1 כִּֽי־תֵ֭שֵׁב לִלְחֹ֣ום אֶת־מֹושֵׁ֑ל בִּ֥ין תָּ֝בִ֗ין אֶת־אֲשֶׁ֥ר לְפָנֶֽיךָ׃ kiy־teshev lileḥowm ʾet־mowshel biyn taviyn ʾet־ʾasher lefaneykha׃
2 וְשַׂמְתָּ֣ שַׂכִּ֣ין בְּלֹעֶ֑ךָ אִם־בַּ֖עַל נֶ֣פֶשׁ אָֽתָּה׃ wesameta sakiyn beloʿekha ʾim־baʿal nefesh ʾatah׃
3 אַל־תִּ֭תְאָו לְמַטְעַמֹּותָ֑יו וְ֝ה֗וּא לֶ֣חֶם כְּזָבִֽים׃ ʾal־titeʾaw lemaṭeʿamowtayw wehuʾ leḥem kezaviym׃
4 אַל־תִּיגַ֥ע לְֽהַעֲשִׁ֑יר מִֽבִּינָתְךָ֥ חֲדָֽל׃ ʾal־tiygaʿ lehaʿashiyr mibiynatekha ḥadal׃
5 [הֲתָעוּף כ] (הֲתָ֤עִיף ק) עֵינֶ֥יךָ בֹּ֗ו וְֽאֵ֫ינֶ֥נּוּ כִּ֤י עָשֹׂ֣ה יַעֲשֶׂה־לֹּ֣ו כְנָפַ֑יִם כְּ֝נֶ֗שֶׁר [וְעָיֵף כ] (יָע֥וּף ק) הַשָּׁמָֽיִם׃ פ [hataʿuf kh] (hataʿiyf q) ʿeyneykha bow weʾeynenu kiy ʿasoh yaʿaseh־low khenafayim kenesher [weʿayef kh] (yaʿuf q) hashamayim׃ f
6 אַל־תִּלְחַ֗ם אֶת־לֶ֭חֶם רַ֣ע עָ֑יִן וְאַל־ [תִּתְאָו כ] (תִּ֝תְאָ֗יו ק) לְמַטְעַמֹּתָֽיו׃ ʾal־tileḥam ʾet־leḥem raʿ ʿayin weʾal־ [titeʾaw kh] (titeʾayw q) lemaṭeʿamotayw׃
7 כִּ֤י ׀ כְּמֹו־שָׁעַ֥ר בְּנַפְשֹׁ֗ו כֶּ֫ן־ה֥וּא אֱכֹ֣ל וּ֭שְׁתֵה יֹ֣אמַר לָ֑ךְ וְ֝לִבֹּ֗ו בַּל־עִמָּֽךְ׃ kiy ׀ kemow־shaʿar benafeshow ken־huʾ ʾekhol usheteh yoʾmar lakhe welibow bal־ʿimakhe׃
8 פִּֽתְּךָ־אָכַ֥לְתָּ תְקִיאֶ֑נָּה וְ֝שִׁחַ֗תָּ דְּבָרֶ֥יךָ הַנְּעִימִֽים׃ pitekha־ʾakhaleta teqiyʾenah weshiḥata devareykha haneʿiymiym׃
9 בְּאָזְנֵ֣י כְ֭סִיל אַל־תְּדַבֵּ֑ר כִּֽי־יָ֝ב֗וּז לְשֵׂ֣כֶל מִלֶּֽיךָ׃ beʾazeney khesiyl ʾal־tedaber kiy־yavuz lesekhel mileykha׃
10 אַל־תַּ֭סֵּג גְּב֣וּל עֹולָ֑ם וּבִשְׂדֵ֥י יְ֝תֹומִ֗ים אַל־תָּבֹֽא׃ ʾal־taseg gevul ʿowlam uvisedey yetowmiym ʾal־tavoʾ׃
11 כִּֽי־גֹאֲלָ֥ם חָזָ֑ק הֽוּא־יָרִ֖יב אֶת־רִיבָ֣ם אִתָּֽךְ׃ kiy־goʾalam ḥazaq huʾ־yariyv ʾet־riyvam ʾitakhe׃
