1 בֶּן־עֶשְׂרִ֨ים וְחָמֵ֤שׁ שָׁנָה֙ יֹותָ֣ם בְּמָלְכֹ֔ו וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּֽירוּשָׁלִָ֑ם וְשֵׁ֣ם אִמֹּ֔ו יְרוּשָׁ֖ה בַּת־צָדֹֽוק׃ ben־ʿeseriym weḥamesh shanah yowtam bemalekhow weshesh־ʿesereh shanah malakhe biyrushalim weshem ʾimow yerushah bat־tsadowq׃

2 וַיַּ֨עַשׂ הַיָּשָׁ֜ר בְּעֵינֵ֣י יְהוָ֗ה כְּכֹ֤ל אֲשֶׁר־עָשָׂה֙ עֻזִּיָּ֣הוּ אָבִ֔יו רַ֕ק לֹא־בָ֖א אֶל־הֵיכַ֣ל יְהוָ֑ה וְעֹ֥וד הָעָ֖ם מַשְׁחִיתִֽים׃ wayaʿas hayashar beʿeyney yehwah kekhol ʾasher־ʿasah ʿuziyahu ʾaviyw raq loʾ־vaʾ ʾel־heykhal yehwah weʿowd haʿam masheḥiytiym׃

3 ה֗וּא בָּנָ֛ה אֶת־שַׁ֥עַר בֵּית־יְהוָ֖ה הָעֶלְיֹ֑ון וּבְחֹומַ֥ת הָעֹ֛פֶל בָּנָ֖ה לָרֹֽב׃ huʾ banah ʾet־shaʿar beyt־yehwah haʿeleyown uveḥowmat haʿofel banah larov׃

4 וְעָרִ֥ים בָּנָ֖ה בְּהַר־יְהוּדָ֑ה וּבֶחֳרָשִׁ֣ים בָּנָ֔ה בִּֽירָנִיֹּ֖ות וּמִגְדָּלִֽים׃ weʿariym banah behar־yehudah uveḥorashiym banah biyraniyowt umigedaliym׃

5 וְ֠הוּא נִלְחַ֞ם עִם־מֶ֣לֶךְ בְּנֵי־עַמֹּון֮ וַיֶּחֱזַ֣ק עֲלֵיהֶם֒ וַיִּתְּנוּ־לֹ֨ו בְנֵֽי־עַמֹּ֜ון בַּשָּׁנָ֣ה הַהִ֗יא מֵאָה֙ כִּכַּר־כֶּ֔סֶף וַעֲשֶׂ֨רֶת אֲלָפִ֤ים כֹּרִים֙ חִטִּ֔ים וּשְׂעֹורִ֖ים עֲשֶׂ֣רֶת אֲלָפִ֑ים זֹ֗את הֵשִׁ֤יבוּ לֹו֙ בְּנֵ֣י עַמֹּ֔ון ס וּבַשָּׁנָ֥ה הַשֵּׁנִ֖ית וְהַשְּׁלִשִֽׁית׃ wehuʾ nileḥam ʿim־melekhe beney־ʿamown wayeḥezaq ʿaleyhem wayitenu־low veney־ʿamown bashanah hahiyʾ meʾah kikar־kesef waʿaseret ʾalafiym koriym ḥiṭiym useʿowriym ʿaseret ʾalafiym zoʾt heshiyvu low beney ʿamown s uvashanah hasheniyt wehashelishiyt׃

6 וַיִּתְחַזֵּ֖ק יֹותָ֑ם כִּ֚י הֵכִ֣ין דְּרָכָ֔יו לִפְנֵ֖י יְהוָ֥ה אֱלֹהָֽיו׃ wayiteḥazeq yowtam kiy hekhiyn derakhayw lifeney yehwah ʾelohayw׃

7 וְיֶתֶר֙ דִּבְרֵ֣י יֹותָ֔ם וְכָל־מִלְחֲמֹתָ֖יו וּדְרָכָ֑יו הִנָּ֣ם כְּתוּבִ֔ים עַל־סֵ֥פֶר מַלְכֵֽי־יִשְׂרָאֵ֖ל וִיהוּדָֽה׃ weyeter diverey yowtam wekhal־mileḥamotayw uderakhayw hinam ketuviym ʿal־sefer malekhey־yiseraʾel wiyhudah׃

8 בֶּן־עֶשְׂרִ֧ים וְחָמֵ֛שׁ שָׁנָ֖ה הָיָ֣ה בְמָלְכֹ֑ו וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּירוּשָׁלִָֽם׃ ben־ʿeseriym weḥamesh shanah hayah vemalekhow weshesh־ʿesereh shanah malakhe biyrushalim׃

9 וַיִּשְׁכַּ֤ב יֹותָם֙ עִם־אֲבֹתָ֔יו וַיִּקְבְּר֥וּ אֹתֹ֖ו בְּעִ֣יר דָּוִ֑יד וַיִּמְלֹ֛ךְ אָחָ֥ז בְּנֹ֖ו תַּחְתָּֽיו׃ פ wayishekav yowtam ʿim־ʾavotayw wayiqeberu ʾotow beʿiyr dawiyd wayimelokhe ʾaḥaz benow taḥetayw׃ f