1 וַיָּבִ֙יאוּ֙ אֶת־אֲרֹ֣ון הָֽאֱלֹהִ֔ים וַיַּצִּ֣יגוּ אֹתֹ֔ו בְּתֹ֣וךְ הָאֹ֔הֶל אֲשֶׁ֥ר נָֽטָה־לֹ֖ו דָּוִ֑יד וַיַּקְרִ֛יבוּ עֹלֹ֥ות וּשְׁלָמִ֖ים לִפְנֵ֥י הָאֱלֹהִֽים׃ wayaviyʾu ʾet־ʾarown haʾelohiym wayatsiygu ʾotow betowkhe haʾohel ʾasher naṭah־low dawiyd wayaqeriyvu ʿolowt ushelamiym lifeney haʾelohiym׃
2 וַיְכַ֣ל דָּוִ֔יד מֵהַעֲלֹ֥ות הָעֹלָ֖ה וְהַשְּׁלָמִ֑ים וַיְבָ֥רֶךְ אֶת־הָעָ֖ם בְּשֵׁ֥ם יְהוָֽה׃ wayekhal dawiyd mehaʿalowt haʿolah wehashelamiym wayevarekhe ʾet־haʿam beshem yehwah׃
3 וַיְחַלֵּק֙ לְכָל־אִ֣ישׁ יִשְׂרָאֵ֔ל מֵאִ֖ישׁ וְעַד־אִשָּׁ֑ה לְאִישׁ֙ כִּכַּר־לֶ֔חֶם וְאֶשְׁפָּ֖ר וַאֲשִׁישָֽׁה׃ wayeḥaleq lekhal־ʾiysh yiseraʾel meʾiysh weʿad־ʾishah leʾiysh kikar־leḥem weʾeshepar waʾashiyshah׃
4 וַיִּתֵּ֞ן לִפְנֵ֨י אֲרֹ֧ון יְהוָ֛ה מִן־הַלְוִיִּ֖ם מְשָׁרְתִ֑ים וּלְהַזְכִּיר֙ וּלְהֹודֹ֣ות וּלְהַלֵּ֔ל לַיהוָ֖ה אֱלֹהֵ֥י יִשְׂרָאֵֽל׃ פ wayiten lifeney ʾarown yehwah min־halewiyim mesharetiym ulehazekiyr ulehowdowt ulehalel layhwah ʾelohey yiseraʾel׃ f
5 אָסָ֥ף הָרֹ֖אשׁ וּמִשְׁנֵ֣הוּ זְכַרְיָ֑ה יְעִיאֵ֡ל וּשְׁמִֽירָמֹ֡ות וִֽיחִיאֵ֡ל וּמַתִּתְיָ֡ה וֶאֱלִיאָ֡ב וּבְנָיָהוּ֩ וְעֹבֵ֨ד אֱדֹ֜ם וִֽיעִיאֵ֗ל בִּכְלֵ֤י נְבָלִים֙ וּבְכִנֹּרֹ֔ות וְאָסָ֖ף בַּֽמְצִלְתַּ֥יִם מַשְׁמִֽיעַ׃ ʾasaf haroʾsh umishenehu zekhareyah yeʿiyʾel ushemiyramowt wiyḥiyʾel umatiteyah weʾeliyʾav uvenayahu weʿoved ʾedom wiyʿiyʾel bikheley nevaliym uvekhinorowt weʾasaf bametsiletayim mashemiyʿa׃
6 וּבְנָיָ֥הוּ וְיַחֲזִיאֵ֖ל הַכֹּהֲנִ֑ים בַּחֲצֹצְרֹ֣ות תָּמִ֔יד לִפְנֵ֖י אֲרֹ֥ון בְּרִית־הָאֱלֹהִֽים׃ uvenayahu weyaḥaziyʾel hakohaniym baḥatsotserowt tamiyd lifeney ʾarown beriyt־haʾelohiym׃
7 בַּיֹּ֣ום הַה֗וּא אָ֣ז נָתַ֤ן דָּוִיד֙ בָּרֹ֔אשׁ לְהֹדֹ֖ות לַיהוָ֑ה בְּיַד־אָסָ֖ף וְאֶחָֽיו׃ פ bayowm hahuʾ ʾaz natan dawiyd baroʾsh lehodowt layhwah beyad־ʾasaf weʾeḥayw׃ f
8 הֹוד֤וּ לַֽיהוָה֙ קִרְא֣וּ בִשְׁמֹ֔ו הֹודִ֥יעוּ בָעַמִּ֖ים עֲלִילֹתָֽיו׃ howdu layhwah qireʾu vishemow howdiyʿu vaʿamiym ʿaliylotayw׃