12 הָבִ֣יאָה לַמּוּסָ֣ר לִבֶּ֑ךָ וְ֝אָזְנֶ֗ךָ לְאִמְרֵי־דָֽעַת׃ haviyʾah lamusar libekha weʾazenekha leʾimerey־daʿat׃
13 אַל־תִּמְנַ֣ע מִנַּ֣עַר מוּסָ֑ר כִּֽי־תַכֶּ֥נּוּ בַ֝שֵּׁ֗בֶט לֹ֣א יָמֽוּת׃ ʾal־timenaʿ minaʿar musar kiy־takenu vasheveṭ loʾ yamut׃
14 אַ֭תָּה בַּשֵּׁ֣בֶט תַּכֶּ֑נּוּ וְ֝נַפְשֹׁ֗ו מִשְּׁאֹ֥ול תַּצִּֽיל׃ ʾatah basheveṭ takenu wenafeshow misheʾowl tatsiyl׃
15 בְּ֭נִי אִם־חָכַ֣ם לִבֶּ֑ךָ יִשְׂמַ֖ח לִבִּ֣י גַם־אָֽנִי׃ beniy ʾim־ḥakham libekha yisemaḥ libiy gam־ʾaniy׃
16 וְתַעְלֹ֥זְנָה כִלְיֹותָ֑י בְּדַבֵּ֥ר פָתֶ֗יךָ מֵישָׁרִֽים׃ wetaʿelozenah khileyowtay bedaber fateykha meyshariym׃
17 אַל־יְקַנֵּ֣א לִ֭בְּךָ בַּֽחַטָּאִ֑ים כִּ֥י אִם־בְּיִרְאַת־יְ֝הוָ֗ה כָּל־הַיֹּֽום׃ ʾal־yeqaneʾ libekha baḥaṭaʾiym kiy ʾim־beyireʾat־yehwah kal־hayowm׃
18 כִּ֭י אִם־יֵ֣שׁ אַחֲרִ֑ית וְ֝תִקְוָתְךָ֗ לֹ֣א תִכָּרֵֽת׃ kiy ʾim־yesh ʾaḥariyt wetiqewatekha loʾ tikaret׃
19 שְׁמַע־אַתָּ֣ה בְנִ֣י וַחֲכָ֑ם וְאַשֵּׁ֖ר בַּדֶּ֣רֶךְ לִבֶּֽךָ׃ shemaʿ־ʾatah veniy waḥakham weʾasher baderekhe libekha׃
20 אַל־תְּהִ֥י בְסֹֽבְאֵי־יָ֑יִן בְּזֹלֲלֵ֖י בָשָׂ֣ר לָֽמֹו׃ ʾal־tehiy vesoveʾey־yayin bezolaley vasar lamow׃
21 כִּי־סֹבֵ֣א וְ֭זֹולֵל יִוָּרֵ֑שׁ וּ֝קְרָעִ֗ים תַּלְבִּ֥ישׁ נוּמָֽה׃ kiy־soveʾ wezowlel yiuaresh uqeraʿiym talebiysh numah׃
22 שְׁמַ֣ע לְ֭אָבִיךָ זֶ֣ה יְלָדֶ֑ךָ וְאַל־תָּ֝ב֗וּז כִּֽי־זָקְנָ֥ה אִמֶּֽךָ׃ shemaʿ leʾaviykha zeh yeladekha weʾal־tavuz kiy־zaqenah ʾimekha׃
23 אֱמֶ֣ת קְ֭נֵה וְאַל־תִּמְכֹּ֑ר חָכְמָ֖ה וּמוּסָ֣ר וּבִינָֽה׃ ʾemet qeneh weʾal־timekor ḥakhemah umusar uviynah׃
24 [גֹּול כ] (גִּ֣יל ק) [יָגֹול כ] (יָ֭גִיל ק) אֲבִ֣י צַדִּ֑יק [יֹולֵד כ] (וְיֹולֵ֥ד ק) חָ֝כָ֗ם [וְיִשְׂמַח־ כ] (יִשְׂמַח־בֹּֽו׃ ק) [gowl kh] (giyl q) [yagowl kh] (yagiyl q) ʾaviy tsadiyq [yowled kh] (weyowled q) ḥakham [weyisemaḥ־ kh] (yisemaḥ־bow׃ q)
