1 וַיִּקָּ֨הֲל֜וּ כָּל־עֲדַ֤ת בְּנֵֽי־יִשְׂרָאֵל֙ שִׁלֹ֔ה וַיַּשְׁכִּ֥ינוּ שָׁ֖ם אֶת־אֹ֣הֶל מֹועֵ֑ד וְהָאָ֥רֶץ נִכְבְּשָׁ֖ה לִפְנֵיהֶֽם׃ wayiqahalu kal־ʿadat beney־yiseraʾel shiloh wayashekiynu sham ʾet־ʾohel mowʿed wehaʾarets nikhebeshah lifeneyhem׃
2 וַיִּוָּֽתְרוּ֙ בִּבְנֵ֣י יִשְׂרָאֵ֔ל אֲשֶׁ֥ר לֹֽא־חָלְק֖וּ אֶת־נַֽחֲלָתָ֑ם שִׁבְעָ֖ה שְׁבָטִֽים׃ wayiuateru biveney yiseraʾel ʾasher loʾ־ḥalequ ʾet־naḥalatam shiveʿah shevaṭiym׃
3 וַיֹּ֥אמֶר יְהֹושֻׁ֖עַ אֶל־בְּנֵ֣י יִשְׂרָאֵ֑ל עַד־אָ֙נָה֙ אַתֶּ֣ם מִתְרַפִּ֔ים לָבֹוא֙ לָרֶ֣שֶׁת אֶת־הָאָ֔רֶץ אֲשֶׁר֙ נָתַ֣ן לָכֶ֔ם יְהוָ֖ה אֱלֹהֵ֥י אֲבֹֽותֵיכֶֽם׃ wayoʾmer yehowshuaʿ ʾel־beney yiseraʾel ʿad־ʾanah ʾatem miterapiym lavowʾ lareshet ʾet־haʾarets ʾasher natan lakhem yehwah ʾelohey ʾavowteykhem׃
4 הָב֥וּ לָכֶ֛ם שְׁלֹשָׁ֥ה אֲנָשִׁ֖ים לַשָּׁ֑בֶט וְאֶשְׁלָחֵ֗ם וְיָקֻ֜מוּ וְיִֽתְהַלְּכ֥וּ בָאָ֛רֶץ וְיִכְתְּב֥וּ אֹותָ֛הּ לְפִ֥י נַֽחֲלָתָ֖ם וְיָבֹ֥אוּ אֵלָֽי׃ havu lakhem sheloshah ʾanashiym lashaveṭ weʾeshelaḥem weyaqumu weyitehalekhu vaʾarets weyikhetevu ʾowtah lefiy naḥalatam weyavoʾu ʾelay׃
5 וְהִֽתְחַלְּק֥וּ אֹתָ֖הּ לְשִׁבְעָ֣ה חֲלָקִ֑ים יְהוּדָ֞ה יַעֲמֹ֤ד עַל־גְּבוּלֹו֙ מִנֶּ֔גֶב וּבֵ֥ית יֹוסֵ֛ף יַעַמְד֥וּ עַל־גְּבוּלָ֖ם מִצָּפֹֽון׃ wehiteḥalequ ʾotah leshiveʿah ḥalaqiym yehudah yaʿamod ʿal־gevulow minegev uveyt yowsef yaʿamedu ʿal־gevulam mitsafown׃
6 וְאַתֶּ֞ם תִּכְתְּב֤וּ אֶת־הָאָ֙רֶץ֙ שִׁבְעָ֣ה חֲלָקִ֔ים וַֽהֲבֵאתֶ֥ם אֵלַ֖י הֵ֑נָּה וְיָרִ֨יתִי לָכֶ֤ם גֹּורָל֙ פֹּ֔ה לִפְנֵ֖י יְהוָ֥ה אֱלֹהֵֽינוּ׃ weʾatem tikhetevu ʾet־haʾarets shiveʿah ḥalaqiym wahaveʾtem ʾelay henah weyariytiy lakhem gowral poh lifeney yehwah ʾeloheynu׃
7 כִּ֠י אֵֽין־חֵ֤לֶק לַלְוִיִּם֙ בְּקִרְבְּכֶ֔ם כִּֽי־כְהֻנַּ֥ת יְהוָ֖ה נַחֲלָתֹ֑ו וְגָ֡ד וּרְאוּבֵ֡ן וַחֲצִי֩ שֵׁ֨בֶט הַֽמְנַשֶּׁ֜ה לָקְח֣וּ נַחֲלָתָ֗ם מֵעֵ֤בֶר לַיַּרְדֵּן֙ מִזְרָ֔חָה אֲשֶׁר֙ נָתַ֣ן לָהֶ֔ם מֹשֶׁ֖ה עֶ֥בֶד יְהוָֽה׃ kiy ʾeyn־ḥeleq lalewiyim beqirebekhem kiy־khehunat yehwah naḥalatow wegad ureʾuven waḥatsiy sheveṭ hamenasheh laqeḥu naḥalatam meʿever layareden mizeraḥah ʾasher natan lahem mosheh ʿeved yehwah׃
