Genèse 23

¹ וַיִּהְיוּ֙ חַיֵּ֣י שָׂרָ֔ה מֵאָ֥ה שָׁנָ֛ה וְעֶשְׂרִ֥ים שָׁנָ֖ה וְשֶׁ֣בַע שָׁנִ֑ים שְׁנֵ֖י חַיֵּ֥י שָׂרָֽה׃ wayiheyu ḥayey sarah meʾah shanah weʿeseriym shanah weshevaʿ shaniym sheney ḥayey sarah׃

² וַתָּ֣מָת שָׂרָ֗ה בְּקִרְיַ֥ת אַרְבַּ֛ע הִ֥וא חֶבְרֹ֖ון בְּאֶ֣רֶץ כְּנָ֑עַן וַיָּבֹא֙ אַבְרָהָ֔ם לִסְפֹּ֥ד לְשָׂרָ֖ה וְלִבְכֹּתָֽהּ׃ watamat sarah beqireyat ʾarebaʿ hiwʾ ḥeverown beʾerets kenaʿan wayavoʾ ʾaveraham lisepod lesarah welivekotah׃

³ וַיָּ֙קָם֙ אַבְרָהָ֔ם מֵעַ֖ל פְּנֵ֣י מֵתֹ֑ו וַיְדַבֵּ֥ר אֶל־בְּנֵי־חֵ֖ת לֵאמֹֽר׃ wayaqam ʾaveraham meʿal peney metow wayedaber ʾel־beney־ḥet leʾmor׃

⁴ גֵּר־וְתֹושָׁ֥ב אָנֹכִ֖י עִמָּכֶ֑ם תְּנ֨וּ לִ֤י אֲחֻזַּת־קֶ֙בֶר֙ עִמָּכֶ֔ם וְאֶקְבְּרָ֥ה מֵתִ֖י מִלְּפָנָֽי׃ ger־wetowshav ʾanokhiy ʿimakhem tenu liy ʾaḥuzat־qever ʿimakhem weʾeqeberah metiy milefanay׃

⁵ וַיַּעֲנ֧וּ בְנֵי־חֵ֛ת אֶת־אַבְרָהָ֖ם לֵאמֹ֥ר לֹֽו׃ wayaʿanu veney־ḥet ʾet־ʾaveraham leʾmor low׃

⁶ שְׁמָעֵ֣נוּ ׀ אֲדֹנִ֗י נְשִׂ֨יא אֱלֹהִ֤ים אַתָּה֙ בְּתֹוכֵ֔נוּ בְּמִבְחַ֣ר קְבָרֵ֔ינוּ קְבֹ֖ר אֶת־מֵתֶ֑ךָ אִ֣ישׁ מִמֶּ֔נּוּ אֶת־קִבְרֹ֛ו לֹֽא־יִכְלֶ֥ה מִמְּךָ֖ מִקְּבֹ֥ר מֵתֶֽךָ׃ shemaʿenu ׀ ʾadoniy nesiyʾ ʾelohiym ʾatah betowkhenu bemiveḥar qevareynu qevor ʾet־metekha ʾiysh mimenu ʾet־qiverow loʾ־yikheleh mimekha miqevor metekha׃

⁷ וַיָּ֧קָם אַבְרָהָ֛ם וַיִּשְׁתַּ֥חוּ לְעַם־הָאָ֖רֶץ לִבְנֵי־חֵֽת׃ wayaqam ʾaveraham wayishetaḥu leʿam־haʾarets liveney־ḥet׃

⁸ וַיְדַבֵּ֥ר אִתָּ֖ם לֵאמֹ֑ר אִם־יֵ֣שׁ אֶֽת־נַפְשְׁכֶ֗ם לִקְבֹּ֤ר אֶת־מֵתִי֙ מִלְּפָנַ֔י שְׁמָע֕וּנִי וּפִגְעוּ־לִ֖י בְּעֶפְרֹ֥ון בֶּן־צֹֽחַר׃ wayedaber ʾitam leʾmor ʾim־yesh ʾet־nafeshekhem liqebor ʾet־metiy milefanay shemaʿuniy ufigeʿu־liy beʿeferown ben־tsoḥar׃

