2 Samuel 17

¹ וַיֹּ֥אמֶר אֲחִיתֹ֖פֶל אֶל־אַבְשָׁלֹ֑ם אֶבְחֲרָ֣ה נָּ֗א שְׁנֵים־עָשָׂ֥ר אֶ֙לֶף֙ אִ֔ישׁ וְאָק֛וּמָה וְאֶרְדְּפָ֥ה אַחֲרֵי־דָוִ֖ד הַלָּֽיְלָה׃ wayoʾmer ʾaḥiytofel ʾel־ʾaveshalom ʾeveḥarah naʾ sheneym־ʿasar ʾelef ʾiysh weʾaqumah weʾeredefah ʾaḥarey־dawid halayelah׃

² וְאָבֹ֣וא עָלָ֗יו וְה֤וּא יָגֵ֙עַ֙ וּרְפֵ֣ה יָדַ֔יִם וְהַֽחֲרַדְתִּ֣י אֹתֹ֔ו וְנָ֖ס כָּל־הָעָ֣ם אֲשֶׁר־אִתֹּ֑ו וְהִכֵּיתִ֥י אֶת־הַמֶּ֖לֶךְ לְבַדֹּֽו׃ weʾavowʾ ʿalayw wehuʾ yageaʿ urefeh yadayim wehaḥaradetiy ʾotow wenas kal־haʿam ʾasher־ʾitow wehikeytiy ʾet־hamelekhe levadow׃

³ וְאָשִׁ֥יבָה כָל־הָעָ֖ם אֵלֶ֑יךָ כְּשׁ֣וּב הַכֹּ֔ל הָאִישׁ֙ אֲשֶׁ֣ר אַתָּ֣ה מְבַקֵּ֔שׁ כָּל־הָעָ֖ם יִהְיֶ֥ה שָׁלֹֽום׃ weʾashiyvah khal־haʿam ʾeleykha keshuv hakol haʾiysh ʾasher ʾatah mevaqesh kal־haʿam yiheyeh shalowm׃

⁴ וַיִּישַׁ֥ר הַדָּבָ֖ר בְּעֵינֵ֣י אַבְשָׁלֹ֑ם וּבְעֵינֵ֖י כָּל־זִקְנֵ֥י יִשְׂרָאֵֽל׃ ס wayiyshar hadavar beʿeyney ʾaveshalom uveʿeyney kal־ziqeney yiseraʾel׃ s

⁵ וַיֹּ֙אמֶר֙ אַבְשָׁלֹ֔ום קְרָ֣א נָ֔א גַּ֖ם לְחוּשַׁ֣י הָאַרְכִּ֑י וְנִשְׁמְעָ֥ה מַה־בְּפִ֖יו גַּם־הֽוּא׃ wayoʾmer ʾaveshalowm qeraʾ naʾ gam leḥushay haʾarekiy wenishemeʿah mah־befiyw gam־huʾ׃

⁶ וַיָּבֹ֣א חוּשַׁי֮ אֶל־אַבְשָׁלֹום֒ וַיֹּאמֶר֩ אַבְשָׁלֹ֨ום אֵלָ֜יו לֵאמֹ֗ר כַּדָּבָ֤ר הַזֶּה֙ דִּבֶּ֣ר אֲחִיתֹ֔פֶל הֲנַעֲשֶׂ֖ה אֶת־דְּבָרֹ֑ו אִם־אַ֖יִן אַתָּ֥ה דַבֵּֽר׃ ס wayavoʾ ḥushay ʾel־ʾaveshalowm wayoʾmer ʾaveshalowm ʾelayw leʾmor kadavar hazeh diber ʾaḥiytofel hanaʿaseh ʾet־devarow ʾim־ʾayin ʾatah daber׃ s

⁷ וַיֹּ֥אמֶר חוּשַׁ֖י אֶל־אַבְשָׁלֹ֑ום לֹֽא־טֹובָ֧ה הָעֵצָ֛ה אֲשֶׁר־יָעַ֥ץ אֲחִיתֹ֖פֶל בַּפַּ֥עַם הַזֹּֽאת׃ wayoʾmer ḥushay ʾel־ʾaveshalowm loʾ־ṭowvah haʿetsah ʾasher־yaʿats ʾaḥiytofel bapaʿam hazoʾt׃

