1 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
2 דַּבֵּ֨ר אֶֽל־אַהֲרֹ֜ן וְאֶל־בָּנָ֗יו וְיִנָּֽזְרוּ֙ מִקָּדְשֵׁ֣י בְנֵֽי־יִשְׂרָאֵ֔ל וְלֹ֥א יְחַלְּל֖וּ אֶת־שֵׁ֣ם קָדְשִׁ֑י אֲשֶׁ֨ר הֵ֧ם מַקְדִּשִׁ֛ים לִ֖י אֲנִ֥י יְהוָֽה׃ daber ʾel־ʾaharon weʾel־banayw weyinazeru miqadeshey veney־yiseraʾel weloʾ yeḥalelu ʾet־shem qadeshiy ʾasher hem maqedishiym liy ʾaniy yehwah׃
3 אֱמֹ֣ר אֲלֵהֶ֗ם לְדֹרֹ֨תֵיכֶ֜ם כָּל־אִ֣ישׁ ׀ אֲשֶׁר־יִקְרַ֣ב מִכָּל־זַרְעֲכֶ֗ם אֶל־הַקֳּדָשִׁים֙ אֲשֶׁ֨ר יַקְדִּ֤ישׁוּ בְנֵֽי־יִשְׂרָאֵל֙ לַֽיהוָ֔ה וְטֻמְאָתֹ֖ו עָלָ֑יו וְנִכְרְתָ֞ה הַנֶּ֧פֶשׁ הַהִ֛וא מִלְּפָנַ֖י אֲנִ֥י יְהוָֽה׃ ʾemor ʾalehem ledoroteykhem kal־ʾiysh ׀ ʾasher־yiqerav mikal־zareʿakhem ʾel־haqodashiym ʾasher yaqediyshu veney־yiseraʾel layhwah weṭumeʾatow ʿalayw wenikheretah hanefesh hahiwʾ milefanay ʾaniy yehwah׃
4 אִ֣ישׁ אִ֞ישׁ מִזֶּ֣רַע אַהֲרֹ֗ן וְה֤וּא צָר֙וּעַ֙ אֹ֣ו זָ֔ב בַּקֳּדָשִׁים֙ לֹ֣א יֹאכַ֔ל עַ֖ד אֲשֶׁ֣ר יִטְהָ֑ר וְהַנֹּגֵ֙עַ֙ בְּכָל־טְמֵא־נֶ֔פֶשׁ אֹ֣ו אִ֔ישׁ אֲשֶׁר־תֵּצֵ֥א מִמֶּ֖נּוּ שִׁכְבַת־זָֽרַע׃ ʾiysh ʾiysh mizeraʿ ʾaharon wehuʾ tsaruaʿ ʾow zav baqodashiym loʾ yoʾkhal ʿad ʾasher yiṭehar wehanogeaʿ bekhal־ṭemeʾ־nefesh ʾow ʾiysh ʾasher־tetseʾ mimenu shikhevat־zaraʿ׃
5 אֹו־אִישׁ֙ אֲשֶׁ֣ר יִגַּ֔ע בְּכָל־שֶׁ֖רֶץ אֲשֶׁ֣ר יִטְמָא־לֹ֑ו אֹ֤ו בְאָדָם֙ אֲשֶׁ֣ר יִטְמָא־לֹ֔ו לְכֹ֖ל טֻמְאָתֹֽו׃ ʾow־ʾiysh ʾasher yigaʿ bekhal־sherets ʾasher yiṭemaʾ־low ʾow veʾadam ʾasher yiṭemaʾ־low lekhol ṭumeʾatow׃
6 נֶ֚פֶשׁ אֲשֶׁ֣ר תִּגַּע־בֹּ֔ו וְטָמְאָ֖ה עַד־הָעָ֑רֶב וְלֹ֤א יֹאכַל֙ מִן־הַקֳּדָשִׁ֔ים כִּ֛י אִם־רָחַ֥ץ בְּשָׂרֹ֖ו בַּמָּֽיִם׃ nefesh ʾasher tigaʿ־bow weṭameʾah ʿad־haʿarev weloʾ yoʾkhal min־haqodashiym kiy ʾim־raḥats besarow bamayim׃
7 וּבָ֥א הַשֶּׁ֖מֶשׁ וְטָהֵ֑ר וְאַחַר֙ יֹאכַ֣ל מִן־הַקֳּדָשִׁ֔ים כִּ֥י לַחְמֹ֖ו הֽוּא׃ uvaʾ hashemesh weṭaher weʾaḥar yoʾkhal min־haqodashiym kiy laḥemow huʾ׃