9 שִׁ֤ירוּ לֹו֙ זַמְּרוּ־לֹ֔ו שִׂ֖יחוּ בְּכָל־נִפְלְאֹתָֽיו׃ shiyru low zameru־low siyḥu bekhal־nifeleʾotayw׃
10 הִֽתְהַֽלְלוּ֙ בְּשֵׁ֣ם קָדְשֹׁ֔ו יִשְׂמַ֕ח לֵ֖ב מְבַקְשֵׁ֥י יְהוָֽה׃ hitehalelu beshem qadeshow yisemaḥ lev mevaqeshey yehwah׃
11 דִּרְשׁ֤וּ יְהוָה֙ וְעֻזֹּ֔ו בַּקְּשׁ֥וּ פָנָ֖יו תָּמִֽיד׃ direshu yehwah weʿuzow baqeshu fanayw tamiyd׃
12 זִכְר֗וּ נִפְלְאֹתָיו֙ אֲשֶׁ֣ר עָשָׂ֔ה מֹפְתָ֖יו וּמִשְׁפְּטֵי־פִֽיהוּ׃ zikheru nifeleʾotayw ʾasher ʿasah mofetayw umishepeṭey־fiyhu׃
13 זֶ֚רַע יִשְׂרָאֵ֣ל עַבְדֹּ֔ו בְּנֵ֥י יַעֲקֹ֖ב בְּחִירָֽיו׃ zeraʿ yiseraʾel ʿavedow beney yaʿaqov beḥiyrayw׃
14 ה֚וּא יְהוָ֣ה אֱלֹהֵ֔ינוּ בְּכָל־הָאָ֖רֶץ מִשְׁפָּטָֽיו׃ huʾ yehwah ʾeloheynu bekhal־haʾarets mishepaṭayw׃
15 זִכְר֤וּ לְעֹולָם֙ בְּרִיתֹ֔ו דָּבָ֥ר צִוָּ֖ה לְאֶ֥לֶף דֹּֽור׃ zikheru leʿowlam beriytow davar tsiuah leʾelef dowr׃
16 אֲשֶׁ֤ר כָּרַת֙ אֶת־אַבְרָהָ֔ם וּשְׁבוּעָתֹ֖ו לְיִצְחָֽק׃ ʾasher karat ʾet־ʾaveraham ushevuʿatow leyitseḥaq׃
17 וַיַּעֲמִידֶ֤הָ לְיַעֲקֹב֙ לְחֹ֔ק לְיִשְׂרָאֵ֖ל בְּרִ֥ית עֹולָֽם׃ wayaʿamiydeah leyaʿaqov leḥoq leyiseraʾel beriyt ʿowlam׃
18 לֵאמֹ֗ר לְךָ֙ אֶתֵּ֣ן אֶֽרֶץ־כְּנָ֔עַן חֶ֖בֶל נַחֲלַתְכֶֽם׃ leʾmor lekha ʾeten ʾerets־kenaʿan ḥevel naḥalatekhem׃
19 בִּֽהְיֹֽותְכֶם֙ מְתֵ֣י מִסְפָּ֔ר כִּמְעַ֖ט וְגָרִ֥ים בָּֽהּ׃ biheyowtekhem metey misepar kimeʿaṭ wegariym bah׃
20 וַיִּֽתְהַלְּכוּ֙ מִגֹּ֣וי אֶל־גֹּ֔וי וּמִמַּמְלָכָ֖ה אֶל־עַ֥ם אַחֵֽר׃ wayitehalekhu migowy ʾel־gowy umimamelakhah ʾel־ʿam ʾaḥer׃
21 לֹא־הִנִּ֤יחַ לְאִישׁ֙ לְעָשְׁקָ֔ם וַיֹּ֥וכַח עֲלֵיהֶ֖ם מְלָכִֽים׃ loʾ־hiniyḥa leʾiysh leʿasheqam wayowkhaḥ ʿaleyhem melakhiym׃
22 אַֽל־תִּגְּעוּ֙ בִּמְשִׁיחָ֔י וּבִנְבִיאַ֖י אַל־תָּרֵֽעוּ׃ פ ʾal־tigeʿu bimeshiyḥay uvineviyʾay ʾal־tareʿu׃ f
23 שִׁ֤ירוּ לַֽיהוָה֙ כָּל־הָאָ֔רֶץ בַּשְּׂר֥וּ מִיֹּֽום־אֶל־יֹ֖ום יְשׁוּעָתֹֽו׃ shiyru layhwah kal־haʾarets baseru miyowm־ʾel־yowm yeshuʿatow׃
