2 Rois 10

¹ וּלְאַחְאָ֛ב שִׁבְעִ֥ים בָּנִ֖ים בְּשֹׁמְרֹ֑ון וַיִּכְתֹּב֩ יֵה֨וּא סְפָרִ֜ים וַיִּשְׁלַ֣ח שֹׁמְרֹ֗ון אֶל־שָׂרֵ֤י יִזְרְעֶאל֙ הַזְּקֵנִ֔ים וְאֶל־הָאֹמְנִ֥ים אַחְאָ֖ב לֵאמֹֽר׃ uleʾaḥeʾav shiveʿiym baniym beshomerown wayikhetov yehuʾ sefariym wayishelaḥ shomerown ʾel־sarey yizereʿeʾl hazeqeniym weʾel־haʾomeniym ʾaḥeʾav leʾmor׃

² וְעַתָּ֗ה כְּבֹ֨א הַסֵּ֤פֶר הַזֶּה֙ אֲלֵיכֶ֔ם וְאִתְּכֶ֖ם בְּנֵ֣י אֲדֹנֵיכֶ֑ם וְאִתְּכֶם֙ הָרֶ֣כֶב וְהַסּוּסִ֔ים וְעִ֥יר מִבְצָ֖ר וְהַנָּֽשֶׁק׃ weʿatah kevoʾ hasefer hazeh ʾaleykhem weʾitekhem beney ʾadoneykhem weʾitekhem harekhev wehasusiym weʿiyr mivetsar wehanasheq׃

³ וּרְאִיתֶ֞ם הַטֹּ֤וב וְהַיָּשָׁר֙ מִבְּנֵ֣י אֲדֹנֵיכֶ֔ם וְשַׂמְתֶּ֖ם עַל־כִּסֵּ֣א אָבִ֑יו וְהִֽלָּחֲמ֖וּ עַל־בֵּ֥ית אֲדֹנֵיכֶֽם׃ ureʾiytem haṭowv wehayashar mibeney ʾadoneykhem wesametem ʿal־kiseʾ ʾaviyw wehilaḥamu ʿal־beyt ʾadoneykhem׃

⁴ וַיִּֽרְאוּ֙ מְאֹ֣ד מְאֹ֔ד וַיֹּ֣אמְר֔וּ הִנֵּה֙ שְׁנֵ֣י הַמְּלָכִ֔ים לֹ֥א עָמְד֖וּ לְפָנָ֑יו וְאֵ֖יךְ נַעֲמֹ֥ד אֲנָֽחְנוּ׃ wayireʾu meʾod meʾod wayoʾmeru hineh sheney hamelakhiym loʾ ʿamedu lefanayw weʾeykhe naʿamod ʾanaḥenu׃

⁵ וַיִּשְׁלַ֣ח אֲשֶׁר־עַל־הַבַּ֣יִת וַאֲשֶׁ֪ר עַל־הָעִ֟יר וְהַזְּקֵנִים֩ וְהָאֹמְנִ֨ים אֶל־יֵה֤וּא ׀ לֵאמֹר֙ עֲבָדֶ֣יךָ אֲנַ֔חְנוּ וְכֹ֛ל אֲשֶׁר־תֹּאמַ֥ר אֵלֵ֖ינוּ נַעֲשֶׂ֑ה לֹֽא־נַמְלִ֣יךְ אִ֔ישׁ הַטֹּ֥וב בְּעֵינֶ֖יךָ עֲשֵֽׂה׃ wayishelaḥ ʾasher־ʿal־habayit waʾasher ʿal־haʿiyr wehazeqeniym wehaʾomeniym ʾel־yehuʾ ׀ leʾmor ʿavadeykha ʾanaḥenu wekhol ʾasher־toʾmar ʾeleynu naʿaseh loʾ־nameliykhe ʾiysh haṭowv beʿeyneykha ʿaseh׃

