Job 38

¹ וַיַּֽעַן־יְהוָ֣ה אֶת־אִ֭יֹּוב [מִן כ] [הַסְּעָרָה כ] (מִ֥ן ׀ ק) (הַסְּעָרָ֗ה ק) וַיֹּאמַֽר׃ wayaʿan־yehwah ʾet־ʾiyowv [min kh] [haseʿarah kh] (min ׀ q) (haseʿarah q) wayoʾmar׃

² מִ֤י זֶ֨ה ׀ מַחְשִׁ֖יךְ עֵצָ֥ה בְמִלִּ֗ין בְּֽלִי־דָֽעַת׃ miy zeh ׀ maḥeshiykhe ʿetsah vemiliyn beliy־daʿat׃

³ אֱזָר־נָ֣א כְגֶ֣בֶר חֲלָצֶ֑יךָ וְ֝אֶשְׁאָלְךָ֗ וְהֹודִיעֵֽנִי׃ ʾezar־naʾ khegever ḥalatseykha weʾesheʾalekha wehowdiyʿeniy׃

⁴ אֵיפֹ֣ה הָ֭יִיתָ בְּיָסְדִי־אָ֑רֶץ הַ֝גֵּ֗ד אִם־יָדַ֥עְתָּ בִינָֽה׃ ʾeyfoh hayiyta beyasediy־ʾarets haged ʾim־yadaʿeta viynah׃

⁵ מִי־שָׂ֣ם מְ֭מַדֶּיהָ כִּ֣י תֵדָ֑ע אֹ֤ו מִֽי־נָטָ֖ה עָלֶ֣יהָ קָּֽו׃ miy־sam memadeyha kiy tedaʿ ʾow miy־naṭah ʿaleyha qaw׃

⁶ עַל־מָ֭ה אֲדָנֶ֣יהָ הָטְבָּ֑עוּ אֹ֥ו מִֽי־יָ֝רָ֗ה אֶ֣בֶן פִּנָּתָֽהּ׃ ʿal־mah ʾadaneyha haṭebaʿu ʾow miy־yarah ʾeven pinatah׃

⁷ בְּרָן־יַ֭חַד כֹּ֣וכְבֵי בֹ֑קֶר וַ֝יָּרִ֗יעוּ כָּל־בְּנֵ֥י אֱלֹהִֽים׃ beran־yaḥad kowkhevey voqer wayariyʿu kal־beney ʾelohiym׃

⁸ וַיָּ֣סֶךְ בִּדְלָתַ֣יִם יָ֑ם בְּ֝גִיחֹ֗ו מֵרֶ֥חֶם יֵצֵֽא׃ wayasekhe bidelatayim yam begiyḥow mereḥem yetseʾ׃

⁹ בְּשׂוּמִ֣י עָנָ֣ן לְבֻשֹׁ֑ו וַ֝עֲרָפֶ֗ל חֲתֻלָּתֹֽו׃ besumiy ʿanan levushow waʿarafel ḥatulatow׃

¹⁰ וָאֶשְׁבֹּ֣ר עָלָ֣יו חֻקִּ֑י וָֽ֝אָשִׂ֗ים בְּרִ֣יחַ וּדְלָתָֽיִם׃ waʾeshebor ʿalayw ḥuqiy waʾasiym beriyḥa udelatayim׃

¹¹ וָאֹמַ֗ר עַד־פֹּ֣ה תָ֭בֹוא וְלֹ֣א תֹסִ֑יף וּפֹ֥א־יָ֝שִׁ֗ית בִּגְאֹ֥ון גַּלֶּֽיךָ׃ waʾomar ʿad־poh tavowʾ weloʾ tosiyf ufoʾ־yashiyt bigeʾown galeykha׃

¹² הְֽ֭מִיָּמֶיךָ צִוִּ֣יתָ בֹּ֑קֶר [יִדַּעְתָּה כ] [שַׁחַר כ] (יִדַּ֖עְתָּ ק) (הַשַּׁ֣חַר ק) מְקֹמֹֽו׃ hemiyameykha tsiuiyta boqer [yidaʿetah kh] [shaḥar kh] (yidaʿeta q) (hashaḥar q) meqomow׃

¹³ לֶ֭אֱחֹז בְּכַנְפֹ֣ות הָאָ֑רֶץ וְיִנָּעֲר֖וּ רְשָׁעִ֣ים מִמֶּֽנָּה׃ leʾeḥoz bekhanefowt haʾarets weyinaʿaru reshaʿiym mimenah׃