24 סַפְּר֤וּ בַגֹּויִם֙ אֶת־כְּבֹודֹ֔ו בְּכָל־הָעַמִּ֖ים נִפְלְאֹתָֽיו׃ saperu vagowyim ʾet־kevowdow bekhal־haʿamiym nifeleʾotayw׃
25 כִּי֩ גָדֹ֨ול יְהוָ֤ה וּמְהֻלָּל֙ מְאֹ֔ד וְנֹורָ֥א ה֖וּא עַל־כָּל־אֱלֹהִֽים׃ kiy gadowl yehwah umehulal meʾod wenowraʾ huʾ ʿal־kal־ʾelohiym׃
26 כִּ֠י כָּל־אֱלֹהֵ֤י הָעַמִּים֙ אֱלִילִ֔ים וַיהוָ֖ה שָׁמַ֥יִם עָשָֽׂה׃ kiy kal־ʾelohey haʿamiym ʾeliyliym wayhwah shamayim ʿasah׃
27 הֹ֤וד וְהָדָר֙ לְפָנָ֔יו עֹ֥ז וְחֶדְוָ֖ה בִּמְקֹמֹֽו׃ howd wehadar lefanayw ʿoz weḥedewah bimeqomow׃
28 הָב֤וּ לַֽיהוָה֙ מִשְׁפְּחֹ֣ות עַמִּ֔ים הָב֥וּ לַיהוָ֖ה כָּבֹ֥וד וָעֹֽז׃ havu layhwah mishepeḥowt ʿamiym havu layhwah kavowd waʿoz׃
29 הָב֥וּ לַיהוָ֖ה כְּבֹ֣וד שְׁמֹ֑ו שְׂא֤וּ מִנְחָה֙ וּבֹ֣אוּ לְפָנָ֔יו הִשְׁתַּחֲו֥וּ לַיהוָ֖ה בְּהַדְרַת־קֹֽדֶשׁ׃ havu layhwah kevowd shemow seʾu mineḥah uvoʾu lefanayw hishetaḥawu layhwah behaderat־qodesh׃
30 חִ֤ילוּ מִלְּפָנָיו֙ כָּל־הָאָ֔רֶץ אַף־תִּכֹּ֥ון תֵּבֵ֖ל בַּל־תִּמֹּֽוט׃ ḥiylu milefanayw kal־haʾarets ʾaf־tikown tevel bal־timowṭ׃
31 יִשְׂמְח֤וּ הַשָּׁמַ֙יִם֙ וְתָגֵ֣ל הָאָ֔רֶץ וְיֹאמְר֥וּ בַגֹּויִ֖ם יְהוָ֥ה מָלָֽךְ׃ yisemeḥu hashamayim wetagel haʾarets weyoʾmeru vagowyim yehwah malakhe׃
32 יִרְעַ֤ם הַיָּם֙ וּמְלֹואֹ֔ו יַעֲלֹ֥ץ הַשָּׂדֶ֖ה וְכָל־אֲשֶׁר־בֹּֽו׃ yireʿam hayam umelowʾow yaʿalots hasadeh wekhal־ʾasher־bow׃
33 אָ֥ז יְרַנְּנ֖וּ עֲצֵ֣י הַיָּ֑עַר מִלִּפְנֵ֣י יְהוָ֔ה כִּי־בָ֖א לִשְׁפֹּ֥וט אֶת־הָאָֽרֶץ׃ ʾaz yeranenu ʿatsey hayaʿar milifeney yehwah kiy־vaʾ lishepowṭ ʾet־haʾarets׃
34 הֹוד֤וּ לַיהוָה֙ כִּ֣י טֹ֔וב כִּ֥י לְעֹולָ֖ם חַסְדֹּֽו׃ howdu layhwah kiy ṭowv kiy leʿowlam ḥasedow׃
35 וְאִמְר֕וּ הֹושִׁיעֵ֙נוּ֙ אֱלֹהֵ֣י יִשְׁעֵ֔נוּ וְקַבְּצֵ֥נוּ וְהַצִּילֵ֖נוּ מִן־הַגֹּויִ֑ם לְהֹדֹות֙ לְשֵׁ֣ם קָדְשֶׁ֔ךָ לְהִשְׁתַּבֵּ֖חַ בִּתְהִלָּתֶֽךָ׃ weʾimeru howshiyʿenu ʾelohey yisheʿenu weqabetsenu wehatsiylenu min־hagowyim lehodowt leshem qadeshekha lehishetabeaḥ bitehilatekha׃
