Nahoum 3

¹ הֹ֖וי עִ֣יר דָּמִ֑ים כֻּלָּ֗הּ כַּ֤חַשׁ פֶּ֙רֶק֙ מְלֵאָ֔ה לֹ֥א יָמִ֖ישׁ טָֽרֶף׃ howy ʿiyr damiym kulah kaḥash pereq meleʾah loʾ yamiysh ṭaref׃

² קֹ֣ול שֹׁ֔וט וְקֹ֖ול רַ֣עַשׁ אֹופָ֑ן וְס֣וּס דֹּהֵ֔ר וּמֶרְכָּבָ֖ה מְרַקֵּדָֽה׃ qowl showṭ weqowl raʿash ʾowfan wesus doher umerekavah meraqedah׃

³ פָּרָ֣שׁ מַעֲלֶ֗ה וְלַ֤הַב חֶ֙רֶב֙ וּבְרַ֣ק חֲנִ֔ית וְרֹ֥ב חָלָ֖ל וְכֹ֣בֶד פָּ֑גֶר וְאֵ֥ין קֵ֙צֶה֙ לַגְּוִיָּ֔ה [יִכְשְׁלוּ כ] (וְכָשְׁל֖וּ ק) בִּגְוִיָּתָֽם׃ parash maʿaleh welahav ḥerev uveraq ḥaniyt werov ḥalal wekhoved pager weʾeyn qetseh lagewiyah [yikheshelu kh] (wekhashelu q) bigewiyatam׃

⁴ מֵרֹב֙ זְנוּנֵ֣י זֹונָ֔ה טֹ֥ובַת חֵ֖ן בַּעֲלַ֣ת כְּשָׁפִ֑ים הַמֹּכֶ֤רֶת גֹּויִם֙ בִּזְנוּנֶ֔יהָ וּמִשְׁפָּחֹ֖ות בִּכְשָׁפֶֽיהָ׃ merov zenuney zownah ṭowvat ḥen baʿalat keshafiym hamokheret gowyim bizenuneyha umishepaḥowt bikheshafeyha׃

⁵ הִנְנִ֣י אֵלַ֗יִךְ נְאֻם֙ יְהוָ֣ה צְבָאֹ֔ות וְגִלֵּיתִ֥י שׁוּלַ֖יִךְ עַל־פָּנָ֑יִךְ וְהַרְאֵיתִ֤י גֹויִם֙ מַעְרֵ֔ךְ וּמַמְלָכֹ֖ות קְלֹונֵֽךְ׃ hineniy ʾelayikhe neʾum yehwah tsevaʾowt wegileytiy shulayikhe ʿal־panayikhe wehareʾeytiy gowyim maʿerekhe umamelakhowt qelownekhe׃

⁶ וְהִשְׁלַכְתִּ֥י עָלַ֛יִךְ שִׁקֻּצִ֖ים וְנִבַּלְתִּ֑יךְ וְשַׂמְתִּ֖יךְ כְּרֹֽאִי׃ wehishelakhetiy ʿalayikhe shiqutsiym wenibaletiykhe wesametiykhe keroʾiy׃

⁷ וְהָיָ֤ה כָל־רֹאַ֙יִךְ֙ יִדֹּ֣וד מִמֵּ֔ךְ וְאָמַר֙ שָׁדְּדָ֣ה נִֽינְוֵ֔ה מִ֖י יָנ֣וּד לָ֑הּ מֵאַ֛יִן אֲבַקֵּ֥שׁ מְנַחֲמִ֖ים לָֽךְ׃ wehayah khal־roʾayikhe yidowd mimekhe weʾamar shadedah niyneweh miy yanud lah meʾayin ʾavaqesh menaḥamiym lakhe׃

⁸ הֲתֵֽיטְבִי֙ מִנֹּ֣א אָמֹ֔ון הַיֹּֽשְׁבָה֙ בַּיְאֹרִ֔ים מַ֖יִם סָבִ֣יב לָ֑הּ אֲשֶׁר־חֵ֣יל יָ֔ם מִיָּ֖ם חֹומָתָֽהּ׃ hateyṭeviy minoʾ ʾamown hayoshevah bayeʾoriym mayim saviyv lah ʾasher־ḥeyl yam miyam ḥowmatah׃

⁹ כּ֥וּשׁ עָצְמָ֛ה וּמִצְרַ֖יִם וְאֵ֣ין קֵ֑צֶה פּ֣וּט וְלוּבִ֔ים הָי֖וּ בְּעֶזְרָתֵֽךְ׃ kush ʿatsemah umitserayim weʾeyn qetseh puṭ weluviym hayu beʿezeratekhe׃

¹⁰ גַּם־הִ֗יא לַגֹּלָה֙ הָלְכָ֣ה בַשֶּׁ֔בִי גַּ֧ם עֹלָלֶ֛יהָ יְרֻטְּשׁ֖וּ בְּרֹ֣אשׁ כָּל־חוּצֹ֑ות וְעַל־נִכְבַּדֶּ֙יהָ֙ יַדּ֣וּ גֹורָ֔ל וְכָל־גְּדֹולֶ֖יהָ רֻתְּק֥וּ בַזִּקִּֽים׃ gam־hiyʾ lagolah halekhah vasheviy gam ʿolaleyha yeruṭeshu beroʾsh kal־ḥutsowt weʿal־nikhebadeyha yadu gowral wekhal־gedowleyha rutequ vaziqiym׃