¹⁴ תִּ֭תְהַפֵּךְ כְּחֹ֣מֶר חֹותָ֑ם וְ֝יִֽתְיַצְּב֗וּ כְּמֹ֣ו לְבֽוּשׁ׃ titehapekhe keḥomer ḥowtam weyiteyatsevu kemow levush׃

¹⁵ וְיִמָּנַ֣ע מֵרְשָׁעִ֣ים אֹורָ֑ם וּזְרֹ֥ועַ רָ֝מָ֗ה תִּשָּׁבֵֽר׃ weyimanaʿ mereshaʿiym ʾowram uzerowʿa ramah tishaver׃

¹⁶ הֲ֭בָאתָ עַד־נִבְכֵי־יָ֑ם וּבְחֵ֥קֶר תְּ֝הֹ֗ום הִתְהַלָּֽכְתָּ׃ havaʾta ʿad־nivekhey־yam uveḥeqer tehowm hitehalakheta׃

¹⁷ הֲנִגְל֣וּ לְ֭ךָ שַׁעֲרֵי־מָ֑וֶת וְשַׁעֲרֵ֖י צַלְמָ֣וֶת תִּרְאֶֽה׃ hanigelu lekha shaʿarey־mawet weshaʿarey tsalemawet tireʾeh׃

¹⁸ הִ֭תְבֹּנַנְתָּ עַד־רַחֲבֵי־אָ֑רֶץ הַ֝גֵּ֗ד אִם־יָדַ֥עְתָּ כֻלָּֽהּ׃ hitebonaneta ʿad־raḥavey־ʾarets haged ʾim־yadaʿeta khulah׃

¹⁹ אֵי־זֶ֣ה הַ֭דֶּרֶךְ יִשְׁכָּן־אֹ֑ור וְ֝חֹ֗שֶׁךְ אֵי־זֶ֥ה מְקֹמֹֽו׃ ʾey־zeh haderekhe yishekan־ʾowr weḥoshekhe ʾey־zeh meqomow׃

²⁰ כִּ֣י תִ֭קָּחֶנּוּ אֶל־גְּבוּלֹ֑ו וְכִֽי־תָ֝בִ֗ין נְתִיבֹ֥ות בֵּיתֹֽו׃ kiy tiqaḥenu ʾel־gevulow wekhiy־taviyn netiyvowt beytow׃

²¹ יָ֭דַעְתָּ כִּי־אָ֣ז תִּוָּלֵ֑ד וּמִסְפַּ֖ר יָמֶ֣יךָ רַבִּֽים׃ yadaʿeta kiy־ʾaz tiualed umisepar yameykha rabiym׃

²² הֲ֭בָאתָ אֶל־אֹצְרֹ֣ות שָׁ֑לֶג וְאֹצְרֹ֖ות בָּרָ֣ד תִּרְאֶֽה׃ havaʾta ʾel־ʾotserowt shaleg weʾotserowt barad tireʾeh׃

²³ אֲשֶׁר־חָשַׂ֥כְתִּי לְעֶת־צָ֑ר לְיֹ֥ום קְ֝רָ֗ב וּמִלְחָמָֽה׃ ʾasher־ḥasakhetiy leʿet־tsar leyowm qerav umileḥamah׃

²⁴ אֵי־זֶ֣ה הַ֭דֶּרֶךְ יֵחָ֣לֶק אֹ֑ור יָפֵ֖ץ קָדִ֣ים עֲלֵי־אָֽרֶץ׃ ʾey־zeh haderekhe yeḥaleq ʾowr yafets qadiym ʿaley־ʾarets׃

²⁵ מִֽי־פִלַּ֣ג לַשֶּׁ֣טֶף תְּעָלָ֑ה וְ֝דֶ֗רֶךְ לַחֲזִ֥יז קֹלֹֽות׃ miy־filag lasheṭef teʿalah wederekhe laḥaziyz qolowt׃

²⁶ לְ֭הַמְטִיר עַל־אֶ֣רֶץ לֹא־אִ֑ישׁ מִ֝דְבָּ֗ר לֹא־אָדָ֥ם בֹּֽו׃ lehameṭiyr ʿal־ʾerets loʾ־ʾiysh midebar loʾ־ʾadam bow׃

²⁷ לְהַשְׂבִּ֣יעַ שֹׁ֖אָה וּמְשֹׁאָ֑ה וּ֝לְהַצְמִ֗יחַ מֹ֣צָא דֶֽשֶׁא׃ lehasebiyʿa shoʾah umeshoʾah ulehatsemiyḥa motsaʾ desheʾ׃