⁸ וַיֹּ֣אמֶר חוּשַׁ֗י אַתָּ֣ה יָ֠דַעְתָּ אֶת־אָבִ֨יךָ וְאֶת־אֲנָשָׁ֜יו כִּ֧י גִבֹּרִ֣ים הֵ֗מָּה וּמָרֵ֥י נֶ֙פֶשׁ֙ הֵ֔מָּה כְּדֹ֥ב שַׁכּ֖וּל בַּשָּׂדֶ֑ה וְאָבִ֙יךָ֙ אִ֣ישׁ מִלְחָמָ֔ה וְלֹ֥א יָלִ֖ין אֶת־הָעָֽם׃ wayoʾmer ḥushay ʾatah yadaʿeta ʾet־ʾaviykha weʾet־ʾanashayw kiy giboriym hemah umarey nefesh hemah kedov shakul basadeh weʾaviykha ʾiysh mileḥamah weloʾ yaliyn ʾet־haʿam׃

⁹ הִנֵּ֨ה עַתָּ֤ה הֽוּא־נֶחְבָּא֙ בְּאַחַ֣ת הַפְּחָתִ֔ים אֹ֖ו בְּאַחַ֣ד הַמְּקֹומֹ֑ת וְהָיָ֗ה כִּנְפֹ֤ל בָּהֶם֙ בַּתְּחִלָּ֔ה וְשָׁמַ֤ע הַשֹּׁמֵ֙עַ֙ וְאָמַ֔ר הָֽיְתָה֙ מַגֵּפָ֔ה בָּעָ֕ם אֲשֶׁ֖ר אַחֲרֵ֥י אַבְשָׁלֹֽם׃ hineh ʿatah huʾ־neḥebaʾ beʾaḥat hapeḥatiym ʾow beʾaḥad hameqowmot wehayah kinefol bahem bateḥilah weshamaʿ hashomeaʿ weʾamar hayetah magefah baʿam ʾasher ʾaḥarey ʾaveshalom׃

¹⁰ וְה֣וּא גַם־בֶּן־חַ֗יִל אֲשֶׁ֥ר לִבֹּ֛ו כְּלֵ֥ב הָאַרְיֵ֖ה הִמֵּ֣ס יִמָּ֑ס כִּֽי־יֹדֵ֤עַ כָּל־יִשְׂרָאֵל֙ כִּי־גִבֹּ֣ור אָבִ֔יךָ וּבְנֵי־חַ֖יִל אֲשֶׁ֥ר אִתֹּֽו׃ wehuʾ gam־ben־ḥayil ʾasher libow kelev haʾareyeh himes yimas kiy־yodeaʿ kal־yiseraʾel kiy־gibowr ʾaviykha uveney־ḥayil ʾasher ʾitow׃

¹¹ כִּ֣י יָעַ֗צְתִּי הֵ֠אָסֹף יֵאָסֵ֨ף עָלֶ֤יךָ כָל־יִשְׂרָאֵל֙ מִדָּן֙ וְעַד־בְּאֵ֣ר שֶׁ֔בַע כַּחֹ֥ול אֲשֶׁר־עַל־הַיָּ֖ם לָרֹ֑ב וּפָנֶ֥יךָ הֹלְכִ֖ים בַּקְרָֽב׃ kiy yaʿatsetiy heʾasof yeʾasef ʿaleykha khal־yiseraʾel midan weʿad־beʾer shevaʿ kaḥowl ʾasher־ʿal־hayam larov ufaneykha holekhiym baqerav׃

¹² וּבָ֣אנוּ אֵלָ֗יו [בְּאַחַת כ] (בְּאַחַ֤ד ק) הַמְּקֹומֹת֙ אֲשֶׁ֣ר נִמְצָ֣א שָׁ֔ם וְנַ֣חְנוּ עָלָ֔יו כַּאֲשֶׁ֛ר יִפֹּ֥ל הַטַּ֖ל עַל־הָאֲדָמָ֑ה וְלֹֽא־נֹ֥ותַר בֹּ֛ו וּבְכָל־הָאֲנָשִׁ֥ים אֲשֶׁר־אִתֹּ֖ו גַּם־אֶחָֽד׃ uvaʾnu ʾelayw [beʾaḥat kh] (beʾaḥad q) hameqowmot ʾasher nimetsaʾ sham wenaḥenu ʿalayw kaʾasher yipol haṭal ʿal־haʾadamah weloʾ־nowtar bow uvekhal־haʾanashiym ʾasher־ʾitow gam־ʾeḥad׃