36 בָּר֤וּךְ יְהוָה֙ אֱלֹהֵ֣י יִשְׂרָאֵ֔ל מִן־הָעֹולָ֖ם וְעַ֣ד הָעֹלָ֑ם וַיֹּאמְר֤וּ כָל־הָעָם֙ אָמֵ֔ן וְהַלֵּ֖ל לַֽיהוָֽה׃ פ barukhe yehwah ʾelohey yiseraʾel min־haʿowlam weʿad haʿolam wayoʾmeru khal־haʿam ʾamen wehalel layhwah׃ f
37 וַיַּֽעֲזָב־שָׁ֗ם לִפְנֵי֙ אֲרֹ֣ון בְּרִית־יְהוָ֔ה לְאָסָ֖ף וּלְאֶחָ֑יו לְשָׁרֵ֞ת לִפְנֵ֧י הָאָרֹ֛ון תָּמִ֖יד לִדְבַר־יֹ֥ום בְּיֹומֹֽו׃ wayaʿazav־sham lifeney ʾarown beriyt־yehwah leʾasaf uleʾeḥayw lesharet lifeney haʾarown tamiyd lidevar־yowm beyowmow׃
38 וְעֹבֵ֥ד אֱדֹ֛ם וַאֲחֵיהֶ֖ם שִׁשִּׁ֣ים וּשְׁמֹונָ֑ה וְעֹבֵ֨ד אֱדֹ֧ם בֶּן־יְדִית֛וּן וְחֹסָ֖ה לְשֹׁעֲרִֽים׃ weʿoved ʾedom waʾaḥeyhem shishiym ushemownah weʿoved ʾedom ben־yediytun weḥosah leshoʿariym׃
39 וְאֵ֣ת ׀ צָדֹ֣וק הַכֹּהֵ֗ן וְאֶחָיו֙ הַכֹּ֣הֲנִ֔ים לִפְנֵ֖י מִשְׁכַּ֣ן יְהוָ֑ה בַּבָּמָ֖ה אֲשֶׁ֥ר בְּגִבְעֹֽון׃ weʾet ׀ tsadowq hakohen weʾeḥayw hakohaniym lifeney mishekan yehwah babamah ʾasher begiveʿown׃
40 לְֽהַעֲלֹות֩ עֹלֹ֨ות לַיהוָ֜ה עַל־מִזְבַּ֧ח הָעֹלָ֛ה תָּמִ֖יד לַבֹּ֣קֶר וְלָעָ֑רֶב וּלְכָל־הַכָּתוּב֙ בְּתֹורַ֣ת יְהוָ֔ה אֲשֶׁ֥ר צִוָּ֖ה עַל־יִשְׂרָאֵֽל׃ lehaʿalowt ʿolowt layhwah ʿal־mizebaḥ haʿolah tamiyd laboqer welaʿarev ulekhal־hakatuv betowrat yehwah ʾasher tsiuah ʿal־yiseraʾel׃
41 וְעִמָּהֶם֙ הֵימָ֣ן וִֽידוּת֔וּן וּשְׁאָר֙ הַבְּרוּרִ֔ים אֲשֶׁ֥ר נִקְּב֖וּ בְּשֵׁמֹ֑ות לְהֹדֹות֙ לַֽיהוָ֔ה כִּ֥י לְעֹולָ֖ם חַסְדֹּֽו׃ weʿimahem heyman wiydutun usheʾar haberuriym ʾasher niqevu beshemowt lehodowt layhwah kiy leʿowlam ḥasedow׃
42 וְעִמָּהֶם֩ הֵימָ֨ן וִֽידוּת֜וּן חֲצֹצְרֹ֤ות וּמְצִלְתַּ֙יִם֙ לְמַשְׁמִיעִ֔ים וּכְלֵ֖י שִׁ֣יר הָאֱלֹהִ֑ים וּבְנֵ֥י יְדוּת֖וּן לַשָּֽׁעַר׃ weʿimahem heyman wiydutun ḥatsotserowt umetsiletayim lemashemiyʿiym ukheley shiyr haʾelohiym uveney yedutun lashaʿar׃
43 וַיֵּלְכ֥וּ כָל־הָעָ֖ם אִ֣ישׁ לְבֵיתֹ֑ו וַיִּסֹּ֥ב דָּוִ֖יד לְבָרֵ֥ךְ אֶת־בֵּיתֹֽו׃ פ wayelekhu khal־haʿam ʾiysh leveytow wayisov dawiyd levarekhe ʾet־beytow׃ f