1 וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃ wayedaber yehwah ʾel־mosheh weʾel־ʾaharon leʾmor׃
2 דַּבְּרוּ֙ אֶל־בְּנֵ֣י יִשְׂרָאֵ֔ל וַאֲמַרְתֶּ֖ם אֲלֵהֶ֑ם אִ֣ישׁ אִ֗ישׁ כִּ֤י יִהְיֶה֙ זָ֣ב מִבְּשָׂרֹ֔ו זֹובֹ֖ו טָמֵ֥א הֽוּא׃ daberu ʾel־beney yiseraʾel waʾamaretem ʾalehem ʾiysh ʾiysh kiy yiheyeh zav mibesarow zowvow ṭameʾ huʾ׃
3 וְזֹ֛את תִּהְיֶ֥ה טֻמְאָתֹ֖ו בְּזֹובֹ֑ו רָ֣ר בְּשָׂרֹ֞ו אֶת־זֹובֹ֗ו אֹֽו־הֶחְתִּ֤ים בְּשָׂרֹו֙ מִזֹּובֹ֔ו טֻמְאָתֹ֖ו הִֽוא׃ wezoʾt tiheyeh ṭumeʾatow bezowvow rar besarow ʾet־zowvow ʾow־heḥetiym besarow mizowvow ṭumeʾatow hiwʾ׃
4 כָּל־הַמִּשְׁכָּ֗ב אֲשֶׁ֨ר יִשְׁכַּ֥ב עָלָ֛יו הַזָּ֖ב יִטְמָ֑א וְכָֽל־הַכְּלִ֛י אֲשֶׁר־יֵשֵׁ֥ב עָלָ֖יו יִטְמָֽא׃ kal־hamishekav ʾasher yishekav ʿalayw hazav yiṭemaʾ wekhal־hakeliy ʾasher־yeshev ʿalayw yiṭemaʾ׃
5 וְאִ֕ישׁ אֲשֶׁ֥ר יִגַּ֖ע בְּמִשְׁכָּבֹ֑ו יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃ weʾiysh ʾasher yigaʿ bemishekavow yekhabes begadayw weraḥats bamayim weṭameʾ ʿad־haʿarev׃
6 וְהַיֹּשֵׁב֙ עַֽל־הַכְּלִ֔י אֲשֶׁר־יֵשֵׁ֥ב עָלָ֖יו הַזָּ֑ב יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃ wehayoshev ʿal־hakeliy ʾasher־yeshev ʿalayw hazav yekhabes begadayw weraḥats bamayim weṭameʾ ʿad־haʿarev׃
7 וְהַנֹּגֵ֖עַ בִּבְשַׂ֣ר הַזָּ֑ב יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃ wehanogeaʿ bivesar hazav yekhabes begadayw weraḥats bamayim weṭameʾ ʿad־haʿarev׃
8 וְכִֽי־יָרֹ֛ק הַזָּ֖ב בַּטָּהֹ֑ור וְכִבֶּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃ wekhiy־yaroq hazav baṭahowr wekhibes begadayw weraḥats bamayim weṭameʾ ʿad־haʿarev׃
9 וְכָל־הַמֶּרְכָּ֗ב אֲשֶׁ֨ר יִרְכַּ֥ב עָלָ֛יו הַזָּ֖ב יִטְמָֽא׃ wekhal־hamerekav ʾasher yirekav ʿalayw hazav yiṭemaʾ׃
10 וְכָל־הַנֹּגֵ֗עַ בְּכֹל֙ אֲשֶׁ֣ר יִהְיֶ֣ה תַחְתָּ֔יו יִטְמָ֖א עַד־הָעָ֑רֶב וְהַנֹּושֵׂ֣א אֹותָ֔ם יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃ wekhal־hanogeaʿ bekhol ʾasher yiheyeh taḥetayw yiṭemaʾ ʿad־haʿarev wehanowseʾ ʾowtam yekhabes begadayw weraḥats bamayim weṭameʾ ʿad־haʿarev׃
