Exode 40

¹ וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃

² בְּיֹום־הַחֹ֥דֶשׁ הָרִאשֹׁ֖ון בְּאֶחָ֣ד לַחֹ֑דֶשׁ תָּקִ֕ים אֶת־מִשְׁכַּ֖ן אֹ֥הֶל מֹועֵֽד׃ beyowm־haḥodesh hariʾshown beʾeḥad laḥodesh taqiym ʾet־mishekan ʾohel mowʿed׃

³ וְשַׂמְתָּ֣ שָׁ֔ם אֵ֖ת אֲרֹ֣ון הָעֵד֑וּת וְסַכֹּתָ֥ עַל־הָאָרֹ֖ן אֶת־הַפָּרֹֽכֶת׃ wesameta sham ʾet ʾarown haʿedut wesakota ʿal־haʾaron ʾet־haparokhet׃

⁴ וְהֵבֵאתָ֙ אֶת־הַשֻּׁלְחָ֔ן וְעָרַכְתָּ֖ אֶת־עֶרְכֹּ֑ו וְהֵבֵאתָ֙ אֶת־הַמְּנֹרָ֔ה וְהַעֲלֵיתָ֖ אֶת־נֵרֹתֶֽיהָ׃ weheveʾta ʾet־hashuleḥan weʿarakheta ʾet־ʿerekow weheveʾta ʾet־hamenorah wehaʿaleyta ʾet־neroteyha׃

⁵ וְנָתַתָּ֞ה אֶת־מִזְבַּ֤ח הַזָּהָב֙ לִקְטֹ֔רֶת לִפְנֵ֖י אֲרֹ֣ון הָעֵדֻ֑ת וְשַׂמְתָּ֛ אֶת־מָסַ֥ךְ הַפֶּ֖תַח לַמִּשְׁכָּֽן׃ wenatatah ʾet־mizebaḥ hazahav liqeṭoret lifeney ʾarown haʿedut wesameta ʾet־masakhe hapetaḥ lamishekan׃

⁶ וְנָ֣תַתָּ֔ה אֵ֖ת מִזְבַּ֣ח הָעֹלָ֑ה לִפְנֵ֕י פֶּ֖תַח מִשְׁכַּ֥ן אֹֽהֶל־מֹועֵֽד׃ wenatatah ʾet mizebaḥ haʿolah lifeney petaḥ mishekan ʾohel־mowʿed׃

⁷ וְנָֽתַתָּ֙ אֶת־הַכִּיֹּ֔ר בֵּֽין־אֹ֥הֶל מֹועֵ֖ד וּבֵ֣ין הַמִּזְבֵּ֑חַ וְנָתַתָּ֥ שָׁ֖ם מָֽיִם׃ wenatata ʾet־hakiyor beyn־ʾohel mowʿed uveyn hamizebeaḥ wenatata sham mayim׃

⁸ וְשַׂמְתָּ֥ אֶת־הֶחָצֵ֖ר סָבִ֑יב וְנָ֣תַתָּ֔ אֶת־מָסַ֖ךְ שַׁ֥עַר הֶחָצֵֽר׃ wesameta ʾet־heḥatser saviyv wenatata ʾet־masakhe shaʿar heḥatser׃

⁹ וְלָקַחְתָּ֙ אֶת־שֶׁ֣מֶן הַמִּשְׁחָ֔ה וּמָשַׁחְתָּ֥ אֶת־הַמִּשְׁכָּ֖ן וְאֶת־כָּל־אֲשֶׁר־בֹּ֑ו וְקִדַּשְׁתָּ֥ אֹתֹ֛ו וְאֶת־כָּל־כֵּלָ֖יו וְהָ֥יָה קֹֽדֶשׁ׃ welaqaḥeta ʾet־shemen hamisheḥah umashaḥeta ʾet־hamishekan weʾet־kal־ʾasher־bow weqidasheta ʾotow weʾet־kal־kelayw wehayah qodesh׃

¹⁰ וּמָשַׁחְתָּ֛ אֶת־מִזְבַּ֥ח הָעֹלָ֖ה וְאֶת־כָּל־כֵּלָ֑יו וְקִדַּשְׁתָּ֙ אֶת־הַמִּזְבֵּ֔חַ וְהָיָ֥ה הַמִּזְבֵּ֖חַ קֹ֥דֶשׁ קָֽדָשִֽׁים׃ umashaḥeta ʾet־mizebaḥ haʿolah weʾet־kal־kelayw weqidasheta ʾet־hamizebeaḥ wehayah hamizebeaḥ qodesh qadashiym׃