8 נְבֵלָ֧ה וּטְרֵפָ֛ה לֹ֥א יֹאכַ֖ל לְטָמְאָה־בָ֑הּ אֲנִ֖י יְהוָֽה׃ nevelah uṭerefah loʾ yoʾkhal leṭameʾah־vah ʾaniy yehwah׃
9 וְשָׁמְר֣וּ אֶת־מִשְׁמַרְתִּ֗י וְלֹֽא־יִשְׂא֤וּ עָלָיו֙ חֵ֔טְא וּמֵ֥תוּ בֹ֖ו כִּ֣י יְחַלְּלֻ֑הוּ אֲנִ֥י יְהוָ֖ה מְקַדְּשָֽׁם׃ weshameru ʾet־mishemaretiy weloʾ־yiseʾu ʿalayw ḥeṭeʾ umetu vow kiy yeḥaleluhu ʾaniy yehwah meqadesham׃
10 וְכָל־זָ֖ר לֹא־יֹ֣אכַל קֹ֑דֶשׁ תֹּושַׁ֥ב כֹּהֵ֛ן וְשָׂכִ֖יר לֹא־יֹ֥אכַל קֹֽדֶשׁ׃ wekhal־zar loʾ־yoʾkhal qodesh towshav kohen wesakhiyr loʾ־yoʾkhal qodesh׃
11 וְכֹהֵ֗ן כִּֽי־יִקְנֶ֥ה נֶ֙פֶשׁ֙ קִנְיַ֣ן כַּסְפֹּ֔ו ה֖וּא יֹ֣אכַל בֹּ֑ו וִילִ֣יד בֵּיתֹ֔ו הֵ֖ם יֹאכְל֥וּ בְלַחְמֹֽו׃ wekhohen kiy־yiqeneh nefesh qineyan kasepow huʾ yoʾkhal bow wiyliyd beytow hem yoʾkhelu velaḥemow׃
12 וּבַת־כֹּהֵ֔ן כִּ֥י תִהְיֶ֖ה לְאִ֣ישׁ זָ֑ר הִ֕וא בִּתְרוּמַ֥ת הַקֳּדָשִׁ֖ים לֹ֥א תֹאכֵֽל׃ uvat־kohen kiy tiheyeh leʾiysh zar hiwʾ biterumat haqodashiym loʾ toʾkhel׃
13 וּבַת־כֹּהֵן֩ כִּ֨י תִהְיֶ֜ה אַלְמָנָ֣ה וּגְרוּשָׁ֗ה וְזֶרַע֮ אֵ֣ין לָהּ֒ וְשָׁבָ֞ה אֶל־בֵּ֤ית אָבִ֙יהָ֙ כִּנְעוּרֶ֔יהָ מִלֶּ֥חֶם אָבִ֖יהָ תֹּאכֵ֑ל וְכָל־זָ֖ר לֹא־יֹ֥אכַל בֹּֽו׃ ס uvat־kohen kiy tiheyeh ʾalemanah ugerushah wezeraʿ ʾeyn lah weshavah ʾel־beyt ʾaviyha kineʿureyha mileḥem ʾaviyha toʾkhel wekhal־zar loʾ־yoʾkhal bow׃ s
14 וְאִ֕ישׁ כִּֽי־יֹאכַ֥ל קֹ֖דֶשׁ בִּשְׁגָגָ֑ה וְיָסַ֤ף חֲמִֽשִׁיתֹו֙ עָלָ֔יו וְנָתַ֥ן לַכֹּהֵ֖ן אֶת־הַקֹּֽדֶשׁ׃ weʾiysh kiy־yoʾkhal qodesh bishegagah weyasaf ḥamishiytow ʿalayw wenatan lakohen ʾet־haqodesh׃
15 וְלֹ֣א יְחַלְּל֔וּ אֶת־קָדְשֵׁ֖י בְּנֵ֣י יִשְׂרָאֵ֑ל אֵ֥ת אֲשֶׁר־יָרִ֖ימוּ לַיהוָֽה׃ weloʾ yeḥalelu ʾet־qadeshey beney yiseraʾel ʾet ʾasher־yariymu layhwah׃
