤וד הָעָם֙ לֹא־הֵכִ֣ינוּ לְבָבָ֔ם לֵאלֹהֵ֖י אֲבֹתֵיהֶֽם׃ ʾakhe habamowt loʾ־saru weʿowd haʿam loʾ־hekhiynu levavam leʾlohey ʾavoteyhem׃
34 וְיֶ֙תֶר֙ דִּבְרֵ֣י יְהֹושָׁפָ֔ט הָרִאשֹׁנִ֖ים וְהָאַחֲרֹנִ֑ים הִנָּ֣ם כְּתוּבִ֗ים בְּדִבְרֵי֙ יֵה֣וּא בֶן־חֲנָ֔נִי אֲשֶׁ֣ר הֹֽעֲלָ֔ה עַל־סֵ֖פֶר מַלְכֵ֥י יִשְׂרָאֵֽל׃ weyeter diverey yehowshafaṭ hariʾshoniym wehaʾaḥaroniym hinam ketuviym bediverey yehuʾ ven־ḥananiy ʾasher hoʿalah ʿal־sefer malekhey yiseraʾel׃
35 וְאַחֲרֵיכֵ֗ן אֶתְחַבַּר֙ יְהֹושָׁפָ֣ט מֶֽלֶךְ־יְהוּדָ֔ה עִ֖ם אֲחַזְיָ֣ה מֶֽלֶךְ־יִשְׂרָאֵ֑ל ה֖וּא הִרְשִׁ֥יעַ לַעֲשֹֽׂות׃ weʾaḥareykhen ʾeteḥabar yehowshafaṭ melekhe־yehudah ʿim ʾaḥazeyah melekhe־yiseraʾel huʾ hireshiyʿa laʿasowt׃
36 וַיְחַבְּרֵ֣הוּ עִמֹּ֔ו לַעֲשֹׂ֥ות אֳנִיֹּ֖ות לָלֶ֣כֶת תַּרְשִׁ֑ישׁ וַיַּעֲשׂ֥וּ אֳנִיֹּ֖ות בְּעֶצְיֹ֥ון גָּֽבֶר׃ wayeḥaberehu ʿimow laʿasowt ʾoniyowt lalekhet tareshiysh wayaʿasu ʾoniyowt beʿetseyown gaver׃
37 וַיִּתְנַבֵּ֞א אֱלִיעֶ֤זֶר בֶּן־דֹּדָוָ֙הוּ֙ מִמָּ֣רֵשָׁ֔ה עַל־יְהֹושָׁפָ֖ט לֵאמֹ֑ר כְּהִֽתְחַבֶּרְךָ֣ עִם־אֲחַזְיָ֗הוּ פָּרַ֤ץ יְהוָה֙ אֶֽת־מַעֲשֶׂ֔יךָ וַיִּשָּׁבְר֣וּ אֳנִיֹּ֔ות וְלֹ֥א עָצְר֖וּ לָלֶ֥כֶת אֶל־תַּרְשִֽׁישׁ׃ wayitenabeʾ ʾeliyʿezer ben־dodawahu mimareshah ʿal־yehowshafaṭ leʾmor kehiteḥaberekha ʿim־ʾaḥazeyahu parats yehwah ʾet־maʿaseykha wayishaveru ʾoniyowt weloʾ ʿatseru lalekhet ʾel־tareshiysh׃