⁶ וַיִּכְתֹּ֣ב אֲלֵיהֶם֩ סֵ֨פֶר ׀ שֵׁנִ֜ית לֵאמֹ֗ר אִם־לִ֨י אַתֶּ֜ם וּלְקֹלִ֣י ׀ אַתֶּ֣ם שֹׁמְעִ֗ים קְחוּ֙ אֶת־רָאשֵׁי֙ אַנְשֵׁ֣י בְנֵֽי־אֲדֹנֵיכֶ֔ם וּבֹ֧אוּ אֵלַ֛י כָּעֵ֥ת מָחָ֖ר יִזְרְעֶ֑אלָה וּבְנֵ֤י הַמֶּ֙לֶךְ֙ שִׁבְעִ֣ים אִ֔ישׁ אֶת־גְּדֹלֵ֥י הָעִ֖יר מְגַדְּלִ֥ים אֹותָֽם׃ wayikhetov ʾaleyhem sefer ׀ sheniyt leʾmor ʾim־liy ʾatem uleqoliy ׀ ʾatem shomeʿiym qeḥu ʾet־raʾshey ʾaneshey veney־ʾadoneykhem uvoʾu ʾelay kaʿet maḥar yizereʿeʾlah uveney hamelekhe shiveʿiym ʾiysh ʾet־gedoley haʿiyr megadeliym ʾowtam׃

⁷ וַיְהִ֗י כְּבֹ֤א הַסֵּ֙פֶר֙ אֲלֵיהֶ֔ם וַיִּקְחוּ֙ אֶת־בְּנֵ֣י הַמֶּ֔לֶךְ וַֽיִּשְׁחֲט֖וּ שִׁבְעִ֣ים אִ֑ישׁ וַיָּשִׂ֤ימוּ אֶת־רָֽאשֵׁיהֶם֙ בַּדּוּדִ֔ים וַיִּשְׁלְח֥וּ אֵלָ֖יו יִזְרְעֶֽאלָה׃ wayehiy kevoʾ hasefer ʾaleyhem wayiqeḥu ʾet־beney hamelekhe wayisheḥaṭu shiveʿiym ʾiysh wayasiymu ʾet־raʾsheyhem badudiym wayisheleḥu ʾelayw yizereʿeʾlah׃

⁸ וַיָּבֹ֤א הַמַּלְאָךְ֙ וַיַּגֶּד־לֹ֣ו לֵאמֹ֔ר הֵבִ֖יאוּ רָאשֵׁ֣י בְנֵֽי־הַמֶּ֑לֶךְ וַיֹּ֗אמֶר שִׂ֣ימוּ אֹתָ֞ם שְׁנֵ֧י צִבֻּרִ֛ים פֶּ֥תַח הַשַּׁ֖עַר עַד־הַבֹּֽקֶר׃ wayavoʾ hamaleʾakhe wayaged־low leʾmor heviyʾu raʾshey veney־hamelekhe wayoʾmer siymu ʾotam sheney tsiburiym petaḥ hashaʿar ʿad־haboqer׃

⁹ וַיְהִ֤י בַבֹּ֙קֶר֙ וַיֵּצֵ֣א וַֽיַּעֲמֹ֔ד וַיֹּ֙אמֶר֙ אֶל־כָּל־הָעָ֔ם צַדִּקִ֖ים אַתֶּ֑ם הִנֵּ֨ה אֲנִ֜י קָשַׁ֤רְתִּי עַל־אֲדֹנִי֙ וָאֶהְרְגֵ֔הוּ וּמִ֥י הִכָּ֖ה אֶת־כָּל־אֵֽלֶּה׃ wayehiy vaboqer wayetseʾ wayaʿamod wayoʾmer ʾel־kal־haʿam tsadiqiym ʾatem hineh ʾaniy qasharetiy ʿal־ʾadoniy waʾeheregehu umiy hikah ʾet־kal־ʾeleh׃