16 וְהִשִּׂ֤יאוּ אֹותָם֙ עֲוֹ֣ן אַשְׁמָ֔ה בְּאָכְלָ֖ם אֶת־קָדְשֵׁיהֶ֑ם כִּ֛י אֲנִ֥י יְהוָ֖ה מְקַדְּשָֽׁם׃ פ wehisiyʾu ʾowtam ʿaon ʾashemah beʾakhelam ʾet־qadesheyhem kiy ʾaniy yehwah meqadesham׃ f
17 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
18 דַּבֵּ֨ר אֶֽל־אַהֲרֹ֜ן וְאֶל־בָּנָ֗יו וְאֶל֙ כָּל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אִ֣ישׁ אִישׁ֩ מִבֵּ֨ית יִשְׂרָאֵ֜ל וּמִן־הַגֵּ֣ר בְּיִשְׂרָאֵ֗ל אֲשֶׁ֨ר יַקְרִ֤יב קָרְבָּנֹו֙ לְכָל־נִדְרֵיהֶם֙ וּלְכָל־נִדְבֹותָ֔ם אֲשֶׁר־יַקְרִ֥יבוּ לַיהוָ֖ה לְעֹלָֽה׃ daber ʾel־ʾaharon weʾel־banayw weʾel kal־beney yiseraʾel weʾamareta ʾalehem ʾiysh ʾiysh mibeyt yiseraʾel umin־hager beyiseraʾel ʾasher yaqeriyv qarebanow lekhal־nidereyhem ulekhal־nidevowtam ʾasher־yaqeriyvu layhwah leʿolah׃
19 לִֽרְצֹנְכֶ֑ם תָּמִ֣ים זָכָ֔ר בַּבָּקָ֕ר בַּכְּשָׂבִ֖ים וּבָֽעִזִּֽים׃ liretsonekhem tamiym zakhar babaqar bakesaviym uvaʿiziym׃
20 כֹּ֛ל אֲשֶׁר־בֹּ֥ו מ֖וּם לֹ֣א תַקְרִ֑יבוּ כִּי־לֹ֥א לְרָצֹ֖ון יִהְיֶ֥ה לָכֶֽם׃ kol ʾasher־bow mum loʾ taqeriyvu kiy־loʾ leratsown yiheyeh lakhem׃
21 וְאִ֗ישׁ כִּֽי־יַקְרִ֤יב זֶֽבַח־שְׁלָמִים֙ לַיהוָ֔ה לְפַלֵּא־נֶ֙דֶר֙ אֹ֣ו לִנְדָבָ֔ה בַּבָּקָ֖ר אֹ֣ו בַצֹּ֑אן תָּמִ֤ים יִֽהְיֶה֙ לְרָצֹ֔ון כָּל־מ֖וּם לֹ֥א יִהְיֶה־בֹּֽו׃ weʾiysh kiy־yaqeriyv zevaḥ־shelamiym layhwah lefaleʾ־neder ʾow linedavah babaqar ʾow vatsoʾn tamiym yiheyeh leratsown kal־mum loʾ yiheyeh־bow׃
22 עַוֶּרֶת֩ אֹ֨ו שָׁב֜וּר אֹו־חָר֣וּץ אֹֽו־יַבֶּ֗לֶת אֹ֤ו גָרָב֙ אֹ֣ו יַלֶּ֔פֶת לֹא־תַקְרִ֥יבוּ אֵ֖לֶּה לַיהוָ֑ה וְאִשֶּׁ֗ה לֹא־תִתְּנ֥וּ מֵהֶ֛ם עַל־הַמִּזְבֵּ֖חַ לַיהוָֽה׃ ʿaueret ʾow shavur ʾow־ḥaruts ʾow־yabelet ʾow garav ʾow yalefet loʾ־taqeriyvu ʾeleh layhwah weʾisheh loʾ־titenu mehem ʿal־hamizebeaḥ layhwah׃
23 וְשֹׁ֥ור וָשֶׂ֖ה שָׂר֣וּעַ וְקָל֑וּט נְדָבָה֙ תַּעֲשֶׂ֣ה אֹתֹ֔ו וּלְנֵ֖דֶר לֹ֥א יֵרָצֶֽה׃ weshowr waseh saruaʿ weqaluṭ nedavah taʿaseh ʾotow uleneder loʾ yeratseh׃