8 וַיָּקֻ֥מוּ הָאֲנָשִׁ֖ים וַיֵּלֵ֑כוּ וַיְצַ֣ו יְהֹושֻׁ֡עַ אֶת־הַהֹלְכִים֩ לִכְתֹּ֨ב אֶת־הָאָ֜רֶץ לֵאמֹ֗ר לְ֠כוּ וְהִתְהַלְּכ֨וּ בָאָ֜רֶץ וְכִתְב֤וּ אֹותָהּ֙ וְשׁ֣וּבוּ אֵלַ֔י וּ֠פֹה אַשְׁלִ֨יךְ לָכֶ֥ם גֹּורָ֛ל לִפְנֵ֥י יְהוָ֖ה בְּשִׁלֹֽה׃ wayaqumu haʾanashiym wayelekhu wayetsaw yehowshuaʿ ʾet־haholekhiym likhetov ʾet־haʾarets leʾmor lekhu wehitehalekhu vaʾarets wekhitevu ʾowtah weshuvu ʾelay ufoh ʾasheliykhe lakhem gowral lifeney yehwah beshiloh׃
9 וַיֵּלְכ֤וּ הָֽאֲנָשִׁים֙ וַיַּעַבְר֣וּ בָאָ֔רֶץ וַיִּכְתְּב֧וּהָ לֶֽעָרִ֛ים לְשִׁבְעָ֥ה חֲלָקִ֖ים עַל־סֵ֑פֶר וַיָּבֹ֧אוּ אֶל־יְהֹושֻׁ֛עַ אֶל־הַֽמַּחֲנֶ֖ה שִׁלֹֽה׃ wayelekhu haʾanashiym wayaʿaveru vaʾarets wayikhetevuah leʿariym leshiveʿah ḥalaqiym ʿal־sefer wayavoʾu ʾel־yehowshuaʿ ʾel־hamaḥaneh shiloh׃
10 וַיַּשְׁלֵךְ֩ לָהֶ֨ם יְהֹושֻׁ֧עַ גֹּורָ֛ל בְּשִׁלֹ֖ה לִפְנֵ֣י יְהוָ֑ה וַיְחַלֶּק־שָׁ֨ם יְהֹושֻׁ֧עַ אֶת־הָאָ֛רֶץ לִבְנֵ֥י יִשְׂרָאֵ֖ל כְּמַחְלְקֹתָֽם׃ פ wayashelekhe lahem yehowshuaʿ gowral beshiloh lifeney yehwah wayeḥaleq־sham yehowshuaʿ ʾet־haʾarets liveney yiseraʾel kemaḥeleqotam׃ f
11 וַיַּ֗עַל גֹּורַ֛ל מַטֵּ֥ה בְנֵֽי־בִנְיָמִ֖ן לְמִשְׁפְּחֹתָ֑ם וַיֵּצֵא֙ גְּב֣וּל גֹּֽורָלָ֔ם בֵּ֚ין בְּנֵ֣י יְהוּדָ֔ה וּבֵ֖ין בְּנֵ֥י יֹוסֵֽף׃ wayaʿal gowral maṭeh veney־vineyamin lemishepeḥotam wayetseʾ gevul gowralam beyn beney yehudah uveyn beney yowsef׃
12 וַיְהִ֨י לָהֶ֧ם הַגְּב֛וּל לִפְאַ֥ת צָפֹ֖ונָה מִן־הַיַּרְדֵּ֑ן וְעָלָ֣ה הַגְּבוּל֩ אֶל־כֶּ֨תֶף יְרִיחֹ֜ו מִצָּפֹ֗ון וְעָלָ֤ה בָהָר֙ יָ֔מָּה [וְהָיָה כ] (וְהָיוּ֙ ק) תֹּֽצְאֹתָ֔יו מִדְבַּ֖רָה בֵּ֥ית אָֽוֶן׃ wayehiy lahem hagevul lifeʾat tsafownah min־hayareden weʿalah hagevul ʾel־ketef yeriyḥow mitsafown weʿalah vahar yamah [wehayah kh] (wehayu q) totseʾotayw midebarah beyt ʾawen׃