¹⁰ דְּע֣וּ אֵפֹ֗וא כִּי֩ לֹ֨א יִפֹּ֜ל מִדְּבַ֤ר יְהוָה֙ אַ֔רְצָה אֲשֶׁר־דִּבֶּ֥ר יְהוָ֖ה עַל־בֵּ֣ית אַחְאָ֑ב וַיהוָ֣ה עָשָׂ֔ה אֵ֚ת אֲשֶׁ֣ר דִּבֶּ֔ר בְּיַ֖ד עַבְדֹּ֥ו אֵלִיָּֽהוּ׃ deʿu ʾefowʾ kiy loʾ yipol midevar yehwah ʾaretsah ʾasher־diber yehwah ʿal־beyt ʾaḥeʾav wayhwah ʿasah ʾet ʾasher diber beyad ʿavedow ʾeliyahu׃

¹¹ וַיַּ֣ךְ יֵה֗וּא אֵ֣ת כָּל־הַנִּשְׁאָרִ֤ים לְבֵית־אַחְאָב֙ בְּיִזְרְעֶ֔אל וְכָל־גְּדֹלָ֖יו וּמְיֻדָּעָ֣יו וְכֹהֲנָ֑יו עַד־בִּלְתִּ֥י הִשְׁאִֽיר־לֹ֖ו שָׂרִֽיד׃ wayakhe yehuʾ ʾet kal־hanisheʾariym leveyt־ʾaḥeʾav beyizereʿeʾl wekhal־gedolayw umeyudaʿayw wekhohanayw ʿad־biletiy hisheʾiyr־low sariyd׃

¹² וַיָּ֙קָם֙ וַיָּבֹ֔א וַיֵּ֖לֶךְ שֹׁמְרֹ֑ון ה֛וּא בֵּֽית־עֵ֥קֶד הָרֹעִ֖ים בַּדָּֽרֶךְ׃ wayaqam wayavoʾ wayelekhe shomerown huʾ beyt־ʿeqed haroʿiym badarekhe׃

¹³ וְיֵה֗וּא מָצָא֙ אֶת־אֲחֵי֙ אֲחַזְיָ֣הוּ מֶֽלֶךְ־יְהוּדָ֔ה וַיֹּ֖אמֶר מִ֣י אַתֶּ֑ם וַיֹּאמְר֗וּ אֲחֵ֤י אֲחַזְיָ֙הוּ֙ אֲנַ֔חְנוּ וַנֵּ֛רֶד לִשְׁלֹ֥ום בְּנֵֽי־הַמֶּ֖לֶךְ וּבְנֵ֥י הַגְּבִירָֽה׃ weyehuʾ matsaʾ ʾet־ʾaḥey ʾaḥazeyahu melekhe־yehudah wayoʾmer miy ʾatem wayoʾmeru ʾaḥey ʾaḥazeyahu ʾanaḥenu wanered lishelowm beney־hamelekhe uveney hageviyrah׃

¹⁴ וַיֹּ֙אמֶר֙ תִּפְשׂ֣וּם חַיִּ֔ים וַֽיִּתְפְּשׂ֖וּם חַיִּ֑ים וַֽיִּשְׁחָט֞וּם אֶל־בֹּ֣ור בֵּֽית־עֵ֗קֶד אַרְבָּעִ֤ים וּשְׁנַ֙יִם֙ אִ֔ישׁ וְלֹֽא־הִשְׁאִ֥יר אִ֖ישׁ מֵהֶֽם׃ ס wayoʾmer tifesum ḥayiym wayitepesum ḥayiym wayisheḥaṭum ʾel־bowr beyt־ʿeqed ʾarebaʿiym ushenayim ʾiysh weloʾ־hisheʾiyr ʾiysh mehem׃ s