11 וְכֹ֨ל אֲשֶׁ֤ר יִגַּע־בֹּו֙ הַזָּ֔ב וְיָדָ֖יו לֹא־שָׁטַ֣ף בַּמָּ֑יִם וְכִבֶּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃ wekhol ʾasher yigaʿ־bow hazav weyadayw loʾ־shaṭaf bamayim wekhibes begadayw weraḥats bamayim weṭameʾ ʿad־haʿarev׃
12 וּכְלִי־חֶ֛רֶשׂ אֲשֶׁר־יִגַּע־בֹּ֥ו הַזָּ֖ב יִשָּׁבֵ֑ר וְכָל־כְּלִי־עֵ֔ץ יִשָּׁטֵ֖ף בַּמָּֽיִם׃ ukheliy־ḥeres ʾasher־yigaʿ־bow hazav yishaver wekhal־keliy־ʿets yishaṭef bamayim׃
13 וְכִֽי־יִטְהַ֤ר הַזָּב֙ מִזֹּובֹ֔ו וְסָ֨פַר לֹ֜ו שִׁבְעַ֥ת יָמִ֛ים לְטָהֳרָתֹ֖ו וְכִבֶּ֣ס בְּגָדָ֑יו וְרָחַ֧ץ בְּשָׂרֹ֛ו בְּמַ֥יִם חַיִּ֖ים וְטָהֵֽר׃ wekhiy־yiṭehar hazav mizowvow wesafar low shiveʿat yamiym leṭahoratow wekhibes begadayw weraḥats besarow bemayim ḥayiym weṭaher׃
14 וּבַיֹּ֣ום הַשְּׁמִינִ֗י יִֽקַּֽח־לֹו֙ שְׁתֵּ֣י תֹרִ֔ים אֹ֥ו שְׁנֵ֖י בְּנֵ֣י יֹונָ֑ה וּבָ֣א ׀ לִפְנֵ֣י יְהוָ֗ה אֶל־פֶּ֙תַח֙ אֹ֣הֶל מֹועֵ֔ד וּנְתָנָ֖ם אֶל־הַכֹּהֵֽן׃ uvayowm hashemiyniy yiqaḥ־low shetey toriym ʾow sheney beney yownah uvaʾ ׀ lifeney yehwah ʾel־petaḥ ʾohel mowʿed unetanam ʾel־hakohen׃
15 וְעָשָׂ֤ה אֹתָם֙ הַכֹּהֵ֔ן אֶחָ֣ד חַטָּ֔את וְהָאֶחָ֖ד עֹלָ֑ה וְכִפֶּ֨ר עָלָ֧יו הַכֹּהֵ֛ן לִפְנֵ֥י יְהוָ֖ה מִזֹּובֹֽו׃ ס weʿasah ʾotam hakohen ʾeḥad ḥaṭaʾt wehaʾeḥad ʿolah wekhiper ʿalayw hakohen lifeney yehwah mizowvow׃ s
16 וְאִ֕ישׁ כִּֽי־תֵצֵ֥א מִמֶּ֖נּוּ שִׁכְבַת־זָ֑רַע וְרָחַ֥ץ בַּמַּ֛יִם אֶת־כָּל־בְּשָׂרֹ֖ו וְטָמֵ֥א עַד־הָעָֽרֶב׃ weʾiysh kiy־tetseʾ mimenu shikhevat־zaraʿ weraḥats bamayim ʾet־kal־besarow weṭameʾ ʿad־haʿarev׃
17 וְכָל־בֶּ֣גֶד וְכָל־עֹ֔ור אֲשֶׁר־יִהְיֶ֥ה עָלָ֖יו שִׁכְבַת־זָ֑רַע וְכֻבַּ֥ס בַּמַּ֖יִם וְטָמֵ֥א עַד־הָעָֽרֶב׃ פ wekhal־beged wekhal־ʿowr ʾasher־yiheyeh ʿalayw shikhevat־zaraʿ wekhubas bamayim weṭameʾ ʿad־haʿarev׃ f