⁹ וְיִתֶּן־לִ֗י אֶת־מְעָרַ֤ת הַמַּכְפֵּלָה֙ אֲשֶׁר־לֹ֔ו אֲשֶׁ֖ר בִּקְצֵ֣ה שָׂדֵ֑הוּ בְּכֶ֨סֶף מָלֵ֜א יִתְּנֶ֥נָּה לִ֛י בְּתֹוכְכֶ֖ם לַאֲחֻזַּת־קָֽבֶר׃ weyiten־liy ʾet־meʿarat hamakhepelah ʾasher־low ʾasher biqetseh sadehu bekhesef maleʾ yitenenah liy betowkhekhem laʾaḥuzat־qaver׃

¹⁰ וְעֶפְרֹ֥ון יֹשֵׁ֖ב בְּתֹ֣וךְ בְּנֵי־חֵ֑ת וַיַּעַן֩ עֶפְרֹ֨ון הַחִתִּ֤י אֶת־אַבְרָהָם֙ בְּאָזְנֵ֣י בְנֵי־חֵ֔ת לְכֹ֛ל בָּאֵ֥י שַֽׁעַר־עִירֹ֖ו לֵאמֹֽר׃ weʿeferown yoshev betowkhe beney־ḥet wayaʿan ʿeferown haḥitiy ʾet־ʾaveraham beʾazeney veney־ḥet lekhol baʾey shaʿar־ʿiyrow leʾmor׃

¹¹ לֹֽא־אֲדֹנִ֣י שְׁמָעֵ֔נִי הַשָּׂדֶה֙ נָתַ֣תִּי לָ֔ךְ וְהַמְּעָרָ֥ה אֲשֶׁר־בֹּ֖ו לְךָ֣ נְתַתִּ֑יהָ לְעֵינֵ֧י בְנֵי־עַמִּ֛י נְתַתִּ֥יהָ לָּ֖ךְ קְבֹ֥ר מֵתֶֽךָ׃ loʾ־ʾadoniy shemaʿeniy hasadeh natatiy lakhe wehameʿarah ʾasher־bow lekha netatiyha leʿeyney veney־ʿamiy netatiyha lakhe qevor metekha׃

¹² וַיִּשְׁתַּ֙חוּ֙ אַבְרָהָ֔ם לִפְנֵ֖י עַ֥ם הָאָֽרֶץ׃ wayishetaḥu ʾaveraham lifeney ʿam haʾarets׃

¹³ וַיְדַבֵּ֨ר אֶל־עֶפְרֹ֜ון בְּאָזְנֵ֤י עַם־הָאָ֙רֶץ֙ לֵאמֹ֔ר אַ֛ךְ אִם־אַתָּ֥ה ל֖וּ שְׁמָעֵ֑נִי נָתַ֜תִּי כֶּ֤סֶף הַשָּׂדֶה֙ קַ֣ח מִמֶּ֔נִּי וְאֶקְבְּרָ֥ה אֶת־מֵתִ֖י שָֽׁמָּה׃ wayedaber ʾel־ʿeferown beʾazeney ʿam־haʾarets leʾmor ʾakhe ʾim־ʾatah lu shemaʿeniy natatiy kesef hasadeh qaḥ mimeniy weʾeqeberah ʾet־metiy shamah׃

¹⁴ וַיַּ֧עַן עֶפְרֹ֛ון אֶת־אַבְרָהָ֖ם לֵאמֹ֥ר לֹֽו׃ wayaʿan ʿeferown ʾet־ʾaveraham leʾmor low׃