24 וּמָע֤וּךְ וְכָתוּת֙ וְנָת֣וּק וְכָר֔וּת לֹ֥א תַקְרִ֖יבוּ לַֽיהוָ֑ה וּֽבְאַרְצְכֶ֖ם לֹ֥א תַעֲשֽׂוּ׃ umaʿukhe wekhatut wenatuq wekharut loʾ taqeriyvu layhwah uveʾaretsekhem loʾ taʿasu׃
25 וּמִיַּ֣ד בֶּן־נֵכָ֗ר לֹ֥א תַקְרִ֛יבוּ אֶת־לֶ֥חֶם אֱלֹהֵיכֶ֖ם מִכָּל־אֵ֑לֶּה כִּ֣י מָשְׁחָתָ֤ם בָּהֶם֙ מ֣וּם בָּ֔ם לֹ֥א יֵרָצ֖וּ לָכֶֽם׃ פ umiyad ben־nekhar loʾ taqeriyvu ʾet־leḥem ʾeloheykhem mikal־ʾeleh kiy masheḥatam bahem mum bam loʾ yeratsu lakhem׃ f
26 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
27 שֹׁ֣ור אֹו־כֶ֤שֶׂב אֹו־עֵז֙ כִּ֣י יִוָּלֵ֔ד וְהָיָ֛ה שִׁבְעַ֥ת יָמִ֖ים תַּ֣חַת אִמֹּ֑ו וּמִיֹּ֤ום הַשְּׁמִינִי֙ וָהָ֔לְאָה יֵרָצֶ֕ה לְקָרְבַּ֥ן אִשֶּׁ֖ה לַיהוָֽה׃ showr ʾow־khesev ʾow־ʿez kiy yiualed wehayah shiveʿat yamiym taḥat ʾimow umiyowm hashemiyniy wahaleʾah yeratseh leqareban ʾisheh layhwah׃
28 וְשֹׁ֖ור אֹו־שֶׂ֑ה אֹתֹ֣ו וְאֶת־בְּנֹ֔ו לֹ֥א תִשְׁחֲט֖וּ בְּיֹ֥ום אֶחָֽד׃ weshowr ʾow־seh ʾotow weʾet־benow loʾ tisheḥaṭu beyowm ʾeḥad׃
29 וְכִֽי־תִזְבְּח֥וּ זֶֽבַח־תֹּודָ֖ה לַיהוָ֑ה לִֽרְצֹנְכֶ֖ם תִּזְבָּֽחוּ׃ wekhiy־tizebeḥu zevaḥ־towdah layhwah liretsonekhem tizebaḥu׃
30 בַּיֹּ֤ום הַהוּא֙ יֵאָכֵ֔ל לֹֽא־תֹותִ֥ירוּ מִמֶּ֖נּוּ עַד־בֹּ֑קֶר אֲנִ֖י יְהוָֽה׃ bayowm hahuʾ yeʾakhel loʾ־towtiyru mimenu ʿad־boqer ʾaniy yehwah׃
31 וּשְׁמַרְתֶּם֙ מִצְוֹתַ֔י וַעֲשִׂיתֶ֖ם אֹתָ֑ם אֲנִ֖י יְהוָֽה׃ ushemaretem mitseotay waʿasiytem ʾotam ʾaniy yehwah׃
32 וְלֹ֤א תְחַלְּלוּ֙ אֶת־שֵׁ֣ם קָדְשִׁ֔י וְנִ֨קְדַּשְׁתִּ֔י בְּתֹ֖וךְ בְּנֵ֣י יִשְׂרָאֵ֑ל אֲנִ֥י יְהוָ֖ה מְקַדִּשְׁכֶֽם׃ weloʾ teḥalelu ʾet־shem qadeshiy weniqedashetiy betowkhe beney yiseraʾel ʾaniy yehwah meqadishekhem׃
33 הַמֹּוצִ֤יא אֶתְכֶם֙ מֵאֶ֣רֶץ מִצְרַ֔יִם לִהְיֹ֥ות לָכֶ֖ם לֵאלֹהִ֑ים אֲנִ֖י יְהוָֽה׃ פ hamowtsiyʾ ʾetekhem meʾerets mitserayim liheyowt lakhem leʾlohiym ʾaniy yehwah׃ f