18 וְאִשָּׁ֕ה אֲשֶׁ֨ר יִשְׁכַּ֥ב אִ֛ישׁ אֹתָ֖הּ שִׁכְבַת־זָ֑רַע וְרָחֲצ֣וּ בַמַּ֔יִם וְטָמְא֖וּ עַד־הָעָֽרֶב׃ weʾishah ʾasher yishekav ʾiysh ʾotah shikhevat־zaraʿ weraḥatsu vamayim weṭameʾu ʿad־haʿarev׃
19 וְאִשָּׁה֙ כִּֽי־תִהְיֶ֣ה זָבָ֔ה דָּ֛ם יִהְיֶ֥ה זֹבָ֖הּ בִּבְשָׂרָ֑הּ שִׁבְעַ֤ת יָמִים֙ תִּהְיֶ֣ה בְנִדָּתָ֔הּ וְכָל־הַנֹּגֵ֥עַ בָּ֖הּ יִטְמָ֥א עַד־הָעָֽרֶב׃ weʾishah kiy־tiheyeh zavah dam yiheyeh zovah bivesarah shiveʿat yamiym tiheyeh venidatah wekhal־hanogeaʿ bah yiṭemaʾ ʿad־haʿarev׃
20 וְכֹל֩ אֲשֶׁ֨ר תִּשְׁכַּ֥ב עָלָ֛יו בְּנִדָּתָ֖הּ יִטְמָ֑א וְכֹ֛ל אֲשֶׁר־תֵּשֵׁ֥ב עָלָ֖יו יִטְמָֽא׃ wekhol ʾasher tishekav ʿalayw benidatah yiṭemaʾ wekhol ʾasher־teshev ʿalayw yiṭemaʾ׃
21 וְכָל־הַנֹּגֵ֖עַ בְּמִשְׁכָּבָ֑הּ יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃ wekhal־hanogeaʿ bemishekavah yekhabes begadayw weraḥats bamayim weṭameʾ ʿad־haʿarev׃
22 וְכָל־הַנֹּגֵ֔עַ בְּכָל־כְּלִ֖י אֲשֶׁר־תֵּשֵׁ֣ב עָלָ֑יו יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃ wekhal־hanogeaʿ bekhal־keliy ʾasher־teshev ʿalayw yekhabes begadayw weraḥats bamayim weṭameʾ ʿad־haʿarev׃
23 וְאִ֨ם עַֽל־הַמִּשְׁכָּ֜ב ה֗וּא אֹ֧ו עַֽל־הַכְּלִ֛י אֲשֶׁר־הִ֥וא יֹשֶֽׁבֶת־עָלָ֖יו בְּנָגְעֹו־בֹ֑ו יִטְמָ֖א עַד־הָעָֽרֶב׃ weʾim ʿal־hamishekav huʾ ʾow ʿal־hakeliy ʾasher־hiwʾ yoshevet־ʿalayw benageʿow־vow yiṭemaʾ ʿad־haʿarev׃
24 וְאִ֡ם שָׁכֹב֩ יִשְׁכַּ֨ב אִ֜ישׁ אֹתָ֗הּ וּתְהִ֤י נִדָּתָהּ֙ עָלָ֔יו וְטָמֵ֖א שִׁבְעַ֣ת יָמִ֑ים וְכָל־הַמִּשְׁכָּ֛ב אֲשֶׁר־יִשְׁכַּ֥ב עָלָ֖יו יִטְמָֽא׃ פ weʾim shakhov yishekav ʾiysh ʾotah utehiy nidatah ʿalayw weṭameʾ shiveʿat yamiym wekhal־hamishekav ʾasher־yishekav ʿalayw yiṭemaʾ׃ f
25 וְאִשָּׁ֡ה כִּֽי־יָזוּב֩ זֹ֨וב דָּמָ֜הּ יָמִ֣ים רַבִּ֗ים בְּלֹא֙ עֶת־נִדָּתָ֔הּ אֹ֥ו כִֽי־תָז֖וּב עַל־נִדָּתָ֑הּ כָּל־יְמֵ֞י זֹ֣וב טֻמְאָתָ֗הּ כִּימֵ֧י נִדָּתָ֛הּ תִּהְיֶ֖ה טְמֵאָ֥ה הִֽוא׃ weʾishah kiy־yazuv zowv damah yamiym rabiym beloʾ ʿet־nidatah ʾow khiy־tazuv ʿal־nidatah kal־yemey zowv ṭumeʾatah kiymey nidatah tiheyeh ṭemeʾah hiwʾ׃