¹⁵ וַיֵּ֣לֶךְ מִשָּׁ֡ם וַיִּמְצָ֣א אֶת־יְהֹונָדָב֩ בֶּן־רֵכָ֨ב לִקְרָאתֹ֜ו וַֽיְבָרְכֵ֗הוּ וַיֹּ֨אמֶר אֵלָ֜יו הֲיֵ֧שׁ אֶת־לְבָבְךָ֣ יָשָׁ֗ר כַּאֲשֶׁ֤ר לְבָבִי֙ עִם־לְבָבֶ֔ךָ וַיֹּ֨אמֶר יְהֹונָדָ֥ב יֵ֛שׁ וָיֵ֖שׁ תְּנָ֣ה אֶת־יָדֶ֑ךָ וַיִּתֵּ֣ן יָדֹ֔ו וַיַּעֲלֵ֥הוּ אֵלָ֖יו אֶל־הַמֶּרְכָּבָֽה׃ wayelekhe misham wayimetsaʾ ʾet־yehownadav ben־rekhav liqeraʾtow wayevarekhehu wayoʾmer ʾelayw hayesh ʾet־levavekha yashar kaʾasher levaviy ʿim־levavekha wayoʾmer yehownadav yesh wayesh tenah ʾet־yadekha wayiten yadow wayaʿalehu ʾelayw ʾel־hamerekavah׃

¹⁶ וַיֹּ֙אמֶר֙ לְכָ֣ה אִתִּ֔י וּרְאֵ֖ה בְּקִנְאָתִ֣י לַיהוָ֑ה וַיַּרְכִּ֥בוּ אֹתֹ֖ו בְּרִכְבֹּֽו׃ wayoʾmer lekhah ʾitiy ureʾeh beqineʾatiy layhwah wayarekivu ʾotow berikhebow׃

¹⁷ וַיָּבֹא֙ שֹֽׁמְרֹ֔ון וַ֠יַּךְ אֶת־כָּל־הַנִּשְׁאָרִ֧ים לְאַחְאָ֛ב בְּשֹׁמְרֹ֖ון עַד־הִשְׁמִידֹ֑ו כִּדְבַ֣ר יְהוָ֔ה אֲשֶׁ֥ר דִּבֶּ֖ר אֶל־אֵלִיָּֽהוּ׃ פ wayavoʾ shomerown wayakhe ʾet־kal־hanisheʾariym leʾaḥeʾav beshomerown ʿad־hishemiydow kidevar yehwah ʾasher diber ʾel־ʾeliyahu׃ f

¹⁸ וַיִּקְבֹּ֤ץ יֵהוּא֙ אֶת־כָּל־הָעָ֔ם וַיֹּ֣אמֶר אֲלֵהֶ֔ם אַחְאָ֕ב עָבַ֥ד אֶת־הַבַּ֖עַל מְעָ֑ט יֵה֖וּא יַעַבְדֶ֥נּוּ הַרְבֵּֽה׃ wayiqebots yehuʾ ʾet־kal־haʿam wayoʾmer ʾalehem ʾaḥeʾav ʿavad ʾet־habaʿal meʿaṭ yehuʾ yaʿavedenu harebeh׃

¹⁹ וְעַתָּ֣ה כָל־נְבִיאֵ֣י הַבַּ֡עַל כָּל־עֹבְדָ֣יו וְכָל־כֹּהֲנָיו֩ קִרְא֨וּ אֵלַ֜י אִ֣ישׁ אַל־יִפָּקֵ֗ד כִּי֩ זֶ֨בַח גָּדֹ֥ול לִי֙ לַבַּ֔עַל כֹּ֥ל אֲשֶׁר־יִפָּקֵ֖ד לֹ֣א יִֽחְיֶ֑ה וְיֵהוּא֙ עָשָׂ֣ה בְעָקְבָּ֔ה לְמַ֥עַן הַאֲבִ֖יד אֶת־עֹבְדֵ֥י הַבָּֽעַל׃ weʿatah khal־neviyʾey habaʿal kal־ʿovedayw wekhal־kohanayw qireʾu ʾelay ʾiysh ʾal־yipaqed kiy zevaḥ gadowl liy labaʿal kol ʾasher־yipaqed loʾ yiḥeyeh weyehuʾ ʿasah veʿaqebah lemaʿan haʾaviyd ʾet־ʿovedey habaʿal׃