25 יִֽשְׂמַח־אָבִ֥יךָ וְאִמֶּ֑ךָ וְ֝תָגֵ֗ל יֹֽולַדְתֶּֽךָ׃ yisemaḥ־ʾaviykha weʾimekha wetagel yowladetekha׃
26 תְּנָֽה־בְנִ֣י לִבְּךָ֣ לִ֑י וְ֝עֵינֶ֗יךָ דְּרָכַ֥י [תִּרְצֶנָה כ] (תִּצֹּֽרְנָה ׃ ק) tenah־veniy libekha liy weʿeyneykha derakhay [tiretsenah kh] (titsorenah ׃ q)
27 כִּֽי־שׁוּחָ֣ה עֲמֻקָּ֣ה זֹונָ֑ה וּבְאֵ֥ר צָ֝רָ֗ה נָכְרִיָּֽה׃ kiy־shuḥah ʿamuqah zownah uveʾer tsarah nakheriyah׃
28 אַף־הִ֭יא כְּחֶ֣תֶף תֶּֽאֱרֹ֑ב וּ֝בֹוגְדִ֗ים בְּאָדָ֥ם תֹּוסִֽף׃ ʾaf־hiyʾ keḥetef teʾerov uvowgediym beʾadam towsif׃
29 לְמִ֨י אֹ֥וי לְמִ֪י אֲבֹ֡וי לְמִ֤י [מִדֹונִים כ] (מִדְיָנִ֨ים ׀ ק) לְמִ֥י שִׂ֗יחַ לְ֭מִי פְּצָעִ֣ים חִנָּ֑ם לְ֝מִ֗י חַכְלִל֥וּת עֵינָֽיִם׃ lemiy ʾowy lemiy ʾavowy lemiy [midowniym kh] (mideyaniym ׀ q) lemiy siyḥa lemiy petsaʿiym ḥinam lemiy ḥakhelilut ʿeynayim׃
30 לַֽמְאַחֲרִ֥ים עַל־הַיָּ֑יִן לַ֝בָּאִ֗ים לַחְקֹ֥ר מִמְסָֽךְ׃ lameʾaḥariym ʿal־hayayin labaʾiym laḥeqor mimesakhe׃
31 אַל־תֵּ֥רֶא יַיִן֮ כִּ֪י יִתְאַ֫דָּ֥ם כִּֽי־יִתֵּ֣ן [בַּכִּיס כ] (בַּכֹּ֣וס ק) עֵינֹ֑ו יִ֝תְהַלֵּ֗ךְ בְּמֵישָׁרִֽים׃ ʾal־tereʾ yayin kiy yiteʾadam kiy־yiten [bakiys kh] (bakows q) ʿeynow yitehalekhe bemeyshariym׃
32 אַ֭חֲרִיתֹו כְּנָחָ֣שׁ יִשָּׁ֑ךְ וּֽכְצִפְעֹנִ֥י יַפְרִֽשׁ׃ ʾaḥariytow kenaḥash yishakhe ukhetsifeʿoniy yaferish׃
33 עֵ֭ינֶיךָ יִרְא֣וּ זָרֹ֑ות וְ֝לִבְּךָ֗ יְדַבֵּ֥ר תַּהְפֻּכֹֽות׃ ʿeyneykha yireʾu zarowt welibekha yedaber tahepukhowt׃
34 וְ֭הָיִיתָ כְּשֹׁכֵ֣ב בְּלֶב־יָ֑ם וּ֝כְשֹׁכֵ֗ב בְּרֹ֣אשׁ חִבֵּֽל׃ wehayiyta keshokhev belev־yam ukheshokhev beroʾsh ḥibel׃
35 הִכּ֥וּנִי בַל־חָלִיתִי֮ הֲלָמ֗וּנִי בַּל־יָ֫דָ֥עְתִּי מָתַ֥י אָקִ֑יץ אֹ֝וסִ֗יף אֲבַקְשֶׁ֥נּוּ עֹֽוד׃ hikuniy val־ḥaliytiy halamuniy bal־yadaʿetiy matay ʾaqiyts ʾowsiyf ʾavaqeshenu ʿowd׃