¹³ וְאִם־אֶל־עִיר֙ יֵֽאָסֵ֔ף וְהִשִּׂ֧יאוּ כָֽל־יִשְׂרָאֵ֛ל אֶל־הָעִ֥יר הַהִ֖יא חֲבָלִ֑ים וְסָחַ֤בְנוּ אֹתֹו֙ עַד־הַנַּ֔חַל עַ֛ד אֲשֶֽׁר־לֹא־נִמְצָ֥א שָׁ֖ם גַּם־צְרֹֽור׃ פ weʾim־ʾel־ʿiyr yeʾasef wehisiyʾu khal־yiseraʾel ʾel־haʿiyr hahiyʾ ḥavaliym wesaḥavenu ʾotow ʿad־hanaḥal ʿad ʾasher־loʾ־nimetsaʾ sham gam־tserowr׃ f

¹⁴ וַיֹּ֤אמֶר אַבְשָׁלֹום֙ וְכָל־אִ֣ישׁ יִשְׂרָאֵ֔ל טֹובָ֗ה עֲצַת֙ חוּשַׁ֣י הָאַרְכִּ֔י מֵעֲצַ֖ת אֲחִיתֹ֑פֶל וַיהוָ֣ה צִוָּ֗ה לְהָפֵ֞ר אֶת־עֲצַ֤ת אֲחִיתֹ֙פֶל֙ הַטֹּובָ֔ה לְבַעֲב֗וּר הָבִ֧יא יְהוָ֛ה אֶל־אַבְשָׁלֹ֖ום אֶת־הָרָעָֽה׃ ס wayoʾmer ʾaveshalowm wekhal־ʾiysh yiseraʾel ṭowvah ʿatsat ḥushay haʾarekiy meʿatsat ʾaḥiytofel wayhwah tsiuah lehafer ʾet־ʿatsat ʾaḥiytofel haṭowvah levaʿavur haviyʾ yehwah ʾel־ʾaveshalowm ʾet־haraʿah׃ s

¹⁵ וַיֹּ֣אמֶר חוּשַׁ֗י אֶל־צָדֹ֤וק וְאֶל־אֶבְיָתָר֙ הַכֹּ֣הֲנִ֔ים כָּזֹ֣את וְכָזֹ֗את יָעַ֤ץ אֲחִיתֹ֙פֶל֙ אֶת־אַבְשָׁלֹ֔ם וְאֵ֖ת זִקְנֵ֣י יִשְׂרָאֵ֑ל וְכָזֹ֥את וְכָזֹ֖את יָעַ֥צְתִּי אָֽנִי׃ wayoʾmer ḥushay ʾel־tsadowq weʾel־ʾeveyatar hakohaniym kazoʾt wekhazoʾt yaʿats ʾaḥiytofel ʾet־ʾaveshalom weʾet ziqeney yiseraʾel wekhazoʾt wekhazoʾt yaʿatsetiy ʾaniy׃

¹⁶ וְעַתָּ֡ה שִׁלְח֣וּ מְהֵרָה֩ וְהַגִּ֨ידוּ לְדָוִ֜ד לֵאמֹ֗ר אַל־תָּ֤לֶן הַלַּ֙יְלָה֙ בְּעַֽרְבֹ֣ות הַמִּדְבָּ֔ר וְגַ֖ם עָבֹ֣ור תַּעֲבֹ֑ור פֶּ֚ן יְבֻלַּ֣ע לַמֶּ֔לֶךְ וּלְכָל־הָעָ֖ם אֲשֶׁ֥ר אִתֹּֽו׃ weʿatah shileḥu meherah wehagiydu ledawid leʾmor ʾal־talen halayelah beʿarevowt hamidebar wegam ʿavowr taʿavowr pen yevulaʿ lamelekhe ulekhal־haʿam ʾasher ʾitow׃

¹⁷ וִיהֹונָתָ֨ן וַאֲחִימַ֜עַץ עֹמְדִ֣ים בְּעֵין־רֹגֵ֗ל וְהָלְכָ֤ה הַשִּׁפְחָה֙ וְהִגִּ֣ידָה לָהֶ֔ם וְהֵם֙ יֵֽלְכ֔וּ וְהִגִּ֖ידוּ לַמֶּ֣לֶךְ דָּוִ֑ד כִּ֣י לֹ֥א יוּכְל֛וּ לְהֵרָאֹ֖ות לָבֹ֥וא הָעִֽירָה׃ wiyhownatan waʾaḥiymaʿats ʿomediym beʿeyn־rogel wehalekhah hashifeḥah wehigiydah lahem wehem yelekhu wehigiydu lamelekhe dawid kiy loʾ yukhelu leheraʾowt lavowʾ haʿiyrah׃