¹¹ גַּם־אַ֣תְּ תִּשְׁכְּרִ֔י תְּהִ֖י נַֽעֲלָמָ֑ה גַּם־אַ֛תְּ תְּבַקְשִׁ֥י מָעֹ֖וז מֵאֹויֵֽב׃ gam־ʾate tishekeriy tehiy naʿalamah gam־ʾate tevaqeshiy maʿowz meʾowyev׃

¹² כָּ֨ל־מִבְצָרַ֔יִךְ תְּאֵנִ֖ים עִם־בִּכּוּרִ֑ים אִם־יִנֹּ֕ועוּ וְנָפְל֖וּ עַל־פִּ֥י אֹוכֵֽל׃ kal־mivetsarayikhe teʾeniym ʿim־bikuriym ʾim־yinowʿu wenafelu ʿal־piy ʾowkhel׃

¹³ הִנֵּ֨ה עַמֵּ֤ךְ נָשִׁים֙ בְּקִרְבֵּ֔ךְ לְאֹ֣יְבַ֔יִךְ פָּתֹ֥וחַ נִפְתְּח֖וּ שַׁעֲרֵ֣י אַרְצֵ֑ךְ אָכְלָ֥ה אֵ֖שׁ בְּרִיחָֽיִך׃ hineh ʿamekhe nashiym beqirebekhe leʾoyevayikhe patowḥa nifeteḥu shaʿarey ʾaretsekhe ʾakhelah ʾesh beriyḥayikh׃

¹⁴ מֵ֤י מָצֹור֙ שַֽׁאֲבִי־לָ֔ךְ חַזְּקִ֖י מִבְצָרָ֑יִךְ בֹּ֧אִי בַטִּ֛יט וְרִמְסִ֥י בַחֹ֖מֶר הַחֲזִ֥יקִי מַלְבֵּֽן׃ mey matsowr shaʾaviy־lakhe ḥazeqiy mivetsarayikhe boʾiy vaṭiyṭ werimesiy vaḥomer haḥaziyqiy maleben׃

¹⁵ ם תֹּאכְלֵ֣ךְ אֵ֔שׁ תַּכְרִיתֵ֣ךְ חֶ֔רֶב תֹּאכְלֵ֖ךְ כַּיָּ֑לֶק הִתְכַּבֵּ֣ד כַּיֶּ֔לֶק הִֽתְכַּבְּדִ֖י כָּאַרְבֶּֽה׃ m toʾkhelekhe ʾesh takheriytekhe ḥerev toʾkhelekhe kayaleq hitekabed kayeleq hitekabediy kaʾarebeh׃

¹⁶ הִרְבֵּית֙ רֹֽכְלַ֔יִךְ מִכֹּוכְבֵ֖י הַשָּׁמָ֑יִם יֶ֥לֶק פָּשַׁ֖ט וַיָּעֹֽף׃ hirebeyt rokhelayikhe mikowkhevey hashamayim yeleq pashaṭ wayaʿof׃

¹⁷ מִנְּזָרַ֙יִךְ֙ כָּֽאַרְבֶּ֔ה וְטַפְסְרַ֖יִךְ כְּגֹ֣וב גֹּבָ֑י הַֽחֹונִ֤ים בַּגְּדֵרֹות֙ בְּיֹ֣ום קָרָ֔ה שֶׁ֤מֶשׁ זָֽרְחָה֙ וְנֹודַ֔ד וְלֹֽא־נֹודַ֥ע מְקֹומֹ֖ו אַיָּֽם׃ minezarayikhe kaʾarebeh weṭafeserayikhe kegowv govay haḥowniym bagederowt beyowm qarah shemesh zareḥah wenowdad weloʾ־nowdaʿ meqowmow ʾayam׃

¹⁸ נָמ֤וּ רֹעֶ֙יךָ֙ מֶ֣לֶךְ אַשּׁ֔וּר יִשְׁכְּנ֖וּ אַדִּירֶ֑יךָ נָפֹ֧שׁוּ עַמְּךָ֛ עַל־הֶהָרִ֖ים וְאֵ֥ין מְקַבֵּֽץ׃ namu roʿeykha melekhe ʾashur yishekenu ʾadiyreykha nafoshu ʿamekha ʿal־hehariym weʾeyn meqabets׃

¹⁹ אֵין־כֵּהָ֣ה לְשִׁבְרֶ֔ךָ נַחְלָ֖ה מַכָּתֶ֑ךָ כֹּ֣ל ׀ שֹׁמְעֵ֣י שִׁמְעֲךָ֗ תָּ֤קְעוּ כַף֙ עָלֶ֔יךָ כִּ֗י עַל־מִ֛י לֹֽא־עָבְרָ֥ה רָעָתְךָ֖ תָּמִֽיד׃ ʾeyn־kehah leshiverekha naḥelah makatekha kol ׀ shomeʿey shimeʿakha taqeʿu khaf ʿaleykha kiy ʿal־miy loʾ־ʿaverah raʿatekha tamiyd׃