¹¹ וּמָשַׁחְתָּ֥ אֶת־הַכִּיֹּ֖ר וְאֶת־כַּנֹּ֑ו וְקִדַּשְׁתָּ֖ אֹתֹֽו׃ umashaḥeta ʾet־hakiyor weʾet־kanow weqidasheta ʾotow׃

¹² וְהִקְרַבְתָּ֤ אֶֽת־אַהֲרֹן֙ וְאֶת־בָּנָ֔יו אֶל־פֶּ֖תַח אֹ֣הֶל מֹועֵ֑ד וְרָחַצְתָּ֥ אֹתָ֖ם בַּמָּֽיִם׃ wehiqeraveta ʾet־ʾaharon weʾet־banayw ʾel־petaḥ ʾohel mowʿed weraḥatseta ʾotam bamayim׃

¹³ וְהִלְבַּשְׁתָּ֙ אֶֽת־אַהֲרֹ֔ן אֵ֖ת בִּגְדֵ֣י הַקֹּ֑דֶשׁ וּמָשַׁחְתָּ֥ אֹתֹ֛ו וְקִדַּשְׁתָּ֥ אֹתֹ֖ו וְכִהֵ֥ן לִֽי׃ wehilebasheta ʾet־ʾaharon ʾet bigedey haqodesh umashaḥeta ʾotow weqidasheta ʾotow wekhihen liy׃

¹⁴ וְאֶת־בָּנָ֖יו תַּקְרִ֑יב וְהִלְבַּשְׁתָּ֥ אֹתָ֖ם כֻּתֳּנֹֽת׃ weʾet־banayw taqeriyv wehilebasheta ʾotam kutonot׃

¹⁵ וּמָשַׁחְתָּ֣ אֹתָ֗ם כַּאֲשֶׁ֤ר מָשַׁ֙חְתָּ֙ אֶת־אֲבִיהֶ֔ם וְכִהֲנ֖וּ לִ֑י וְ֠הָיְתָה לִהְיֹ֨ת לָהֶ֧ם מָשְׁחָתָ֛ם לִכְהֻנַּ֥ת עֹולָ֖ם לְדֹרֹתָֽם ׃ umashaḥeta ʾotam kaʾasher mashaḥeta ʾet־ʾaviyhem wekhihanu liy wehayetah liheyot lahem masheḥatam likhehunat ʿowlam ledorotam ׃

¹⁶ וַיַּ֖עַשׂ מֹשֶׁ֑ה כְּ֠כֹל אֲשֶׁ֨ר צִוָּ֧ה יְהוָ֛ה אֹתֹ֖ו כֵּ֥ן עָשָֽׂה׃ ס wayaʿas mosheh kekhol ʾasher tsiuah yehwah ʾotow ken ʿasah׃ s

¹⁷ וַיְהִ֞י בַּחֹ֧דֶשׁ הָרִאשֹׁ֛ון בַּשָּׁנָ֥ה הַשֵּׁנִ֖ית בְּאֶחָ֣ד לַחֹ֑דֶשׁ הוּקַ֖ם הַמִּשְׁכָּֽן׃ wayehiy baḥodesh hariʾshown bashanah hasheniyt beʾeḥad laḥodesh huqam hamishekan׃

¹⁸ וַיָּ֨קֶם מֹשֶׁ֜ה אֶת־הַמִּשְׁכָּ֗ן וַיִּתֵּן֙ אֶת־אֲדָנָ֔יו וַיָּ֙שֶׂם֙ אֶת־קְרָשָׁ֔יו וַיִּתֵּ֖ן אֶת־בְּרִיחָ֑יו וַיָּ֖קֶם אֶת־עַמּוּדָֽיו׃ wayaqem mosheh ʾet־hamishekan wayiten ʾet־ʾadanayw wayasem ʾet־qerashayw wayiten ʾet־beriyḥayw wayaqem ʾet־ʿamudayw׃

¹⁹ וַיִּפְרֹ֤שׂ אֶת־הָאֹ֙הֶל֙ עַל־הַמִּשְׁכָּ֔ן וַיָּ֜שֶׂם אֶת־מִכְסֵ֥ה הָאֹ֛הֶל עָלָ֖יו מִלְמָ֑עְלָה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס wayiferos ʾet־haʾohel ʿal־hamishekan wayasem ʾet־mikheseh haʾohel ʿalayw milemaʿelah kaʾasher tsiuah yehwah ʾet־mosheh׃ s