¹⁸ וַיַּ֤רְא אֹתָם֙ נַ֔עַר וַיַּגֵּ֖ד לְאַבְשָׁלֹ֑ם וַיֵּלְכוּ֩ שְׁנֵיהֶ֨ם מְהֵרָ֜ה וַיָּבֹ֣אוּ ׀ אֶל־בֵּֽית־אִ֣ישׁ בְּבַחוּרִ֗ים וְלֹ֥ו בְאֵ֛ר בַּחֲצֵרֹ֖ו וַיֵּ֥רְדוּ שָֽׁם׃ wayareʾ ʾotam naʿar wayaged leʾaveshalom wayelekhu sheneyhem meherah wayavoʾu ׀ ʾel־beyt־ʾiysh bevaḥuriym welow veʾer baḥatserow wayeredu sham׃

¹⁹ וַתִּקַּ֣ח הָאִשָּׁ֗ה וַתִּפְרֹ֤שׂ אֶת־הַמָּסָךְ֙ עַל־פְּנֵ֣י הַבְּאֵ֔ר וַתִּשְׁטַ֥ח עָלָ֖יו הָֽרִפֹ֑ות וְלֹ֥א נֹודַ֖ע דָּבָֽר׃ watiqaḥ haʾishah watiferos ʾet־hamasakhe ʿal־peney habeʾer watisheṭaḥ ʿalayw harifowt weloʾ nowdaʿ davar׃

²⁰ וַיָּבֹ֣אוּ עַבְדֵי֩ אַבְשָׁלֹ֨ום אֶֽל־הָאִשָּׁ֜ה הַבַּ֗יְתָה וַיֹּֽאמְרוּ֙ אַיֵּ֗ה אֲחִימַ֙עַץ֙ וִיהֹ֣ונָתָ֔ן וַתֹּ֤אמֶר לָהֶם֙ הָֽאִשָּׁ֔ה עָבְר֖וּ מִיכַ֣ל הַמָּ֑יִם וַיְבַקְשׁוּ֙ וְלֹ֣א מָצָ֔אוּ וַיָּשֻׁ֖בוּ יְרוּשָׁלִָֽם׃ ס wayavoʾu ʿavedey ʾaveshalowm ʾel־haʾishah habayetah wayoʾmeru ʾayeh ʾaḥiymaʿats wiyhownatan watoʾmer lahem haʾishah ʿaveru miykhal hamayim wayevaqeshu weloʾ matsaʾu wayashuvu yerushalim׃ s

²¹ וַיְהִ֣י ׀ אַחֲרֵ֣י לֶכְתָּ֗ם וַֽיַּעֲלוּ֙ מֵֽהַבְּאֵ֔ר וַיֵּ֣לְכ֔וּ וַיַּגִּ֖דוּ לַמֶּ֣לֶךְ דָּוִ֑ד וַיֹּאמְר֣וּ אֶל־דָּוִ֗ד ק֣וּמוּ וְעִבְר֤וּ מְהֵרָה֙ אֶת־הַמַּ֔יִם כִּי־כָ֛כָה יָעַ֥ץ עֲלֵיכֶ֖ם אֲחִיתֹֽפֶל׃ wayehiy ׀ ʾaḥarey lekhetam wayaʿalu mehabeʾer wayelekhu wayagidu lamelekhe dawid wayoʾmeru ʾel־dawid qumu weʿiveru meherah ʾet־hamayim kiy־khakhah yaʿats ʿaleykhem ʾaḥiytofel׃

²² וַיָּ֣קָם דָּוִ֗ד וְכָל־הָעָם֙ אֲשֶׁ֣ר אִתֹּ֔ו וַיַּעַבְר֖וּ אֶת־הַיַּרְדֵּ֑ן עַד־אֹ֣ור הַבֹּ֗קֶר עַד־אַחַד֙ לֹ֣א נֶעְדָּ֔ר אֲשֶׁ֥ר לֹא־עָבַ֖ר אֶת־הַיַּרְדֵּֽן׃ wayaqam dawid wekhal־haʿam ʾasher ʾitow wayaʿaveru ʾet־hayareden ʿad־ʾowr haboqer ʿad־ʾaḥad loʾ neʿedar ʾasher loʾ־ʿavar ʾet־hayareden׃