²⁰ וַיֹּ֣אמֶר יֵה֗וּא קַדְּשׁ֧וּ עֲצָרָ֛ה לַבַּ֖עַל וַיִּקְרָֽאוּ׃ wayoʾmer yehuʾ qadeshu ʿatsarah labaʿal wayiqeraʾu׃

²¹ וַיִּשְׁלַ֤ח יֵהוּא֙ בְּכָל־יִשְׂרָאֵ֔ל וַיָּבֹ֙אוּ֙ כָּל־עֹבְדֵ֣י הַבַּ֔עַל וְלֹֽא־נִשְׁאַ֥ר אִ֖ישׁ אֲשֶׁ֣ר לֹֽא־בָ֑א וַיָּבֹ֙אוּ֙ בֵּ֣ית הַבַּ֔עַל וַיִּמָּלֵ֥א בֵית־הַבַּ֖עַל פֶּ֥ה לָפֶֽה׃ wayishelaḥ yehuʾ bekhal־yiseraʾel wayavoʾu kal־ʿovedey habaʿal weloʾ־nisheʾar ʾiysh ʾasher loʾ־vaʾ wayavoʾu beyt habaʿal wayimaleʾ veyt־habaʿal peh lafeh׃

²² וַיֹּ֗אמֶר לַֽאֲשֶׁר֙ עַל־הַמֶּלְתָּחָ֔ה הֹוצֵ֣א לְב֔וּשׁ לְכֹ֖ל עֹבְדֵ֣י הַבָּ֑עַל וַיֹּצֵ֥א לָהֶ֖ם הַמַּלְבּֽוּשׁ׃ wayoʾmer laʾasher ʿal־hameletaḥah howtseʾ levush lekhol ʿovedey habaʿal wayotseʾ lahem hamalebush׃

²³ וַיָּבֹ֥א יֵה֛וּא וִיהֹונָדָ֥ב בֶּן־רֵכָ֖ב בֵּ֣ית הַבָּ֑עַל וַיֹּ֜אמֶר לְעֹבְדֵ֣י הַבַּ֗עַל חַפְּשׂ֤וּ וּרְאוּ֙ פֶּן־יֶשׁ־פֹּ֤ה עִמָּכֶם֙ מֵעַבְדֵ֣י יְהוָ֔ה כִּ֛י אִם־עֹבְדֵ֥י הַבַּ֖עַל לְבַדָּֽם׃ wayavoʾ yehuʾ wiyhownadav ben־rekhav beyt habaʿal wayoʾmer leʿovedey habaʿal ḥapesu ureʾu pen־yesh־poh ʿimakhem meʿavedey yehwah kiy ʾim־ʿovedey habaʿal levadam׃

²⁴ וַיָּבֹ֕אוּ לַעֲשֹׂ֖ות זְבָחִ֣ים וְעֹלֹ֑ות וְיֵה֞וּא שָׂם־לֹ֤ו בַחוּץ֙ שְׁמֹנִ֣ים אִ֔ישׁ וַיֹּ֗אמֶר הָאִ֤ישׁ אֲשֶׁר־יִמָּלֵט֙ מִן־הָאֲנָשִׁ֗ים אֲשֶׁ֤ר אֲנִי֙ מֵבִ֣יא עַל־יְדֵיכֶ֔ם נַפְשֹׁ֖ו תַּ֥חַת נַפְשֹֽׁו׃ wayavoʾu laʿasowt zevaḥiym weʿolowt weyehuʾ sam־low vaḥuts shemoniym ʾiysh wayoʾmer haʾiysh ʾasher־yimaleṭ min־haʾanashiym ʾasher ʾaniy meviyʾ ʿal־yedeykhem nafeshow taḥat nafeshow׃