²⁰ וַיִּקַּ֞ח וַיִּתֵּ֤ן אֶת־הָעֵדֻת֙ אֶל־הָ֣אָרֹ֔ן וַיָּ֥שֶׂם אֶת־הַבַּדִּ֖ים עַל־הָאָרֹ֑ן וַיִּתֵּ֧ן אֶת־הַכַּפֹּ֛רֶת עַל־הָאָרֹ֖ן מִלְמָֽעְלָה׃ wayiqaḥ wayiten ʾet־haʿedut ʾel־haʾaron wayasem ʾet־habadiym ʿal־haʾaron wayiten ʾet־hakaporet ʿal־haʾaron milemaʿelah׃

²¹ וַיָּבֵ֣א אֶת־הָאָרֹן֮ אֶל־הַמִּשְׁכָּן֒ וַיָּ֗שֶׂם אֵ֚ת פָּרֹ֣כֶת הַמָּסָ֔ךְ וַיָּ֕סֶךְ עַ֖ל אֲרֹ֣ון הָעֵד֑וּת כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס wayaveʾ ʾet־haʾaron ʾel־hamishekan wayasem ʾet parokhet hamasakhe wayasekhe ʿal ʾarown haʿedut kaʾasher tsiuah yehwah ʾet־mosheh׃ s

²² וַיִּתֵּ֤ן אֶת־הַשֻּׁלְחָן֙ בְּאֹ֣הֶל מֹועֵ֔ד עַ֛ל יֶ֥רֶךְ הַמִּשְׁכָּ֖ן צָפֹ֑נָה מִח֖וּץ לַפָּרֹֽכֶת׃ wayiten ʾet־hashuleḥan beʾohel mowʿed ʿal yerekhe hamishekan tsafonah miḥuts laparokhet׃

²³ וַיַּעֲרֹ֥ךְ עָלָ֛יו עֵ֥רֶךְ לֶ֖חֶם לִפְנֵ֣י יְהוָ֑ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס wayaʿarokhe ʿalayw ʿerekhe leḥem lifeney yehwah kaʾasher tsiuah yehwah ʾet־mosheh׃ s

²⁴ וַיָּ֤שֶׂם אֶת־הַמְּנֹרָה֙ בְּאֹ֣הֶל מֹועֵ֔ד נֹ֖כַח הַשֻּׁלְחָ֑ן עַ֛ל יֶ֥רֶךְ הַמִּשְׁכָּ֖ן נֶֽגְבָּה׃ wayasem ʾet־hamenorah beʾohel mowʿed nokhaḥ hashuleḥan ʿal yerekhe hamishekan negebah׃

²⁵ וַיַּ֥עַל הַנֵּרֹ֖ת לִפְנֵ֣י יְהוָ֑ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס wayaʿal hanerot lifeney yehwah kaʾasher tsiuah yehwah ʾet־mosheh׃ s

²⁶ וַיָּ֛שֶׂם אֶת־מִזְבַּ֥ח הַזָּהָ֖ב בְּאֹ֣הֶל מֹועֵ֑ד לִפְנֵ֖י הַפָּרֹֽכֶת׃ wayasem ʾet־mizebaḥ hazahav beʾohel mowʿed lifeney haparokhet׃

²⁷ וַיַּקְטֵ֥ר עָלָ֖יו קְטֹ֣רֶת סַמִּ֑ים כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ wayaqeṭer ʿalayw qeṭoret samiym kaʾasher tsiuah yehwah ʾet־mosheh׃ f

²⁸ וַיָּ֛שֶׂם אֶת־מָסַ֥ךְ הַפֶּ֖תַח לַמִּשְׁכָּֽן׃ wayasem ʾet־masakhe hapetaḥ lamishekan׃

²⁹ וְאֵת֙ מִזְבַּ֣ח הָעֹלָ֔ה שָׂ֕ם פֶּ֖תַח מִשְׁכַּ֣ן אֹֽהֶל־מֹועֵ֑ד וַיַּ֣עַל עָלָ֗יו אֶת־הָעֹלָה֙ וְאֶת־הַמִּנְחָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס weʾet mizebaḥ haʿolah sam petaḥ mishekan ʾohel־mowʿed wayaʿal ʿalayw ʾet־haʿolah weʾet־hamineḥah kaʾasher tsiuah yehwah ʾet־mosheh׃ s