13 וְעָבַר֩ מִשָּׁ֨ם הַגְּב֜וּל ל֗וּזָה אֶל־כֶּ֤תֶף ל֙וּזָה֙ נֶ֔גְבָּה הִ֖יא בֵּֽית־אֵ֑ל וְיָרַ֤ד הַגְּבוּל֙ עַטְרֹ֣ות אַדָּ֔ר עַל־הָהָ֕ר אֲשֶׁ֛ר מִנֶּ֥גֶב לְבֵית־חֹרֹ֖ון תַּחְתֹּֽון׃ weʿavar misham hagevul luzah ʾel־ketef luzah negebah hiyʾ beyt־ʾel weyarad hagevul ʿaṭerowt ʾadar ʿal־hahar ʾasher minegev leveyt־ḥorown taḥetown׃
14 וְתָאַ֣ר הַגְּבוּל֩ וְנָסַ֨ב לִפְאַת־יָ֜ם נֶ֗גְבָּה מִן־הָהָר֙ אֲשֶׁ֨ר עַל־פְּנֵ֥י בֵית־חֹרֹון֮ נֶגְבָּה֒ [וְהָיָה כ] (וְהָי֣וּ ק) תֹֽצְאֹתָ֗יו אֶל־קִרְיַת־בַּ֙עַל֙ הִ֚יא קִרְיַ֣ת יְעָרִ֔ים עִ֖יר בְּנֵ֣י יְהוּדָ֑ה זֹ֖את פְּאַת־יָֽם׃ wetaʾar hagevul wenasav lifeʾat־yam negebah min־hahar ʾasher ʿal־peney veyt־ḥorown negebah [wehayah kh] (wehayu q) totseʾotayw ʾel־qireyat־baʿal hiyʾ qireyat yeʿariym ʿiyr beney yehudah zoʾt peʾat־yam׃
15 וּפְאַת־נֶ֕גְבָּה מִקְצֵ֖ה קִרְיַ֣ת יְעָרִ֑ים וְיָצָ֤א הַגְּבוּל֙ יָ֔מָּה וְיָצָ֕א אֶל־מַעְיַ֖ן מֵ֥י נֶפְתֹּֽוחַ׃ ufeʾat־negebah miqetseh qireyat yeʿariym weyatsaʾ hagevul yamah weyatsaʾ ʾel־maʿeyan mey nefetowḥa׃
16 וְיָרַ֨ד הַגְּב֜וּל אֶל־קְצֵ֣ה הָהָ֗ר אֲשֶׁר֙ עַל־פְּנֵי֙ גֵּ֣י בֶן־הִנֹּ֔ם אֲשֶׁ֛ר בְּעֵ֥מֶק רְפָאִ֖ים צָפֹ֑ונָה וְיָרַד֩ גֵּ֨י הִנֹּ֜ם אֶל־כֶּ֤תֶף הַיְבוּסִי֙ נֶ֔גְבָּה וְיָרַ֖ד עֵ֥ין רֹגֵֽל׃ weyarad hagevul ʾel־qetseh hahar ʾasher ʿal־peney gey ven־hinom ʾasher beʿemeq refaʾiym tsafownah weyarad gey hinom ʾel־ketef hayevusiy negebah weyarad ʿeyn rogel׃
17 וְתָאַ֣ר מִצָּפֹ֗ון וְיָצָא֙ עֵ֣ין שֶׁ֔מֶשׁ וְיָצָא֙ אֶל־גְּלִילֹ֔ות אֲשֶׁר־נֹ֖כַח מַעֲלֵ֣ה אֲדֻמִּ֑ים וְיָרַ֕ד אֶ֥בֶן בֹּ֖הַן בֶּן־רְאוּבֵֽן׃ wetaʾar mitsafown weyatsaʾ ʿeyn shemesh weyatsaʾ ʾel־geliylowt ʾasher־nokhaḥ maʿaleh ʾadumiym weyarad ʾeven bohan ben־reʾuven׃
18 וְעָבַ֛ר אֶל־כֶּ֥תֶף מוּל־הָֽעֲרָבָ֖ה צָפֹ֑ונָה וְיָרַ֖ד הָעֲרָבָֽתָה׃ weʿavar ʾel־ketef mul־haʿaravah tsafownah weyarad haʿaravatah׃