²⁵ וַיְהִ֞י כְּכַלֹּתֹ֣ו ׀ לַעֲשֹׂ֣ות הָעֹלָ֗ה וַיֹּ֣אמֶר יֵ֠הוּא לָרָצִ֨ים וְלַשָּׁלִשִׁ֜ים בֹּ֤אוּ הַכּוּם֙ אִ֣ישׁ אַל־יֵצֵ֔א וַיַּכּ֖וּם לְפִי־חָ֑רֶב וַיַּשְׁלִ֗כוּ הָֽרָצִים֙ וְהַשָּׁ֣לִשִׁ֔ים וַיֵּלְכ֖וּ עַד־עִ֥יר בֵּית־הַבָּֽעַל׃ wayehiy kekhalotow ׀ laʿasowt haʿolah wayoʾmer yehuʾ laratsiym welashalishiym boʾu hakum ʾiysh ʾal־yetseʾ wayakum lefiy־ḥarev wayashelikhu haratsiym wehashalishiym wayelekhu ʿad־ʿiyr beyt־habaʿal׃

²⁶ וַיֹּצִ֛אוּ אֶת־מַצְּבֹ֥ות בֵּית־הַבַּ֖עַל וַֽיִּשְׂרְפֽוּהָ׃ wayotsiʾu ʾet־matsevowt beyt־habaʿal wayiserefuah׃

²⁷ וַֽיִּתְּצ֔וּ אֵ֖ת מַצְּבַ֣ת הַבָּ֑עַל וַֽיִּתְּצוּ֙ אֶת־בֵּ֣ית הַבַּ֔עַל וַיְשִׂמֻ֥הוּ [לְמַחֲרָאֹות כ] (לְמֹֽוצָאֹ֖ות ק) עַד־הַיֹּֽום׃ wayitetsu ʾet matsevat habaʿal wayitetsu ʾet־beyt habaʿal wayesimuhu [lemaḥaraʾowt kh] (lemowtsaʾowt q) ʿad־hayowm׃

²⁸ וַיַּשְׁמֵ֥ד יֵה֛וּא אֶת־הַבַּ֖עַל מִיִּשְׂרָאֵֽל׃ wayashemed yehuʾ ʾet־habaʿal miyiseraʾel׃

²⁹ רַ֠ק חֲטָאֵ֞י יָרָבְעָ֤ם בֶּן־נְבָט֙ אֲשֶׁ֣ר הֶחֱטִ֣יא אֶת־יִשְׂרָאֵ֔ל לֹֽא־סָ֥ר יֵה֖וּא מֵאַֽחֲרֵיהֶ֑ם עֶגְלֵי֙ הַזָּהָ֔ב אֲשֶׁ֥ר בֵּֽית־אֵ֖ל וַאֲשֶׁ֥ר בְּדָֽן׃ ס raq ḥaṭaʾey yaraveʿam ben־nevaṭ ʾasher heḥeṭiyʾ ʾet־yiseraʾel loʾ־sar yehuʾ meʾaḥareyhem ʿegeley hazahav ʾasher beyt־ʾel waʾasher bedan׃ s

³⁰ וַיֹּ֨אמֶר יְהוָ֜ה אֶל־יֵה֗וּא יַ֤עַן אֲשֶׁר־הֱטִיבֹ֙תָ֙ לַעֲשֹׂ֤ות הַיָּשָׁר֙ בְּעֵינַ֔י כְּכֹל֙ אֲשֶׁ֣ר בִּלְבָבִ֔י עָשִׂ֖יתָ לְבֵ֣ית אַחְאָ֑ב בְּנֵ֣י רְבִעִ֔ים יֵשְׁב֥וּ לְךָ֖ עַל־כִּסֵּ֥א יִשְׂרָאֵֽל׃ wayoʾmer yehwah ʾel־yehuʾ yaʿan ʾasher־heṭiyvota laʿasowt hayashar beʿeynay kekhol ʾasher bilevaviy ʿasiyta leveyt ʾaḥeʾav beney reviʿiym yeshevu lekha ʿal־kiseʾ yiseraʾel׃