³⁰ וַיָּ֙שֶׂם֙ אֶת־הַכִּיֹּ֔ר בֵּֽין־אֹ֥הֶל מֹועֵ֖ד וּבֵ֣ין הַמִּזְבֵּ֑חַ וַיִּתֵּ֥ן שָׁ֛מָּה מַ֖יִם לְרָחְצָֽה׃ wayasem ʾet־hakiyor beyn־ʾohel mowʿed uveyn hamizebeaḥ wayiten shamah mayim leraḥetsah׃

³¹ וְרָחֲצ֣וּ מִמֶּ֔נּוּ מֹשֶׁ֖ה וְאַהֲרֹ֣ן וּבָנָ֑יו אֶת־יְדֵיהֶ֖ם וְאֶת־רַגְלֵיהֶֽם׃ weraḥatsu mimenu mosheh weʾaharon uvanayw ʾet־yedeyhem weʾet־rageleyhem׃

³² בְּבֹאָ֞ם אֶל־אֹ֣הֶל מֹועֵ֗ד וּבְקָרְבָתָ֛ם אֶל־הַמִּזְבֵּ֖חַ יִרְחָ֑צוּ כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס bevoʾam ʾel־ʾohel mowʿed uveqarevatam ʾel־hamizebeaḥ yireḥatsu kaʾasher tsiuah yehwah ʾet־mosheh׃ s

³³ וַיָּ֣קֶם אֶת־הֶחָצֵ֗ר סָבִיב֙ לַמִּשְׁכָּ֣ן וְלַמִּזְבֵּ֔חַ וַיִּתֵּ֕ן אֶת־מָסַ֖ךְ שַׁ֣עַר הֶחָצֵ֑ר וַיְכַ֥ל מֹשֶׁ֖ה אֶת־הַמְּלָאכָֽה׃ פ wayaqem ʾet־heḥatser saviyv lamishekan welamizebeaḥ wayiten ʾet־masakhe shaʿar heḥatser wayekhal mosheh ʾet־hamelaʾkhah׃ f

³⁴ וַיְכַ֥ס הֶעָנָ֖ן אֶת־אֹ֣הֶל מֹועֵ֑ד וּכְבֹ֣וד יְהוָ֔ה מָלֵ֖א אֶת־הַמִּשְׁכָּֽן׃ wayekhas heʿanan ʾet־ʾohel mowʿed ukhevowd yehwah maleʾ ʾet־hamishekan׃

³⁵ וְלֹא־יָכֹ֣ל מֹשֶׁ֗ה לָבֹוא֙ אֶל־אֹ֣הֶל מֹועֵ֔ד כִּֽי־שָׁכַ֥ן עָלָ֖יו הֶעָנָ֑ן וּכְבֹ֣וד יְהוָ֔ה מָלֵ֖א אֶת־הַמִּשְׁכָּֽן׃ weloʾ־yakhol mosheh lavowʾ ʾel־ʾohel mowʿed kiy־shakhan ʿalayw heʿanan ukhevowd yehwah maleʾ ʾet־hamishekan׃

³⁶ וּבְהֵעָלֹ֤ות הֶֽעָנָן֙ מֵעַ֣ל הַמִּשְׁכָּ֔ן יִסְע֖וּ בְּנֵ֣י יִשְׂרָאֵ֑ל בְּכֹ֖ל מַסְעֵיהֶֽם׃ uveheʿalowt heʿanan meʿal hamishekan yiseʿu beney yiseraʾel bekhol maseʿeyhem׃

³⁷ וְאִם־לֹ֥א יֵעָלֶ֖ה הֶעָנָ֑ן וְלֹ֣א יִסְע֔וּ עַד־יֹ֖ום הֵעָלֹתֹֽו׃ weʾim־loʾ yeʿaleh heʿanan weloʾ yiseʿu ʿad־yowm heʿalotow׃

³⁸ כִּי֩ עֲנַ֨ן יְהוָ֤ה עַֽל־הַמִּשְׁכָּן֙ יֹומָ֔ם וְאֵ֕שׁ תִּהְיֶ֥ה לַ֖יְלָה בֹּ֑ו לְעֵינֵ֥י כָל־בֵּֽית־יִשְׂרָאֵ֖ל בְּכָל־מַסְעֵיהֶֽם׃ kiy ʿanan yehwah ʿal־hamishekan yowmam weʾesh tiheyeh layelah bow leʿeyney khal־beyt־yiseraʾel bekhal־maseʿeyhem׃