²³ וַאֲחִיתֹ֣פֶל רָאָ֗ה כִּ֣י לֹ֣א נֶעֶשְׂתָה֮ עֲצָתֹו֒ וַיַּחֲבֹ֣שׁ אֶֽת־הַחֲמֹ֗ור וַיָּ֜קָם וַיֵּ֤לֶךְ אֶל־בֵּיתֹו֙ אֶל־עִירֹ֔ו וַיְצַ֥ו אֶל־בֵּיתֹ֖ו וַיֵּחָנַ֑ק וַיָּ֕מָת וַיִּקָּבֵ֖ר בְּקֶ֥בֶר אָבִֽיו׃ ס waʾaḥiytofel raʾah kiy loʾ neʿesetah ʿatsatow wayaḥavosh ʾet־haḥamowr wayaqam wayelekhe ʾel־beytow ʾel־ʿiyrow wayetsaw ʾel־beytow wayeḥanaq wayamat wayiqaver beqever ʾaviyw׃ s

²⁴ וְדָוִ֖ד בָּ֣א מַחֲנָ֑יְמָה וְאַבְשָׁלֹ֗ם עָבַר֙ אֶת־הַיַּרְדֵּ֔ן ה֕וּא וְכָל־אִ֥ישׁ יִשְׂרָאֵ֖ל עִמֹּֽו׃ wedawid baʾ maḥanayemah weʾaveshalom ʿavar ʾet־hayareden huʾ wekhal־ʾiysh yiseraʾel ʿimow׃

²⁵ וְאֶת־עֲמָשָׂ֗א שָׂ֧ם אַבְשָׁלֹ֛ם תַּ֥חַת יֹואָ֖ב עַל־הַצָּבָ֑א וַעֲמָשָׂ֣א בֶן־אִ֗ישׁ וּשְׁמֹו֙ יִתְרָ֣א הַיִּשְׂרְאֵלִ֔י אֲשֶׁר־בָּא֙ אֶל־אֲבִיגַ֣ל בַּת־נָחָ֔שׁ אֲחֹ֥ות צְרוּיָ֖ה אֵ֥ם יֹואָֽב׃ weʾet־ʿamasaʾ sam ʾaveshalom taḥat yowʾav ʿal־hatsavaʾ waʿamasaʾ ven־ʾiysh ushemow yiteraʾ hayisereʾeliy ʾasher־baʾ ʾel־ʾaviygal bat־naḥash ʾaḥowt tseruyah ʾem yowʾav׃

²⁶ וַיִּ֤חַן יִשְׂרָאֵל֙ וְאַבְשָׁלֹ֔ם אֶ֖רֶץ הַגִּלְעָֽד׃ ס wayiḥan yiseraʾel weʾaveshalom ʾerets hagileʿad׃ s

²⁷ וַיְהִ֕י כְּבֹ֥וא דָוִ֖ד מַחֲנָ֑יְמָה וְשֹׁבִ֨י בֶן־נָחָ֜שׁ מֵרַבַּ֣ת בְּנֵֽי־עַמֹּ֗ון וּמָכִ֤יר בֶּן־עַמִּיאֵל֙ מִלֹּ֣א דְבָ֔ר וּבַרְזִלַּ֥י הַגִּלְעָדִ֖י מֵרֹגְלִֽים׃ wayehiy kevowʾ dawid maḥanayemah weshoviy ven־naḥash merabat beney־ʿamown umakhiyr ben־ʿamiyʾel miloʾ devar uvarezilay hagileʿadiy merogeliym׃

²⁸ מִשְׁכָּ֤ב וְסַפֹּות֙ וּכְלִ֣י יֹוצֵ֔ר וְחִטִּ֥ים וּשְׂעֹרִ֖ים וְקֶ֣מַח וְקָלִ֑י וּפֹ֥ול וַעֲדָשִׁ֖ים וְקָלִֽי׃ mishekav wesapowt ukheliy yowtser weḥiṭiym useʿoriym weqemaḥ weqaliy ufowl waʿadashiym weqaliy׃

²⁹ וּדְבַ֣שׁ וְחֶמְאָ֗ה וְצֹאן֙ וּשְׁפֹ֣ות בָּקָ֔ר הִגִּ֧ישׁוּ לְדָוִ֛ד וְלָעָ֥ם אֲשֶׁר־אִתֹּ֖ו לֶאֱכֹ֑ול כִּ֣י אָמְר֔וּ הָעָ֗ם רָעֵ֛ב וְעָיֵ֥ף וְצָמֵ֖א בַּמִּדְבָּֽר׃ udevash weḥemeʾah wetsoʾn ushefowt baqar higiyshu ledawid welaʿam ʾasher־ʾitow leʾekhowl kiy ʾameru haʿam raʿev weʿayef wetsameʾ bamidebar׃