¹⁵ אֲדֹנִ֣י שְׁמָעֵ֔נִי אֶרֶץ֩ אַרְבַּ֨ע מֵאֹ֧ת שֶֽׁקֶל־כֶּ֛סֶף בֵּינִ֥י וּבֵֽינְךָ֖ מַה־הִ֑וא וְאֶת־מֵתְךָ֖ קְבֹֽר׃ ʾadoniy shemaʿeniy ʾerets ʾarebaʿ meʾot sheqel־kesef beyniy uveynekha mah־hiwʾ weʾet־metekha qevor׃

¹⁶ וַיִּשְׁמַ֣ע אַבְרָהָם֮ אֶל־עֶפְרֹון֒ וַיִּשְׁקֹ֤ל אַבְרָהָם֙ לְעֶפְרֹ֔ן אֶת־הַכֶּ֕סֶף אֲשֶׁ֥ר דִּבֶּ֖ר בְּאָזְנֵ֣י בְנֵי־חֵ֑ת אַרְבַּ֤ע מֵאֹות֙ שֶׁ֣קֶל כֶּ֔סֶף עֹבֵ֖ר לַסֹּחֵֽר׃ wayishemaʿ ʾaveraham ʾel־ʿeferown wayisheqol ʾaveraham leʿeferon ʾet־hakesef ʾasher diber beʾazeney veney־ḥet ʾarebaʿ meʾowt sheqel kesef ʿover lasoḥer׃

¹⁷ וַיָּ֣קָם ׀ שְׂדֵ֣ה עֶפְרֹ֗ון אֲשֶׁר֙ בַּמַּכְפֵּלָ֔ה אֲשֶׁ֖ר לִפְנֵ֣י מַמְרֵ֑א הַשָּׂדֶה֙ וְהַמְּעָרָ֣ה אֲשֶׁר־בֹּ֔ו וְכָל־הָעֵץ֙ אֲשֶׁ֣ר בַּשָּׂדֶ֔ה אֲשֶׁ֥ר בְּכָל־גְּבֻלֹ֖ו סָבִֽיב׃ wayaqam ׀ sedeh ʿeferown ʾasher bamakhepelah ʾasher lifeney mamereʾ hasadeh wehameʿarah ʾasher־bow wekhal־haʿets ʾasher basadeh ʾasher bekhal־gevulow saviyv׃

¹⁸ לְאַבְרָהָ֥ם לְמִקְנָ֖ה לְעֵינֵ֣י בְנֵי־חֵ֑ת בְּכֹ֖ל בָּאֵ֥י שַֽׁעַר־עִירֹֽו׃ leʾaveraham lemiqenah leʿeyney veney־ḥet bekhol baʾey shaʿar־ʿiyrow׃

¹⁹ וְאַחֲרֵי־כֵן֩ קָבַ֨ר אַבְרָהָ֜ם אֶת־שָׂרָ֣ה אִשְׁתֹּ֗ו אֶל־מְעָרַ֞ת שְׂדֵ֧ה הַמַּכְפֵּלָ֛ה עַל־פְּנֵ֥י מַמְרֵ֖א הִ֣וא חֶבְרֹ֑ון בְּאֶ֖רֶץ כְּנָֽעַן׃ weʾaḥarey־khen qavar ʾaveraham ʾet־sarah ʾishetow ʾel־meʿarat sedeh hamakhepelah ʿal־peney mamereʾ hiwʾ ḥeverown beʾerets kenaʿan׃

²⁰ וַיָּ֨קָם הַשָּׂדֶ֜ה וְהַמְּעָרָ֧ה אֲשֶׁר־בֹּ֛ו לְאַבְרָהָ֖ם לַאֲחֻזַּת־קָ֑בֶר מֵאֵ֖ת בְּנֵי־חֵֽת׃ ס wayaqam hasadeh wehameʿarah ʾasher־bow leʾaveraham laʾaḥuzat־qaver meʾet beney־ḥet׃ s