19 וְעָבַ֨ר הַגְּב֜וּל אֶל־כֶּ֣תֶף בֵּית־חָגְלָה֮ צָפֹונָה֒ [וְהָיָה כ] (וְהָי֣וּ ׀ ק) [תֹּצְאֹותָיו כ] (תֹּצְאֹ֣ות ק) הַגְּב֗וּל אֶל־לְשֹׁ֤ון יָם־הַמֶּ֙לַח֙ צָפֹ֔ונָה אֶל־קְצֵ֥ה הַיַּרְדֵּ֖ן נֶ֑גְבָּה זֶ֖ה גְּב֥וּל נֶֽגֶב׃ weʿavar hagevul ʾel־ketef beyt־ḥagelah tsafownah [wehayah kh] (wehayu ׀ q) [totseʾowtayw kh] (totseʾowt q) hagevul ʾel־leshown yam־hamelaḥ tsafownah ʾel־qetseh hayareden negebah zeh gevul negev׃
20 וְהַיַּרְדֵּ֥ן יִגְבֹּל־אֹתֹ֖ו לִפְאַת־קֵ֑דְמָה זֹ֡את נַחֲלַת֩ בְּנֵ֨י בִנְיָמִ֧ן לִגְבֽוּלֹתֶ֛יהָ סָבִ֖יב לְמִשְׁפְּחֹתָֽם׃ wehayareden yigebol־ʾotow lifeʾat־qedemah zoʾt naḥalat beney vineyamin ligevuloteyha saviyv lemishepeḥotam׃
21 וְהָי֣וּ הֶֽעָרִ֗ים לְמַטֵּ֛ה בְּנֵ֥י בִנְיָמִ֖ן לְמִשְׁפְּחֹֽותֵיהֶ֑ם יְרִיחֹ֥ו וּבֵית־חָגְלָ֖ה וְעֵ֥מֶק קְצִֽיץ׃ wehayu heʿariym lemaṭeh beney vineyamin lemishepeḥowteyhem yeriyḥow uveyt־ḥagelah weʿemeq qetsiyts׃
22 וּבֵ֧ית הָֽעֲרָבָ֛ה וּצְמָרַ֖יִם וּבֵֽית־אֵֽל׃ uveyt haʿaravah utsemarayim uveyt־ʾel׃
23 וְהָעַוִּ֥ים וְהַפָּרָ֖ה וְעָפְרָֽה׃ wehaʿauiym wehaparah weʿaferah׃
24 וּכְפַ֧ר [הָעַמֹּנִי כ] (הָֽעַמֹּנָ֛ה ק) וְהָֽעָפְנִ֖י וָגָ֑בַע עָרִ֥ים שְׁתֵּים־עֶשְׂרֵ֖ה וְחַצְרֵיהֶֽן׃ ukhefar [haʿamoniy kh] (haʿamonah q) wehaʿafeniy wagavaʿ ʿariym sheteym־ʿesereh weḥatsereyhen׃
25 גִּבְעֹ֥ון וְהָֽרָמָ֖ה וּבְאֵרֹֽות׃ giveʿown weharamah uveʾerowt׃
26 וְהַמִּצְפֶּ֥ה וְהַכְּפִירָ֖ה וְהַמֹּצָֽה׃ wehamitsepeh wehakefiyrah wehamotsah׃
27 וְרֶ֥קֶם וְיִרְפְּאֵ֖ל וְתַרְאֲלָֽה׃ wereqem weyirepeʾel wetareʾalah׃
28 וְצֵלַ֡ע הָאֶ֜לֶף וְהַיְבוּסִ֨י הִ֤יא יְרֽוּשָׁלִַ֙ם֙ גִּבְעַ֣ת קִרְיַ֔ת עָרִ֥ים אַרְבַּֽע־עֶשְׂרֵ֖ה וְחַצְרֵיהֶ֑ן זֹ֛את נַֽחֲלַ֥ת בְּנֵֽי־בִנְיָמִ֖ן לְמִשְׁפְּחֹתָֽם׃ פ wetselaʿ haʾelef wehayevusiy hiyʾ yerushalim giveʿat qireyat ʿariym ʾarebaʿ־ʿesereh weḥatsereyhen zoʾt naḥalat beney־vineyamin lemishepeḥotam׃ f