26 כָּל־הַמִּשְׁכָּ֞ב אֲשֶׁר־תִּשְׁכַּ֤ב עָלָיו֙ כָּל־יְמֵ֣י זֹובָ֔הּ כְּמִשְׁכַּ֥ב נִדָּתָ֖הּ יִֽהְיֶה־לָּ֑הּ וְכָֽל־הַכְּלִי֙ אֲשֶׁ֣ר תֵּשֵׁ֣ב עָלָ֔יו טָמֵ֣א יִהְיֶ֔ה כְּטֻמְאַ֖ת נִדָּתָֽהּ׃ kal־hamishekav ʾasher־tishekav ʿalayw kal־yemey zowvah kemishekav nidatah yiheyeh־lah wekhal־hakeliy ʾasher teshev ʿalayw ṭameʾ yiheyeh keṭumeʾat nidatah׃
27 וְכָל־הַנֹּוגֵ֥עַ בָּ֖ם יִטְמָ֑א וְכִבֶּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃ wekhal־hanowgeaʿ bam yiṭemaʾ wekhibes begadayw weraḥats bamayim weṭameʾ ʿad־haʿarev׃
28 וְאִֽם־טָהֲרָ֖ה מִזֹּובָ֑הּ וְסָ֥פְרָה לָּ֛הּ שִׁבְעַ֥ת יָמִ֖ים וְאַחַ֥ר תִּטְהָֽר׃ weʾim־ṭaharah mizowvah wesaferah lah shiveʿat yamiym weʾaḥar tiṭehar׃
29 וּבַיֹּ֣ום הַשְּׁמִינִ֗י תִּֽקַּֽח־לָהּ֙ שְׁתֵּ֣י תֹרִ֔ים אֹ֥ו שְׁנֵ֖י בְּנֵ֣י יֹונָ֑ה וְהֵבִיאָ֤ה אֹותָם֙ אֶל־הַכֹּהֵ֔ן אֶל־פֶּ֖תַח אֹ֥הֶל מֹועֵֽד׃ uvayowm hashemiyniy tiqaḥ־lah shetey toriym ʾow sheney beney yownah weheviyʾah ʾowtam ʾel־hakohen ʾel־petaḥ ʾohel mowʿed׃
30 וְעָשָׂ֤ה הַכֹּהֵן֙ אֶת־הָאֶחָ֣ד חַטָּ֔את וְאֶת־הָאֶחָ֖ד עֹלָ֑ה וְכִפֶּ֨ר עָלֶ֤יהָ הַכֹּהֵן֙ לִפְנֵ֣י יְהוָ֔ה מִזֹּ֖וב טֻמְאָתָֽהּ׃ weʿasah hakohen ʾet־haʾeḥad ḥaṭaʾt weʾet־haʾeḥad ʿolah wekhiper ʿaleyha hakohen lifeney yehwah mizowv ṭumeʾatah׃
31 וְהִזַּרְתֶּ֥ם אֶת־בְּנֵי־יִשְׂרָאֵ֖ל מִטֻּמְאָתָ֑ם וְלֹ֤א יָמֻ֙תוּ֙ בְּטֻמְאָתָ֔ם בְּטַמְּאָ֥ם אֶת־מִשְׁכָּנִ֖י אֲשֶׁ֥ר בְּתֹוכָֽם׃ wehizaretem ʾet־beney־yiseraʾel miṭumeʾatam weloʾ yamutu beṭumeʾatam beṭameʾam ʾet־mishekaniy ʾasher betowkham׃
32 זֹ֥את תֹּורַ֖ת הַזָּ֑ב וַאֲשֶׁ֨ר תֵּצֵ֥א מִמֶּ֛נּוּ שִׁכְבַת־זֶ֖רַע לְטָמְאָה־בָֽהּ׃ zoʾt towrat hazav waʾasher tetseʾ mimenu shikhevat־zeraʿ leṭameʾah־vah׃
33 וְהַדָּוָה֙ בְּנִדָּתָ֔הּ וְהַזָּב֙ אֶת־זֹובֹ֔ו לַזָּכָ֖ר וְלַנְּקֵבָ֑ה וּלְאִ֕ישׁ אֲשֶׁ֥ר יִשְׁכַּ֖ב עִם־טְמֵאָֽה׃ פ wehadawah benidatah wehazav ʾet־zowvow lazakhar welaneqevah uleʾiysh ʾasher yishekav ʿim־ṭemeʾah׃ f