²⁸ הֲיֵשׁ־לַמָּטָ֥ר אָ֑ב אֹ֥ו מִי־הֹ֝ולִ֗יד אֶגְלֵי־טָֽל׃ hayesh־lamaṭar ʾav ʾow miy־howliyd ʾegeley־ṭal׃

²⁹ מִבֶּ֣טֶן מִ֭י יָצָ֣א הַקָּ֑רַח וּכְפֹ֥ר מַיִם מִ֣י יְלָדֹֽו׃ mibeṭen miy yatsaʾ haqaraḥ ukhefor mayim miy yeladow׃

³⁰ כָּ֭אֶבֶן מַ֣יִם יִתְחַבָּ֑אוּ וּפְנֵ֥י תְ֝הֹ֗ום יִתְלַכָּֽדוּ׃ kaʾeven mayim yiteḥabaʾu ufeney tehowm yitelakadu׃

³¹ הַֽ֭תְקַשֵּׁר מַעֲדַנֹּ֣ות כִּימָ֑ה אֹֽו־מֹשְׁכֹ֖ות כְּסִ֣יל תְּפַתֵּֽחַ׃ hateqasher maʿadanowt kiymah ʾow־moshekhowt kesiyl tefateaḥ׃

³² הֲתֹצִ֣יא מַזָּרֹ֣ות בְּעִתֹּ֑ו וְ֝עַ֗יִשׁ עַל־בָּנֶ֥יהָ תַנְחֵֽם׃ hatotsiyʾ mazarowt beʿitow weʿayish ʿal־baneyha taneḥem׃

³³ הֲ֭יָדַעְתָּ חֻקֹּ֣ות שָׁמָ֑יִם אִם־תָּשִׂ֖ים מִשְׁטָרֹ֣ו בָאָֽרֶץ׃ hayadaʿeta ḥuqowt shamayim ʾim־tasiym misheṭarow vaʾarets׃

³⁴ הֲתָרִ֣ים לָעָ֣ב קֹולֶ֑ךָ וְֽשִׁפְעַת־מַ֥יִם תְּכַסֶּֽךָּ׃ hatariym laʿav qowlekha weshifeʿat־mayim tekhaseka׃

³⁵ הַֽתְשַׁלַּ֣ח בְּרָקִ֣ים וְיֵלֵ֑כוּ וְיֹאמְר֖וּ לְךָ֣ הִנֵּֽנוּ׃ hateshalaḥ beraqiym weyelekhu weyoʾmeru lekha hinenu׃

³⁶ מִישָׁ֭־ת בַּטֻּחֹ֣ות חָכְמָ֑ה אֹ֤ו מִֽי־נָתַ֖ן לַשֶּׂ֣כְוִי בִינָֽה׃ miysha־t baṭuḥowt ḥakhemah ʾow miy־natan lasekhewiy viynah׃

³⁷ מִֽי־יְסַפֵּ֣ר שְׁחָקִ֣ים בְּחָכְמָ֑ה וְנִבְלֵ֥י מַ֗יִם מִ֣י יַשְׁכִּֽיב׃ miy־yesaper sheḥaqiym beḥakhemah weniveley mayim miy yashekiyv׃

³⁸ בְּצֶ֣קֶת עָ֭פָר לַמּוּצָ֑ק וּרְגָבִ֥ים יְדֻבָּֽקוּ׃ betseqet ʿafar lamutsaq uregaviym yedubaqu׃

³⁹ הֲתָצ֣וּד לְלָבִ֣יא טָ֑רֶף וְחַיַּ֖ת כְּפִירִ֣ים תְּמַלֵּֽא׃ hatatsud lelaviyʾ ṭaref weḥayat kefiyriym temaleʾ׃

⁴⁰ כִּי־יָשֹׁ֥חוּ בַמְּעֹונֹ֑ות יֵשְׁב֖וּ בַסֻּכָּ֣ה לְמֹו־אָֽרֶב׃ kiy־yashoḥu vameʿownowt yeshevu vasukah lemow־ʾarev׃

⁴¹ מִ֤י יָכִ֥ין לָעֹרֵ֗ב צֵ֫ידֹ֥ו כִּֽי־ [יְלָדֹו כ] (יְ֭לָדָיו ק) אֶל־אֵ֣ל יְשַׁוֵּ֑עוּ יִ֝תְע֗וּ לִבְלִי־אֹֽכֶל׃ miy yakhiyn laʿorev tseydow kiy־ [yeladow kh] (yeladayw q) ʾel־ʾel yeshaueʿu yiteʿu liveliy־ʾokhel׃