³¹ וְיֵה֗וּא לֹ֥א שָׁמַ֛ר לָלֶ֛כֶת בְּתֹֽורַת־יְהוָ֥ה אֱלֹהֵֽי־יִשְׂרָאֵ֖ל בְּכָל־לְבָבֹ֑ו לֹ֣א סָ֗ר מֵעַל֙ חַטֹּ֣אות יָֽרָבְעָ֔ם אֲשֶׁ֥ר הֶחֱטִ֖יא אֶת־יִשְׂרָאֵֽל׃ weyehuʾ loʾ shamar lalekhet betowrat־yehwah ʾelohey־yiseraʾel bekhal־levavow loʾ sar meʿal ḥaṭoʾwt yaraveʿam ʾasher heḥeṭiyʾ ʾet־yiseraʾel׃

³² בַּיָּמִ֣ים הָהֵ֔ם הֵחֵ֣ל יְהוָ֔ה לְקַצֹּ֖ות בְּיִשְׂרָאֵ֑ל וַיַּכֵּ֥ם חֲזָאֵ֖ל בְּכָל־גְּב֥וּל יִשְׂרָאֵֽל׃ bayamiym hahem heḥel yehwah leqatsowt beyiseraʾel wayakem ḥazaʾel bekhal־gevul yiseraʾel׃

³³ מִן־הַיַּרְדֵּן֙ מִזְרַ֣ח הַשֶּׁ֔מֶשׁ אֵ֚ת כָּל־אֶ֣רֶץ הַגִּלְעָ֔ד הַגָּדִ֥י וְהָרֻאובֵנִ֖י וְהַֽמְנַשִּׁ֑י מֵעֲרֹעֵר֙ אֲשֶׁ֣ר עַל־נַ֣חַל אַרְנֹ֔ן וְהַגִּלְעָ֖ד וְהַבָּשָֽׁן׃ min־hayareden mizeraḥ hashemesh ʾet kal־ʾerets hagileʿad hagadiy weharuʾwveniy wehamenashiy meʿaroʿer ʾasher ʿal־naḥal ʾarenon wehagileʿad wehabashan׃

³⁴ וְיֶ֨תֶר דִּבְרֵ֥י יֵה֛וּא וְכָל־אֲשֶׁ֥ר עָשָׂ֖ה וְכָל־גְּבוּרָתֹ֑ו הֲלֹֽוא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ weyeter diverey yehuʾ wekhal־ʾasher ʿasah wekhal־gevuratow halowʾ־hem ketuviym ʿal־sefer diverey hayamiym lemalekhey yiseraʾel׃

³⁵ וַיִּשְׁכַּ֤ב יֵהוּא֙ עִם־אֲבֹתָ֔יו וַיִּקְבְּר֥וּ אֹתֹ֖ו בְּשֹׁמְרֹ֑ון וַיִּמְלֹ֛ךְ יְהֹואָחָ֥ז בְּנֹ֖ו תַּחְתָּֽיו׃ wayishekav yehuʾ ʿim־ʾavotayw wayiqeberu ʾotow beshomerown wayimelokhe yehowʾaḥaz benow taḥetayw׃

³⁶ וְהַיָּמִ֗ים אֲשֶׁ֨ר מָלַ֤ךְ יֵהוּא֙ עַל־יִשְׂרָאֵ֔ל עֶשְׂרִ֥ים וּשְׁמֹנֶֽה־שָׁנָ֖ה בְּשֹׁמְרֹֽון׃ פ wehayamiym ʾasher malakhe yehuʾ ʿal־yiseraʾel ʿeseriym ushemoneh־shanah beshomerown׃ f